一品燒 (已結業)

就如我太太 ilovedisneyland 所說的一樣 .... 星期六晚閒遊, 在路口被幾位派傳單者攔截, 只見其中一張上寫著「全單九折」.... 就是這樣, 我們前往光顧 ~平實的門面, 招牌是明亮而顯眼 ~ 點單紙, 要乜就自已 "剔" ~乜都唔洗講 .... 先嚟 王老吉/$15罐, 唔該 ~特選燒蒜茸蟶子皇 (時價)蟶子烤得火喉剛好, 肉質嫩滑細緻, 而且非常鮮味, 粉絲吸收了蒜茸、蟶子和香料的精華, 十分惹味 ~爽口娃娃菜 $12烤過的娃娃菜質感奇異, 味道卻清甜又爽口, 燒烤汁更是其靈魂 ~招牌蒜蓉燒茄子 $36/原條每次吃串燒都必點原條茄子的, 茄子味道濃香帶點清甜, 沒有 "乸脷" 的狀況, 茄子被燒至香、皮脆身而茄肉柔軟香嫩, 蒜泥落得夠重手! 堅好味!一品芝士燒𧐢 $72/4隻蠔的 size 可不算小, 烤得火喉剛好, 芝士烤得夠透, 蠔身卻又燒得 juicy, 而且蠔味濃郁, 一啖咬下蠔汁和芝士融為一體, 煞是滿足! 師傅好手勢!餃子雞翼 $36/2隻雞翼脹卜卜, 非常吸引, 一口咬下, wow! 皮脆肉又嫩滑, 在內的餃子餡味道少麻微辣又帶甜, 滋味!連皮燒菠

星期六晚閒遊 , 在路口被幾位派傳單者攔截 , 只見其中一張上寫著「全單九折」, 好 ...... 橫豎久未有吃串燒 , 今晚寵你 !沿著派傳單者的指示 , 串燒店恰恰在車房隔旁 , 同一條街上賣串燒的已有三數間 , 另外還有泰菜館、中菜店 , 嚇 ! 還有 ...... 甚麼 ! ? 全單九折已經叫誇啦啦 , 現在還有「全日免收加一」! 究竟此串燒店能在旺角生存嗎 ? 店內有四張四人檯 , 兩張二人檯 , 簡潔的裝潢 , 頭頂上是白光燈 , 光光猛猛。 可能是這種直率、不造作的氛圍 , 吸引進店的都是有大有小的家庭客、成熟情侶客 , 看似與旺角黑夜 ( 還要是在上海街、砵蘭街一帶 ) 顯得格格不入。串燒店主打日川港 fusion , 還秘製一款集 15 種調味元素的特色醬來為串燒的新鮮食材添上魅惑彩裝 , 更特顯食材的優良味道。 所有食材都是從附近街市搜購回來 , 就好像在點菜的第一輪點選了一些串燒海鮮 , 店員反告訴我們要緩一緩 , 因為負責到街市裏購物的廚師還未回來。 後來 , 廚師帶著一袋二袋紅白膠袋從外面回到廚房裏去。 吃串燒喝啤酒已成不變定律 , 讀到餐牌上的酒精飲品 ,

