一喜‧燒肉

营业中

休息中

今日終於試到呢間嘅燒肉邊爐放題，之前星期六日經過都唔少人喺門口等位，今日平日早咗收工，所以就同另一半一齊去試吓，門口好似冇乜人，入到去原來坐滿大半間餐廳🙈🤣餐廳裝修新淨，抽風系統好，食完個身唔會有油煙味，今日試咗樂放題果個餐，大部份食物都係QR code落單，食物都好快送上枱，亦冇漏單嘅情況，有少部份食物係自助既，例如打邊爐嘅蔬菜，餐前小食，部分炸物，關東煮，蛋糕，雪糕雪條，同埋飲品等等飲品嘅款式都好多，一般嘅汽水同韓式汽水，無糖茶都會有，呢度仲有百事生可樂由於本人好鬼肚餓，等唔切打邊爐同燒肉，即時叫咗三文魚刺身同炸魷魚鬚，榴槤波波嚟食，三文魚嘅油脂唔算豐富，但都幾香三文魚味，而魷魚鬚同榴槤波波都係啱啱炸起，所以食落口都熱辣辣脆卜卜好好味壽喜燒邊爐壽喜燒邊爐好快就上枱，仲配咗兩盤金標和牛，牛肉嘅油脂唔算好多，食落口都重肉味同幾軟腍，幾好味😋😋燒肉燒肉亦好快上枱，叫咗好多野食，例如有牛仔骨，牛舌，牛板腱，封門柳，牛油生蠔帶子，蜆，大蝦，豬腩肉，雞腎等等，首先要讚一讚呢度嘅爐，火力好猛，好快就燒熟啲食物燒肉嚟講，我最鍾意食牛仔骨，牛舌同封門柳，牛仔骨燒到好香，貼骨位嘅肉特別香口😍😍而牛舌就

屯門「一喜燒肉」係我近排好想去食飯的餐廳，餐廳位於屯門時代廣場3樓40號舖，坐港鐵屯門站B出口穿過天橋行幾分鐘就到，好方便。 點解好想嚟食，因為比一個價錢就可以食到燒肉、火鍋、剌身三樣放題，啱晒我尼啲選擇困難嘅人😅 燒肉放題有4個選擇（愉、悅、樂和喜），價錢係根據食物嘅類別，款式多少及用餐時間而釐定，好有彈性👍宜加仲推出多種優惠添👍👍 我哋今晚就揀左「樂放題」每位$388/90分鐘。我哋坐低無耐，侍應姐姐就將壽喜燒鍋放到面前，裡面已經有菜和幾款菇菌類做湯底，另外跟一份美國SRF安格斯和牛，咁就可以食住再用QR Code點餐，好貼心❤️❤️ 燒肉有豬、牛、雞和海鮮，調味可以揀原味、鹽味、燒汁、辛辣味和味噌味，好多元化👍 牛控者嘅我特別鍾意和牛牛肩脊肉、一口牛、牛板腱、厚切牛舌、牛胸腩、封門柳、牛仔骨…各有特色，肉質新鮮又冇雪藏味，再經過燒烤就更加香口😋 自助區：有蔬菜🥬🫑，豆品類，菠蘿🍍… 熟食區：關東煮🍢、雞肉串、炸物、麵豉湯… 甜品區：美味蛋糕🍰，多口味雪糕🍦 飲品區：汽水、啤酒、咖啡和特色飲品 小食區：日式胡麻沙律、日式螺肉、中華沙律

