一笑食堂

营业中

休息中

位於小巷中，店內位置不多，由於我地有太多物品，店員叫我地坐門口。店員十分熱情，好快手拎多張櫈畀我擺野。坐低後唔見有餐牌，原來餐牌掛在店內，選擇不多，有拉麵，刺身飯，小食。見人人都叫拉麵，店員都係推介拉麵，咁就拉麵套餐啦。🍜櫻花蝦味噌拉麵+$35轉套餐(唐揚炸雞，溏心蛋，飲品)🎈唐揚炸雞：即叫即炸，香脆juicy，得三舊，唔夠喉🤣。🎈味噌拉麵：好鐘意個味噌湯，濃得嚟唔鹹，櫻花蝦香口，甜甜粟米粒，呢個組合好夾個湯。🍜元祖博多豚骨拉麵+$35轉套餐(慢煮雞沙律，溏心蛋，飲品)🎈慢煮雞沙律：店員細心提醒雞要和下層薯蓉一齊食，雞滑，薯蓉更滑。🎈豚骨拉麵：叉燒焦香，幼拉麵掛汁，每條麵都沾到湯，好夠味，溏心蛋當然好味啦。🍣吞拿魚手卷 原來係無飯手卷，紫菜上一大舊吞拿魚蓉，鮮！🍣海膽手卷 同樣都係得紫菜同海膽，海膽唔腥，鮮甜，正！💬食物算不上人間極品，但呢度除左美味外，有著濃厚人情味。就算有人間極品，但無服務態度，食物都係冰冷。呢度店員熱誠推介，貼心服務，食完仲問你夠唔夠飽。雖然第一次嚟，佢地都當你熟客咁招呼，真係好耐無試過食得咁窩心，而且價錢平民，下次會再幫襯！

經朋友介紹，得知長沙灣附近有間超抵食既正宗日本拉麵店，我居然唔知，收工專登約朋友過黎試一試。店面裝修好有日本feel, 由於小店關係，人 唔多但客量比較多，所以需要等一等位。當日有客人一行10人想黎食，可惜小店已滿座而且小店得兩位師傅，如果多人請預先訂座。當日餐牌最平5X蚊可以食到正宗日本拉麵，性價比咁高，可以係邊度搵呀！加35蚊可升級套餐，跟一份小食同飲品。❤️元租博多豚骨拉麵老闆教落，要先試左一啖湯先落調味料。湯底濃郁，一d都唔偷工減料，係日本既味道，日式叉燒薄切肥瘦均勻，口感彈牙。唔會好似出面其他店咁又厚又鞋，性價比極高。❤️櫻花蝦味噌拉麵同樣有日本叉燒同流心蛋，拉麵軟硬適中，香濃湯底，上面舖滿櫻花蝦，非常惹味，好味道連湯都飲晒。❤️慢煮雞沙律雞好鬆軟，配埋薯蓉，非常好味。❤️唐揚炸雞炸雞外脆內軟，十分香口。一笑食堂 深水埗順寧道98號美寧中心A座地下13號舖#深水埗美食 #深水埗探店 #長沙灣美食 #日本拉麵 #福岡拉麵 #香港旅行 #香港美食 #日本美食 #性價比 #美食打卡 #hongkong #japanesefood #japan 

豚骨拉麵+送溏心蛋 $59拉麵會有紫菜，叉燒 同溏心蛋 面條彈牙，叉燒都肥瘦均勻，個湯好濃，拉麵呢個價錢同質素真係最港最抵👍🏻 係溏心蛋今日煮得熟左小小，呢個要減分之外，成碗冇得輸👍🏻叫左餐 +$35 簡左芥辣八爪魚 同可樂芥辣八爪魚🐙 正常，紫菜夠脆，包埋一齊食正呀👍🏻三色丼 $128 另外加左隻溏心蛋 有吞拿魚蓉、海膽、蟹肉，好抵！$128 可以食到3樣貴價食材，每樣都好新鮮，海膽好滑同鮮甜。會配埋蘿蔔做開胃小菜，師傅話加芝麻食會更好味，又真係香口好多😍最驚喜係 原來叫飯會送埋湯，個湯唔係普通既味噌湯，係似雞白湯，好濃好清甜😍 仲有雞肉係底

