たいおいしい鯛魚湯料理 (已結業)

今日試新嘢，見開左間新日本料理，午餐一個人去食。好多料理都差唔多$85起跳，價錢不算大眾化。但佢有湯、溫泉蛋（我無要）、沙律（前菜）、飯同主食。基本都好食，不過嘴刁嘅我，發現豬扒唔係白身豬扒，好似巴西豬扒質地，嫩滑但係有少少粉紅。佢都相當大件，伴埋沙律菜都相當大份。女士實食唔晒👍🏻而且佢既飯有飯素，又勁大碗，如果想食飽點，呢度係唔錯嘅選擇。而環境方面，私隱度算高，由不同卡位組成。有6-8人枱都坐得舒服。上菜算快。如果多人食飯，想中午坐得舒服啲，同同事好好吹水，呢度都係唔錯選擇。希望下次試吓其他野會有驚喜。

路經一間試業中的烏冬店，一打開門便見到樸素的日式設計，簡潔而明亮。餐牌上的食物圖像清晰，一目了然。 吉列廣島蠔湯烏冬上菜時已有鯛魚湯的香味，魚湯每日用大量鯛魚熬煮而成，嚐一口清甜順滑，手打烏冬彈牙爽口再加上有營的配菜蔬菜有益健康。吉列廣島蠔真係值得一讚，外脆內軟，金黃酥脆，味道鮮甜濃厚。另追加了汁燒烏賊燒，口感爽脆好味道。蒲燒鰻魚溫泉蛋定食鰻魚定食需時製作要稍等，鰻魚控朋友見到餐盤上的鰻魚便大樂，好大塊的鰻魚肉兩片， 香噴噴的加上燒汁，肉質肥美，套餐還配有溫泉蛋、御飯、味噌湯等，好惹味。日式餃子🥟皮薄多汁也不錯。