一品燒 (已結業)

最近日式,西式,泰式咩都食曬…..只好無聊上網睇下有咩好食啦….睇到呢間串燒店好多人推介,好多人話好食,於是同男朋友去試下啦!!去到差不多七點幾,店內其實冇咩客人,所以好快就可以坐低,而且野食都算黎得快,叫了燒壕,芝士腸,魚,雞翼,栗米,九菜,牛柳,牛舌…..點知樣樣野都難食到暈,冇味之餘仲要入面係凍架,好明顯係雪櫃剛剛攞出來用電熱爐燒幾下果隻就算,完全冇香味,而且D汁勁咸,食到一半已經想埋單走,D粟米燒到黑黑地,最後食九菜火都黎埋,應該用石紙包住燒,都未熱透仲有小小凍……埋單忍唔住同伙記投訴,佢竟然話'''係咩??"""一D歉意都冇,我發誓呢世都唔會再幫襯,食完成肚火,但又唔飽好肚餓,最後要回家食公仔面,唉!!!!!!!!!早知自已係屋企打邊爐算……..

如果沒有記錯雜誌的介紹，一品燒是幾位八十後年青人開的店，經營串燒店門欖不高，最重要是來貨及有心，耐心地慢慢燒，依自己口味調味，不可能不好吃！位於旺角較為人流少的二線街道，相信是租金所限，其實不失為創業之選，所謂有麝自然香，如果口啤好，以年青人居多的旺角遊人，多走幾步又有何難！店內沒有甚麼裝潢，用上暖色的木桌椅子，白底之牆壁上就以食物圖片作點綴。出菜位在推介板下牆壁的一角。每天有廚師推介，海鮮價！設有電視屏幕，獨食者不悶，有球賽亦不會失，是晩正播放著翡翠高清台之動物紀錄片，講述牠們獵食方法，正在吃串燒肉的我倆，看得有趣之餘，別有一番感受！鄰近油麻地街市，入貨無難度，尤其是海鮮，小店亦以平民海鮮小物作主打。揉合港式及川式製法，桌上備以孜然粉及辣椒粉。今日竟然沒有啤酒供應，吃燒物似有所失，欠了絶配，只好乖乖飲王老吉。串燒餐牌貴精不貴多，但基本選擇及花巧的亦有，喜歡的都已列出，又何需花多眼亂！首次光顧，邏輯上於必食推介內選擇。原條招牌蒜蓉燒茄子 (3.5/5)先來一道燒野菜醒醒胃，樣子平庸的茄子被張開肚子，灑上大量蒜蓉及少量紅辣椒調味，確實升了呢，嗅到蒜蓉之香及燒烤之焦惹，已經垂涎欲滴。燒功不

原來起旺角一條我平時唔會去既街開左間食串燒既小店😏營業時間仲去到凌晨 真係夜一夜都唔怕冇野食😗串燒有好多唔同種類有海鮮有蔬菜有肉類😁招牌一品原條火箭魷魚 $78 條魷魚放落枱我真是o左咀😑真係好大條好震撼🐙最欣賞是唔會燒到過左火唔會話變左橡筋咬唔開💁🏻中意食重口味同串燒可以去試下😌其實仲有好多野都唔錯😌一品 燒羊扒(2件) $68 雖然係羊 但食落又唔穌🙈本身我好中意食羊既我覺得幾野味😏而且啖啖肉 可以一試💁🏻一品招牌蒜蓉燒茄子 $36 其實普普通通 我覺得太咸了一品燒挪威鰻魚 $38 鰻魚本身也是貴價食材$38有燒鰻魚食真係幾抵而已都幾厚身 唔錯可以試下!

