うどん処 今助

营业中

休息中

當旺角太子彌敦道人頭湧湧，很難找東西吃時， 其實只要走入內街小舊區，仍然有很多小店選擇的。大角咀日本餐廳今助便是一例。今晚是烏冬之夜，其實是餐廳的飯已賣完。腐皮烏冬，$55，小朋友喜歡簡單甜甜的腐皮；香濃滑雞烏冬鍋，$70，太太説有點鹹，可以接受；海老天婦羅、炸年糕、撈烏冬、6件壽司定食，$85，女兒們很喜歡蝦天婦羅和炸年糕，把它們都搶來吃，只剩下撈烏冬給我；牛肉溫泉蛋烏冬、5件壽司定食，$90，可以。日本番薯天婦羅，$9，很大塊；北海道牛肉薯餅，$16，好食。今助的烏冬是在店內自製的，所以碗內烏冬大小不一，讚。賣點是大份夾抵食，這個價錢和地點，别過份期望。

黎到大角咀小商場 都搵到好野食 呢間日本餐廳 有烏冬 有鍋 有壽司餐牌內有不同配搭的套餐 但如果可以讓客人自行選配搭 而不是限制了 無得轉 會更佳《牛肉烏冬壽司御膳》$80《牛肉溫泉蛋烏冬五件壽司定食》$90先說牛肉烏冬 牛肉是平常吃的肥牛 牛味又濃又香 而烏冬屬於爽口彈牙形 十分有口感 煙韌煙韌 表面的溫泉蛋 更令味道豐富 蛋黃味浸透於湯中 亦掛在烏冬上 蛋白已成形 可一口吃下《壽司》形狀像波波 又小巧又得意 可一口吃下 上面的帆立貝及三文魚亦十分新鮮 前者又肥美又爽口 正不到$100一個晚餐 性價比不錯👍🏻

之前行過見到有好多套餐選擇，有好多都係烏冬配壽司，最初以為佢係食日本嘢嘅。今晚終於同男朋友去咗食晚餐，喺門口見到啲職員喺度整壽司，啲帶子超大粒啊，搞到我哋非常之期待。入到去之後發現套餐嘅選擇好多，有啲仲係烏冬配魚生飯，真係大胃王先至食得到啊。我哋都係叫做烏冬配壽司套餐。我就叫咗個牛肉烏冬配六件壽司餐，啲嘢食好快送到。而且侍應會睇你坐低嘅時候問你要熱茶定凍茶。啲烏冬粗身有咬口，仲吸咗好多湯，二湯底就係我最鍾意嘅有少少甜味嘅日本濃湯，牛肉份量都好多，好好味，個塊司雖然細細件，但質量唔錯，吞那魚都好香，帶子更加係大大隻，好好味！下次要再食大胃王餐先！

大角咀唔知由幾時開始就有越黎越多既食肆進駐各國美食應有盡有今日就去左喺新九龍廣場地下既呢間今助試下Menu 入面既食物以烏東爲主，分別有湯烏東同撈烏東不過唔鐘意食烏東既朋友都唔駛擔心，呢度都有飯類既選擇貪心或者爲食既人又可以揀有晒兩樣嘢食既餐今次我就揀左個牛肉烏東加壽司既組合壽司方面冇特別驚喜，屬於正常既水準烏東方面，特別既地方係烏東比平時大部分食到既粗身，而且煙刃彈牙，食落有驚喜飯類今次冇食到俾唔到comment，不過如果鐘意麵食，尤其係烏東既可以黎一試

又到左中午食飯嘅時間，行到嚟新九龍中心角落嘅一間日本菜。餐廳位置寬敞，就算成班同事黎都唔會迫，坐得幾舒服。食物種類好多選擇，有壽司定食，冷烏冬，鍋物同丼飯等等，重點係價錢唔貴🤩今次我就叫咗個天婦羅年糕冷烏冬，分量好大，上菜速度都幾快。天婦羅年糕煙煙unun，口感好特別，天婦羅皮唔厚，即炸好香脆😋天婦羅蝦亦好脆，可以連蝦尾都食埋🤣冷烏冬略嫌唔夠凍，但麵質彈牙，亦好掛汁，大熱天時就最岩食👍🏻