屯門時代廣場「一喜‧燒肉」提供90分鐘讓人食到飽日式燒肉放題😍「愉」「悅」「樂」「喜」套餐🥩今次食左「樂放題」每位$388🤤好抵食到飽呢!首先，一坐低就免費送你食個「美國 SRF 金標和牛壽喜燒鍋」😋美國特選和牛：一次過QR code 點齊品嚐到不同部位的美國特選和牛，例如牛肩脊肉（搭配燒肉汁）、牛舌（塩醬）、一口牛（塩醬）、牛板腱（燒肉汁）和牛胸腩（燒肉汁）🐮美國封門柳：肉質鮮嫩，搭配塩醬🥰車海老：喜歡海鮮，車海老必點🦐熟食提供各種炸物🍡包括日本芝士年糕、珍寶炸帶子、日式章魚燒、牛油粟米和牛油本菇。而關東煮、新鮮沙律、甜品以及本港出品的Coco berry雪糕（有益力多、海鹽、提拉米蘇、豆腐等口味）🍖🔥

比較少有一間放題店係可以燒肉加埋打邊爐一次過滿足，而且價錢都算合理一喜燒肉位於屯門時代廣場，肉類蔬菜甜品飲品等選擇都算幾多，連我想食刺身嘅願望都可以滿足到，打邊爐嘅湯底係壽喜燒，甜甜地咁好開胃，蔬菜嘅種類好多，估唔到都會幾快賣晒，反而肉類供應就好充足， order完都好快上枱， 90分鐘真係可以食到幾round好滿足特別一提，美國S R F金標和牛超靚，入口即溶，同埋個人好鍾意食牛油廣島蠔，勁大粒勁飽滿多汁，超正

今日我去咗喺屯門嘅「一喜燒肉」,特別試咗佢哋嘅「樂放題」。總括嚟講,呢個體驗算係一次好嘅飲食經歷。首先,「美國SRF安格斯和牛」無疑係呢間店嘅賣點之一。佢哋將呢啲頂級食材燒得恰到好處,外表金黃色,入口卻好柔軟嫩滑,散發出濃濃嘅牛肉香味。其實我本人比較鍾意佢哋嘅「和風豚骨」,肉質吃落又軟又滑,一啖入口忍唔住食多幾啖。除咗呢兩款主打,佢哋嘅其他燒肉選擇,例如海鮮等,都各有特點,唔會太過單調。我好中意食海鮮，有扇貝同蜆食。至於一啲配菜,特別有三文魚,又爽口又解膩， 冇淨係食燒肉咁悶，飲品都好多選擇，啤酒都有得飲，配燒肉正。「樂放題」當中包羅萬有,無論係肉類定海鮮,種類都相當豐富。除咗食物本身,佢哋嘅服務態度同氣氛都算不錯,整體感覺十分舒適。

屯門嘅街坊有喜訊~一喜燒肉位於屯門時代廣場，每日都做緊不同嘅優惠，例如四人同行一人免費，二人同行第二位半價，啤酒節每位加$10任飲等，非常抵玩！餐廳本身嘅食物種類繁多，前菜中華沙律泡菜等不在話下，仲有三文魚刺身，更加驚喜嘅係估唔到食燒肉仲有涮涮鍋，肥牛仲可以無限添加！下次又想食shabushabu又想食燒肉就唔使煩惱了，why not both 😋燒肉方面更加係無懈可擊，肉有好多種任嗌，每款肉又有好幾個醃法，梗有一款啱你心水，包括辛辣、鹽味、原味等，又有好多不同部位嘅牛任君選擇，任食90分鐘包你食到過足癮！除咗仲有好多不同嘅海鮮，例如大隻海蝦、多春魚、牛油大蜆帶子等等，除咗海鮮仲有錫紙兜牛油燒金菇、芝士年糕等，無論鍾意食啲咩嘅朋友都一定揀到心水！如果今晚未諗到食咩，不妨考慮一下一喜燒肉，燒肉控海鮮控必選，以及大食者恩物！小編平時食燒肉都要5-600蚊蚊先食得飽，呢個高級燒肉餐90分鐘計埋加一大概$400一位，絕對物超所值😍你哋都快啲嚟試吓啦～

