一番街 (已結業)

中午同班同事去咗一番街食日式料理。間店主要係賣丼，而且人手不足，得2個人服務。加上小店比較細，所以都很迫，坐得唔太舒服😌。.佢有個定食menu ,係佢幫你配搭咗好嘅定。最平$60幾，最貴$80-90幾。但當然有自選丼，自己可以配搭喜歡嘅材料。（有張自選嘅點餐紙。🤪.而我地揀自選嘅，叫咗一塊玉子$7蚊，毛蟹肉$7蚊，甘蝦$10蚊，帶子$10蚊，燒三文魚🍣腩$14x2件。仲有一份三文魚子。總共$82蚊。（自選丼最低消費要80）首先，塊三文魚🍣腩都幾大塊，幾厚，而且燒得幾香。塊玉子都好厚，幾鮮甜。毛蟹肉反而感覺比較少。而且無咩味。帶子都好爽口，甘蝦同三文魚子無咩腥味，而甘蝦都幾鮮甜。😚有點不足係，飯嘅份量比較少，好快就食完。

小秘書放咗幾日假，已經開始有啲掛住「一番街」師傅仔... 嘅手勢😆 平時只會食 #牛肉飯 / #三文魚飯 嘅我，今日試新嘢，叫咗個「玉子毛蟹肉飯定食」🦀 諗住價錢咁平，應該唔會有啲咩驚喜 點知又出料意外地食味😋 飯面上綠綠地色嘅 #蟹羔 一啲都唔腥，反而仲有啲鮮味，用嚟伴飯一流👍🏻👍🏻 毛蟹肉都係真嘢嚟嘅，起碼我唔覺得佢係用魚肉加味粉做出嚟嘅人工食物，加埋啲醋米飯一齊食... 成個感覺好得呀👍🏻👍🏻👍🏻

鰂魚涌附近嘅餐廳唔算多, 好食嘅更加少之又少, 就算好食嘅都一定要大排長龍。 今日放lunch經過呢間一番街，竟然冇乜人排隊，平時食一定最少要等15分鐘，所以即刻入去試一試。餐廳十分細, 大概只可以容納20人，壯健少少既人都會坐得辛苦，而且只係得1個侍應1個廚師，所以趕時間就唔建議黎食。叫左個京葱玉子燒三文魚腩飯，當我食第一啖三文魚腩果陣，我就知點解咁多人排隊食。三文魚腩非常肥美，充滿口感同三文魚既油脂，非常juicy，送飯真係一流。玉子亦燒得啱啱好，滑得黎有陣陣既蛋香，非常出色！下一次一定要再試！

一番街屬於鰂魚涌區較平的日本菜，店舖只可容納大概15人。平時通常有人等位，今日難得去到有一張四人枱，就即刻入去試。我點左角切魚生飯，份量幾大,魚生都算多。粒粒魚生有三文魚、吞拿魚、帶子、蟹子同埋甜蛋。咁嘅價錢嘅魚生都算係咁，有啲鮮味。跟餐仲有麵鼓湯同中華沙律。同事叫左燒三文魚腩玉子飯，賣相超級吸引！厚厚嘅玉子上面鋪左用醬油燒過嘅肥美三文魚腩，同事話好好味，下次你嘅話我會食！推薦呢間餐廳比想喺鰂魚涌平食日本魚生飯嘅你。

一番街係一間唔係好起眼嘅餐廳，平時經過都唔會太特別留意到，因為佢嘅店舖裝都係比較平實，想不到有意外嘅驚喜！餐廳多數出售嘅都係魚生飯，今日就揀咗京葱燒玉子三文魚腩飯定食。個餐會跟埋一個麵豉湯同埋一個前菜，兩樣都係不過不失，唔係太大驚喜。當待應將碗飯擺喺我面前嘅時候，真係差啲流口水呀，個燒三文魚腩睇落好厚實亦都好似睇落好juicy, 碗飯入面亦都有四片燒過嘅玉子，京葱，紫菜同少許魚子。當我第一啖咬落去個燒三文魚腩嘅時候，真係十分之感動，三文魚充滿油香同口感，食落去都覺得件三文魚腩算係新鮮。至於燒過嘅玉子亦都十分之有蛋香，配飯一流呀！小店能夠做出令人難忘嘅水準食物，大家應該多多支持呢啲小店！又肥美又有油香嘅三文魚腩⬇️不過不失嘅前菜⬇️

又黎鰂魚涌放飯覓食，今日心血來潮好想食魚生飯，其實附近都有2-3間唔錯既，但想堂食既話呢間暫時最得我心😝佢有唔同既set可選擇，但有選擇困難症既我通常都會揀自選魚生飯，咁就可以咩都有啲😋三文魚、火炙三文魚、有頭甜蝦、海膽自選就係有樣好，可以一次過食晒想食既魚生❤ 三文魚夠鮮甜👍🏿 火炙三文魚應該睇相都睇到，好厚切😍 海膽一啲怪味都無，好新鮮，好正🙊🙊三文魚、火炙三文魚、帶子朋友就揀多左帶子，偷左一塊黎食，一樣夠新鮮夠甜😍

