一品刀削麵 (已結業)

估唔到2年冇食過已經變得咁差，麵質冇以前咁好食，成個糊咁太淋唔好食。碟醉雞似雪左好耐岩岩拎出嚟，啲肉咬唔開好大陣雪味，冇左醉雞嘅味道。重有員工態度麻麻，會喝返客人，真係唔會再有下次。

叫左個麻辣手撕雞刀削麵$44，再加多$10 炸豬排。手撕雞唔記得影埋，係一個細碟仔（豉油碟），有多過一半既青瓜絲，其餘先係雞絲，如果係手撕青瓜拌雞絲會覺得抵好多。🤔豬扒麵如圖，小弟食左一塊，即共5塊，仲有條生菜bb。麵係一大碗，好多麵，好抵，湯就比較矜貴，所以好少。刀削麵，麵當然係精粹。刀削麵你會諗到彈牙，有𡁻口。呢度既麵，唔知邊度鄉下，又可能呢區多老人家？d麵好淋，有d 粻口，口感特別（唔係我鍾意，可能有人鍾意）。加埋清淡既湯底，老人家想食可以一試。份量？咁大碗發漲左既麵，一定飽，放心。樓面，收錢，執野，落單，送餐都係由疑似老闆一人負責，老闆要做咁多野，唔黑面就有鬼。語氣差，講野掘，有d呼喝，唔代表佢心地唔好架（鬼知🙄）。我唔鍾意，唔代表佢差（我諗我係正常口味既正常人），大家快d黎試吓啦！

店員態度超差，老公明明指住同講話要撈刀削麵，佢一句話聽唔到睇唔到就出左份湯麵，個男店員仲要好串話唔會睇你指咩喎！我份醉雞刀削麵超淋，軟過河粉，無正常煙韌口感，餸又超少，湯底又麻麻，無下次。去返元朗食生記刀削麵或爽爽既醉雞河好佢多多聲！

以前有幫襯開，但每次態度都吾係好😂不過近年更變本加厲。已經好少去屯門，本身今日諗住食日本餐廳，點知間日本餐廳落左場，先揀呢間刀削麵。我地買外賣返屋企食，入店時一個人都無，我地叫完外賣俾完錢，佢先至態度吾好地講左2-3次「外賣出去等，係呀！外賣出去等！」外面勁熱，又多蚊！都吾緊要！佢整完個外賣就甘放喺入面張枱，無叫過我地！係我哋等等下諗 點解甘耐既，再望一望，先知外賣放左喺入面張枱！我以前覺得呢間刀削麵都幾好食，但今日再食味道同態度都再差左！態度就從來無好過😂以後無野食，揀隔離啲茶餐廳都唔會揀佢！

由屯門友介紹既刀削麵🤪🤪果然幾值得試🥰抵食😼餐廳環境就稍為細間 比較逼😗🐽 炸豬排刀削麵🐖 ($38)豬排同麵份量都好多🤣鐘意食辣一定要加$3試佢既秘製辣醬🌶🤤夠辣得黎超重蒜🧄🧄一兜都夠2個人share🤣豬排夠腍又唔肥🤪✌🏻麵質啱啱好🤤

2020年7月我11日 我同家人係附近街坊。2年前跟家人到此店食刀削麵，味道與質感都非常一般。相較其他刀削麵店，真的不值一試，已沒有再去光顧。因為當天趕時間，唯有與朋友到此店食碗刀削麵。起初點了手撕雞湯麵，但發現有撈麵，轉為撈麵。年輕男店員表示只冇凍撈麵，而店員告知凍撈麵會放入冰塊水中過冷河，再放入碗給客人。由於疫情及本身吃完冰冷食物會肚瀉，故有禮地問店員可否不過冷河，直接要煮好的熱麵作撈麵。年輕男店員用不禮貌的語氣表示轉用熱麵做撈麵加10元，加了10元才做到俾你，你一係叫湯麵走湯。其實手撕雞湯麵餐44元，而手撕雞凍撈麵餐47元，但點解要留難食客，而額外收多客人我10元。其實熱撈麵重唔需要額外放落冰水處理，難道對師傳來講係100級難處理既事情，而要額外收費。係非常趕時間下，我又選擇唔同其他食物，又唔想令朋友難做，迫住要加10元落呢個餐。上曬兩碗麵後，刀削麵一如以往味道麻麻，而且啲麵又粉又糊。真係係7-11買既台灣即食包裝刀削麵都有質素同好食過佢。而且配餸菜嘅份量係一隻豉油碟甘大。我朋友叫花雕醉雞得唔得兩細塊有肉，3塊係骨同雞皮。如果唔係趕時間，第一時間走人。中途我朋友出去買飲品，想等陣

