一粥麵 (新都城中心二期)

营业中

休息中

小秘書話就話要減肥，不過始終心思思想食啲嘢蓉落肚... 😏 今日見仲未夠鐘去massage，心癢養又走咗入「一粥麵」食下午茶😑心多多嘅小秘書，睇到呢樣又想食、果樣又想叫... 諗住叫個黑豉油雞肶餐啦，點知又賣哂 👉🏻👈🏻 唉！好彩仲有我至愛嘅「細蓉」下午茶餐「細蓉、炸雞翼、茶走」🍜細蓉：麵質爽口、雲吞鮮味👍🏻🐔炸雞翼：新鮮炸起，醃得好好味！正👍🏻👍🏻☕️茶走：紅茶加鍊奶，茶膽夠滑、味夠濃👍🏻👍🏻👍🏻好滿足呀！

小秘書屋企人今晚都有節目，一支公諗住簡簡單單食個茶餐唔使煩🤪 物價高漲，而家食個早餐閒閒地都要三四十蚊，所以我覺得呢餐特別抵👍🏻大大隻黑豉油雞脾配上豉油王沙麵，再加杯紅豆冰都只係$35👀 最緊要係食物水準唔差，紅豆冰粒粒紅豆煮成蓉，食落口份外滋味；雞脾醃得入哂味，係炒麵睇起嚟油膩咗啲。不過其實我啱啱先同屋企人飲完茶無幾耐，根本無可能食哂成個餐🤭碟炒麵仲原封不動擺喺度，聽日仲可以拎嚟做早餐😉🍽... 慳妹又上身！

壹粥面 - 「新春食個煲仔飯，黎緊生活好休閑」年初二一朝早未有年拜，就落左去同媽咪食飯， 搵黎搵去都冇一間食店開門， 又唔想比酒樓劏， 就去左食壹粥面。 壹粥面係連鎖店黎講我覺得最好味而最合理既一間。 今日食左佢個煲仔飯 - 鳳爪排骨 & 臘腸蒸雞，再加個浸菜心而加係街外食個煲仔飯閑閑地都要6 7 十蚊， 但壹粥面49 蚊就埋單， 老老實實， 仲要有飯焦熱辣辣咁上堂仲有咩好講。 集團式經營真係打冧小店話都冇咁易，只要佢都注重品質。 2 個飯都好多料， 完全冇放軟手腳。 加埋 d醬油， 香味就不停地係個飯到滲出黎。 食落飯粒完整， 有少量油香但唔肥， 排骨同雞都好滑身， 不過小不免食到有味精調味。但明顯為保持肉質嫩滑而下左功夫。 浸菜總比油菜好， 湯幾咸， 補充左缺少蠔油既缺憾。3人埋單 $113, 人均60 蚊唔洗。 4 分！

新年食飯周圍都加一，有d地方什至加二；為左唔比人搵笨寶去連鎖食就無錯。凍凍地又想食特別少少整番個煲仔飯先鳳爪排骨煲仔飯$49鳳爪有2隻，排骨大大粒，加多2條菜心；最好既地方係豉油自己落，唔洗怕佢落多左，唔夠又可以問佢拎多個，貼心送埋杯熱咖啡☕️臘腸花菇雞飯$49 原條臘腸都係五十蚊有找，抵到不得了啦雞件好滑，雖然必定係冰鮮既但唔會食出有雪藏味，花菇大大塊切開一半好入味，不過今次飯焦有點燶，好彩叫左2個煲仔飯，依個太燶可以食另外個個叫多碟菜，正呀係上湯菜心唔洗一大堆蠔油係上面

次次黎食都好鬼多人，等左十幾分鐘終於搵到位，一心打算食個煲仔飯排隊就黎到又無哂，即刻轉食個咕嚕肉飯，仲叫左個必食既雲吞雞餐咕嚕肉都幾大碟配埋洋蔥+青椒，仲送個猴頭菇乜乜湯+中國茶 ；湯好足料，真係有猴頭菇係入面，唔係一般味精湯仲有個餐勁抵食，每次都叫黎食「雲吞雞 配 3塊豬扒 仲有個飯 同 中國茶」都只係七十幾蚊，雲吞大約有4粒，仲有幾塊花膠仔，但就有成隻，真係成隻雞！雖然唔係好大隻雞，但七十幾蚊有花膠有雞有雲吞有豬扒有飯有杯野飲，我就好滿足啦😋

一向覺得一粥麵比大哥大家樂做得好。價錢合宜，某幾道菜也不錯。首選係炸醬撈麵，有湯拌撈麵果款。炸醬唔辣，酸酸甜甜，很醒神，加點湯和撈麵一同吃，無咁油，炸醬加在碎肉和麵中散發野味。還有凰㧓排骨煲仔飯，一定要堂食，飯應該係絲苖米，飯燋要趁熱吃，加點豉油最正。常餐也不錯，厚厚麵包加煎蛋，做得好過茶餐廳。雖然不是特別食店，但是逢早午晚餐都座無虛席。

一粥麵給人的錯覺以為只提供粉麵及粥品，其實也會提供一些小菜選擇，其中晚市的鹹蛋蒸肉餅套餐味道不錯，雖然分量不算多，但一人份量尚算ok，從表面上肉餅好像被鼓油浸滿了，初初以為肉餅會好鹹，但食落去之後，又卻不是那麼鹹，味道剛剛好，肉不會太「淋」，口感恰到好處，肉餅加上那隻鹹蛋黃就更加惹味十足，這個套餐本身跟白飯及中湯，中湯用保溫器皿盛載著，保持一定的溫度是一個不錯的做法，味道 雖然不是太濃郁卻保持標準水準。

