影片
之前系yahoo团购买左coupon一心想试下新野,又见佢post出黎食物0的相都唔差~点知..........一入到去已经觉的间铺好旧,又闻到0的"up"味环境差;我仲要买到$168(唔计加1)任食生蚝,一开始叫左半打,0的蚝除左食到冰鲜味都无其他味......寿司超难食....玉子食落好似浸左糖水咁,好湿同甜的过份;鳗鱼又干又"鞋",见刑个样都唔想食;枝豆上洒左盐食完碱到系咁饮茶刺身都仲可以接受(虽然细旧)
继续阅读
买左团购, 食物款式少。三人一枱, 第一 round 刺身算 ok, 虽然好细旧谂住再 encore点知, 写完再催, 催完再写, 叫个侍应追下单最后都系无上刺身。反而熟食就无乜漏单。突然侍应攞个火锅黎, 我地话 "无 order 火锅", 应该可以选择吾要。即使我地星期日去都吾 full食物质数只系一般。蒸蛋无味。三文鱼质数参差。黎二次都吾同。烧牛脷淋晒无咬口。总括只此一次
继续阅读
本来系食过返寻味, 喺五月尾同朋友食过生蚝觉得唔错, 啲蚝唔腥兼有少少鲜甜, 正价二百零蚊可以食到生蚝, 真系算超值. 于是上星期六约埋屋企人一行八人再试, 点知全部中哂招. 果日冷气明显唔够, 我哋第一次点嘅生蚝系浸哂喺冰水入面, 因为啲冰溶咗, 而啲冰又无保鲜纸隔住, 所以啲生蚝全部变哂落水蚝, 卖相已经唔好. 但心谂, 喺酒店果啲即开生蚝, 都系开完用水冲, 都系水滴滴, 应该唔怕, 加上第一次食咗无乜事; 虽然都有疴, 但系无肚痛, 以为系自己肠胃问题, 结果我带头照食. 我哋一行八人, 前后点咗大概五十至八十只生蚝, 因为每次都嚟唔足数, 所以计唔到.结果返屋企全部中哂招, 个个都疴, 有四个除咗疴仲发烧发冷, 怀疑系食物中毒, 搞到返唔到工. 但因为我哋分别住喺唔同嘅地方, 到今日倾开再去边度食嘢, 讲起至知咁大镬. 于是我立即打电话揾餐厅经理, 想将问题反映, 希望佢哋留意改善. 点知职员话经理放假, 叫我改天再打去, 为免再有人中招, 于是电邮向食环署反映事件, 并写呢个食评, 希望各位可以留意吓.本来呢间嘢都食过几次, 坐位好舒服, 空间好大. 虽然食物种类唔多, 但有我哋最钟意嘅鱼生同烧物, 已经值回票价, 加上待应都好有礼貌, 出嘢又快, 唔使一个钟就已经食饱哂, 通常最后order都唔会再点嘢. 加上我哋一般都系八点后至入座, 完咗两个钟无客等, 待应都唔会赶我哋走, 我哋可以慢慢倾吓偈, 消化吓. 期间仲可以继续攞饮品同甜品, 真系几盏. 但系今次嘅经历, 就将以前所有credit一Q清袋, 我谂我哋下次都唔会再去.
