终于唔使食外卖喇！最近出返嚟堂食，梗系率先去食好嘢兼食埋气氛嘅餐厅啦。喺旺角同尖沙咀都有嘅「Lab Eat」，主打西式fusion 菜，5月仲多咗好多手工打卡菜式。
2间分店有唔同嘅感觉。旺角分店开扬活泼啲，好啱约朋友闺蜜；尖沙咀分店就挂满灯泡，气氛浪漫啱情侣约会。
旺角店以木系、蓝色为主调，有落地玻璃好开扬。
尖沙咀店挂满灯泡，好有气氛。
而家5月5日起，2间分店都同步推出新一季餐牌！钟意食海鲜、法国料理、鹅肝、黑毛猪嘅必睇，有啲菜式仲极考手艺，甚至依法国传统做法好花时间整㗎。
【旺角店限定】超美！海鲜创作料理
呢道创作料理超靓！华丽4格摆盘，将日本北海道刺身级带子、鲍鱼、红虾膏一同上枱。
海鲜创作料理摆盘，摆盘华美。
(左) 北海道刺身级带子，配以海胆、红虾膏制成嘅酱汁。
(右) 鲍鱼以清酒、昆布清炖2小时，配上萝卜、青芥末好清新。
(左) 将昆布、木鱼花日本高汤啫喱，包住12小时慢煮鲍鱼。
(右) 融合日本中拖罗蓉、海胆，鲜甜又软绵。
熟成x慢煮x炭烧 西班牙黑毛猪
好多人都知西班牙伊比利亚黑毛猪系用橡果餵饲，所以食落有种独特橡果香，完全唔羶。
今次再下一城，将黑毛猪熟成处理保留肉汁外，再以低温慢煮、高温炭烧方法，焦香得嚟又够肉嫩。
手工料理 法国油封鸭髀
依据传统法式做法，自家用上72小时全人手处理，先可以做到咁皮脆肉香嘅鸭髀，配埋鸭肝嘅油香真系一绝。
满满油香～西班牙黑毛猪48月火腿
以栗子餵饲嘅西班牙黑毛猪，脂肪油脂分布好平均，入口甘香又有淡淡栗子味。
极珍贵菌类 法国羊肚菌露笋意粉
法国羊肚菌系世界最珍贵菇类之一，菌香极浓，有淡淡烟燻、坚果香味又健康。意粉望落简单，其实系用羊肚菇煮制，食落超香浓。
最顶级鹅肝！配自家新鲜果酱
鹅肝非鸭肝可媲美，呢度更将鹅肝切得特厚，为咗可做到外层煎得焦香，但内里保持到4至5成熟咁软嫩。配上传统焦糖苹果同埋自己做嘅新鲜果酱。
夏日必食！水果芭菲
极玩味将热情果、芒果芭菲变成扭计骰般造型，加埋底部新鲜椰青水啫喱，一甜一酸冲撃味觉。
淋上柠檬蜜糖酱！传统法国甜品
将柠檬蜜糖酱淋上超美白朱古力波波上，朱古力溶化后原来内里系柠檬义大利雪芭，恰好甜酸度为晚饭划上完美句号。
【多款即调鸡尾酒】
利用蔓越莓汁、玫瑰风味加上琴酒，形成多层次风味鸡尾酒。
以自家调配百香果风味混合酒，加上优质红酒形成口感独特而容易入口嘅鸡尾酒。
自家制大吉岭红茶风味酒以水蜜桃、鲜果撞上茶，带出甜酸风味。
以优质咖啡配合自家制焦糖，既有咖啡香又有焦糖轻甜。
于2022年4月29日至6月9日期间，首【10】名用户于【Lab Eat Restaurant & Bar】使用相应OpenRice服务，消费满【$100.1 】并输入【MME20L】即减【$100】！仲等咩？快啲约埋饭脚开餐啦！