平時好鐘意食日本野, 覺得日本人將佢地既認真專注都放入食物入面比食客享用早幾日行過旺角見到開左間新既串燒店, 個名叫做"一品", 即該都特別留意一來個名好日式, 令人聯想到日本(對不起, 我是日本控 XD), 二來”一品(いっぴん)”既日文發音係"ippin", 同”逸品(いっぴん)”係一樣既, 所以一有機會就拉埋幾個朋友一行4人一齊過黎試試啦!去到幫趁坐低先知原來唔係日本野(有D失策 ^^"), 而係港式串燒(店員話係特色串燒喎), 而且裝修都普通左少少, 冇個招牌咁搶眼不過既然都黎到就即管試下啦, 因為menu冇相既關係, 叫店員推介有D咩比較好食既, 佢地話佢地主打係海鮮, 咁我地幾個都冇諗咁多就order 左D 推介既食物啦原條火箭尤魚, 十分驚喜, 超級大條, 尤魚味好香濃, 就咁睇睇唔出佢有幾大條, 其實有成張A4紙咁大, 4個人食到最後都食唔晒 XD聖子, 喜歡食海鮮既人應該會好鐘意, 聖子既鮮味再加上蒜蓉既香味, 食得出聖子真係幾新解!原條茄子, 我自己本身唔鐘意食茄子冇乜評價, 不過同行既朋友就話質素都ok, 同平時d 川式串燒店既差唔多菠蘿就有d 失望啦, 我自己本

自從OpenSnap誕生左之後都少左打食評喇，畢竟就咁upload張相真係方便好多 經網上流傳，發現最近系MK新開左間串燒店，食過之後覺得要用文字交代多少少，主要原因系味道比賣相好好多！ 燒羊架騷味重 肉質細嫩 入口唔算un 配埋d川式調味同介辣 口感一流~芝士燒蠔散發濃濃的芝士香 第一次試咁既配搭 聞就芝士味重 入口蠔味依然突出 混合芝士更加彈牙添~燒虎蝦 賣相唔算特別 進食亦比較麻煩 但味道不錯的~蒜蓉燒帶子 本人一直覺得蒜蓉是燒烤的最佳配料 蒜蓉在高溫下溶解 釋出重重的蒜蓉汁 配合原來的帶子 鮮味與蒜蓉味交替 真的不錯~燒黃立倉 魚皮燒得好香好有味道 但肉頗為淡左d 店員建議我加d檸檬汁系魚肉上面 味道即刻出曬黎~燒茄子 原條上好特別 厚厚的茄子肉好入味 雖然睇得出落左好多醬料 但一d都唔濕 燒得乾濕度適中 值得推介~冷烏冬 花生醬lo烏冬 味道唔錯 但價錢頗貴 $28驚喜不足~整體覺得幾好 系位置難穩d  期望下次有更多串燒款式！

今日去了旺角這間新開張沒久的串燒鋪👍👍👍👍有出乎意料的驚喜😋雖然那條街數數手指也有5，6間串燒吧！但這間最特別是海鮮🐠🐙🐡海鮮除了保持原有的鮮味，還加入了獨特的調味料！的確值得一試🏃🏃1⃣特大10吋虎蝦口感非常爽，肉質不老，仍保持濃濃鮮蝦味！2⃣大大條蟶子王大條得來，亦爽口！外間大多會有沙粒，但一品燒並沒這問題3⃣芝士燒蠔其實平時的我對芝士一般喜愛，而且我只愛生蠔！但這天確是看到隔離枱傳來那股極濃郁的芝士味。忍不住想試試！果然沒令我失望，配搭得十分好！真的一個人也得order4隻😋😋4⃣火箭原條魷魚燒哈！確是沒改錯名，火箭般的大條呢😆😆而且基本每枱都有1條！原來它的肉質不會太硬，還保有豐富魷魚汁！燒的時間拿捏得很恰當才可以作出這口感*另外想特別介紹就是，這裡除了海解很不錯外，蔬菜類也不弱！佳因女孩子都較喜歡蔬菜，而我也不例外，但以往我試的都燒得較乾或食落口感有點怪怪。明白其實蔬菜類不易燒得好味。不過一品燒竟做到！！只讚燒到不乾這後果已令人滿心歡喜！我亦有笑問老闆為何能做出這後果，老闆只笑笑口說，好食便多點來吧，而且現在book位還是優惠期間哦😻😻😻*