雖則每個人口味唔同......但係無理由咁多人讚好0既一間鋪頭,D 0野食咁既質素......老老實實 , 屋村宵夜檔 「豬牛雞 」 都好過呢間鋪囉~~~D芝士一PET PET , 失望燒海鮮 , 最緊要係新鮮 ,但係呢到D蠔同扇貝.....又乾又咸又嚡又硬 ,(唔通係雪藏貨 ? 我見個有雪藏扇貝連殼賣,唔通.....咁D蠔呢 ?)我同D員工反映D野太咸 ,佢就係識得傻笑 ,比佢激死其實我不嬲都唔興寫食評 ,但係今次真係反差太大 ,好似比D食評呃左咁 ,先突登開A/C係度呻下...... 簡單一句 , 太咸 , 野食唔生鮮 , 服務態度嘛嘛 ,係咁多 ,大家小心 

招牌一品原條火箭魷魚 $78好食指數: 3.9/5抵食指數: 3.9/5海鮮狂點可以唔食原條拎去炭燒 魷魚身咬落非常腍魷魚腳海鮮味勁濃 又彈牙咁嘅價錢比成條你 抵食夾大件原條蒜蓉燒茄子 $38好食指數: 4/5抵食指數: 3.9/5燒茄子大家都唔會陌生 但食親都有野彈例如: 唔夠腍 唔夠味 燶得濟但呢個茄子切開到成張紙燒 又真係整得唔錯切到咁薄 一來受熱均匀易腍 二來上味容易蒜蓉加上醬汁 少少辣真係食一條都唔夠喉一品燒 位置旺角嘅串燒店黃金蒜蓉燒蠔(四隻) $68好食指數: 3.6/5抵食指數: 3.5/5蠔夠大隻新鮮 拎黎燒就最啱配搭蒜蓉辣椒非常惹味鐘意食蠔嘅一定要試！

一品燒店子小小 但食物算幾有驚喜~大大隻燒茄子你試過未？一品燒最出名既蒜蓉燒茄子 $36以蒜蓉辣椒香葱同鹽原條燒成又辣又香 真係超好食而且茄子非常腍唯一缺點係真係超多油但係無辦法 因為茄子本身好吸油同埋唔夠油燒既話真係唔好食所以間中食無可厚非既又一好味推介 原隻魷魚筒 $78 肉質鮮甜軟身易咀嚼而且有少少炭味 好香配上燒汁 冇得彈燒牛扒 $42燒牛扒火候拿捏得唔錯牛肉生熟度適中 肉質鮮嫩有肉汁非常好食 份量還可以啦 又唔會話感覺唔抵食 燒羊架 $68 呢個亦都係美食推介羊架肉質好嫩滑 配合香料一齊燒真係超級香微脆既外層包住柔軟既肉 好正！調味充足 完全唔需要再添加任何調味料價錢算係咁 必食呀呢個地址:旺角長沙街2號地舖

Li間係旺角既串燒店雖然鋪面唔算好突出，裝潢一d都唔豪華，平時行路經過都未必會留意到。但個次同朋友去食，就發覺佢地燒既野食質素好唔錯！芝士焗生蠔(4隻) $72Li到既生蠔有得揀蒜蓉燒又或者係芝士焗，Li個時候我內在既芝士怪因子又發作啦哈哈！佢地用左車打芝士黎焗，份量仲一d都唔姑寒，成隻蠔都被溶化左既芝士蓋住賣相好吸引！不過我就覺得芝士味偏淡左少少唔夠出，但蠔就好肥美，而且燒得唔錯食落仲有好多汁ga！特選蒜蓉聖子皇 $48(時價)大大隻聖子皇唔係到到有得食，我食個陣仲要賣緊$48 隻咋！聖子真係幾大下，食落啖啖肉，燒得岩岩好，肉質嫩口彈牙！用左蒜蓉黎燒，仲有點微辣好惹味。蒜蓉燒茄子 $36唔好以為三十幾蚊食茄子唔抵啊，Li隻茄子真係好大條！絕對可以俾兩個人Share黎食。茄子肉好淋，好濃蒜香，味道唔錯，中意食辣既可以額外加D辣粉黎食會更加滋味！不過茄子肉有d難起，要同朋友互相幫助先夾到黎食啦！原條火箭魷魚 $78大大條火箭魷魚黎到個陣我都嚇一嚇，兩個人Share既話大家都要有返咁上下食量先食得哂啦！魷魚仲係彈牙又厚肉，點埋醬汁黎食味道都唔錯。唯一係魷魚外皮略嫌燒得過火左d，太燶食落帶苦