今日同老公放工後，係屯門市中心搵下好野食，慰勞下工作左一星期的我地係屯門西鐵站，沿着天橋行過去時代廣場，一入去，就見到呢間燒肉店，好多優惠，門口的大電視，啲優惠好搶眼！我地好肚餓，所以就搵放題食，呢度有燒肉，壽喜燒仲有三文魚刺身食，岩晒我地呀一入位，職員就送上壽喜燒湯底連SRF安格斯牛肉，職員仲好細心咁講話啲牛肉係火鍋用的，我諗一諗有咩差別，原來火鍋的比較薄，燒肉的比較厚身! 牛肉肉味好濃，肉質好滑！黎到主菜，燒肉，我地兩個食肉獸瘋狂落單，上菜速度很快，主要梗係識S R F安格斯牛板腱啦，當然仲有其他牛肉都好出色，例如一口牛，牛舌，牛肋條，燒完點埋燒肉汁或者喜馬拉雅山鹽，簡直絕配！除咗燒肉之外，三文魚刺身亦都好新鮮肥美，每一塊都有香濃嘅魚油，我哋點咗幾次，真係好好食當然仲有熟食啦，我覺得牛肉薯餅，海苔魷魚鬚仲有味醂雞泡魚乾係至正的！除咗喺手機落單之外，外邊仲有雞肉串燒，炸餃子，關東煮，豬紅等可以隨便拎！飲品有特別嘅紅豆薏米水，呢個飲品喺外邊好似好少見，係可以去水腫減肥嘅飲品，食咗邪惡嘅燒肉梗係要飲返一罐啦！而其他汽水綠茶呢啲一定有，佢仲有咖啡同埋加$10可以任飲啤酒，款式都唔少！而甜品

好辛苦捱到星期三😮‍💨😮‍💨仲要等多兩日先到星期五🫠🫠我冇辦法為自己嘅幸福着想😂😂😂😂所以我決定慰勞一下自己！！話說最近聽到朋友講，屯門開咗間新嘅燒肉🥩🥩性價比唔錯，呢啲情況梗係要去試吓啦😛😛今日要講嘅就係一喜·燒肉，一去到睇佢個Menu，其實同平時某集團嘅燒肉放題餐廳差唔多，都係有唔同程度嘅肉比客人選擇，呢個Menu唔使諗一定係揀中間嘅樂放題～最平嗰個冇牛肉根本冇可能揀，而第一次食唔知道啲肉嘅質素係點，亦都唔夠膽貿貿然就揀最高級嘅和牛放題🙂‍↔️🙂‍↔️於是就揀咗中間嘅樂放題🤣😂🤣😂一入到餐廳環境相當之大，可能因為閒日嘅關係，所以唔係太多人食，一坐低例牌要試晒咁多款肉，所以每樣都嗌啲😚😚分別嗌咗：牛板鍵、牛肩肉、牛肋條、牛舌，另外除咗燒肉啦，其實佢仲有一個煲可以攞嚟食shabu shabu🍲🍲，但就只有一款肥牛可以揀，不過一場嚟到梗係試埋佢啦🤤🤤🤤除咗牛之外，我仲叫咗雞翼、雞腿肉🍗、廣島蠔🦪金菇、粟米🌽、菠蘿🍍等等等等！！飲品方面，餐廳主要提供一啲韓國嘅飲品譬如樂天嘅Milkis，而鍾意飲啤酒嘅朋友呢就唔好錯過佢嘅生啤，呢度係提供三得利嘅生啤，不過就要續杯計，唔係任飲，可惜我係唔飲酒嘅😂