上星期同個fd行開旺角餓餓地想食野又諗起好耐無食串燒就去搵串燒店啦行到砵蘭街搵 多串燒丫嘛行到長沙街果頭見到有間新串燒(門口有花藍) 心諗 就試下你先間鋪都幾光猛 20-25個位左右啦 入面都爆哂場 係門口望望下已經有人出黎打招呼啦 岩岩有張2人枱 照入叫左野食 睇下有乜飲先自問好洒之人 緊係飲洒啦一杯1664 同埋 一杯hoegaarden roseerosee依隻洒我真係未飲過 我剩係知 hoegaarden有隻粉紅色 店員講 出左無耐架咋 得出面酒吧有食得串燒 茄子一定唔少得啦等左10分鐘左右茄子一出黎 睇落同出面都差唔多一食 e!重茄子味 唔係好重汁醬味果隻 好食第2樣出黎係原條火箭魷魚老實講 賣相同相有啲出入 不過都睇得出真係1條黎(店員同我講 張相係未剪開架 緊係令仔啲啦 咁大隻剪開隻碟都放唔哂)依個真係力推 爽口唔痴牙 又大碟又好食 抵！！之後聖子同芝士生蠔出現啦聖了夠彈牙 大大條我唔多岩芝士嘅 原本諗住比個fd食哂佢 但係個芝士蠔隻芝士味真係好鬼香 我都忍唔住食左1隻 食完我仲多口問下店員用乜芝士 佢笑笑口答我 (我地自己溝架 主材料用巴xx) 人地啲秘密我就唔講出黎啦

是咁的，今晚同朋友行完街想搵地方吹下水飲下野，行過長沙街見到呢間串燒鋪唔使等位又有冷氣就同朋友入去坐之後點左幾樣食開串燒都會叫o既野，亦都有叫D出面食串燒好少見o既首先，之前係第2度都有食過o既茄子，味道唔錯，夠辣，蒜蓉味好香，茄子有茄子味 之後再黎分別係芝士生蠔同蒜蓉扇貝，2份都好好食，最緊要2份都係$4x就有4隻，好抵食最有驚喜o既係原條火箭魷魚，好彩有聽侍應推介，唔係就後悔啦。顧名思義，佢真係成條魷魚上，燒得好香，又滑又嫩，醬汁味道岩岩好，推薦‼️2個人食飽又飲左D酒都係三百蚊多D, 下次會再黎幫襯。

平時同朋友搵串燒食多數都會去旺角因為夠就腳，今次發現呢間喺旺角長沙街新開嘅一品燒，膽粗粗入去試，估唔到咁有驚喜！平時唔打食評，都要打返篇！首先，講咗海鮮先！呢到啲海鮮燒得好好，嗰條火箭魷魚勁大隻，成條上嗰吓好震撼。唔單止賣相，味道都正！好鮮味！另外，燒黃立倉同芝士燒蠔都好有質素。黃立食外脆內軟又唔會太熟，又係好有鮮味！芝士燒蠔火喉啱啱好，平時少食蠔嘅我都覺得好食！仲有一樣要勁讚嘅係蟶子皇，勁大隻仲要勁新鮮！juicy 又彈牙！加小小蒜蓉吊吊味，仲好食！講完海鮮講吓肉。啲肉類雖然唔及海鮮，但都係好食（只係海鮮太好食）。本人首推牛舌，鹽度適中，唔似一般串燒咁咸。中意羊嘅一定食個蒙古羊架，勁有羊味！（掛住食冇影相）最後，食得串燒梗係要飲啤酒啦。估你唔到嘅係一間咁細嘅鋪頭，竟然係賣生啤1664同埋Hoegaarden！勁有品味囉！3個人食咁多嘢，埋單每人都係百六蚊，有酒飲，超！級！抵！老闆仲畀咗張卡片我，話下次再嚟有八折呀！惟一要彈嘅，我諗係我果枱近門口，啲人出出入入有啲熱囉。我諗下次坐入啲應該好好多，冬天應該勁正！以後同朋友宵夜又有一個好去處，肯定會再幫襯！