🙌🏻一路以黎都覺得食串燒會好大油煙味或者貴但係坐得逼又唔飽🌚不過呢間係旺角既一品燒 就好似一般餐廳咁乾淨企理、坐得舒服重有埋電視睇添🙌🏻🌟枱面重有孜然粉同秘製辣粉任你加逐様講下佢啲野食先！．黃金蒜蓉燒蠔 $68/4 ranking:4.5/5**燒蠔一上枱啲汁重滾緊 而且都幾大隻蒜蓉味好香配埋少少海水味 正👻．蒜蓉燒茄子 $36 ranking:4/5**真係原條燒架！鍾意食茄子的人有福了蒜蓉多到埋住左茄子 加埋孜然粉超級惹味😍不過係油多左啲😂．原隻魷魚筒 $78 ranking:5/5**雖然價錢高左啲 不過真係好大隻😍三個人食都一定夠 控制火候方面相當唔錯魷魚肉嫩而不韌 好滿足👍🏻．原條燒鰻魚 $58 ranking:4.5/5**唔洗好貴就可以享用到即燒既鰻魚熱辣辣既醬同鰻魚一齊入口即溶嗚嘩(´･Д･)」如果再大條啲 一定會成為王牌！．原條挪威鯖魚 $38 ranking:5*/5**無講笑 真係原條魚身真係三十八蚊啫就算唔加檸檬汁都唔會腥 加左只係更香魚肉好嫩而且無乜魚骨（尾部有幾條）真係又抵又好食😆🙆🏻而家每兩位入座就送一條秋刀魚🐟放學放工想搵人吹下水就岩哂🌸

原隻燒魷魚 ($58)原條魷魚的確係幾特別 深褐色的賣相燒得適當從頭吃起的第一口夠爽 燒得唔老又帶魷魚鮮味道未算鮮甜不過質感不錯又唔算太油可惜可能已經放得耐左所以温度僅微暖 熱辣辣的話會更香口原條燒茄子 ($36)茄子切半後鋪上不少蒜蓉 似一尾魚多於一根茄子茄子燒得熟透而軟腍 茄子外皮硬但仍咬得開蠢蠢的我係食完之後先發現朋友都冇食皮落肚蒜蓉味好濃好搶 不過茄子本身味道淡所以互補不足茄子頗長份量足 比起另外某幾款別的海鮮抵食芝士燒扇貝 ($44)芝士味在端上枱時香味幾出 扇貝不大隻小小一口趁熱芝士半融幾濃香 扇貝稍稍少燒一會就更軟腍扇貝本身尚算鮮味但味道未夠甜 性價比就一般吧燒鰻魚 ($58)燒得軟綿而質感腍身可惜不脆口 味道如常的帶點甜香其他海鮮如蝦和帶子微微過熟 燒白鯖脆身而香口豬頸肉肉質不夠軟味道淡 還有燒鯖魚比秋刀腍身好吃價錢方面差異滿大 晚市人流不太繁忙 較適合宵夜蒜蓉燒扇貝 ($40)味道主要來自濃烈的蒜蓉味 海鮮鮮味不太突出扇貝小小的一隻口味不算十分充實 幸好熟度剛好整體的食物驚喜不大 味道平均不差也不突出