继续阅读
辛劳左一日, 可以说得上废寝忘餐, 一上雅x, 就见到团购介绍一代日式料理, 又有生蚝, 所以便决定约朋友去试下....大约 7 时 30 到达, 个场装修几好, 但见个场有 8 成位吉左.....已经开始滴汗侍应好有礼貌咁招呼我地坐底后, 便开始睇 order 纸剔嘢食,鱼生：三文鱼( ok ), 鱿鱼( 切太幼, 太难夹), 甜虾( ok ), 希灵鱼( ok ), 八爪鱼( ok ).... p.s. 虽然用冰垫底可保持温度, 但没有加上保鲜纸隔开, 冰碎黐住鱼生, 不太好, 感觉不太卫生.生蚝：真的十分意外, 生蚝用鱼生盘上, 而且生蚝一般上台是连底壳上, 但这个是没有, 是完全脱壳既生蚝, 完全吃不出鲜味( 不像即开 ),加上他们所调的酱, 太甜, 感觉像茄酱加糖....no good......寿司：蟹子( 紫菜唔脆), 八爪鱼粒( 紫菜唔脆), BB 象拔蚌( 味道有点怪, 似唔新鲜)前菜：蟹子沙律, 不够冻, 差不多系室温, 加上沙律酱已出了很多水铁板烧：只有 4 款......牛舌( 多汁, 软硬适中), 鸡肉( ok ), 带子(真令我很惊讶, 因为从未吃过像 5 毫子般大小的带子, 比矶烧元贝还要细)串烧：鸡翼( 推介, 味道适中, 外脆内软 )天妇罗：虾( ok )热品：三文鱼炒饭( 推介, 味道适中, 饭够烟韧), 清酒煮蚬(一般, 但很多碎壳)总括计, 食物款式太少
继续阅读
之前见到有平平地的日本放题团购，手快快买了。到想食的时候，自自然然上 Openrice 看看食评，发觉评价都几触目惊心，搞到未食就已经有少少不安。但体验是很个别的，今次我们一行四人，对「一代日式料理」的评价都很正面。首先带大家参观一下间餐厅。地库餐厅因为得一个狭窄的门口位，所以有时好易眼大睇过龙。认著近太子道西的转角位就会找到。沿楼梯到达地库，对餐厅的第一印象就是环境宽敞、座位宽阔，不会有很多放题餐厅常见的挤迫情况，加上装修上算花过心思、更设有小厢房。环境方面，值得比高分。 相信，所有食客最关心的还是食物质素。尤其团购商品，最担心食店会将货就价，牺牲食物质素。但观乎今次体验，大部分食物的质素都比预期为佳。当中，团购包括一瓶清酒，送上来时是荡热的，热气尚在瓶里涌出。稍稍放凉，倒在小杯内一尝，初时可能会觉得比较淡，后来愈饮愈辣，味道不俗。 至于放题主角－－刺身，水准合格有余。几款刺身都够新鲜，三文鱼尚算肥美，比想像中好。其他刺身亦不错，虽不至突出，但就放题而言，已令人满意。 紧随刺身而来的寿司，整体来说味道尚可，处于合格线上。但相对刺身而言就比较普通，所以在第二、三轮的单子里，我们都不断 encore 刺身而放弃了寿司。 上碟时热辣辣的天妇罗卖相不俗，味道意料之外地好。最惊喜为虾天妇罗，虾肉入口弹牙，而粉都算炸得松脆少油。我认为这是必点的。 一般炸物就普普通通啦，例如饺子做得比较硬，炸带子、炸蚝等都只是不过不失。 至于烧物，它们会给你一个石烤盘自己烧，都几好玩，而且烧出来的味道也不俗啊！稍嫌部分肉味道偏咸。另外，有一样令人不耐烦的事是，它们用的蜡太快烧完，结果一个晚上换了几次。 说到这里，想讲讲服务质素。据我们观察，其实店里人手略嫌不足，但想赞赞一位勤力的女侍应。基本上她是一个人应付大多数客人，单单是替我们换蜡燃料都换了几次。虽然忙到眉头都皱了，但仍有礼貌、未见过她黑面。为此，我更故意找那位比较闲的男侍应下单，结果应该比较高级的他接完 order 之后都是吩咐女侍应代劳 ... 希望勤劳的人会被留意到的。另外，快截单的时候，厨师亲自走出来问是否有需要加单。由于 Anna 很喜欢沙律中的水果珠，所以就问是否可以走沙律，只要水果珠，结果厨师真的送上满满一碗有两种口味的珠珠呢 ... 最后，这儿的啤酒、汽水、Appolo 雪糕是任食的，就放在入口附近的雪柜里，想食想饮就自己去拿。 总括而言，是次团购自助餐，我们坐得舒舒服服、享用了比预期好的食物。虽然个别侍应像懒懒闲，但服务我们的那位勤力女侍应令人几满意；而且漏单的情况不严重。或许应该庆幸我们没有遇到其他朋友的不愉快经历？
继续阅读