グリル滿天星

营业中

休息中

經常咁多人排隊，諗住應該唔錯入到去見餐牌，蛋包飯大部份都$200起叫左碟鰻魚蛋包飯$248 及黑豚肉咖哩飯 $188，加一杯野飲食落完全唔係特別好食，肉太肥，食緊舊肥豬肉都唔使同日本普通餐廳比較，但呢個質素同價錢我不如食CoCo，起碼一定唔使$500唯一好處條鰻魚都夠大條，但蛋同飯都唔太得早知叫個明太子意粉，好似仲吸引啲，加上價錢又平啲係港威商場另一間日式餐廳更好食，雖然都要排隊，但時間好值錢，排間好食啲既唔好？最後都廢事叫甜品

行街行到累想搵個位坐下路經見到這間餐廳排隊人數不太多, 下午5點左右,但都排了約30分鐘原以為日式餐廳的pancake 應該一定好食滿心期待點了朱古力香蕉梳乎厘班戟朱古力醬太杰, Pancake 太實,再加上一條香蕉,已經非常飽肚...Pancake味道沒有特別如果不用排隊的話,有機會都會想試一試這裡出名的蛋包飯.

每次行過呢間滿天星都見長長人龍，但門口價錢牌都算高不可攀。因為羊群心理，前幾日見得十幾人排，就排隊一試。點知唔夠三分鐘就可入座。基本上細檯係可以直入。始終年紀大咗，肚皮唔爭氣，只能淺嘗。本身打算先食主菜，之後再試甜品。所以唯有只叫兩個主食，留肚等食甜品。因為first love 效應，所以心思思叫咗個拿破崙意粉。上碟時明顯份量大小同劇中所見有好大分別。呢碟意粉應該五啖就可以食完，趕時間食晏真係不錯嘅選擇。個汁比平時酸好醒胃，令您食慾大增，可惜份量太少，到喉唔到肺另外個碟咖哩飯同佢就明顯有分別。始終一碟加一後差不多要$200碟嘅咖喱飯，都要有啲賣點。炸蝦明顯比坊間大隻，唔係平時坊間質素。咬落去吉列漿鬆化，蝦新鮮彈牙。採用蘭王蛋嘅關係，蛋嘅顏色比平日嘅鮮色好多，打咭時確實比較吸晴。但食落同Coco 咖喱屋比較，質量相差不多，但價錢貴over兩倍。食完再叫甜品，發現綠茶味嘅甜品全部都落架。而其他available items又唔係我杯茶。唯有落去Shake Shack 買杯Milk Tea Shake 仲好。食完呢間，發覺Shake Shack 性價比真係好得多。總括來講，試一次就夠了！無咩

東京好出名的滿天星蛋包飯，日本好多連鎖店，實際只係平民餐廳。來到香港就變高級版。定位為高級版，但是只限價錢高級，食材真的普通。-----------------食物方面-因為2人/4人set 限制食物選擇，所以不想叫set。散叫以下食物漢堡扒蛋包飯$238 一個蛋包飯已經幾乎貴絕全港，預期材料要高級點，但又唔係。米飯非用日本米😨，二百幾蚊一個飯都係用平價珍珠米😨。塊蛋係好一pat 野咁，感覺好似係一次過煮一盤蛋漿然後淋上個飯度。漢堡扒係厚身，但係只有一塊...一個大男人食個蛋包飯應該唔夠飽。三文魚刺身沙津呢個好食，$78 價錢算係咁。醬汁同係日本食到的係一樣。日式炸雞$88普通炸雞，粉漿偏厚，可以唔駛點。凍檸茶$42，茶餐廳質素，要唔要點就見仁見智。-------------------服務方面-排隊等入座，無得拎飛。入到餐廳自助點餐。埋單自己去收銀埋。service 只係侍應上菜。唔會有人serve 客，所以無咩好評。