自從雅蘭分店結業以後，所旺角幾近找不到能夠媲美今助的烏冬專門店，最近乘車經過才發現原來大角咀也有一間今助！於是在週末的中午特意前來吃午餐，餐牌和以前在雅蘭的一樣，價錢也好像沒有怎麼變動，今助有一個令我很欣賞的地方，就是它很對得住定價。或許有人會覺得它偏貴，但今助的份量和美味程度絕對令你覺得值回票價！這天因為不太肚餓所以我點了一碗牛肉烏冬，比相起其他套餐，這碗牛肉烏冬已是最基本，有些套餐還附有壽司、日式蒸蛋、迷你丼等，沒想到牛肉烏冬上桌時真的令我嚇一跳！不單是碗大，連裡面的牛肉和烏冬的份量也很多。來得今助，真的很推薦大家試試它們的烏冬，因為都是自家製，每一條都略帶粗幼不一，而且很煙韌彈牙，是我吃過最好吃的烏冬之一。牛肉也很嫩，不會嚡口，配上上湯份外好吃，唯一覺得脆脆的量好像有點多，因為放進湯裡久了便變軟和發漲，建議大家吃的時候要求脆脆另上。

大角咀搵野食，本來想試石一燒，可惜爆滿見到呢間日本野入去一試三文魚子壽司🍣 飯微暖，新鮮好食炸蝦蟿餅同牛肉餅又熱又脆滑蛋豬扒飯，味道okay牛肉烏冬鍋，味道一般整體好食既，但賣點唔係烏冬囉

門口望好似幾吸引，就入去試下，一試就中伏，食完行去奧運站途中，食甘耐嘢未試過甘樣肚痛，立即就走去利奧坊個商場廁所一用🤮🤮🤮🤮🤮🤮🤮🤮🤮🤮🤮🤮🤮🤮————————————————————拎埋黎個食物賣相吳錯，望落吳錯🤔@三文🐟壽司🍣——挾起舊飯就散，三文🐟又係暖的，飯食落吳似日本米，就似一舊普通飯味😰———————————————————-@帶子壽司———-帶子又係暖的，同有D怪味，其他問題就同三文魚食落既情況一樣😰————————————————————@烏冬——-呢個熱辣辣，味道都ok，材料有帶子，蛋，蜆，菜，金菇，牛肉，不過我無食D牛，因為吳知原來有牛，不吃牛肉的我吳知有牛無叫人走到，所以就挾開左😅————————————————————我經常食日本嘢，但係今次🤮🤮🤮🤮就當我吳好彩，烏冬無問題，但刺身壽司好有問題😰😰怕怕，只此一次，吳敢再去🤮————————————————————

Happy Friday 又係新年前最後一日返工，今日諗住食好啲，就去食今助食。去到門口都幾多人排隊攞籌。咁我地攞完籌就耐心等候。咁好啦！終於等到有人埋單走人，心諗終於輪到我地食。點知安排座位個職員完全無視我地，比左張細枱（只坐到6個人）比8個人坐。但明明係我地攞籌等先，何解要安排比其他人先呢！即係佢地趕時間我地就唔趕。我地就跟帶位職員理論，職員態度好差，完全唔掂，沒有解釋，只係叫我地繼續等。心情好都比職員搞到唔好啦！勁火，罷食呢間餐廳。

今助位於新九龍廣場，今日我地一行七人去完睇「煥然懿居」示範單位，因為得知這個機會不是屬於我的，唯有食好些安慰下自己。氣溫忽然驟降，我叫左暖笠笠的山海烏冬鍋。山海烏冬鍋（$75）山海烏冬沒有山珍海錯，海有炸蝦天婦羅、帆立貝、蜆，山有肥牛金菇，叫做對得住山海之名。烏冬爽滑有𡁻頭，煙煙韌韌，食完個鍋包保全身暖笠笠。牛肉粒定食 （$80）用上尚牛肉砌成牛柳粒，配合一碗小烏冬，絕對係冬日飽肚之選。牛柳粒甘香柔軟，食完齒頰留香，令人回味無窮！