今次又試左間燒肉, 燒肉總係有種吸引力😝依間食物選擇唔少! 肉類海鮮熟食飲品生啤甜品雪糕一樣都唔會少💓竟然仲有壽喜燒鍋, 真係一個價錢, 好多選擇❇️今次我地就揀左『樂放題-美國SRF安格斯和牛』HK$388 加一, 90分鐘任食🕗由於選擇非常多, 我哋大概講講心目中👉🏻值得食完再食嘅選擇, 可以節省唔少quota😆美國肩脊肉、美國特選和牛牛肩脊肉、牛舌、美國封門柳、美國SRF安格斯和牛牛板腱、美國牛胸腩、美國牛板腱、雞翼 (燒肉汁)、豬頸肉 (原味)、塩燒牛油帶子、牛油廣島蠔、紫菜玉子飯、三文魚刺身🙆🏻‍♀️美國牛胸腩油脂極豐富🥩肩脊肉扎實肉味濃🍴廣島蠔燒完仍然有汁🦪燒肉二人一爐, 用格仔網, 燒出嚟有燒痕又唔易燶!°°°°°°°°°°°°°°°°°°°°°°°°°°°°°°一喜‧燒肉📍 屯門屯隆街2號屯門時代廣場L3樓40號舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #假日好去處 #香港探店 #foodieshk #hkigfood #tasteofhk #hkfoodlovers #一

屯門抵食火鍋放題，有燒肉有刺身，仲送壽喜燒✌🏻屯門有好嘢食啦，主打燒烤放題，入邊啲肉系任叫任食😊😊咁就唔驚食唔飽。去到餐廳門口嗰陣嚇親我，好多人食呢間餐廳。入到去覺得燒肉店抽風幾好，唔覺得好臭油煙味。上到自助區，全部都好企理。嘢食擺放得好整齊，而且種類多。自己比較鐘意食美國牛肩胛、五花腩，因為燒到咁上下脆卜卜好正正子😍 牛肉好新鮮，好有牛味又香滑，油脂同瘦肉嘅比例啱啱好😝😝另外單骨雞翼、雞腿肉都滑，食到好飽！壽喜燒啲牛好靚，有得任叫任食🤓而且冇燒肉咁熱氣，真系冇得輸，非常之推介佢哋嘅壽喜燒!!去到最後仲有好多唔同種類嘅甜品，好鐘意佢哋有本地嘅雪糕，爆谷味❤️

因為屋企人好鍾意食燒肉，呢日嚟咗屯門一喜·燒肉. 揀咗樂放題$388/人，有雙重享受: 美國特選和牛燒肉+美國SRF金標和牛壽喜燒鍋💁🏻‍♀️ 限時90分鐘.-美國SRF金標和牛壽喜燒鍋呢個重點推介! 切得薄薄地，好岩用嚟shabu shabu. 食得出個grade係靚既，-美國特選和牛一口牛 & 美國特選和牛牛肩脊肉掂呀推介！唔使諗咁多，嗌就得㗎啦😎-牛舌&黑胡椒牛舌牛舌正常發揮，好味. 特別推介黑胡椒牛舌，佢啲黑胡椒攞得好足料，成功地吊到個牛舌嘅味出嚟🉐仲有超多雞肉豬肉、海鮮、蔬菜、小食、飲品、甜品、雪糕等等，簡直不能盡錄，90分鐘係試唔晒架🤣-車海老好新鮮彈牙! 🉐-多春魚Good👍-墨魚仔Q彈，而且燒咗一般時間入口竟係好juicy，讚!-牛油粟米不嬲都鍾意，呢度既燒完仲係脆&爽既☺️👍飲品又係好多選擇，特別一提呢度擺咗部雀巢咖啡機任君選擇😛 雪糕有coco berry既特別口味，例如益力多味&黃金果味，同埋明治雪條🍦

今日係屯市行街係門外行過朋友就話想食燒肉，見佢7點前入座，第二位半價，就入左黎😆 都抵食，人均二百幾。呢度出餐快朋友喜歡吃燒肉，呢個價錢黎講，呢到啲肉質質素可以，牛肉有牛味，入口即溶，無限添加！除咗燒肉之外，仲可以打邊爐送埋壽喜燒鍋，同時滿足兩種味覺，如果想冇咁熱氣既朋友，就可以洽下洽下，都吾錯架壽喜燒個牛肉都好香牛味❤️亦有海鮮類選擇，有帶子、蝦、蠔、魚，海鮮類都新鮮味道亦甜❤️我比較喜歡吃甜品，呢到啲甜品款式種類多，雪條獨立包裝是日本明治的牌子❤️ 奶味香濃！食唔停口。 真正既甜品自由飲品亦有生啤👍🏻👍🏻 要加錢58就可以暢飲，我揀左呢個無糖百事，不怕肥，淡口啲、味道幾岩我🤗

