一杯屋 (已結業)

就快過年,同屋企人出左去SOGO market 買賀年糕點,拎住幾盒蘿蔔糕又重,所以係SOGO付近食少少野先返屋企澳門逸園中心大部分都係食日本野,咁今天消耗左大量體力,所以叫左個炒飯食飽D門口有一朵櫻花&一杯屋LOGO指明用紀州備長炭,安全又放心海膽炒飯最吸引晚飯時間都差不多满座,好彩仲有位芝麻醬波菜,原來好好味,我覺得仲好食過芝麻醬豆腐日本豆,甜甜地,唔錯~~~~~因為太肚侔,我自己點左個海鮮海膽炒飯份量真係唔少,其實夠2個人食如果淨食飯的話海鮮有蝦,同凡立貝,蝦好大隻,好彈牙,係新鮮蝦凡立貝都好爽口,唔會梅海膽好有光澤,好烊甜仲有好多櫻花蝦同紫菜米都係最高級既日本米,短身有黏度,好好口感食完呢碟出色海鮮海膽炒飯之後充满體力返屋企!!

今日經過銅鑼灣，同朋友行完Sogo 想食個晚飯，經過附近的逸園，發現有好多餐廳可以選擇，最後我哋揀咗一杯屋，因為我同我朋友一向都好喜歡食日本嘢，剛好這間日本餐廳好似有好多選擇。餐前有個蒸蛋真係窩心。女孩子總喜歡沙律菜，餐前先點一碟沙律先。感覺牛油果比較Healthy d😌我們點了：牛油果蟹子沙律🥗碟沙律一上枱已經覺得好fresh，滿滿牛油果佈滿沙律菜上面，份量好多，足夠兩個人食。仲有蟹籽喺上邊，食落脆卜卜。．然後我哋試吓刺身先鯛魚薄切：鯛魚放賣相非常之精緻，切得好薄，果然係＂薄切＂。最impress 係醬料，有日本風味，加埋嗰鯛魚好新鮮。我同朋友都食得好開心。晚餐想有啲飽肚，我哋最尾都叫咗個飯，老實講個飯真係炒得唔錯好乾身，唔油膩，海鮮同啲飯仲混為一體，好足料喎。其實我見佢哋嘅餐牌有好多燒物，好似好好食咁，背期待下次再約其他朋友再試試他們的燒物。

一杯屋地點好易搵，大廈就係sogo隔離，行完街可以好方便就搵到好野食😋。7點左右裡面已經人頭湧湧，見到d比6-8人坐既卡位，亦有bar檯位可以選擇。食物選擇繁多，有刺身，燒物，炸物，沙律，主食，甜品同各煩酒精或非酒精飲品。😋刺身：五點刺身（雕魚、油甘魚、三文魚腩、海膽、赤蝦）全刺身都好新鮮，味道好鮮甜，上菜時個溫度岩岩好，唔會好似岩岩係雪櫃拎出來咁。🥢三文魚腩，油脂豐富，入口即溶；🥢鵰魚本身質地較實正，所以切得比油甘魚簿，兩種魚味道都好鮮好甜；🥢海膽係鋪係青瓜上面，海膽鮮甜creamy，青瓜爽脆，加多一層口感；🥢大大隻赤蝦啖啖肉，肉質實正嫩滑，完全無唔新鮮個種散開既感覺。😋燒物：🥢極上牛舌牛舌切到岩岩好一啖食得曬，燒到5成熟岩岩好，唔會覺得韌。配埋自家製醬汁（內有黑椒、蔥粒），減少燒出來油膩感，帶出濃郁既牛味👍🏻。😋小食：🥢雞軟骨 粒粒都炸到脆卡卡，灑左椒鹽同七味粉，配埋少少既檸檬汁，唔怕油膩，好香口。另外抵讚既係店員既服務，有禮貌，而且好有耐性去滿足客人需求👍🏻👍🏻。

裝潢帶有日式和風風格，以深木色為主，環境雅致。炭燒上牛舌 ($158)牛舌顏色粉嫩，紋理清晰，色澤誘人。肉質軟嫩也厚實，富有彈性及嚼勁，鹹香中滲出潤澤的油脂，但不膩口。牛味香濃，肉汁豐富濃厚，爽脆的口感令人回味！鯛魚薄切 ($158)白裏透紅，晶薄透光，肉質細嫩鮮美，口感爽滑帶脆，柔中帶點煙韌。味道清爽甘美，蘸點酸汁鮮味更突出，入口更添清新醒胃，吃起來更添滋味。稻庭烏冬 ($58)烏冬呈扁長形，幼滑細膩，口感煙韌。