日式串燒，愛居酒屋的氣氛。地道串燒，則取其不羈的風味。一個配清酒，一個配啤酒；一個君子，一個浪子。這夜，選了一品燒。在這細小而簡單的店，脫去淑女的枷鎖，忘掉煩人的禮儀，豪邁地吃串燒，暢快地過一夜。座位不多，坐逼一點，也只容得下大概20人。幾乎沒佈置可言。不修邊幅的浪子，才叫人傾慕不已。牆上掛著招牌菜的圖片，一目了然。海鮮、菜、肉、丸，一應俱全。有孜然粉和特製辣椒粉，想更濃味，可自行調味。招牌蒜蓉燒茄子街市菜檔的原條茄子，中間切開，鋪滿香噴噴的蒜蓉。燒焦了的茄子皮上，是軟腍腍，帶濕潤，滿佈蒜香的一絲絲茄子肉。剁得全碎的蒜蓉，尤如融在茄子肉中，味道合二為一。幾小片的辣椒，小而精悍，辣得要喝口涼茶，卻刺激得難以自拔。特選蒜蓉蟶子皇如假包換的蟶子皇，很大隻。清甜爽口的肉，夾著蒜蓉，十分香口。香燒黃立倉原條倉魚，中看又中吃。撒了辣椒粉的皮，燒得微焦，十分香脆。魚肉卻不失鮮味。擠上檸檬汁，清新的酸、輕輕的辣，香脆的魚皮，加上嫩滑的魚肉，多重滋味。原條火箭魷魚重型級魷魚，夠4-6個人分。頭較薄較嫩，中間則爽口有嚼勁，件件鮮味十足。邊咀嚼，邊享受溢出的鮮味。美中不足，是魷魚鬚的尾部太燶，變苦了。燒羊架

一向對韓燒、串燒興趣不太，因為無幾多間燒到好食。但今日比個女拉左去旺角食宵夜，就發現左呢間串燒店。店內氣氛都幾熱鬧，而食客就以年青人為主。我地見到Meun有唔少必食推介，所以就隨便點左幾個。最值得推介係燒黃立倉魚雖然唔大，但可以做到皮脆肉嫩，而且味道岩岩好，好似有家嘅感覺而鰻魚味道濃郁，但燒得有啲燶同有少少腥味，認真嘥左！如果花多少少時間係醬汁上去解除腥味，應該會更加好。燒扇貝就不過不失，都幾鮮新，而且好多芝士，好足料，所以呢個價錢都抵食。而呢個招牌蒜蓉燒茄子就無太大驚喜，蒜蓉味的確好濃郁，但油左少少。大叔我平時我只係飲啤酒多，但原來飲Apple Cider同串燒都幾夾！

早前看《飲食男女》app介紹旺角一品燒,便跟男友一起嚐嚐。先來兩支Apple Cider,送串燒一流！原隻火箭魷魚沒想到魷魚那麼大!!烤得微微焦脆,剎是吸引,咬下去爽脆彈牙,鮮嫩多汁,加了辣粉更惹味!可是部分位置燒焦了以致有點苦。招牌蒜蓉燒茄子 (原條)表面燒得金黃,茄子撒上孜然粉及辣粉,軟諗入味,但皮的部分太乾,難以咬嚼。芝士燒蠔 (4隻)喜歡吃蠔,燒蠔更是我的最愛!四隻芝士燒蠔份量足夠兩人分享,半溶芝士味道香濃,可惜蠔自身不太新鮮,有點腥。足10吋大虎蝦 (1隻)虎蝦燒得香脆,加入蒜蓉更添香氣。蝦肉結實爽彈,鮮味十足,我跟男友也很喜歡。燒羊架 (2件)羊架看上去較厚身,肉質相對較韌和乾,而且羊的騷味不濃,無法滿足我這個嗜羊的人。燒挪威鯖魚 (原條)這條燒鯖魚挺肥美,皮燒的很脆,咬下嫩滑多汁,擠點檸檬汁可以減低膩感。

