一品雲南米線

营业中

休息中

03分落單，等咗15分鐘左右見隔離遲過我落單嘅都已經食緊。問啲姐姐佢話未有叫我等陣，等到差唔多25分鐘再問多次究竟係咪漏咗單，仲係重複話只係未出到再等陣，坐隔離嗰啲都已經睇唔過眼話自己已經食完有乜理由我早過佢要等咁耐。去到等咗40分鐘，搵返最初幫我落單嗰個人，先肯認係自己冇落單。全程等左45分鐘問咗咁多次，去到最後埋單店員一句唔好意思都冇講過。死口唔認係自己落錯單，態度惡劣，大把時間冇埞使嘅就去食啦。

😡😡👎👎👎👎👎👎👎本身呢間餐廳嘅米線份量已經少，其實都唔係好抵叫左外賣平台送到過嚟，打開發現仲少左個餸，係超級唔抵！！奉勸大家，如果要食呢間嘢，千祈唔好買外賣，或者你要接受三餸變兩餸呢個後果！！

今日去咗好耐冇去喺屋企附近嘅米線舖食返個已經好耐好耐冇食過嘅酸辣米線由於附近接二年三咁樣開咗幾間米線，所以競爭都好大今日叫咗個墨魚豬軟骨雞豬潤酸辣米線佢個墨魚鬚真係超乎想像嘅正，又脆又爽又好食豬軟骨亦都鹵得恰到好處不過略嫌佢嘅豬軟骨唔夠軟都仲係有些少硬骨所以如果牙齒唔係咁好嘅人就要考慮考慮啦不過味道真係好好嘅豬潤都係爽爽脆脆咁呢間嘢嘅酸菜亦都係非常之好食嘅佢嘅酸辣湯底係紅紅橙橙嘅湯底酸酸甜甜又帶啲鹹香味咁樣至於個雞真係好食到飛起雞皮脂肪足夠隻雞都非常之夠滑唔係細雞好夠雞味如果呢間嘢可以半隻雞咁樣賣就好啦

買完餸，個心囉囉攣想食米線。係返屋企途中見到一品，其實都好耐冇食過呢間嘢。因為太耐冇食，所以已經唔記得咗麻辣嘅味道。咁今次叫酸辣湯底，個米線係幼身嘅好滑。但係個腩肉就有少少失望啦，係白灼嘅。豬軟骨嘅肉係入味，但係啲骨仲未煮到半透明。其實呢度最正嘅話，係配料可以加雞脾，份量都好十足。米線配一個雞髀做餸，都係$15 ，性價比相當高。雖然好耐冇食，但係個味道都冇退步。雞髀係有底味，亦都用咗啲香茅嘅配料真係好好食。今次都好好彩，隻雞髀好大隻，感覺相當滿足。

朋友住呢區，食完之後好鍾意就介紹我哋去食，順便佢自己都有得食🤣🤣好多選擇，而且性價比唔錯阿媽嫌麻煩揀咗個酸菜魚米線！勁多鹹酸菜，但係啲菜好鹹，阿媽係咁彈🤣🤣鹹菜應該浸耐啲水為咗安全起見，而且我幾鍾意食豬膶，見到呢度難得有得嗌豬膶就嗌咗豬潤，上枱好靚仔未影相就瓜分晒啲豬膶啦，食飽咗嘅阿姨都忍唔住夾咗一嚿食係新鮮滋潤有屋企整嘅感覺！份量亦都足夠，好過好多連鎖好，加咗$6雞絲，唔知係咪因為$6所以剩係得兩汁豬紅都好好味服務態度良好

食物的選擇好多，除左一般的米線套餐，下午茶都好抵食。我已經食過好多次，我建議選擇佢的套餐比較好味，特別係口水雞那一個套餐，最好味。係百搭款的中的餸，我今次食左冬菇、豬軟骨和蘿蔔，冬菇好太陣奇怪既臭味，仲要好明顯係後加係麵到，因為冬菇係一d味都無。蘿蔔亦較以往差左。反而豬軟骨係好入味又夠淋。

每次食親都好想講，早餐個麵底唔係清湯黎，係6完好麵好混沌既水黎。。。越晏黎食就麵混沌。。因為6完好多麵。。。而且d野勁多油。。個紅腸浸哂油。。 但係現場又唔見有意見信箱提供，唯有喺呢度表達

今日第一次黎到馬鞍山店，見到門口寫早餐33蚊就去試下，當諗到食咩個陣叫人寫單，點知比D呀姐唔係太好禮貌咁話要自己圈落張早餐Menu到，跟住我都有話唔好意思第一次黎唔識，佢仲串我話唔識就問，講真我都係客，唔識要落單你都要幫我架啦，我標題寫不過不失係講食物，因為正常早餐質素，有待改進係員工既態度，真係攪唔掂，希望哩間公司可以安排下Training比同事，如果唔係遲早執。

耀安唔算多嘢食，但依間米線感覺人流亦旺，就試下啦！依度好嘅姐姐服務態度好好，而且餐廳有供應裝口罩嘅紙袋，亦算細心，不過略嫌衛生環境可再加強。天府水煮魚米線$42水煮魚好入味，好淋，同埋冇骨，入口即溶嘅感覺。而米線唔會淋曬，亦5係話彈牙，正正常常，但都吸晒湯底嘅味道。碗米線仲有好多配料，例如豆卜、豆芽等，份量亦大碗，湯底偏油，辣度不足，但整體都好食。雞腿$12雞腿炸得好脆，肉質嫩滑，性價比高！ps. 跟餐加$6仲有凍飲添！

之前食開都係譚仔三哥呢啲連鎖舖頭，今日想試吓啲街坊鋪，諗起屋企附近有一間米線譜，開咗一段時間但係一直都冇食過，上OpenRice望過個Menu，見到都好多餸揀，所以即管一試！原本諗住揀個小窩米線，點知下晝4點入到去原來仲有下午茶餐，價錢再抵啲，所以決定試吓佢嘅蟲草花杞子雞絲米線。可能對佢本身冇乜期望，反而幾滿意，要個酸辣湯底，味道都不錯！30幾蚊連埋嘢飲，飽到直頭可以當晚餐！

朋友推介一間位於馬鞍山耀安村商場內嘅米線店，某一早上就過咗去食早餐。我叫左蟲草花杞子醉雞米粉 （$45）加滷蛋（$6）湯底幾正，有花雕酒及雞湯味，好飲！而配料嘅蟲草花唔多，但雞就有好多件，有2層雞件，肉質夠實淨，但就唔算好入味。我加咗啲麻辣醬食，好夠麻又唔太辣，好惹味！另一款係口水雞米（$45）雞肉夠大份，而且係髀位好滑！同佢個麻辣醬好夾，好味！米線滑同彈牙，湯係普通清湯。整體嚟講真係非常唔錯，抵食兼足料，味道又👍🏻👍🏻

嗌咗三個米線嘅外賣，一個小鍋酸辣米線、一個醉雞米線、一個過橋米線拎到返屋企發現有兩個米線俾咗米粉，而個過橋米線得個餸無米線...即刻拎落去叫佢俾返個米線但個米線未煮熟，中間仲係硬嘅...無下次