今日放左工同事話想食下啲日本野，就去左銅鑼灣一杯屋試下😁估唔到平日都咁full😨餐廳有bar枱坐，可以近距離睇師傅整野食亦有啲私隱度高少少嘅卡位👍🏻呢度好多日本料理都有得食，例如：刺身、壽司、燒物、炸物等等選擇真係好多🥢炸雞軟骨一開始嗌啲小食試下先雞軟骨炸得乾身👍🏻唔會好油，而啲軟骨都唔會過硬亦且落左啲七味粉，加埋少少檸檬汁食，好夠味😁🥢刺身盛5點本身想食壽司，但同事驚太飽就嗌刺身食下😆海膽 - 海膽唔屬於好creamy個種，但就好鮮味☺️加埋青瓜食好清新👍🏻油金魚 - 好滑魚油適中赤蝦 - 有成2隻手指咁大隻！！蝦肉結實，蝦味都重，個頭都有啲膏😆三文魚腩 - 個樣真係好靚，食落口幾乎入口即溶，魚油十分豐富👍🏻鯛魚 - 呢款魚肉質比較實，無乜魚油，但魚味就濃啲😁🥢極上燒牛舌呢度嘅燒牛舌好似都幾出名，加上我咁中意食牛舌，一定要試啦😆一睇就知表面燒得好香脆，但入面仲係好粉嫩☺️口感十分爽，一啲都唔韌，而牛舌味都好重👍🏻加埋啲醃菜食一流😌總括黎講，刺身新鮮，熟食都整得好食👍🏻雖然今晚好多人，但服務都keep到

一早聽聞這間日式餐廳以炭火聞名，今天專程上來一試這間 - 一杯屋。餐廳格局極日式化，掛滿日式掛畫，木紋裝潢，就像來到日本一樣。來到居酒屋，點可以缺少美酒。鯛魚薄切師傅刀工精湛、切得通透可見，而且更以鬼斧神工制作出白裏透紅的玫瑰。吃起上來肉質爽口、散發出淡淡甘香，食落煙韌有咬口，口感鮮美，加上酸酸甜甜醬汁，更令人醒胃。炭燒上牛舌來到時相當貼心的為我碎上，方便一口一塊地進食。極上牛舌那份炭烤香氣真是非同小可。慢慢細嚼牛舌，那份緊密又爽彈的肉質，鹹香中滲透出油脂，口感交纏。炭燒牛舌再加上所提供的配菜，再加上七味粉又有另一番風味，辛辣之中帶點鹹香。稻庭烏冬烏冬呈現扁平狀，麵質爽滑煙韌、咬勁十足。

上個月去完日本 一直都好想搵一啲好地道嘅日本餐廳 終於比我係銅鑼灣發現呢間高質素嘅日本餐廳 一杯屋 🤭先講講呢到嘅環境 以木為主帶有和風嘅氣色 服務方面都相當滿意 再來緊係講講呢到嘅食物啦 鹽燒虎蝦火侯啱啱好 唔會燒到太乾身 保持到個口感 個芝士玉子真係好邪惡 蛋嘅口感軟滑得來再加上一條條芝士碎係上面 簡直係一流嘅享受 最尾我點左杯梅酒 甜甜的味道正正就係一個完美嘅點綴 日本餐廳來講呢間水準真係正 推介比鍾意食日本菜嘅你地 經過記得過來試一試👍🏼

今日我喺銅鑼灣做嘢，Lunch Time同同事出去食，朋友喺銅鑼灣食完話俾我知一杯屋呢間日本餐廳好好食，仲有lunch Time都有得食，就叫我今日去試吓，所以我就帶埋同事一齊去試啦！行到個門面，我以為係一間好貴嘅高級日本料理，當堂嚇一跳，但冇辦法都嚟到一場，照樣入去食啦，一餐半餐lunch食貴啲冇所謂嘅諗住...入到去環境都好舒服好relax，所以呢一餐食得比較放鬆可以暫時忘記工作壓入到去環境都好舒服好relax，所以呢一餐食得比較放鬆可以暫時忘記工作壓力，到點野食啦，大家都知lunch Time對於打工仔來講好重要㗎嘛，佢嘅頭菜有沙律，果然好開胃好鍾意佢個沙律， 平時好少食沙律，但係佢整得好靚之餘好吸引令到人哋好想試佢食落去真係好好味！重點係唔會肥！食物果然同朋友講嘅一樣真係好食， 仲要唔係好貴！ 係一間抵食又可以呃like,又好味嘅日本餐廳！👍🏻

近排有朋友介紹係銅鑼灣有一間 日本餐廳 🧐咁啱有日喺附近經過 就決定試一試呢間一杯屋🏠一入餐廳服務員好有禮貌帶我入座 服務態度很好👍👍餐廳環境有濃厚的日式風格🍣 俾人一種好舒適感覺😊 首先來了一份🍶清酒煮蜆 呢份清酒煮蜆 散發著酒嘅香氣 味道上帶走了蜆腥的同時保留了鮮味 處理得很好 而且份量多 抵食再來做咗嗰燒雞皮餃子 餃子香脆可口 口中徘徊著雞的香味😝 一啲唔油膩最後點了炭燒豬頸肉🐷 爽口肉質 帶著炭的香氣😋 呢3款菜式都做到很高的質素 🥰呢間一杯屋成為了我銅鑼灣必選的日本餐廳 推薦大家去試試呢到嘅美食佳餚🤩