通常食串燒都係企街邊或者坐街邊食第一次入鋪頭食,又是另一番風味招牌蒜蓉燒茄子最愛就是吃茄子茄子一來到時,感覺好大片,形狀似魚燒到成條好腍上面鋪滿蒜蓉,好惹味原條火箭魷魚原條上,一見到時真的好震撼魷魚燒得很香口,不過略嫌燒得有點硬但味道不錯,算幾惹味原條燒鰻魚很久沒吃過,鰻魚原條燒,再加上醬汁,唔太硬幾好味燒挪威鯖魚鯖魚肉質算嫩,皮燒得脆脆,淋上少少檸檬汁增加清新感芝士燒扇貝扇貝實際size較細,芝士味未算好濃一品特選蟶子皇蟶子燒得幾惹味,幾爽口不過調味有啲重手,未算太食得出鮮味新鮮花甲皇花甲上放上大量蒜蓉,所以味道好濃但略嫌蒜蓉太多,似乎有啲蓋過左花甲本身既鮮味

天氣轉涼，又到左食燒烤、串燒既日子！我同朋友被一品燒既巨型魷魚吸引而黎，睇落超正！晚上七點去到，小店入面約五成滿，坐低左之後，人潮開始出現！好彩我地早d到！見到店員帶其他客人上一層，先知道原來樓上仲有位。一睇Menu, 見到燒烤食物分為燒海鮮、燒肉、燒丸、同埋燒野菜四類，我同朋友第一時間揀海鮮。原條火箭魷魚 ($78) 巨型魷魚🐙上枱時，比佢個份量嚇親🌟，真係幾巨型！ 魷魚燒得剛好，所以爽口彈牙又唔會韌😋。重點係小店用咗秘製醬汁同落咗孜然粉一齊燒，所以食起上黎非常惹味👍，越食越辣，絕對可以刺激味蕾，如果唔食辣嘅朋友可以落單時註明走辣啊。芝士燒扇貝 ($44 4隻) 鮮味嘅扇貝被燒得香香，再灑上芝士燒至金黃，熱溶芝士擴散至整隻扇貝，芝味香濃😋😋😋。扇貝頗為鮮甜，配上濃郁芝士，一人食哂4隻都無問題，而且價錢都好合理！一品特選蒜蓉蟶子皇 ($48 )大大隻既蟶子皇上面加左蒜蓉同孜然粉一齊燒，惹味得黎仍然食到蟶子既鮮味，不過蟶子入面有少少沙未處理乾淨。蒜蓉燒茄子 ($36) 其實我自己唔係太好茄子，但係見到旁邊枱枱都有叫呢個茄子，又忍唔住想食埋一份。開邊茄子份量好大，上面有好多好多蒜蓉，一送上

旺角.. 旺角..有名你叫，當然愈夜愈旺。正當我想去搵宵夜食，就發現左有間較新嘅串燒店係長少街，而且仲有好多海鮮比你揀原來佢星期日到四會由夜晚6點開到零晨2點，而星期五六就開到清晨6點，絕對岩哂一班夜鬼。見到台台客都有Order，相信應該幾正，而且仲要係原條上！黎到時，成條茄子都鋪滿蒜蓉，所以好香又入味。另外茄子皮雖然燒到又燶又黑，但茄子依然Juicy不過美中不足係較為多油，控制反少啲會比較健康同無咁膩。依個原條火箭魷魚都唔例外，送到時候，我地都嘩左一聲，因為真係好大條，我地3個人食完，都已經有少少飽飽地魷魚比較厚但肉質爽口，而且用秘製醬汁燒，味道唔錯。加少少辣粉，會更加惹味！但略嫌魷魚鬚燒得較燶。蟶子皇都幾大隻，而且燒得岩岩好，燒到爽口彈牙，本身已經有蒜蓉、辣椒同蔥花調味，再加啲孜然粉，會更加正！蠔係我今餐中最中意嘅，非常新鮮，多汁而且嫩滑，配少少蒜蓉已經好夠味，但絕對無搶走蠔本身嘅鮮味，真係好想食多幾隻黃立倉介十字燒，等秘製醬汁流入魚肉，所以入味之餘又多肉汁。同時魚皮又燒脆到干身，但最正係肉質仲係好嫩滑。不過$88一條，就好似貴左少少喇整體黎講，海鮮都好新鲜，不過有啲價錢畸為貴左少