一休鐵板燒 (已結業)

放工肚餓經過旺中，就黎咗附近呢間 #一休鐵板燒 ，呢間小店專做日式鐵板燒外賣，價錢大眾化，飯、麵、小食都有，可以一試啊！鐵板炒麵，可自選拉麵/烏冬，配豬/牛/雞及特色醬汁，選擇好有彈性。我選了豬柳炒拉麵配一休醬油($38)，拉麵十分彈牙，豬柳嫩滑，仲有配菜，口感豐富，一休醬油香噴噴，份量都唔少！海膽流心忌廉餅($28/3個)，忌廉餅炸得外脆內軟，一咬海膽忌廉多到湧出來，好有海膽鮮味，第一次吃很驚喜！小店歡迎自攜食物盒，師傅將炒麵擠滿入盒子，忌廉餅又有配菜墊底，好有心思呀！記住下次黎幫襯帶定食物盒，為環保出少少力！

Lunch time 走落旺角搵野食，行行下見到鋪頭有人鐵板炒緊麵，望落好正。睇餐牌價錢非常親民，好岩我呢啲搵得唔多既打工仔外賣返公司自己位食，一於試下。食物係用紙盒裝，keep到熱，食既時候野食都依然又香又熱。日式鰻魚炒飯 $39飯類寫住係限定～～全部都想食，最後決定選鰻魚炒飯。老闆炒得好爽快！飯粒肥大圓，煙煙韌韌好有口感。鰻魚切粒，以炒飯黎計鰻魚粒size選大粒。呢個價錢有大大盒鐵板鰻魚炒飯真係好抵食！海膽流心忌廉餅 $28新登場既炸物小食，有3件。外面炸得鬆脆鬆脆，裡面係流心架！！

今日返工好忙，lunch都要過咗lunch hour 先食到😥 所以決定揀同事推介過既快靚正外賣。點咗一個鐵板炒麵同一個小食，包括雞皮餃子（$28）同豬肉烏冬（$38）。最欣賞間店舖係開放式廚房，完全睇到製作過程，食都食得放心。因為d材料既份量係預備好，所以等咗5分鐘就攞到，有效率👍🏻烏冬揀咗一休醬油，味道甜甜地，烏冬食落唔會有酸味，唔錯。雞皮餃子顧名思義，外層係雞皮，脆口得嚟又有油香，入面包住餡料，口感特別。

旺角T.O.P.商場對面街，有間新開嘅小店主打鐵板外賣，有麵食同各款鐵板炒小食，睇住師傅即叫即製好有日式風味🇯🇵🥡鐵板炒麵 ($38)客人可以自由配搭，先揀麵底，然後揀肉，最後醬汁Step 1️⃣: 拉麵/烏冬Step 2️⃣: 雞絲/牛柳/豬肉Step 3️⃣: 照燒汁/黑椒汁/一休醬油揀左牛柳絲拉麵配照燒汁，牛柳絲份量唔少，仲有冬菇同椰菜絲🤣而且隔住玻璃即場睇師傅炒👨🏻‍🍳所以相當有鑊氣架🙈拉麵爽口彈牙，配埋照燒汁，味道甜甜地仲有蒜蓉嘅味道，食落好香好惹味🤩🟠海膽流心忌廉餅 (3個) ($28)忌廉餅炸得剛剛好，表面呈金黃色🤩炸粉唔會太厚，咬落好鬆脆🙈 店家一啲都唔吝嗇，入面係滿滿嘅海膽醬，質素都對得住個價錢，仲要有3件都幾抵食嘅～總結：去開旺角掃街或者外賣有時想特別少少，可以嚟買返個鐵板燒外賣，等外賣期間可以睇到製作過程之餘又可以過口癮🫣

喺旺角呢一個掃街之都長期到充滿着唔少新嘅店鋪仔，當然賣嘅都係特色嘢食。 隔咗接近一個月冇嚟通常都可以喺大街小巷都搵到一啲新開嘅小店，而通常呢一啲小店相對就會對所有事物都更加謹慎同埋認真，所以係非常值得去試吓新事物。 😛喺旺角站B2出口一出直行1分鐘都唔使就已經發現到一間新餐廳，就係一休，睇佢嘅餐牌都主力喺日式嘅輕料理，但亦都有唔少自家製嘅配搭。😝鐵板炒拉麵— 🍝作為呢間店嘅招牌菜，當然絕對要捧場一下，面底就有拉麵同埋烏冬可以揀，拉麵充滿彈性， 🍝第二步就可以揀自己想食嘅肉類，有雞絲有牛柳亦都有豬肉，而自己揀咗雞絲，真係一個字，滑！🐥 。最後質料就梗係要一休招牌醬油啦。呢一個一休招牌鐵板炒麵所食到嘅係充滿煙韌嘅拉麵再配上滑一滑嘅雞絲，🐥個盒睇落就好細但其實裏面裝到嘅炒麵份量都唔少㗎，簡簡單單當一餐又搞掂👍🏻鵝肝鐵板燒— 🍴高級嘅食材當然就係用返原始樸素嘅煮法來突顯食材本身嘅鮮味。鵝肝呢一啲咁高級嘅食物最正宗嘅始終都係鐵板燒，配落一塊脆嘅小法包，🥖再加埋照燒汁同埋蘆筍作配菜，一道正宗嘅鵝肝鐵板燒就咁完成。🍴鵝肝油香飽滿，裏面嘅細嫩確係令人好難忘，多重嘅味道就有賴蘆筍同埋法包所形成嘅三層滋味

