嚟自韩国嘅人气炸鸡店，凭借外脆内软、juicy多汁嘅香喷喷炸鸡深受炸鸡狂迷嘅喜爱，喺韩国更加有超过2,000间分店。最近餐厅喺铜锣湾核心地带插旗开分店，除咗有招牌炸鸡外，新店仲独家供应2款全新口味嘅炸鸡同埋多款韩式地道小食𠻹，而家港岛都食到喇！
【铜锣湾新店！独家炸鸡】
店家大部分食材都系由韩国空运到港，而且选用较健康嘅葵花籽油炮制炸鸡，食起嚟无咁大负担之馀，又可以食出韩式滋味！
Red King东方式火辣炸鸡(原只鸡/鸡翼6只/鸡腿6只)
嗜辣人士有口福啦！BHC铜锣湾新店限定嘅新口味炸鸡，以东方式火辣酱为主调，表面撒上辣椒同大蒜点缀，惹火creamy味道为舌尖带嚟麻痹感，好爽啊～
辣味乾酪炸鸡(原只鸡/鸡翼6只/鸡腿6只)
韩国炸鸡点少得乾酪呢？香港限定嘅辣味乾酪炸鸡酥脆肉滑，表面撒上灵魂甜辣乾酪粉，甜甜哋又带辛辣刺激感，有种令人食上瘾嘅魔力，每一啖都要沾满乾酪粉!!
【招牌香甜乾酪炸鸡】全线分店有售
BHC嘅经典招牌炸鸡食极唔厌，招牌乾酪炸鸡结合香甜乾酪粉同激脆外皮，食落好有冲击，层次好丰富！
【铜锣湾新店！独家韩式小食】
香辣鱼板汤
鱼板串系经典韩国料理之一，餐厅会以高汤慢火炖煮鱼板至鲜甜弹牙，再浸泡喺香辣惹味嘅韩式辣汤内，同朋友一齐开心share就啱晒啦！
炖辛奇
韩国菜一定要有辛奇（又称为泡菜），呢款充满当地传统风味嘅菜式，集合辣炖猪肉、泡菜、软年糕同鱼板炮制而成，再以蒜同薑调出香味，一嚐韩式经典味道。
烟韧麻花系列
BHC仲将当地嘅人气街头小食—烟韧麻花带到新店，分别有红豆沙、奶油乾酪口味，前者塞满甜蜜浓郁嘅红豆沙馅蓉；后者以奶油乾酪+车打乾酪作内馅，有咸有甜，任君选择。
香肠年糕串系列
烟烟韧韧嘅年糕串真系好难抗拒啊！呢到会供应2款口味，辣味用咗东方式火辣酱均匀搽满爆汁肠上，惹火又好味；乾酪味就洒满BHC招牌甜蜜乾酪粉，超级邪恶啊！
BHC
地址: 旺角登打士街43H号登打士广场1楼
电话: 23220090
