相信大家对Mamaday唔陌生，创办人喺2018年台湾回流返港共开设3间分店—“Mamaday”、“Wish You A Mamaday”、“GoodDay BadDay MamaDay”。全线大玩港式幽默，古灵精怪菜名同装潢，一齐笑住食、食住打卡。
今年3间分店都推出「情人节套餐」，优惠期间激减$150!! 只系$650已连服务费/2位(原价$800)，就可以享用轻松玩味嘅情人节晚餐啦。3间分店餐牌都各有卖点，想知边间menu啱自己可以联络餐厅查询㗎。
Mamaday 3间分店均走港式幽默路线，古灵精怪菜名同装潢都令人回心微笑。
每个装潢细节位都玩味过瘾。
你揾唔揾到小矮人拯救队喺边?
MamaDay 3间分店都有限定「情人节套餐」menu，即刻睇吓“GoodDay BadDay MamaDay”有咩食啦～
「情人节套餐」$650已连服务费/2位(原价$800)
Soup 松叶蟹蕃茄浓汤
Appetizer 三虾盛宴刺身(阿根廷红虾、甜虾、虎虾)
Mains 美国安格斯西冷配苹果沙律 矶煮鲍鱼黑松露炖饭
Desert 手作甜品2份
Drinks 无酒精饮品2杯 (+$38升级红酒/白酒) |
「情人节套餐」大份丰富，有齐牛扒、鲍鱼黑松露共2份主菜，好有仪式感。
Soup·Appetizer
情人节晚餐先有松叶蟹蕃茄浓汤，浓汤加咗新鲜蕃茄熬煮，汤身浓郁红卜卜。铺上嘅松叶蟹肉都好多，蟹鲜撞上酸酸甜甜蕃茄汤好开胃。
饮完热汤后，就有三虾盛宴刺身(阿根廷红虾、甜虾、虎虾)。份量都几多几满足，有种食西餐又满足到刺身瘾嘅感觉。3款虾之中，最深刻一定系出名虾味浓嘅阿根廷红虾，刺身食法更加鲜甜胶质。
松叶蟹蕃茄浓汤
三虾盛宴刺身(阿根廷红虾、甜虾、虎虾)
Mains
情人节晚餐食牛扒、饮红酒最有mood。“GoodDay BadDay MamaDay”特别准备咗美国安格斯西冷配苹果沙律，有锯扒嘅仪式感，配上苹果沙律解腻等你留肚食埋矶煮鲍鱼黑松露炖饭，安排好贴心呀。
美国安格斯西冷配苹果沙律。满足情人节仪式感，又可以留肚食埋矶煮鲍鱼黑松露炖饭。
矶煮鲍鱼黑松露炖饭。矶煮鲍鱼、黑松露存在感好强。
Desert·Drinks
好多Mamaday fans都知佢哋嘅甜品、饮品一向好花心思。特别钟意佢哋嘅手作甜品甜度恰好，相比现成甜品嘅口感更软绵绵。
无酒精饮品亦有冰茶、咖啡等选择。当然，想浪漫啲一定系升级埋红白酒，优惠价+$38绝对抵饮呀。
Mamaday手作甜品一向受欢迎，平时有熟客直接嚟买甜品蛋糕㗎。
无酒精饮品有果茶、咖啡等选择，亦可用优惠价升级红白酒。
【人气主菜】
“GoodDay BadDay MamaDay”一向有几款招牌菜特受欢迎，冬天成日心心念念嘅海上乾酪火锅；同埋大有干坤嘅英国熟成20天西冷牛扒，都系必食之选!!
海上乾酪火锅$368
冬天食个乾酪火锅，暖笠笠嘅浓郁乾酪真系好有幸福感。今次乾酪火锅就有波士顿龙虾、特大软壳蟹、酥炸鱿鱼圈、义大利乾酪。大过手掌嘅龙虾劲弹牙，连埋两款金黄炸物大满足。
海上乾酪火锅。冬天食好有幸福感，有波士顿龙虾、特大软壳蟹、酥炸鱿鱼圈、义大利乾酪。
波士顿龙虾劲大只，蘸满乾酪嘅弹牙龙虾肉好吸引!!
英国熟成28天西冷牛扒$268
干式熟成牛扒Dry-aged Beef，被喻为牛扒界天花板!! 因为经熟成后嘅西冷扒牛味特浓，比一般牛扒软嫩得多之馀，每啖都有丰腴油花，完全满足对牛扒所有愿望呀。
要成为牛扒界天花板，背后花嘅心思当然唔少啦。呢块顶级西冷要放于恒温0至3°C及85%湿度嘅熟成柜中28日。熟成期间， 牛肉外层与表皮油脂水份会蒸发风干，有助锁住牛肉内部水分。
同时，牛肉本身嘅酵素同外在微生物互相产生作用，能分解牛肉蛋白质、脂肪及碳水化合物， 令熟成牛肉更嫩滑及富油花，最后煎出香气满溢嘅牛扒～
英国熟成28天西冷牛扒。背后花好多心思，先做到肉味、肉质、油分都咁出色嘅牛扒。
好日子梗系香蒜龙虾炒粉丝$298
同场仲有多款意粉、粉丝选择。钟意龙虾嘅话，除咗可以食乾酪火锅，仲可以拣呢款龙虾炒粉丝。估唔到中式炒粉丝crossover波士顿龙虾，两种烟韧弹牙口感加埋一齐几好食。
好日子梗系香蒜龙虾炒粉丝。中式炒粉丝crossover波士顿龙虾，烟韧弹牙好过瘾。
黄金软壳蟹意粉$148
钟意香口嘢就有呢道黄金软壳蟹意粉，特大越南软壳蟹炸到酥脆金黄，最后淋上咸蛋奶油creamy惹味。
黄金软壳蟹意粉。用上特大越南软壳蟹，加埋咸蛋奶油酥脆香口。
Wish You A Mamaday
地址: 铜锣湾骆克道491-499号京都商业中心10楼
电话: 39967380
Mamaday
地址: 尖沙咀加连威老道29号信基商业中心2楼
电话: 23456856
GoodDay BadDay MamaDay
地址: 尖沙咀加连威老道27-27A号嘉荣大厦地舖及1楼
电话: 94241449