今天下大雨，特別適合躲在公司裡面，舒舒服服的看下雨☔，放工之後，也是盡量挑選離地鐵站進的餐廳，最好可以拎一個外面，回家吃。聽說，旺角有一家網紅鐵板燒，很抵食，特意過來嘗試一下。出地鐵站就找到了，真的是很方便又不擔心淋雨。看著推薦菜單，就已經淌口水了。包裝好看，價錢也是合理的。好了，今晚就簡單一個炒麵加上小菜，簡單吃一下了。醬油牛柳炒烏冬新鮮現做的美食，才不到40，簡直超級划算，也符合他們想要將高端日料平民化的理念。烏冬入味好吃😋熱騰騰的，暖在心中。炸雞非常酥脆口感簡直一流，最喜歡一口咬下去的鮮美入味的汁水。停不下來一休鐵板燒旺角通菜街121號6號舖

只做外賣，並沒有堂食，小小的一間店，價錢唔貴，但絕對唔馬虎！👍🏻👍🏻價錢都係$3x，相當吸引😊😊⭐️火焰牛扒飯 $39望住師傅喺度煮，喺度炒絕對係一個享受！更可以睇到係唔係衛生，無得厄👍🏻👍🏻用熱槍燒個牛扒，燒烤感十足🔥🔥牛扒唔算太厚，但肉質靚，有咬口，亦有牛味！😋😋飯用珍珠米，炒到粒粒分明，唔好睇少個盒，好似食極都有咁，份量好多😂😂⭐️海膽忌廉餅$28 (3個)呢個真係好抵！即叫即炸！新鮮熱辣！😋😋入面充滿海膽，加上忌廉，非常creamy🤤🤤就算外賣🥡番到屋企都無淋晒，仲好夠脆👍🏻👍🏻

喺旺角行街市，發現一間鐵板燒外賣店。好想試好耐趁住今日做完Facial冇人陪自己食飯就去嗰度買一個外賣套餐返屋企試吓啦。鐵板餐炒麵套餐$38主食可以2選1: 烏冬/拉麵餸菜可3選1: 雞絲/牛柳/豬肉汁可3選1: 照燒汁/黑椒汁/一休醬油我就揀咗鐵板炒牛柳拉麵配👑嘅一休醬油。拉麵非常辦呀用一休醬油炒落嘅拉麵唔會太鹹亦都唔會太甜。 牛柳絲非常有彈性，唔會煮到太老，牛肉非常新鮮。 仲有配埋椰菜蘿蔔絲連埋拉麵牛柳絲一齊食非常健康同有口感。另外再加加咗$28試咗個好少見到嘅海膽流心忌廉餅。外皮炸到金黃色，粉漿非常鬆脆唔會過口。 咬落口，外皮發出索索聲，非常香。 入面嘅海膽已經溶咗喺忌廉裏面，每咬一啖滿口都充滿着海膽嘅味道。 顏色亦都非常自然，冇加人造色素。$28食到海膽嘅菜式，CP值好高👍🏻 下次再做facial後，都會再幫襯。

日式鐵板， 一d都陌生。 但又要做得好， 又要keep 到返屋企你食， 透明度高， 望住玻璃窗 口睇住大廚炒個拉麪， 真係要有少少實力先得👏🏻（5⭐️最高）自選鐵板炒拉麵 /烏冬（5⭐️）好似食車仔麪甘， 有拉麵/烏冬選擇， 之後選擇餸（雞絲/ 牛柳/肉豬）👍🏻， 最後可選擇照燒汁 / 黑椒汁/一休醬油。 我就選擇：拉麪， 牛柳跟照燒汁。 拉麪爽口， 又唔會太濕， 太黏口👍🏻, 牛柳鮮滑多汁都幾多, 跟有少少雜菇、雜菜蘿蔔絲等，份量十足🤩。 感覺無甘肥😜。 跟野味燒汁， 口感仲好正👏🏻👏🏻唐揚炸雞🍗（5⭐️）太約有5-6件炸雞， 每件size 平均， 每件約兩隻中國麻雀🀄️size 😂😂. 外皮脆口，又唔會cover cook 👏🏻. 內雞肉好滑， 咬落仲有少少juice 👍🏻👍🏻， 藉得一試👍🏻👍🏻

