下昼想揾间海景餐厅chill吓，将军澳海傍呢间“The Hunter”就有抵食Lunch Menu午市套餐，可以用划算价钱食佢哋出名嘅熟成牛扒!! 店内唔只有熟成牛扒柜，仲有西班牙名牌烧烤炉Josper Grill，即场炭烧肉扒㗎。
“The Hunter”嘅炭烧牛扒最出名。
下昼可以望住靓海景chill吓。
午市套餐有前菜、主菜&Josper Grill、是日甜品、饮品。价钱依主菜决定，有T骨羊扒$218、粟饲半只黄油鸡 配薯跟蒜蓉汁$188、煎鲷鱼$208等。而最吸引一定系21日干式熟成肉眼扒$368，直接喺店内熟成柜拎出嚟炭烧，经熟成后牛扒肉味更浓郁，独特风味加埋炭香真系几正。
用餐区可以见到熟成牛扒柜，即叫即炭烧。
海鲜都系由外籍大厨即场煎制。午市就有煎鲷鱼配甜椒、茄子、番茄。
【前菜4选1】
“The Hunter”系食健康嘅地中海菜，当地人主要用天然香草、水果调味，好保留到食材原始风味。
大虾沙律(The Hunter Shrimp Salad)
前菜有餐汤、沙律4选1。私心推荐呢道大虾沙律，用青木瓜、杂锦生菜、大虾、酱油制成，清爽鲜味。
【主菜&Josper Grill 8选1】
炭烧21日熟成肉眼扒(21-Day Dry age Ribeye 300g)$368
午市套餐有咁多款主菜拣，身为牛扒控一定会拣炭烧熟成牛扒，足足300g真系好幸福呀!! 牛扒经干式熟成处理后，肉中天然酶素会分解蛋白质、脂肪同碳水化合物，并释放氨基酸、脂肪酸等，令牛扒风味更浓郁、肉质更松软。加埋即场炭烧，高温逼出肉香、锁住肉汁，锯完块靓扒真系全日都keep住好心情。
T骨羊扒(Lamb T-Bone)$218
虽然“The Hunter”嘅熟成牛扒最出名，其实全店系主打地中海菜，所以有好多地道料理㗎。当地嘅羊料理就系名物之一，T骨羊扒系用烧烤炉Josper Grill烧，瞬间锁住肉汁，近骨位嘅肉味仲特别香㗎。
后腿肉牛排(Rump)$288
钟意有肉感嘅话，可以拣呢款后腿肉牛排。因为后腿肉系经常运动嘅位，所以肉质较紮实、油脂唔多。口感特别有嚼劲，系越咬越有肉味嗰种感觉。
THE HUNTER午市套餐菜单
THE HUNTER
地址: 将军澳唐贤街29号蓝塘傲地下11号舖
电话: 23300204