📍香港📍尖沙咀📍滿天星📍尖沙咀海港城海運大廈3樓OT301-301A號舖📍星期一至五 12:00~22:00 & 星期六至日及公眾假期 11:30-22:00🌹 無得訂位。長期人龍排隊但唔知有咩好食好排。試完一次絕對無下次。性價比極低。🦄 牛油果大蝦凱撒沙律 $128🦄 評分: 7/10份量算多，大蝦彈牙，不過太多醬，最鍾意食啲脆卜卜既麵包粒。牛油果幾新鮮唔錯。🦄 蒲燒鰻魚蛋包飯 $248🦄 評分: 2/10鰻魚好大條但味道一般。同平時日本餐廳食到甜甜地嘅鰻魚無得比。上枱醬汁賣相唔靚。蘭王雞蛋蛋黃較橙色炒岀黎視覺上會比較吸引，但無咩蛋香味亦唔滑，跟隨既醬汁比較咸。完全唔值呢個價錢。🦄 日式咖喱吉列廣島蠔蛋包飯 $188🦄 評分: 6.5/10廣島蠔幾大隻，炸到脆卜卜好食。日式咖喱偏甜好送飯。🦄 朱古力奶昔 $78🦄 評分: 3/10賣相唔錯IGABLE，但無咩味亦無朱古力味…除非你食啲朱古力碎片。撈埋啲cream有甜味會好飲啲口感濃郁啲。得個樣唔推介。#foodieschu尖沙咀～～～～～～～～～～～～～#香港美食 #尖沙咀美食 #蛋包飯 #日式咖喱 #海港城 #dinner #hkf

真係冇乜特別嘅食蛋包飯既過江龍餐廳呢間成日都要排隊，見無人排就終於入去試下，蛋包飯炒飯底，隻蛋好滑好食，鰻魚都一般般但好大條。朋友點既咖哩漢堡蛋包飯都唔特別impressive .碟飯係大碟，食完後根本食唔落個梳乎厘pancake ，好飽😂😂唐揚雞好食，個醬係特別的，唔係一般沙律醬。選擇好多，蛋包飯同甜品同小食都好多選擇。有一點幾impressive - 餐牌上寫到明咖哩汁有牛肉成份 🥹 未見過有餐廳係咁寫法。

海港城的轉角落餐廳經常咩時段都見到有人排,而今次決定早點去試一試。成個菜單， 其實價錢都明顯偏貴，所以會好期待品質。蛋包飯叫了兩款➡️蒲燒鰻魚蛋包飯和满天星肉汁漢堡扒蛋包飯，蛋包飯的飯底我地相信都唔係用日本米，口感完全不行..而漢堡扒都很一般，最可以讚就是蛋，但200幾蚊只為食蛋係完全唔值😮‍💨曰式黑豚扒，這塊相對有驚喜, 雖然賣相好一般，但食落肉質唔會乾，爽爽滑滑，但收$288就唔值。另外經典芝士漢堡，外皮唔錯，可能配搭了其他配料同汁，相比蛋白飯既漢堡會比較好食。而白本王多啤梨梳乎里班戟（期間限定）味道是最好，只係價錢要$148都真係偏貴。千二蚊落樓但唔覺得食左d咩， 服務亦都等於無, 只係想極速收你碟既感覺～所以，就算部分好食，以環境同賣相加服務，這個價位試一次就夠了，吸引唔到我再番去。

大隻仔今次覓食嘅店舖就係💥 グリル滿天星 💥 大隻仔今日到尖沙咀食蛋包飯，呢間餐廳係日本過江龍蛋包飯專門店，香港係唯一一間亦係第一間日本海外分店。每一碟蛋包飯都用上三隻日本蘭王雞蛋整成，蛋味濃而且十分香滑。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蒲燒鰻魚蛋包飯 $248 （另加一服務費）呢款蒲燒鰻魚蛋包飯係香港期間限定。飯底用上竹筍、洋蔥、粟米、香菇等8種材料與日本米加入雞湯煮成，但大隻仔覺得炒飯底味道清淡，雞蛋十分香滑，鰻魚似日本超市貨色，正常味道。🔥 日式咖喱炸蝦蛋包飯 $178 （另加一服務費）呢款日式咖喱炸蝦蛋包飯，飯底用上咖喱汁炒成，比起蒲燒鰻魚蛋包飯既飯底更加香濃，更加好食，拌勻咖喱汁與蛋包飯一齊食，更加滋味。大隻仔比較喜歡呢款蛋包飯。炸蝦只屬一般超市貨色，正常味道。溫馨提示：餐廳長期排隊而且有限時，座位與座位之間比較擠迫，而且價錢偏貴。人均$200以上。

