一家

营业中

休息中

我覺得還可以，魚炸得剛剛好的，有三塊，沙律好大碟，好健康，適合減肥人士，如有其他想食的，可以向老闆提出意見，選擇比較彈性及個人化，好喜歡!!之後會繼續光顧呢!!!

這個意粉比我想像中大碟，我喜歡多菇菇，感覺上比較健康意粉可選天使麵，我覺得有媽媽煮出來的感覺，意粉不會太亁，剛剛好，只是我食意粉希望有匙，哈哈!!!!!!!!!!

小店走健康路線，價值可以接受，老闆娘好好人，說每次的配料都不同，超驚喜的，好大碟，覺得吃完好幸福的，叫了士多啤梨奶昔，天然好好味，下次會再來光臨!!!!!!!!

荃豐舖位細但容納唔少自家餐廳，每次去好似尋寶咁。原定係食另一間叫和食快餐，但行街等人路經此店，睇到外面裝潢新穎，裡頭乾淨企理，咁細嘅舖位但個廚房設備一點都唔馬虎，落足本搞廚房，自然對呢間新開餐廳有了信心。友人到步，左望右望，俾佢個意粉菜色吸引左，最後大家就抱住試下心態，叫了個鮮牛肉芥末焗意粉同芝士無骨豬扒焗意粉，大概每碟70蚊連埋餐湯同飲品。一般黎講，焗意粉中伏機會遠超焗飯，意粉受熱快又易淋，焗耐少少都發漲。焗意粉上枱，好香好鮮，用叉撩起意粉，嘩！驚喜個意粉焗得剛剛好，咬落仲係爽口！由法式芥末醬汁配鮮牛肉，好食！以70蚊一個餐黎講，好抵食！值得一試！至於無骨豬扒焗意粉，豬扒略厭偏咸，味道一般，下次可以試其他。而是晚餐湯係雜菜湯，飲落都不過不失。整體來說，70蚊有餐湯、高水準焗意粉同一杯飲品，呢個聚餐同拍拖食飯去得過。

落雨天在荃灣行室內商場，午飯時候到荃昌中心一帶揾食，睇見這間店嘅午市套餐好平，而且仲送餐湯和餐茶，於是同個friend入去試試。我點了燒豬仔髀香草汁意大利粉，有2隻燒豬仔髀，燒得剛好熟，啲肉好嫰唔鞋，但係覺得意大利粉可以再煮軟身些更好。我個friend點了香煎雞扒洋蔥汁意大利粉，我試了一小片雞扒，都幾好味。餐湯係黑松露湯，熱辣辣上好好飲。餐茶我哋要熱華田和熱好立克，兩杯飲品不過不失。埋單兩份餐總數$84, 覺得算抵食，而且侍應服務好，會有耐性向食客介紹餐牌內容，值得回頭吃的小店。

荃昌中心昌寧商場附近食肆好多， 今次選擇在一間靜靜地人少少嘅企利餐廳 食個午飯依家叫一家嘅餐廳望入去好企理，走西式路線， 再望下餐牌午餐只係42蚊， 唔使諗入咗去。首先有個餐湯忌廉南瓜湯-清甜好味黑椒牛扒意粉- 賣相很企理， 黑椒汁濃味， 意粉有咬口， 唯獨是今次牛扒煎得過熟，較老身。整體而言，都選擇會下次再去試其他午餐， 此店嘅侍應有禮貌， 環境衛生幾好， 連個廚師都著白色廚師衫， 感覺乾淨企理。

有日從荃灣地鐵走往熊貓酒店⋯⋯沿途路過這食店，剛剛從荃昌推玻璃門而過，看見食店名字寫著 “一家”, 家，確實重要，見是新店就決定試一試下午茶⋯⋯店內細細，只是放六張枱仔，大概同時可以坐16位客人。下午茶餐由2:30pm 至5:30pm， 價錢由$30-$38 不等，還有餐飲或汽水，假期如是，真係相當吸引店員態度相當友善，感覺上都是自己友，相當親力親為番茄汁吞拿魚燴意粉，即叫即做，真的有媽媽炒的感覺，因為個人覺得吞拿魚用白汁會比較合襯，他用番茄醬汁，明顯地覺得有少少腥味，所以要加了大量辣椒仔品牌的辣椒汁。值得一讚嘅係，依間小店有即磨的black pepper 胡椒粉樽，因為依個塲前面幾間小店都沒有扭扭吓的black pepper 芝士焗肉醬意粉，$38 包熱檸水，真係要比即叫即焗，熱辣辣，拎出嚟上枱之時，仲看見那茄醬汁熱卜卜出煙，店員再三叮囑，小心熱，小心睇熱，重覆兩次，當中真的感覺到那份誠意後記: 㕑師換好衫收工之際，可能她是番早班，又或者落埸，立即見剛才招呼我那位女待應，穿上圍裙，走入㕑房接班⋯⋯這個動作，就是帶出這店理念，我們是一家，互相補位，相輔相成

