韩国过江龙“Pizza Maru”一直好受食客欢迎。由7月15日起,佢哋推出全新韩式风味Menu推出创意菜式,包括韩味十足嘅薄饼同炸鸡、香浓义大利饭及捲粉。另外,招牌炸鸡系列都有升级礼遇跟配小食,再试埋新口味韩式辣酱海年糕,饮返杯冰冻手工啤,约埋大班人一齐享受清凉夏日!
【惊喜Menu 踢走闷热感】韩风新品登场!
今个夏日带来全新滋味,好啱钟意酸甜香辣口味嘅大家。一边歎新品,再饮返杯冰冻韩式特饮,绝对系夏日消暑「凉」方!
Pizza Maru嘅健康面团喺韩国荣获国家专利,独特手工批底选用黑米等12种天然谷物,混合后低温发酵至少24小时,好啱追求健康又嘴馋嘅大家。
![](https://www.openrice.com/userphoto/CMSContent/0/8L/001P6P516289D93D82B171j.jpg)
![](https://www.openrice.com/userphoto/CMSContent/0/8L/001P6QE745D8C6C853E275j.jpg)
鸭皇至尊薄饼($158/10吋;$188/13吋)
酥脆薄饼底加上烟燻番茄酱同鲜嫩鸭胸,一齐食又几夹㖞。仲有京葱同车厘茄添加清爽味道,食出清新香浓口味。
![](https://www.openrice.com/userphoto/CMSContent/0/8L/001P6R7DEAF4ADD1E53D6Ej.jpg)
紫菜烤鸡薄饼($148/10吋;$178/13吋)
坊间一式一样嘅pizza未必满足到你,但呢度有好多韩式配搭令人眼前一亮!以开胃嘅烤鸡酱为基底,加入香烤鸡肉+海盐味韩国紫菜,一啖食晒咁多款配料,味道同层次相当丰富~
![](https://www.openrice.com/userphoto/CMSContent/0/8L/001P6S3CEADF7F74934133j.jpg)
韩式青椒辣酱秘制炸鸡($128/6件;$228/12件)
呢度嘅炸鸡选用新鲜春鸡,炸完肉质都咁嫩滑。食落香脆可口,蘸埋香辣creamy嘅秘制青椒蛋黄酱同醃制青椒一齐食,啱啱好可以中和炸鸡嘅热气感。
![](https://www.openrice.com/userphoto/CMSContent/0/8L/001P6TD452A89192354629j.jpg)
斗魂海鲜麻花捲粉($197/份)
最近天气咁热,必点呢款新品勾起食慾!!! 选用特制香辣酱汁刺激一下味蕾,酱汁挂喺麻花捲粉上面好开胃。鲜味十足嘅Q弹鲜虾+蠔令整道菜式嘅鲜味再昇华,好啱夏日炎炎叹吓。
![](https://www.openrice.com/userphoto/CMSContent/0/8L/001P6U81F33A8EF9BE765Dj.jpg)
鲍鱼肝酱海螺义大利饭($188/份)
钟意creamy浓味嘅你唔可以错过呢度嘅意大饭~秘制鲍鱼肝奶油酱煮至浓稠杰身,酱汁包住每粒饭好正㗎!仲有烟韧弹牙海螺丰富口感,每一啖都食到鲜味,成碟食晒都唔怕腻。
![](https://www.openrice.com/userphoto/CMSContent/0/8L/001P6VC5B8B18ACD55E27Cj.jpg)
【人气炸鸡升级配惹味小食】
食韩国菜梗系要有炸鸡先够尽兴啦!而家 “Pizza Maru” 嘅香脆炸鸡系列推出升级礼遇,额外加入指定惹味小食,可以食吓炸鸡又食吓小食,好过瘾~
蜂蜜蒜泥秘制炸鸡配虾片($139/6件;$239/12件)
炸物lover报到!炸鸡已经够邪恶,加埋激脆虾片一齐食咪双倍邪恶;蜂蜜蒜泥酱浓厚香甜,恰好平衡炸物油腻感,几惊喜㗎。
![](https://www.openrice.com/userphoto/CMSContent/0/8L/001P6WD5BB1585007DAB25j.jpg)
蜂蜜牛油秘制炸鸡配新鲜粟米烧($139/6件;$239/12件)
经典不败组合嘅蜂蜜牛油真系超级正!鸡皮炸到金黄酥脆,一咬开仲爆出肉汁。伴有新鲜粟米解解腻,整体更加香脆甜蜜。
![](https://www.openrice.com/userphoto/CMSContent/0/8L/001P6XEDA88D6F17F71FE1j.jpg)
蒜香甜辣秘制炸鸡配炸莲藕片($139/6件;$239/12件)
甜辣酱可以话系韩国菜嘅精髓,配香脆炸鸡系好经典嘅组合。味道强烈嘅蒜香甜辣一点都不辣~夹埋爽口炸莲藕片一嚐双重口感。
![](https://www.openrice.com/userphoto/CMSContent/0/8L/001P6Y30508D33681A0C60j.jpg)
首尔酱油咖哩炸鸡配香脆炸薯角($139/6件;$239/12件)
呢款长期热卖酱油咖哩味配搭大人细路都抗拒唔到嘅炸薯角,忍唔住食完一嚿又一嚿。
![](https://www.openrice.com/userphoto/CMSContent/0/8L/001P6Z17E575E9A1CDE8C5j.jpg)
火辣秘制炸鸡配鲜甜炸莲藕片($139/6件;$239/12件)
嚐辣人士一定要试吓秘制辣酱炸鸡,浓郁酱汁沾满炸鸡再黎多啖炸莲藕片立即感受到辣酱带来刺激感啊~
![](https://www.openrice.com/userphoto/CMSContent/0/8L/001P70E622505D752A9E34j.jpg)
韩式辣酱海鲜年糕($123/份)
去到韩国旅行,一定要食韩式年糕先够完满,而家唔洗飞都食到喇~全新口味韩式辣酱质地浓稠厚身,铺满海鲜配料+弹牙年糕,唔单只食落有咬口,仲有置身喺首尔街头小吃档嘅风味𠻹。
![](https://www.openrice.com/userphoto/CMSContent/0/8L/001P71672F0BC57BCA972Ej.jpg)
Pizza Maru
Facebook: https://www.facebook.com/pizzamaruhk