當我哋諗起食燒肉，通常會諗住佢嘅質素、價錢同款式啦。經過屯市見到間燒肉店，餐牌好多款式可以簡，就同個朋友入去試下，真係好驚喜！首先話佢嘅肉質真係唔錯， 每款肉都有好多口味可以選擇，我最鍾意就係鹽味。燒完嘅肉完全唔會硬，勁淋同重牛味！我最推介就係牛仔骨、Srf牛板腱、牛肋條同牛胸腹。燒肉店裡除咗有傳統嘅肉款式之外，仲有一啲新鮮創意嘅選擇，令到食客有更多選擇。特別話返佢嘅壽喜燒火鍋，啲料又新鮮，真係令人驚喜。佢嘅壽喜燒都係任食架！最令人開心嘅就係佢嘅價錢。哇，真係幾公道啊！環境舒適，服務又好，食物嘅質素同選擇絕對物超所值。我同朋友食完之後都覺得好滿足，下次一定會再黎。總括嚟講，呢間燒肉店絕對係值得一試，唔好錯過啦！

呢間燒肉店真係令人大失所望囉!真係唔知佢地邊度嚟嘅膽咁樣賣嘢俾人食?首先,肉質真係太差,連街邊嗰啲小肉檔都唔會咁樣賣畀你食啦。燒咗幾塊都係太韌咬唔入,實在難以下咽,根本算唔到係食肉嘅享受,完全浪費我嘅錢同口福啫。再者,佢地店鋪嘅衛生環境好惡劣,爐頭好污糟,根本就係未有好好洗淨,睇嚟都唔衛生,好令人反胃。連最基本嘅清潔工夫都做唔好,點可以安心咁落嚟燒肉食?加上收費又咁貴,四百多蚊,真係太貴呢個價錢。相比起嚟,不如出街買多啲肉自己燒,唔使咁大費周章嚟呢間燒肉店。呢間燒肉店真係令人大失望,我絕對唔會再嚟喇!

今晚嚟到屯門呢邊食一喜燒肉放題，一入場就見到好多甜品，泡芙，雪糕。好多唔同嘅飲料、小菜，全部都好吸引！等到時品嚐完各種嘅燒肉就去食😃掃code落單，簡單快捷！率先叫咗幾碟炸野！炸餃子：皮脆肉嫩榴槤炸彈：勁香濃榴槤味，本身想再食多嚿，但係真係好飽啦！日式章魚燒：外皮好皮，味道非常好紫菜玉子飯：賣相吸引，最鍾意就係食呢一款紫菜蛋飯，但係會好飽，就會食少其他好多嘢😂我叫咗好多，全部食晒😍黑椒牛舌豚肉燒 日本黑豚肉眼牛仔骨日本SRF安格斯和牛牛板腱燒肉汁美國肩脊肉美國特選和牛一口牛啲肉類多到眼花撩亂，款款都好想食，全部都好鮮嫩，一面燒一面食，全部新鮮出爐，每一隻肉都會有唔同嘅風味，可以自己揀自己想食嘅味，好正呀！美國SRF金標和牛壽喜燒鍋，全部都係蔬菜，有金菇、生菜、娃娃菜、冬菇。食完之後可以另外自己再出去拎菜！三文魚刺身，好新鮮，有幾件三文魚腩同三文魚，超出我嘅期望！食完所有燒肉之後，就將牛油金菇、牛油粟米🌽放上個爐度燒，勁香牛油味！枝豆、迷你甜薯，各有各特色