一品雲南米線

营业中

休息中

服務太差，問吓嘢都好似得罪佢全家咁。而且奶茶得奶味，炸雞翼同炸薯條好大雪藏味，食唔落！唔好話小本經營街坊生意，就算係咁都唔應該攞顧客出氣！啲嘢難食服務仲要員工態度咁差，永不幫襯！！

下午茶時段買外賣，怕下午茶太細碗，所以買正常自選返去當晚餐，返到去打開，從未見過份量咁少嘅米線，餸菜都比較少，豬腩肉好似有啲說相咁，腐竹就變炸枝竹，食完都唔覺得飽，已經配可樂，平時一碗米線加可樂已經飽到嘔，第一次買有啲失望，冇諗過咁差，完全冇影相，等返張單！今日見同學叫外賣，碗米線係另外放係碗外面，上次買外賣時米線係放碗內，湯又少餸又少米線又少！冇下次,食返譚仔算，諗住開左咁耐都未試過就試試😫😫

每年總會去粉嶺拜幾次山，拜完山就會去華明商場食埋野先出返九龍區，今次就特登搵返呢間「一品雲南米線」食喇～一品茶餐米線價錢相當抵食！三十幾蚊有交易，仲跟杯熱飲，選擇都唔少，最正係呢個茶餐去到夜晚七點，有時拜完山，晏咗黎都仲有，當晚餐食🫢一品豬米線 （腩片、豬紅、油菜）$ 33⭐️⭐️⭐️⭐️我揀左酸辣湯，我最鍾意食雲南米線，因為又滑又淋身，腩片份量都唔少，而且好耐都冇食過咁好食既豬紅，好入味😋雀仔肚既我都成碗清哂，哈哈😆味炸龍蝦丸 $29 ⭐️⭐️⭐️⭐️有6粒大大粒既龍蝦丸，炸到金黃色，配埋沙律醬一齊食，仲好味D添～必叫小食👍🏻相信下次再來華明商場，我都會再來光顧😊

話說呢一日，去到粉嶺和合石念親恩，念親恩之後，就去咗最近嘅商場，粉嶺華明邨度搵嘢食，以前喺嗰邊搵嘢食，就好簡單嘅，因為有間酒樓，但係今次搵唔到，好似變咗一間護老院，於是就去咗隻另外一間小店，呢間係一間一間米線店，反而好有驚喜！湯底唔會太酸唔會太一慶唔太辣，味道恰到好處，我哋幾個人，一個就嗌咗魚蛋魚片米線，一個嗌咗豬肉米線，一個叫魚肉米線 ，整體都唔錯，另外叫咗兩個特色物米線，包括咗蟲草花杞子醉雞米線，非常之好食，雞肉夠晒嫩滑，湯底亦都好鮮味，另外一個金湯酸菜羊肉米線，又係非常之驚喜，羊肉裏面有幾件豬紅，豬紅非常之入味，超正！另外叫咗個炸龍蝦丸，皮脆肉滑，又係好正！

小店其貌不揚，味道卻有驚喜。一般雲南米線都過鹹，這碗卻不會，有家常味。雖然辣度達不到「中辣」，少啲油都好，健康啲。肥牛份量足夠，牛味好香。$35價格適中，路過可以一試。

最近嘅米線就係一品，走嚟食返碗小鍋米線，之前多數都買外賣，今次就堂食。一品配料都算多選擇，小鍋清湯米線就$25，之後再揀唔同嘅餸，咁就樣樣價錢唔同，自己慢慢揀。落單係自己用白板筆畫落張餐牌再俾d 職員。呢度有我鍾意食嘅竹笙同墨魚頭，基本上每次都係叫竹笙墨魚頭小鍋清湯米線 $41，朋友揀竹笙炸醬小鍋清湯米線 $39。 另外聽聞佢個豬扒幾好食，於是就叫咗個一品豬扒 $26。叫咗走青同走韭菜，最後韭菜冇走到仲俾咗大量😭😭，米線感覺份量唔多，普普通通冇咩特別。豬扒正正常常，唔會話難食，但又冇話好好食，唔會好硬，上枱仲熱辣辣，不過下次就未必會再食。

食咗佢個豬扒酸辣米線 都幾好味呀都覺得唔錯😁☺️特別佢個豬紅真係煮得好入味 而且我覺得員工嘅態度都唔錯話啲姐姐都好好好有笑容 而且叫咗碗麵都好快上 喺華明邨都係個好選擇

依間嘢我食咗超過10次，包括早餐午餐下午茶同埋晚餐！每次去啲員工態度都勁差！！！點解會繼續去係因為附近無乜好食！直到琴晚叫咗碗酸辣米綫外賣，餸少都不在話下！！！！！食到我又痾又嘔咗成晚！痾到今朝！依啲餐廳執咗去好過啦！服務態度又差仲要食到人又痾又嘔最後我上網睇人對依間餐廳嘅評價全部都係負評！一間屋村餐廳竟然可以有咁多負評！仲要原來負評都唔係一日半日嘅事係一直以來都係咁衰！原來間咁嘅嘢仲有分店！舖就識開！開完又唔識管理！祝早日俾食環抄家！！