二話不說，直接入題行入餐廳，覺得好舒服，成個環境令人感覺好舒適，服務員嘅服務態度亦是非常好，好親切~我好喜歡呢度嘅餐具，碗碟嘅風格好鍾意！好colorful！唔完全係日式的style，有小小泰國同歐式的design？總之就直擊我❤啦！！All in呢個五顏六色嘅花花碟裝住嘅蟹係 甲羅燒 ，睇相已經可以見到蟹膏多到爆，滿滿的蟹膏，入口好香，鮮甜十足~ 鐘意食蟹的蟹星人唔可以錯過~第二個 用歐式教堂藝術玻璃設計的碟裝住嘅係 清酒煮蜆 。d蜆隻隻都好飽滿，蜆嘅鮮味都入曬湯入面，好清甜，有淡淡酒香。其實仲叫咗其他主食，叫咗個烏冬同埋麵，主食都好正，但事關後尾肚餓，未影相佢地就已經落曬肚。。。無法了，口內說不身體又好誠實，你懂的

每逢星期日都會一定同屋企人出去外面食飯既，聽日要番工啦！為左同自己同埋屋企人打打氣，星期日一定要食好啲！昨晚book 左間餐廳，係銅鑼灣既一杯屋，朋友話唔錯既， 值得一試 ，甘今晚就去食啦！果然無令得失望！真係唔錯！平時已經好中意食日本野，所以食日式料理既經驗都好多嫁！呢間既裝修環境同埋氣氛一入去已經好正！我地叫左7-8道食物，因為我地8個人食，甘岩岩好。誇張既係呢7-8個餸都好多食丫！我覺得個清酒煮硯，比起出面特別既，淨係睇肉質，已經知道係新鮮，賣相簡單，外觀同硯既色調配合得好靚，食落去，好鮮甜呀！仲要keep 到酒味既香純！望落去簡單，食落去好唔簡單！好中意！ 其他食物冇影相淨係掛住食😋😋😋。

聽聞呢間居酒屋係專門做牛舌嘅，喺香港要食一間好食炭燒牛舌地方不多,俾佢地個噱頭引左黎~ 牛舌嘅花式都真係唔少嘅，有好多做法，都幾多玩法！可惜我個friend唔食牛舌，如果唔係我會逐樣試勻佢！😢我叫咗串燒牛舌同埋燒青椒打頭陣，牛舌腍軟又彈牙，串燒燒到就燶又冇燶到，食落香口，實在令人無法抵禦！牛舌獨特嘅質感，食過會上癮😋跟住食炭燒牛舌串，火喉啱啱好,大細適中,好爽口,整小小檸檬汁，酸酸地，清新又解膩！ 除咗牛舌，點咗個炭燒牛小排~牛小排燒到d色澤好靚，好粉嫩！咬落都好軟嫩，香味四溢🥰🥰

見佢openrice 咁多好評就試下啦一入到去入面濃濃日式裝修風格, 暖色既燈光同埋雅致既座位清酒煮蜆: 清酒蒸發之後個味會更加濃郁,酒香撲鼻,凍冰冰飲落更加暖身, 另外蜆肉鮮甜既肉汁同白酒融為一體, 更加係體現到海鮮既鮮甜原隻蟹: 一送上檯,目光已經被蟹膏吸引住, 一食難忘,鹹甜適中配飯又得就咁食都得,味道濃郁日式和牛炒飯: 日式炒飯最重要就係醬汁同埋米飯既軟硬度, 日本米通常黏性高,而且飽滿,偏向有嚼勁,非常適合用來炒飯,配埋嫩滑既和牛,香味十足

平日星期一至五上班的日子都很少外出食飯，所以週末會多約朋友吃飯。星期六的一個晚上跟朋友外出用膳，這次選擇吃日本菜，餐廳名叫「一杯屋」是一間居酒屋來，一進餐廳感受到濃濃的日本懷舊風格，地方闊落，坐得十分舒服，而燈光的光暗度適中，感覺既舒服又放鬆，就仿似置身於日本的食肆中。餐牌清晰簡潔，點了一份定食，芥末牛柳定食，裡面的配料跟一般的定食相約，正常定食重點的芥末牛柳既牛，師傅即叫即燒，上檯後仍熱辣辣！趁熱吃，啖啖肉，肉質鬆軟，味道鮮甜剛剛，十分值得推介大家試試。旁邊的蒸蛋水準亦十分不錯，是質素高的一個伴菜。本人很喜歡喝麵豉湯，這店的麵豉很好喝，很不錯。這樣簡單的一份定食，價錢恰宜，而且十分滋味，十分滿足的一頓晚飯。

琴晚去左銅鑼灣一間日本料理食日本餐，質素好好㗎，值得去食，仲要俾番個好評人地丫！所有食物都係即叫即煮，仲要魚係即切，一個字，新鮮！熟食方面除左新鮮之外仲要係野味嫁，款式配搭都有自己既格調，好有心思！講下我琴晚最最最中意食既一道菜，日式燒安格斯牛扒定食，正常我係其他餐廳食完呢個都會已經飽飽地，但今次食完呢個我仲可以繼續食埋其佢美食，佢既牛整得好係基本，但佢將燒汁同牛扒入曬味，切開仲要有汁流出來，果然出色！唔信就去試下啦!