沒有服務可言，連甜品吃完也未收蛋包飯的碟，卻收$73服務費未試過塊牛扒係難食都唔食，咬完隻牙有啲痛，衰過快餐店的品質，蛋包飯食過最差的一間$800我去食松藝館好過$100的甜品，就是一個普通雪糕未試過食完，我覺得係”垃圾”的一間舖

植物奶油这种食物链低级材料竟然可以在这个餐厅吃到不敢相信。进口觉得不妥，定价128竟然用Cheap到爆的，身体很难消耗的植物奶油。建议家长和健康人士避开这家餐厅。不明白为什么天天排队，另外窝夫并不好吃！撒在上面的抹茶巧克力还有雪糕都是一股廉价口感…………

成日經過海港城都望到哩家野排曬長龍😵‍💫想知點解會熱潮咁耐都未退～就走左左排下（哈哈。。排左大約60分鐘）食物味道全部不過不失，唔難食但都未至於要排隊，性價比亦唔高🤔🤔🤔不過如果有海港城coupon，又係星期一至五晏就，唔洗點排隊嘅時間，都可以一試🤣🤣雖然未必會再幫襯，但係如果會嘅話應該會試吓咖喱 🍛個人認為朱古力芭菲🍫係無論大人定小朋友望到都會好開心，覺得自己好似小丸子嗰種感覺😂😂雖然真係好甜但係可以幾個人share一杯，影吓相開心吓~上面個焦糖香蕉片好出色💕蒲燒鰻魚蛋包飯 $248滿天星肉汁漢堡扒蛋包飯 $238炭燒咖啡奶昔 $78🌟朱古力芭菲 $108

#明太子大蝦意粉 👅8/10 $158✨呢個反而有啲驚喜，意粉嘅汁好香明太子味又有少少辣味，😋亦都唔會太漏。不過覺得意粉嘅汁可以再杰多少少！.#藍莓芝士蛋糕奶昔　👅8.5/10 $78🤩呢個完全係肥仔首選!🤣食落去真係有食緊藍莓芝士蛋糕嘅感覺，味道幾特別幾creamy，好快比我ko左！.🥸其實整體來講所有嘢食嘅價錢都唔係特別平，🥲個人應為性價比真係唔算太高。如果有海港城coupon 嘅話不妨一試，🤣但係咁啱我哋食嗰日係中秋節冇得用coupon 就覺得有少少唔抵啦。.味道👅：7.5/10賣相👀：9/10扺食💰：6/10.

早排屋企人喺海港城買咗超級多嘢有勁多coupon🫢甘當然唔會放過呢個機會，喺海港城試咗好多新嘅餐廳。✨呢間餐廳食蛋包飯最出名，🤣長期都都有唔少人排隊，所以就入咗去試吓。.#日式咖喱吉列豬扒蛋包飯 👅 7.5/10 $228😂呢個價錢以蛋包飯來講其實都幾進取，🥲因為佢嘅價錢都唔平所以對佢期望會更加多，😳整體嘅味道都唔係太特別，係蛋包飯嘅蛋會比平日出邊食到嘅香啲。.#牛油果大蝦沙律 👅 7/10💕牛油果同埋蝦嘅份量唔會變得好小氣呢個抵讚。🤣不過我唔鍾意食菜，只可以話覺得好健康好Fresh，評分完全唔可以作準😂

大家應該對呢間日本過江龍蛋包飯一啲都唔陌生。每次經過海港城嗰間舖都一定係排晒長龍。今次揀咗星期五Happy Hour完之後過嚟碰吓運氣，8:30pm倒到，竟然唔使點排隊就即刻有位😬。試咗佢哋嘅滿天星肉汁忌廉蟹肉餅蛋包飯蛋包飯同期間限定嘅日式栗子芭菲。兩樣嘅味道都一般。忌廉蟹肉餅係幾好食嘅，但係蛋包飯嘅蛋如果厚啲同滑啲會仲好食。日式栗子芭菲，除咗有少量嘅栗子，成杯嘢都係剩係得啲cream 👎🏻。覺得係有啲名過於實。如果唔使點排隊都可以試一次嘅。

每日次經過都見到大排長龍，今日3:30pm 見到唔使排隊仲有要有位。梗係要立即冲入去。Order 左個人氣推介朱古力香蕉梳乎厘班戟 $138個梳乎厘有兩大件，口感非常鬆軟，上面有滿滿的朱古力醬，配埋新鮮的香蕉，非常美味。