一禾

营业中

休息中

今日放假行落虹橋搵野食🤤見到呢間餐廳好似新開張🤔所以入去試下啦一入到去環境都幾整潔，大概有二十個位左右？可能係開放式廚房嘅原因，略嫌有少少油煙味🤭不過都影響唔到食慾🤭我叫咗一個All day Breakfast($98)再加咗一杯Ice Latte(原價$38，跟餐飲品有半價所以$19)今日唔算太多人佢地嘅上菜速度都算快，大概十五分鐘左右就有得食🤤(Btw打完呢篇食評後見到其他評論話上菜速度慢，可能餐廳係繁忙時段所以耐少少🤔)講返野食🤪All day Breakfast有沙律菜配柚子檸醋，窩夫兩件，薯餅，大啡菇，蕃茄，牛油果，炒蘭王蛋，仲可以比你揀要慢煮華味雞雞扒定係吉列豬扒，我就揀咗雞扒🙈喺all day breakfast大概$98嘅時候有咁多野食，我覺得超抵，仲有值得一讚嘅位置係慢煮雞扒佢地做到好嫩同埋炒蘭王蛋出到黎係半生熟🤤夠曬滑🤤另外咖啡果方面，我覺得不過不失，可能唔係好識飲啦🤭總括黎講，埋單$117我覺得物超所値，性價比夠高，見到佢地夜晚都仲有野食，睇過個menu應該係居酒屋嘅風格，店員仲話生啤買二送一，下次帶埋女朋友過黎食夜晚🤭食完再寫👍🏻讚👍🏻👍🏻👍🏻

當日共兩個人堂食，點了兩份餐，份量夠味道都幾好，值得一試。有需要改善的地方：1. 服務員質素很一般，要餐牌和清水都要叫兩次。2. 當日餐牌上好多食物飲品都未能提供。

之前一直食開和洋茶食👍👍裝修後一樣好食低食，早餐大推自家製窩夫All day Breakfast $98 ，價錢合理，跟餐野飲半價，而家除咗有早餐，仲做埋晚餐，晚市主力串燒居酒屋，屯門真係好少有呢啲飲酒食嘢吹水嘅地方，放工好去處😍😍😍正

由teatime嘅時候已經幫襯，好鍾意食佢哋嘅雞all day breakfast，三文治都好足料，所以見佢哋裝修，足足3個月後，終於開返啦😍。今日特登嚟食午餐，午餐選擇唔多，我揀咗鹽煎三文魚柳🐟配茶漬飯。三文魚煎得香脆可口，加上有鹽喺上面，真係忍唔住係咁食。茶漬飯加咗湯，我覺得個湯喊咗少少，仲越食越喊，呢樣有待改善。佢哋仲有好多特飲，跟餐半價，呢杯青檸梳打🍹好飲，其他飲品睇落都唔錯。唔知係咪新開張，所以食物質素仲未好穩定，希望佢哋嘅出品會越嚟越好啦。

今日有時間一個人去揾好嘢食。但因為一個人食唔晒個all day所以我叫咗吉列豬扒稻庭烏冬、熱latte 。味道唔錯。店員哥哥好有禮貌，見我凍，主動幫我調細冷氣。下次會叫埋老公去食多啲款。

新開第一次去叫左all day breakfast + 牛油果果仁沙律上菜速度比較慢，等左半個鐘先有同檯其他人都分別等左10至20分鐘見到老闆一個人煮踢哂腳，所以無催過單但係過左幾日睇埋人地ig post d 圖，發現同人地個餐比少左野食當日叫all day時，佢有話無哂雞扒得吉列豬扒，但係我後來睇人地啲圖先睇到牛油果都無俾我😑第二係睇返杯野飲，奶昔就有，果仁就無啦，但見到人地啲圖係個面鋪咗一堆果仁碎，而我個杯係插左朵花😂（唔記得影相）明白你小店難做，新開又忙，但如果繼續係咁出菜又慢，出品又唔統一，相信比較難有回頭客

用料高級 蘭王蛋 炸豬 慢煮雞 牛油果 自家製waffle 真係不得了 仲要食到4:30 早餐半價嘢飲 屯門區真係好汁 先$98 不得了 🤤 真心推介大家去試 食咗返唔到轉頭 btw sat sun早少少 因為會買哂😂

本身裝修前一直都好中意食佢哋嘅早餐由其係慢煮雞扒三文治所以都好期待佢裝修完重開已經唔係佢試業期間食都可以咁差體驗首先佢早餐meun寫由0900-1500當日我12點入去 坐低先同我講無早餐咁都算 本身叫咖哩雞扒飯因為好期待食返佢塊雞扒下一秒又話無雞扒 乜呢啲無嘅嘢唔係應該入座前提出㗎咩？之後再轉咗三文魚茶漬飯同奶昔咁有心機嘅餐廳等成半個鐘先都正常？點知一上係唔熱嘅 唔知啲時間等咗去邊同埋食到一半我都有追問我杯嘢飲個女仔就黑口黑面唔知講咗咩到埋單先發現係無落😹大佬 我已經問咗一次 扮check不如真係睇吓個客有無叫啦😹老闆無轉 人手多咗 餐廳大咗 餐牌轉咗但係所有嘢都差咗可能係我期望太大紅橋呢個價錢好多選擇未轉名前嘅和洋茶食差唔多一星期都幫襯一次裝修後嘅一禾 無下次（題外話 對面女仔叫燒飯團淋到問咗次佢哋係咪蒸飯團嚟😹