一家

营业中

休息中

夏天有時候無咩胃口，晏就又唔想食咁多野會好想食沙律，今日去左荃灣咁岩見到呢間鋪頭仔有沙律menu, 有個FD附近住又因為睇完波請左假，叫左佢落來一齊食個lunch傾下計啦可能未到真正食飯時間，都一到可以有位，鋪頭細細間應該都係做熟客仔生意，唔知點解等等下個朋友真係坐到一份「家」的感覺😆睇menu發現原來大部分野食都好健康，飲品可以轉果汁，十幾份咁多呀，女仔想食light D真係可以來試下，食個沙律飲杯果汁一定無罪惡感佢的沙律好有彈性，任得你自己選擇，base 可以要藜麥，沙律菜或意粉，三款蔬菜配菜再配醬汁，夠晒彈性，食多幾次都唔會悶啦，我叫左煙三文魚紅菜頭粟米雞蛋沙律配日式麻醬，份量十足材料豐富食落好滿足，沙律最平$29，我加左煙三文魚（$18）都平過響超市買現成沙律，可惜唔係住附近啦，如果唔係一定會成日來買沙律食朋友就叫左個浦燒鰻魚飯-$68，都係好多蔬菜件碟，燒汁同鰻魚同出面日本餐廳差唔多，但我見佢食得快過我過沙律😆呢間鋪仔感覺D意粉，扒同湯都應該唔錯，下次有機會會再來試下整體感覺係一間好有心同健康的小店，加油！

晚餐唔知食乜好，上網見到幾平，評語不錯，話有家的感覺，於是試下啦,買左外賣，但又無比餐具，買凱撒沙律又無比醬（點食？？），意粉又非常淡（家的味道？）， 唯一可取是杯飲品，應該不會再有下一次購買

出面天氣好熱，諗住都係近近地買個沙律食算喇鋪面座位較少，目測大概有14個位到，如果要堂食可能要預返D時間等位喇。我揀左香煎雞扒沙律配黑醋汁，醬汁有6款可以選擇。而外賣仲有9折都好抵食，折左都係$43。打開盒沙律見到佢排得都幾靚，而食落下都幾有驚喜，因為配料都算多唔同類型既食材。雞扒底下遮住左既配料有紅菜頭，新鮮淮山同埋紅腰豆，好多我鍾意既健康食材都集合左係呢盒沙律到。如果係附近返工既朋友果日想食得清淡啲就可以試下。

位於昌寧商場1樓既一家係一間小店主打健康食物以意粉沙律果汁吸引之前都光顧過數次，意粉味道幾好價錢40至50今日同友人就試下沙律先首先一家提供左幾款沙律，另外亦有自選沙律。份量相當驚喜，今次揀左魚扒同煙三文魚(加牛油果)。 揀店預設款式既話，一般有蔬菜底，粟米紅菜頭甜薯薯仔等。整盤看上去顏色鮮艷不會感到沉悶。醬汁亦有意式醋，芝麻醬等自選既話，則可以選擇藜麥底外選三款蔬菜一般43至50左右，相當抵食值得一試

經過‘一家’幾次，間鋪頭細細，次次都坐滿人，今次時間早早地見仲有‘吉’枱，唔好錯過機會啦😝😝睇過餐牌選擇唔係好多，但我反而鍾意咁，太多會另人有選擇困難😂😂我就叫左個優惠餐秘製魚扒意大利粉配白汁+火龍果汁 $64見到實物都幾大碟，有六舊魚塊另有少量西蘭花🥦及蕃茄仔🍅伴碟，魚塊🐟都幾厚，咬落好香軟軟的，但又未到會一咬立即會散開個隻！意粉都夠彈性但略嫌白汁多返d就好啦！😄😄火龍果汁好味冇溝水！正💪🏻💪🏻🤴🏻就散叫左肉醬意粉$42+紅豆薏米水$10上枱時有少少愕然，點解咁淺色？肉醬意粉固有概念係好深色鹹鹹地，濃味野黎嘅！食落又真係淡左d,但都好味嘅，健康嘅味道！仲有隻煎得好靚嘅太陽🌞蛋！😁😁紅豆薏米水就好足料，味道正常🙂🙂