一笑食堂 📍香港🇭🇰 長沙灣👉🏻follow @kumikofindfun 分享我的足跡#米吃 #今日教練食呢D #今日食呢D.真 性價比高～ 平民價錢 吃得好值地點 長沙灣地鐵站比較近 一家小店老闆 對食物非常講究 建議大家 到菜立刻品嘗食材真的很新鮮 磨好了芝麻 再加豉油 老闆說 讓你有福岡的味道.✨豚骨拉麵+溏心蛋 $59料好多 比一般的拉麵🍜 份量 味道 都更好湯底非常濃 櫻花蝦超級入味 以前吃的都沒味道豚肉不太肥 好彈牙 超入味麵條彈牙 很掛汁.➰套餐（可揀炸雞/沙律） +$35選了慢煮雞胸沙律 馬鈴薯蓉 配合 芝麻醬 超配還有送 糖心蛋 好甜 太好了 讓這餐 蛋白質增加了.✨三色丼 $128蟹肉 好鮮甜海膽 超鮮 好濃的海膽味 太值了吞拿魚蓉 顏色好漂亮 很甜好吃 平時好怕魚味.人均消費 $222.

長沙灣東京街旁有一個殘殘舊舊、人煙稀少的美寧中心，但這樣的一個殘舊商場卻內藏了不少驚喜，其中一家卧虎藏龍的就是居酒屋一笑食堂。這家食堂由富哥主理，店內只有8個位，隨時飲酒及廚師發辦！MM 上年介紹過，一直都想上黎試下！呢間小店裝修格局有少少似日劇深夜食堂，都係有一排吧台供客人落座，而師傅富哥係中間準備美食，拍檔Eriko就負責招待客人。小店買少見少，要好好珍惜係香港仲食到獨一無二，製作用心既小店。 如果唔想摸門釘，記得book 位呀！🌟慢煮雞胸沙律沙律係薯仔沙律，而慢煮雞胸既熟度岩岩好！配埋蜜糖芥末沙律汁，好開胃！驚喜既地方係沙律入面仲收埋左半隻流心蛋！又有雞，又有蛋，改名做親子沙律都得！🌟三色丼師傅係喺日本福岡學師返嚟，三色丼一上菜，師傅就行出黎親自教我點樣品嗜個飯，向我介紹福岡當地食法！仲行出黎親自為我加上醬油同芝麻。🌟櫻花蝦味增拉麵加糖心蛋個湯底好濃好好味！有好多配料係入面！叉燒好大塊！一定要加糖心蛋！

慢煮雞沙律🥗蛋沙律，蛋味重，薯仔唔係完全爛哂，有啲口感，但係極咸慢煮雞似係包裝即食雞胸唐揚炸雞🐥雞髀肉，新鮮炸，好熱，保留到肉汁，應該都係雪藏嘢，不過冇乜雪味，處理得幾好蟹棒大根🦀有驚喜！蘿蔔預先用汁煮左，煮到好腍，味道好好，冇渣，非常甜淋上用蟹肉、蟹膏及雞蛋煮成既醬汁，有蟹既鮮汁同蟹膏既香味，好食！元祖博多豚骨拉麵🍜相對係淡口，唔油膩，唔係一般既豬骨湯第一啖湯飲到豬骨味，湯頭厚薄適中叉燒味道濃郁，肉質啱啱好，但食完叉燒會覺得湯底較淡味拉麵質地比較腍，本人比較鍾意彈口一啲，優點係掛湯櫻花蝦味噌拉麵🍜湯底唔係想像中麵豉湯既味，櫻花蝦味濃郁叉燒同元祖拉麵個碗既係同一個味道，放係呢個湯底更加合適，唔會搶味食左一半老闆提醒拉麵要夾左上面先，食左先，唔好浸到發漲食完成餐唔會非常口渴

可能係全港最平嘅正宗福岡日式拉麵店🤤💯 ❤️ 食厭咗大集團式的拉麵，見到YouTube介紹，見到呢個店老闆對拉麵有份好似日本人嘅認真執着態度就嚟試吓 ❤️ 睇介紹話老闆每日用靚食材用近十小時大火細火熬製，用傳統烹飪手法處理湯底👍👍 ❤️ 裝潢日風，好多日式擺設/ Posters，日漫迷會心心眼😍 ❤️ 老闆見我一大袋二大袋，親自拎張凳俾我擺放隨行物件（不過最好就唔好拎太多嘢過嚟食） #香港好去處 #香港旅行#香港打卡 #香港小店 #香港製造 #香港生活 #香港🇭🇰 #香港品牌 #香港店 #香港景點 #香港電影 #香港街拍 #香港美食指南 #香港美食推介