小秘書對「一番街」嘅牛肉飯情有獨中，通常諗唔到想食咩，自自然然就會行埋去幫襯😁 呢間小店已經喺鰂魚涌好多年㗎喇，老闆仔整嘅定食、壽司🍱我都食唔少。餐廳地方雖然唔大，夾埋老闆都係得兩位員工，不過就見佢兩個密密做、密密做無停手🍣 就好似今日外賣生意特別多，我哋啲食客就只好傾吓計，等老闆仔續一傳菜出嚟😅 無咩耐性嘅你就最好預早打落嚟落定order，咁一坐抵就有得食啦！專一嘅小秘書當然今日又係食我至愛嘅「牛肉飯定食」啦！醬汁甜甜地，撈埋落啲牛肉入面味道非常好👍🏻 $55已經包埋前菜（螺肉/中華沙律）、麵豉湯同一大碗牛肉飯🐮 滿足之餘就係滿足囉🐶

之前行開都唔覺眼，懷疑緊佢係咪新開嘅鋪頭。🤔 喺附近食開野嘅人應該知道附近咩種類嘅嘢食都有，唯獨日式魚生飯就少啲。🙈 今次呢一間就係其中一間有魚生飯食嘅鋪頭。😍 佢入邊唔係好大🤔，最多容納到14個客人。麻雀雖小，但佢刺身嘅種類好多，日式茶、小食、面豉湯⋯⋯全部都有齊。👍🏼 由於店內得兩個店員喺度，所以可能會做唔切。😅 如果趕時間嘅就最好下次先嚟啦。我哋去到坐咗幾分鐘，枱面都仲係未執。但係見到其實佢哋都不斷咁樣做緊嘢，所以都冇吹佢哋。枱面上面有張點餐紙，寫好自己食嘅嘢之後就可以交俾佢哋。除咗午餐set之外，仲可以自選魚生飯。自選魚生飯嘅最低消費係＄80 。😉我哋揀完之後就俾咗張紙佢，坐低等野食。🤤🤤製作需時，但係喺等候嘅過程中佢哋都會呈上兩個小食1️⃣中華沙律同埋2️⃣辣味螺肉，仲有面豉湯俾我哋飲。👍🏼日本茶就係自助式。魚生飯令我哋喜出望外！😍😍 本身要為呢啲細舖應該係普通嘅質素，但係一嚟到嘅嗰碗魚生飯賣相一流！ 三文魚非常之厚，帶子相當新鮮，其他刺身都好鮮甜！🤤 我覺得呢一間餐廳可以再戰！睇下可唔可以下次早啲嚟😂，因為佢製作真係好需時🙈。

呢家又係鰂魚涌食海鮮丼唔錯嘅選擇，因為佢真係豐儉由人， 食平食貴又得，好似車仔麵咁，有得自己每樣海鮮咁揀。呢碗入面有帶子，燒三文魚，蟹膏 ，吞拿魚， 食起嚟都幾足料，一共七十零蚊。我最欣賞就係燒三文魚，油脂夠食起嚟好香口，再加埋少少嘅燒汁，非常好味。而帶子都唔錯，甜甜地都算厚肉。而呢碗入面就係蟹肉﹑蟹膏﹑海膽﹑燒三文魚等 。海膽一份廿蚊，但食落都絕不欺場，色澤金黃，又甜又creamy。呢碗就八十零蚊，但係咁多材料都抵啦。

晚上透過外賣服務點了叉燒拉面，壽司，牛肉飯，送少了章紅魚壽司，打去問，佢竟然話冇賣章紅！個叉燒拉面仲癫，個面係冇湯嘅，問佢係唔係送漏，佢話有盒濃縮嘅汁，自己開熱水冲開佢！！！！你又知我一定有熱水用？如果我叫出前一丁你係唔係原裝成包面掉比我啲麵豉湯又係要自己冲味道知所謂，全部即食嘢從未諗過可以有外賣差成咁！！個牛肉飯勉強叫正常，但份量超少，兩三淡就冇晒，咁嘅舖都可以生存到真係奇蹟！！！！！！！！！

今日開完會後 ，與同事下午2點出外吃午飯，途經一番街，見到丼飯，價錢OK, 就入內。因為是小店的關係，座位有限，一早巳坐滿人，幸好剛有人離開，我們就有位坐啦。玉子毛蟹肉飯定食 HKD 58, 玉子有點甜，OK 好味，毛蟹肉份量多，飯有點淋，整體來說OK 好味。三文魚魚生飯定食HKD65, 三文魚肥美，份量多，鋪滿整碗飯，好抵食呀！味道不錯 定食會送埋一個前菜及味噌湯。前菜有海螺或中華沙律，我們點了中華沙律，味道一般般，味噌湯有少少鹹，但可以接受。

今日返工又係好忙，所以老闆請客😍同幾個同事講：不如食壽司啦～呢間其實都幫襯過幾次。我地一點半去買，都坐滿哂上班一族😳至於價格可以接受，同埋壽司都好多特別既款式：龍蝦膏燒大蝦、蟹膏花之戀～今次呢度我地叫左3人份，$230燒三文魚腩壽司勁厚，好肥美～甜蝦食得出好新鮮！帶子就麻麻地，唔建議食^_^至於小卷類都係比較大路既款式，玉子同埋青瓜小卷最穩陣～（比起其他附近既鋪頭，呢間係值得去食既小店）🍣🍣🍣