6-6-2020 (Sat)大雨,傍晚老公買外賣返屋企食,佢就喺呢間用$63.00買咗蒲燒鰻魚飯跟黑松露雜菌湯俾佢自己.睇見份量都算正常,我食咗啲鰻魚,口感正常,燒汁味道夠甜;黑松露雜菌湯稠杰度正常,黑松露味道都幾濃,OK 嘅.上次食評: https://www.openrice.com/zh/hongkong/review/%E8%BD%89%E5%81%9A%E8%A5%BF%E9%A4%90-e3704250

同家人去完葵興個頭拎口罩，就黎左荃灣呢頭搵野食，之前幫襯過同一商場嘅小店，今次想食西餐！ 去到門口後等左2分鐘到就有位，我同家人都係第一次幫襯呢間小店～ 店內大約有12-14個位坐左係門口位後，職員即刻遞上口罩套同埋搓手液，好貼心😄 Menu 上食物都算多元化，主要分沙律類、意粉類同套餐類。 同家人一齊揀左精選套餐，因為包餐飲 分別係（1）菠菜蝦仁魚塊伴讚岐烏冬 & （5） 原條浦燒饅魚飯 是日餐湯有美顏紫薯湯同黑松露雜菌湯～ 我地都揀左紫薯湯，我自己未聽過餐廳有紫薯湯，南瓜湯就湯得多～ 所以都覺得幾創新！ 餐湯好快黎到，味道真係好濃啊！ 仲有紫薯粒粒 有口感！ 咸嘅程度&濃嘅程度都好適中我自己叫烏冬，上面嘅菠菜汁有好濃嘅蒜蓉味 都okay ge! 不如我覺得佢烏冬諗左啲 加上烏冬都似係岩岩煮起好熱 ， 個烏冬愈食愈諗～ 建議烏冬可以先過一過冷河！ 呢個烏冬係有蝦仁&魚塊 份量都ok 大約有5-6隻蝦 + 6-7塊細魚塊～ 不過食落似係白灼，無咩特別&驚喜，建議可以先用調味料炒香！！ 不過上面嘅蟹子份量都OK 成碟烏冬幾日式！我家人叫嘅饅魚飯，原條鰻魚都算幾抵食😛 飯嘅咬口適中，有配菜

每次來荃灣食lunch都要指定食呢間，一試就上癮嘅一間食肆餐廳鋪面比較細，所以座位唔係好多，正常係15個位或以下，之前疫情下的禁聚令，餐廳能提供的座位就更少了，不過我見我好多人都外賣。俾大家睇下個lunch menu除咗lunch menu，都有全日餐飲嘅menu香煎雞扒天使麵 HKD64呢個餐係lunch menu嘅1號餐，我將燒汁轉咗白汁，個waiter話碗白汁會幫我另上，好窩心有healthy & fresh蔬菜，車厘茄和西蘭花，雞扒係用咗黑椒煎，整個麵餐份量都算大，味道保留了每一種食物材料的原始味道，唔會話又咸又甜又有味精味咁，好得我歡心士多啤梨奶昔 單價HKD29，跟餐價+HKD5兩樣我最鍾意嘅食材呀，係飲得到嘅士多啤梨同牛奶，係飲得到嘅healthy&fresh,唔係粉溝出來果D，有一粒粒的士多啤梨籽，佢最上層係一層厚牛奶，我唔記得攪勻佢，第一啖飲落去好濃奶味，成杯飲品唔會好甜，味道剛剛好，甚合我心意白汁碎蛋牛角包 HKD36份量係比較細，但味道好好，牛角包好鬆軟，唔油膩店家好nice，每次來到都會俾A4紙裝口罩雖然店面細，但感覺好溫馨，同埋食物好好味，之前係呢

一家 (English name: One Family) was a surprising place to eat. We didn't think much of it when we decided to eat here as our original choice had way too long a queue. And I was getting hungry and tired. So, this place offered a simple pasta meal. LIttle did we know it was more than that!It's a very small place. Menu is in Chinese and partial English. The English menu is on the boards outside the restaurant. There is no 10% service charge.I got the dinner set which came with a drink. I chose a pass