員工服務態度十惡劣,如非必要,真係唔會再去食‼️飲品已經備注下單叫少冰,嚟到一句話個水吧聽錯多冰,就要客人硬食,今時今日咁嘅服務態度唔得啦,米線味道又唔會特別好,呢啲真係中一次伏就算‼️而且舖頭內嘅枱同餐具,基本上都係油淋淋的,疫情期間都完全唔注重衛生環境問題,雖然唔係求佢要完全消毒,但基本清潔都要啦,呢度真係完全冇,仲衰過路邊小販‼️如果因為呢啲衛生情況而出現疫情問題,後果真係不堪設想‼️所以最後總結都係要重新多次‼️如非必要真係唔好幫襯

依家一直係我嘅飯堂，喺公司附近，一有時間就想去食，平時最鍾意叫麻辣口味，但因為最近腸胃唔係咁好，盡量唔食啦，於是就試吓佢嘅蒜香口味米線，又有意外驚喜喎蒜蓉味非常重，愛蒜者必食，另外要推介佢啲配菜，必食嘅豬紅同肥牛，我唔係間間豬紅都食，呢間啲豬紅令我食過返尋味😋😋

今日同阿嫲🧑🏻‍🦳去粉嶺行街，經過一品雲南米線，咪想試下囉😀當時差唔多二/三點，放學時間，所以好多學生🥸但是我走個陣，就有人等位，所以唔想等嘅話，或者1/2點來🧐入面環境還算可以，唔係話太乾淨😅地方有少少宅但還可以😀🍲一品魚肉米線🍲$: 35 HKD 呢個是個套餐，包米線同野飲，呢兩樣野就是35蚊。🤩Menu上面仲有其他嘅米線，有D就32蚊，有D就35蚊。🧐佢哋湯底有清湯，酸辣，仲有一隻味但是我唔是幾記得😓叫咗無十分鐘就到😀我覺得D湯底ok，D米線都還可以。反而阿嫲🧑🏻‍🦳覺得湯底正同埋D米線都好滑😆 （婆婆都應該會鍾意😂😂）D魚蛋普普通通🤔35gum都算唔錯😆☕️柚子密☕️個柚子密都好好飲，對阿嫲🧑🏻‍🦳來講就太過甜，佢覺得加個🍋入去都會好飲😀 35蚊有米缐同野飲都算幾平🤩🥸服務🥸服務還可以，佢哋都好小心同好快（一舉手就到😂）呢個應該是平時嘅餐牌🧐我叫個D好似是午餐優恵🧐（sorry 影到）平時個D有得自選配料，好似好多選擇😋😋

粉嶺華明最近都好多食店林立，今日試左一品雲南米線。由於近屋企所以都唔堂食，選擇左外賣。外賣係需要加一蚊既。食物方面：先講下矩既味道先，不過不失，唔會難食，係唔會失望既面。加上矩分湯，呢個都係一個好好既外賣。食面最驚矩反到屋企漲哂！魚既肉就唔會係新鮮架啦，食落去雪藏既，好多粉，但甘多粉先有甘滑既口感，辣度利講適中，薯粉煮得岩岩岩，有彈性扭紋既。環境方面：座位比較窄，裝修一般，所以反屋企慢慢食，員工既服務態度唔錯。

📌豬紅豬腸四川麻辣米線 大辣 $37麻辣湯底只得辣而冇麻。大辣辣度都接受到！但落左好多味精，勁咸！豬紅同豬腸正常發揮，吸左啲麻辣湯底，唔錯！#美線 太冧冇咬口.📌腐竹竹笙豬紅酸辣米線 $44個 #畜牲 夠爽口，唔會淋哂。.📌Zero $6.📌凍咖啡 $6.總括黎講，味道正常，但味精好多！P.s. 一寫米線食評一定要用 #譚仔姐姐話 🤣.食物：6.5/10環境：6/10抵食度：7.5/10回頭度：6/10.

係粉嶺放lunch 突然之間好想食米線🍜就上OpenRice search一下誤打誤撞就黎左尼間一品雲南米線~自己一人食lunch 嗌嘅野唔多🙈Order左一碗小鍋清湯米線🍜$25再加滷水雞翼做配料 +$6Total $31正正常常嘅價錢味道都算正常嘅 不過不失~👍🏻湯底正常🙈不過 我就略嫌佢d米線太冧🤭冇乜咬口

今天不想吃米飯，反而想吃平日很少吃的米線。在這間屋邨商場營業的一品雲南米線，價錢不算太貴，$37一份雙餸米線，味道普普通通，中辣也不算很辣。腩肉偏肥，每片腩肉都有很多很多肥肉，幾乎沒有瘦的部份。整體感覺很一般，不過不失，還可以吧。