回頭度🍪9/10｜人均消費💰~$60-80-👍🏻元祖博多豚骨拉麵 $58師傅係喺日本福岡學師返嚟🇯🇵湯底有得揀濃度 今次就揀咗正常麵質軟硬度適中 都好掛湯😍大概有兩至三塊叉燒🐽湯底好濃 食完唔會口渴😋至於温泉蛋就要加$12🍳但總體嚟講 $58算係高質🥳裝修仲要好有心思🥰-味道🌕🌕🌕🌕🌗抵食🌕🌕🌕🌕🌑

早前喺YouTube睇過有關於呢間小店嘅短片，對佢嘅食物頗有興趣。剛巧午膳時間經過附近，所以佢試一試。很可惜的是午餐只有拉麵提供，並且只得兩款，真是有點失望。但反正已經坐下，也就試試吧，心想佢專注做拉麵應該會好食。點了兩款拉麵，分別係豬骨濃湯拉麵及櫻花蝦拉麵。 豬骨濃湯拉麵嘅湯做得未夠濃郁，而櫻花拉麵嘅湯則做得非常濃郁可口，但兩個湯都唔太夠熱。溫泉蛋要另外加$12 ，做得還可以。但因為佢用嘅係幼麵，所以好難拿捏到淥麵嘅時間，結果係拉麵偏淋，唔夠煙靭，影響整體效果。希望老闆可以考慮改用較粗層嘅拉麵，應該對整體效果有所改善。老闆非常健談，對客人有耐性，有禮貌。價格可接受，但在該區可能有些偏高。

價錢中等 食物質素高 份量大份晚餐時間點了吉列池魚配白飯皮脆肉嫩 不會太油膩 必點之選三色丼 新鮮吞拿魚蓉、蟹肉配海膽啖啖都沾有蟹肉，都好好食再來多杯沖繩烏龍 夏日炎炎之選不論環境 食物及服務都值得一試會再有下次

一笑食堂搬舖之後光猛同闊落好多，佢可以單點或者預約omakase。今次試左單點，唔記得影低餐單，大致菜式名稱如下～沖繩苦瓜炒蛋海膽手卷，吞拿魚蓉手卷七味烤魷魚關東煮味醂魚乾紅酒煎鴨腿甲羅燒配法包燒魚（唔記得咩品種）金桔檸茶，日本既桔仔雖然第一次嚟，老闆同員工都好親切。好似返到自己個飯堂咁 。我見好多食客都呢度既員工有講有笑，應該都係街坊比較多 。食物除左本身味道外，人物氣氛都好重要。呢度既食物唔係驚為天人，但係度食都好開心 。值得一讚係吞拿魚蓉手卷，海膽手卷，沒有飯，紫菜夠脆，$45/款，海膽貨色唔錯，沒食到有腥味 。另外，店裡有生啤清酒賣，林林總總既清酒都係劃一價錢，當日我冇叫清酒不過印象中好似係百令二百蚊一枝720ml。同朋友開開心心咁坐左兩個多小時 。餐單肉類比例多 。希望老闆加多幾款蔬菜款既菜式 ，例如日式炒野菜，椰菜絲etc

之前好鍾意食附近一喜食堂嘅拉麵，湯底好濃，上年搬去其他地方住之後就無再食過。今次返黎探朋友，發現一喜食堂執左，但附近新開左一間一笑食堂，原來係一喜食堂嘅老闆開嘅！未入去老闆已經好熱情，又打招呼又幫我地擺遮。老闆好有追求，啲嘢食都係咁高水準！海膽超級甜，蟹肉多士同烤魷魚都出乎意料地好食。老闆仲話鼓勵大家食多啲菜，所以每樣嘢都配住菜一齊上。好味好味 下次再帶朋友黎！

早前看了MM頻道得知這間小店，但因種種原因未能成行，今日終於有空來吃午餐了。🤗叫了南蠻炸雞滑蛋飯、紅酒煮鴨腿飯、關東煮、忌廉蟹肉餅 及 沖繩香檸茶。😋炸雞外脆肉嫩，雞蛋幼滑，加上南蠻醬汁，不錯吃；鴨腿飯肉嫩味濃，老婆什喜歡；香檸茶隨飯附送，解喝又香甜，但用上大口紙飲管，檸檬籽容易吸上，什為不便。🤔水準不錯，價錢不貴，值得一試；聽說很快會在附近開多一間分店，到時地方變大，那就不怕訂不到位了！😙#南蠻炸雞滑蛋飯 $78#紅酒煮鴨腿飯 $75#關東煮 $58#忌廉蟹肉餅 $38/2pc#沖繩香檸茶#MillMilk#一笑食堂地址: 深水埗順寧道98號美寧中心A座地下13號舖電話: 63603827