今日(19-4-2020 Sun)晏晝要荃灣買清潔用品,同老公食個晏先,我o地冇idea食乜,咁邊行邊諗,生龍(https://www.openrice.com/zh/hongkong/r-%E7%94%9F%E9%BE%8D%E6%B8%85%E6%B9%AF%E8%85%A9-%E8%8D%83%E7%81%A3-%E6%B8%AF%E5%BC%8F-%E5%92%96%E5%96%B1-r51933)?佢擔心o岩我食o既o野唔多,四川風味( https://www.openrice.com/zh/hongkong/r-%E5%9B%9B%E5%B7%9D%E9%A2%A8%E5%91%B3-%E8%8D%83%E7%81%A3-%E5%B7%9D%E8%8F%9C-%E5%9B%9B%E5%B7%9D-r622924)吖,都好喎,不過舖面好細,o衣o家又行o緊限聚令,應該都幾多人等,但我o地都照行o黎先啦,嗯,係好多人等,我記起呢間,於是行o黎,o黎到係冇客人,老公話食呢間,咁行入o黎啦.我o地睇完menu後,老公要$75.00o既紅酒燴牛尾螺絲粉,鮮搾雪梨汁.我要$64.00o

食過好幾次 性價比高 ，意粉沙律都大份得黎好食 ，而且店員都好細心 ，會主動提供酒精紙信封俾我地放口罩 ，今次第一次外賣 發現份量都足料 包裝好有誠意 日後會繼續光顧！，！！！！

Finished 2-hour exercise with friends and I had a 2-hour break before my next beauty appointment. Nothing is better than having a healthy meal in a cozy restaurant!The staff served me with a sanitizer to clean my hands, and a piece of folded paper for me to put my mask, prior to giving me the menu.There are choices of Salads, Pastas and Meat to choose from. To ensure my exercise was not wasted, I order a non - carb salad. The staff recommended me to have a bowl of beetroot soup too. Well, it's

週末夜晚經過見到$40一份意粉，比個價錢吸引左，咁抵食就決定試下佢。我叫左一杯雪梨汁，卡邦尼意粉，一份自選沙律，炸魷魚鬚。雪梨汁係鮮榨架，飲落無額外再落糖漿，清清地，唔會好甜卡邦尼意粉就大大碟，有煙肉、磨菇、芝士，洋蔥，足抖，但味道有小小淡，不過以$40 呢個價錢黎講係非常之抵食，唔錯另外，仲叫左自選沙律，有縲絲粉、蛋、生菜、牛油果、粟米、青瓜，配上芝麻醬，又係大大碟，份量多，夠fresh，健康減肥之選，好抵食啊，如果唔夠芝麻醬，可以再加添架！炸魷魚鬚，份量相對較小，新鮮炸熱辣辣，好香口，唔錯叫左咁多樣野，兩個人食，每人平均消費都係大約$80，食物味道唔錯，性價比高，經濟實惠，支持小店

同朋友路過搵野食見到晚餐意粉50蚊有找咁經濟實惠就行左入去 出邊食個意粉閒閒地都一舊啦叫左卡邦尼意粉同黑椒牛柳意卡邦尼可以再整得更creamy會香口好多 有好多煙肉 味道都唔錯 重點只係45蚊你想點🤣 唔記得影相牛柳其實唔太似牛🤣 不過好在佢意粉唔太淋都可以食哂 又平又大份。果汁20蚊杯不過不失 多啲水果就固然好lol 會繼續支持 加油!

果日同女朋友食個下就見佢餐牌都好似好吸引跟住入咗去食，好啦一坐低嘅時候咁淨係見到意粉同沙律，而且價錢都係偏高， 相對起嗰個商場同埋嗰個地區嘅價格來講，我以為個午餐已經印咗係個餐牌上面點知原來唔係淨係貼過幾隻字仔係牆。最奇怪嘅事佢又唔比刀我又唔比匙羹，食西餐最基本嘅要求匙羹同都同差都冇好啦跟住然之後叫咗兩個下午餐一個係茄汁魚柳意粉一個就係黑椒牛柳意粉，好彩佢五六蚊係包埋嘢飲，跟住一嚟到茄汁魚樓意粉都可以，但係個黑椒牛柳意粉一嚟到就完全真係唔知想點，黑椒汁冇黑椒得個一Pat啡色水，汁又唔夠味又唔夠搞到成個意粉又乾又淡，牛柳重奇怪完全食唔到有牛嘅味道都唔知係咪用豬肉，好啦都算啦諗住食晒佢爭爆個肚飲埋杯嘢就走，點知佢夠膽死兩杯果汁都用水溝出嚟一杯橙汁同埋一杯菠蘿汁可以飲得出係有水溝落去，完全係淡茂茂，呢樣野真係唔想再食仲要咁貴，正即係放飯嘅時候身邊仲見到其他寫字樓嘅打工女仔當然佢哋係食沙律但係我都唔見得沙律係好吸引嘅地方，只係將一大堆菜放喺上面，冇咩擺設有冇咩汁去襯托。