去旺角行街 點少得掃街經開呢邊，見一間外賣小店門面光猛整潔 日本風格吸引我哋幫襯個鐵板炒麵試吓order時有3個StepStep1 ✨選擇炒拉麵 /烏冬Step2 ✨選擇雞絲/牛柳/肉豬, 最後 ✨可選擇照燒汁/黑椒汁/一休醬油見好多人推介一休醬油 就佢啦✨一休醬油牛柳鐵板炒烏冬 即叫即炒望住玻璃窗🪟睇住大廚炒個牛柳烏冬等了不久就可以拎，好快手烏冬不會太油膩，口感彈牙，牛柳鮮嫩 ，軟硬適中，再搭配雜菜蘿蔔絲等，份量十足只係$38，一休醬汁像日式照燒汁令整體很美味可口海膽沙律醬炸餅炸至金黃色，咬一口澎湃既海膽沙律醬流心超好味 😋

一休鐵板燒 @ikkyu_teppan 📍：旺角通菜街121號6號舖🚗：旺角地鐵B2出口 步行1分鐘📞：+852 3481-1008💲：~HKD30/head for 掃街Food quality✔️：海膽流心忌廉餅👌🏼：鐵板炒麵😋一人小店系列 但選擇都多 叫咗嗰鐵板炒面 份量好多 而且有得揀配料同汁 店主亦都係即叫即整👋🏼😋推薦海膽流心忌廉餅 真係超流心 而且炸得啱啱好 加上因外賣關係隔咗差唔多半個鐘先食都冇淋哂 仲係熱嘅 值得加許🤔️等候時間可能會較長啦 因為即叫即整關係🥲

最近去多咗旺角，因為鍾意去旺中夾糖， 一出地鐵站就見到一間橙色嘅店，走咗過去行下， 發現係一間鐵板燒， 櫥窗外係可以見到廚師喺度住煮食，同平時嘅鐵板燒差唔多， 平時嘅鐵板燒價錢，一個人一就已經成二百蚊。 行經附近嘅時候就已經好聞到香。 所以我都忍唔住叫咗一個主食同一個飯。廚窗見到廚師煮鵝肝，鵝肝一啲都唔揸流攤，一啲都唔平民，竟然連埋個蘆筍，之鵝肝下的法國包吸晒成個鵝肝嘅味道鐵板燒下嘅鵝肝係好出鵝肝味，入口呢係即溶，有用既然之後個蘆筍係好甜，唔硬但有少少林嘅。但最好味都係個法國包，丫仔都爭住食個外賣盒係用環保用紙做，而且係非常之硬，唔會令到食物壓扁， 而且食既時候仲保溫度另外叫左個牛柳飯，而飯個份量勁大。之後，啲黑椒味係有少少辣，牛柳唔硬，大塊又淋，連小朋友都食得到。個飯唔係普通嘅炒飯，有加到雜豆，但雜豆唔係淋芝芝個啲，係炒到有咬口

好掛住鐵板燒，但又到糧尾點算？旺角開左間平價鐵板燒外賣雖然價錢係平，但味道一D都唔差平日收工見到好多人等拎外賣今日終於有機會一嘗鐵板炒面有3個step揀麵，揀肉類同揀醬料可以揀最適合自已既配搭我揀一休醬油牛柳炒拉麵即叫即炒，份量好多一休醬油係帶有甜味既醬油搭配上菇同椰菜一齊炒牛柳仲係好嫩，一D都唔靭搭配上木魚絲又香口又好味😋熊本一口牛份量真係好多呀，有成11粒起鐵板上煎之餘仲會加上火槍燒表面快速鎖住肉汁配上炸蒜粒真係好正👍🏻呢間鐵板外賣真係好出色見到有人叫醬燒魷魚鬚下次可以試下佢😆

今次又去了這間鐵板燒外賣店買晚餐，今次特別嘗試了日式照燒雞炒飯以及鰻魚炒飯。鵝肝質素一向有保證，大件十分抵食，必食之選D飯質感偏硬，有待改善美中不足的是雞扒食粉味較重

經常去旺角「掃街」食嘢，食盡街頭美食，被我發現一間鐵板燒外賣店 #一休鐵板燒外賣店 以日式裝潢，並設有透明玻璃可看到廚師製作過程以超值嘅價錢就可食到高級鐵板燒質素嘅菜式鵝肝鐵板燒🐦 $68打開外賣盒，見到超大塊又厚嘅鵝肝，香氣撲鼻而且入口即溶，配搭香脆多士 🥖 ，非常滿足！鐵板炒麵 🍝 $38麵可揀選烏冬或拉麵，肉類可揀雞絲、牛柳、豬牛嘅其中一款，醬油配搭照燒汁、黑椒汁、一休醬油🧂。我揀咗照燒汁配牛柳炒烏冬🍝，牛柳絲肉質香嫩，烏冬煙韌，配菜有椰菜、冬菇、紅蘿蔔，份量十足，好惹味！🏡一休鐵板燒📌旺角通菜街121號6號舖