荃灣中心商場內有不同的小鋪食肆，今晚同老公行下行下，行了比較入的小店吃晚餐。這店吃鐵板和意粉，我喜歡辣，選了香辣帶子海鮮燴天使麵，老公選了焗意粉，馬蘇羅拉芝士無骨豬扒意大利粉，再加小食，酥炸魷魚鬚。最先來到的是酥炸魷魚鬚，魷魚都多，炸粉薄，啖啖魷魚，勁好味！到我的海鮮燴天使麵，有大大粒帶子同蝦，夠足料又香辣，不錯！最後到老公的焗意粉，豬扒算厚，豬扒有黑椒味，芝士都不錯。價錢不貴又不錯的小店，推介酥炸魷魚鬚！

2018.7.11.我今日經朋友介紹第一次黎食路叫左一個香草蟹醬鮮露筍鮮蝦意大利粉加一個 日式醬汁燒原隻鮮魷魚桶🦑再加一個香煎挪威三文魚扒意粉炒得黎乾身 味道不俗 不過露筍多一下就好魷魚桶非常新鮮 配汁不錯 可以一試三文魚扒好香好正 薯條新鮮即炸店員十分有熱誠 很有禮貌廚師身穿白色廚袍 好似好專業咁 但係本人認為廚師手勢有酒店級數👍🏽👍🏽價錢只係$62 有湯有餐飲而家食美心都唔只呢個價錢誠意推薦！😭小小建議：配備多點餐具水杯🤣🤣🤣

前幾日同朋友係荃灣行到攰攰地，見到呢間新開既鋪頭，見佢個餐牌中式西式都有，大家又未諗到食咩，所以決定入去試一試。可能係就黎收鋪既關係，入面一個人都無，可以隨便坐。諗左一陣，我地決定叫幾個米線🍜焗飯🍲。果日落單係要自己寫落張紙到，跟住比店員，我地已經照足餐牌既寫法，店員都仲要反覆問幾次先落到單，我諗佢對餐牌真係唔係太熟識。落完單無幾耐就黎左個餐湯，係粟米湯🌽，滿心期待，一入口我感覺到係各大超級市場都可以買到罐頭粟米湯既味道，好失望。無幾耐黎左個清湯米線，湯底個色水好似清水加豉油，無乜味。再黎係酸辣湯米線，不過不失，無咩特色，不過塊豬排入面紅紅地好似炸得唔係太熟。因為飯同意粉係焗既，所以相對等既時間比較耐，不過黎到外表望落都算唔錯，相比起米線，焗飯既質素真係好d。整體黎講，我覺得種類多但唔係樣樣精，米線真係好失望👎🏻👎🏻，我自己都可以係屋企煮到

大前日（1-7-2017　Sun）晏晝同老公落荃灣搵少少嘢食，經過冇乜人嘅呢間，老公話試吓。啊。坐低後睇，酸辣粉又有，雲吞麵又有，連西餐扒類，意粉同pizza都有。老公原本想食酸辣粉，但被我睇見有火鴨絲pizza，又見到千島汁牛油果鳳尾蝦意粉，要凍奶茶，老公就放棄酸辣粉，要後者。然後要$22.00五粒嘅孜然牛肉丸 。再要$7.00一支嘅豆漿。落完單，女侍應問我老公要黑豆漿定白豆漿，我老公答白。幾分鐘後，孜然牛肉丸到嚟，呢個係炸過嘅，食落正常冇問題。然後凍奶茶到嚟，我飲啖先，口感滑但茶味好淡。都幾耐吓，$78.00嘅千島汁牛油果鳳尾蝦意粉至到嚟，呢個原來焗過，熱騰騰，佢哋加咗少少芝士，面都有啲香脆，鳳尾蝦爽口，意粉唔太腍，千島汁味道唔會太濃，OK。味道係2.33分，抵食係2.5分