是次和朋友一行兩人前往用餐，平日的五仙時間，人數不多，一陣來可以隨便揀位。根據過往經驗，每次進來，服務員就會問你「要凍茶定熱茶？」我們每次幾乎都會點熱茶，可惜所謂熱茶，只是曾經用熱水沖出來放進普通不保溫的水壺內，然後侍應再從那些可能已經放了半小時的不保溫水壺中，可以說是暖的，根本不是熱茶，完全顛倒喝茶的概念。要跟不同的侍應再提出要求，說明是想要「熱啲」的茶，換了第三次，才有一個貌似較資深的服務員拿新沖的熱茶過來，而之前協助的侍應，大大聲在旁邊說三道四，說着「茶都是暖的，就是茶，要什麼滾茶，哪有時間每個人都泡茶。」也許她認為，不是雪櫃的溫度，常溫開水就已經可以沖茶吧。茶是日本飲食文化配壽司烏冬中重要的配搭，在這些餐廳當然不想討論茶的品種級別，但基本上茶的溫度，是「熱茶」還是「常溫開水的茶」，也許不算是很高要求吧。如此說來，當然她只會收走吃完食物盤，而從不會主動加茶啊，每次要求服務員加茶，都要強調一次是熱的茶，謝謝。可見服務真是很一般，就像地區餐廳文化一樣，可以想像之前在雅蘭分店結業，或多或少也有服務上的原因吧。食物基本是好的，雖然壽司比之前雅蘭的舊店（已結業）細了一半，但$95的價錢，可

《No.1 ~ 到大角咀必食日本烏冬煱料理》🍣🍲🍵👍🏻如果地鐵奧運站（奧海城2期）行過去大約十至十五分鐘，小小唔方便，但值得的！可以的，但不要期待有服務員殷勤介紹菜式！他們的烏冬很彈牙，湯烏冬煱熱控控的！sukiyaki tongue 湯底好味，有溫泉蛋的！壽司手握新鮮，醋酸味夠！刺身新鮮。茶無論是凍還是熱都很香濃。我已經幫襯了兩年，水準一直能維持！可以收信用卡及現金歡迎外賣

Lunch同事帶我嚟新九龍中心試下呢間日式餐廳，佢話食過唔錯，所以帶我嚟試下。叫左一個套餐，有一碗烏冬同七件壽司🍣。烏冬無咩特別，正常水準。壽司都幾新鮮，而且有七款，以呢個價錢嚟講唔錯，服務態度都幾好，有機會會再嚟。

今日經過大角咀 見到呢間店都幾多人食就吸引左入去。呢到係食定食的，真係花多眼亂，每款都會有一些壽司連埋的，平均$80-$150不等。今次我試左佢個吞拿魚腩碎魚生飯再配牛肉鍋，飯同烏冬都好食啊，吞拿魚腩碎配埋蔥一齊食 沾小小醬油已經okay，正！因為係套餐配嘅，所以相對係比較細碗，但係都好夠食。而牛肉鍋味道幾好，惟配料比較少啊，如果多些蔬菜就更好了。另外點左三文魚與帶子壽司，$22-$25起，壽司偏細件，而且三文魚太薄片，但係帶子相對厚身，抵食。

今日番工附近去左大角咀附近搵野食。突然想食日本野,就試下呢間今助啦雖然商場位置略為偏遠,但都算係易搵既。中午叫左呢款蛤肉烏冬。 最鍾意d蛤肉大大隻,一碗大既有成5-6隻 。另外,烏冬比一般食開既一d唔同,略為粗身,但幾入味唔錯幾好食,之不過略嫌湯就比較咸。不過上菜較慢,對於番工午飯時間需要改善 。埋單承惠HKD75。不過就沒有飲品附送,連埋加一需要80幾。性價算屬一般。不過鍾意食蛤肉的朋友,可不妨一試。