作為老街坊，搬走左幾年，記得以前d雲吞水餃好好食，今日突登去食，點之d水餃一咬開，d「豬肉係完全生嘅」！！！跟住佢話換過比我，轉頭夾走左個4隻水餃，叫我淨食住淨粉先，等左好耐，佢攞個碗裝住頭先果4隻餃就咁dun落我碗粉到，好唔尊重食客！最最最恐怖係我頭先咬開過的水餃，佢攞去返煮，所以係散開曬，各位客人，大家黎緊呢幾日食的湯底可能都有我的口水尾！！！到味道，係極重味精，食完我飲左成支綠茶都仲係好口渴。味道差！服務差！衞生差！唔會再去食！

食物是可以的，但唯一員工態度極差，除非真係好想吃，要不，為何不去一間有基本應有服務態度的餐廳呢。完全不值得推介！享受美食之餘還要配合其環境和員工服務態度。要看面色吃一碗麵，不值得！

嘢食又唔係話非常之好食但係員工嘅夥計嘅服務態度真係差到碼頭咕喱自問都服務質素冇乜要求嘅我都覺得有問題直情係趕走顧客如果你想受氣嘅話你真係可以去嗰度食一餐地點就唔近地鐵站不過價錢相對其他餐廳較為相宜地方唔係好大The staff was not friendly at all it is bad at service and the food is fine onlyThe location was far away railway station Price are reasonable but the service unexpected

沒有禮貌，一入門見到我拎住支飲品，我未坐低就話我支野唔準飲，重講左2次驚我聽唔到，叫左知醉雞面，個刀削麵好似湖仔咁....超級難食...冇第二次....食左2啖就唔想食...浪費時間....小店都搞成咁..............................

態度真係好差，幾好食都無用好少地方可以衰到咁，建議條友真係唔想做咪執左佢囉，客人得罪左你咩睇返留言，原來大部分人都覺得佢哋有問題。唔明點解會有人食，食嘅嘢唔差，但一定就唔係好

午餐時段想試下比較有特式嘅餐廳，經過呢間便入去試下，點不知都係普通科，沒有期望便沒有失望。望住餐牌幾分鐘，款式同套餐配搭唔太吸引，勉強點了手撕雞刀削麵加杯豆漿。麵同手撕雞係另上，碗麵無問題，反而果碟汁碟咁細嘅手撕雞賣相完全唔掂，芫茜都無條，個黑醋汁唔香，又唔辣，係有蒜蓉，但又食唔出有蔴油香味，仲衰過我係屋企自己撈。食到中途唔夠飽，想加錢加多個餸叫白菜餃，（我當然知道呢個規舉唔啱）但我見巿道咁差，諗住搏一搏問下果位男侍應，當然被一口拒絕啦！今時今曰又話生意難做，想加錢點多個餸都拒絕，食物又唔係驚為天人咁好食，我真係無乜理由再令我幫襯佢囉。

食物非常非常普通, 我食花雕醉雞. 但竟然冇花雕汁。問個男仔、佢話佢哋係冇花雕汁的醉雞。第一次聽、我真係長知識。所以變咗白切雞。加上刀削麵、面嘅質地非常唔彈牙。淋到好似河粉甘。我完全諗唔明佢個刀削麵有啲咩咁特別。特別淋？仲有佢個麻辣醬，完全唔係麻辣嚟㗎。蒜蓉溝辣椒油。有冇搞錯啊。個麻辣醬已經係俾錢加。都唔緊要啦。點知我係食緊蒜蓉醬。加上個男仔態度非常非常惡劣，同非常不禮貌。戴咗口罩都見到佢個樣幾唔歡迎人客入去食野。我建議大家可以唔需要去幫襯。食物唔好食都算。重要有個甘既男侍應。簡直不可理喻。

其實店舖位置細唔緊要係裡面個唔知係老細定打工既男仔服務態度絕對極品澳牛都仲好過佢多多聲俾人感覺係入去食野好似阻住佢禁電話d 語氣真係令人唔想食如果唔係人都入左去費事走真係唔會食 後悔無走所謂既牛骨湯湯有無味精唔知但食完之後好口渴刀削麵唔彈牙手撕雞同麵係分開上加左青瓜絲同蒜蓉一樣係偏咸 如果容易覺得咸既人食呢間野都幾需要飲野仲有呢間野有對母子一入黎叫野食問佢拎杯水 佢話我地無茶水態度好似人地同佢乞水咁食物普通 態度極差總之永遠唔會再去

今日同朋友去屯門工廠區視察下工程進度，搞搞下又一日，到黃昏嘅時候，就喺石排附近搵嘢食醫下肚餓求其入咗一間鋪，店舖無咩裝修，有少少舊，似係老店，坐底見到餐牌，55蚊有個3餸麵，加3蚊仲有豆漿，即管試下我叫咗東坡肉，韭菜餃，榨菜肉絲拉麵，飲咗啖湯，偏咸，d麵質ok，有咬口，韭菜餃好新鮮，好味道，但係個東坡肉就煮得差d，肉好鞋好乾，而埋豬皮上面，好多毛啊，成塊皮都係毛，如果有用心去清潔塊肉的話，無可能睇唔到有咁多毛，真係無曬胃口，成碗麵食咗3分1就投降但係份量充足，其實係抵食嘅