由於今天早吃飯，所以很快肚餓了，就到商場的一粥麵吃宵夜，這店鋪提供了九點後優惠，選擇一碗麵或一碗粥，配一款小食，盛惠30元。未到九點，已經有一些人在排隊等候。而我排在第四個，時間一到，螢幕上的 食物即是展示了深宵食堂優惠餐，而我選擇了雲吞麵配腸粉，再加雞全翼(加3元)，雲吞麵有四粒雲吞，雲吞不會太大粒，所以咬落去未能感受到啖啖肉的實在感，而麵爽帶啃勁，保持水準，不錯。腸粉皮薄嫩滑，加甜醬惹味十足，雞全翼不過不失，沒有驚喜。優惠套餐包了指定的雲吞麵/皮蛋瘦肉粥 + 小食，限制了選擇性，如果對指定食品沒有太大的要求，又或者是啱心水的話，確實是不錯選擇呢!

新都城不嬲都冇乜嘢食，全部都係啲連鎖式集團。今日突然想食雲吞麵所以走咗入去，平時其他分店食都冇嘢，今日呢間就……Lunch我嗌左一個雲吞麵加炸兩。今日雲吞麵個湯底勁咸，個炸兩仲衰，油炸鬼超硬，你可以話佢脆嘅🙄我覺得應該係炸完又炸嗰啲囉，個顏色又深，食得多牙肉會損果種😵今日lunch咁少人都咁樣嘅質素，呢間分店我唔會再試👋🏿

呢日來將軍澳睇wonder woman,我準時收，男友又係例牌ot😣😣😣😣😣等呀等，等到佢放工，我地係中環搭地鐵去寶琳，跑去買完飛，得返三個字食野。好在，間戲院附近（一分鐘腳程內）都有唔少餐廳，有翠華啦仲有其他，翠華呢啲太貴喇，我食唔起，亦唔覺得佢值呢個價，所以揀左個價錢比民既一粥面。老實講，我第一次食呢間，因為平時行過呢間野無論佢餐廳既裝修，食物種類同價錢都唔係話超級吸引我。今次如果唔係咁趕時間我都唔會食。我計過時，因點餐，攞餐到食完，都只係十分鐘既時間，真係超級快呀。唔知係咪因爲我太肚餓既關係，我覺得佢個牛腩面好好味，而且牛腩份量都算多！都係三十幾蚊。

在mcl看完7:40場次的電影後,9點多時間要找間食肆,第一時間想到的地方是一粥麵,因為9點開始便供應較為廉價的宵夜套餐,同時仍有少量較飽肚的飯麵餐點供應.是日發現夜宵時段仍然不乏人流,也得花點時間才找到一張2人卡座.值得提醒大家的是店家的空調溫度較低,得多倫衣服才行,也許是筆者比較潺弱吧.是日筆者和友人分別點了宵夜套餐:皮蛋瘦肉粥配唐生菜($30)及晚餐: 咸魚雞粒炒飯配凍檸茶 ($48).推薰指數: 4/5友人的粥品不會太稀削,但綿度不過. 勝在是味道夠,皮蛋和瘦肉的份量充足,筆者嚐了一小碗也覺得可以一試.至於,旁邊的生菜雖然有部份則略嫌烚得有點過老,但吃得出得菜的甜味,許是新鮮貨色.推薦指數: 5/5意想不到的是,咸魚雞粒炒飯($48)見驚喜! 炒飯不僅是份量充足,新鮮炒起粒粒分明,而且熱度十足,更重要的是,咸魚炸過再炒,炒飯味道更是香濃!餐飲的凍檸茶則太甜,不太建議點了....綜觀餐廳的食物味道和價錢是可以接受的,而且坐得還算舒適,是宵夜的不錯之選.

夜晚看完電影，行過見到有間一粥麵 其實6點才吃完 但被$29 宵夜餐 有個粥+小食吸引到😂就進去吃下 特價野，份量當然好似少左甘 味道正常 沒有驚喜 細食的人可以當晚餐食真系勁抵👍🏻不過一到9點超多人排隊買，位都差d無位坐 看來大家都覺得很划算😊

閒日食早餐，十點左右，都唔少人我食魚柳炒蛋。雖然都係大家樂集團，但佢嘅魚柳體積大好多，肉質就淋身d，比較軟滑。好熱好脆，幾好食架，沙律醬好夠。不過我鐘意大家樂嗰隻南冰魚柳多d，雖然細塊d, 但肉質結實有少少魚油香，凍左唔會好腥。以快餐店嘅羅白糕來講，佢地嘅羅白糕亦都比較好食，軟身d冇咁實。炒蛋就差唔多，再生d更好，好睇師傅手勢，每間分店略有不同。阿媽食粥炒面，個雞包仔麻麻地，炒面有d痴住未撈散。粥就ok唔錯。

話說小弟今日出TRIP去左TKO，就是但去食一粥麵。選擇一粥麵係因為佢係大家樂嘅仔，質量有保證。而今次小弟就叫左鎮江骨，結果令我幾失望下個餐除左鎮江骨外，仲包左個菜飯，仲有個菜鎮江骨係唔夠味，係唔夠酸，甜味都唔夠，總之係淡味啦。菜就係茄子，茄子係炸嘅，勁油，食1嚄都覺得自己肥左好多，唯一唔錯就係肉燥，食落去竟然有台灣味。菜飯就料不太夠，一般般啦

早餐對香港人黎講可能係可以skip既一餐，又或者係食m記、大快活、大家樂。會唔會覺得冇咩好早餐好食呢？而家就向大家推介呢間類似快餐店既一粥面～小妹番將軍澳教會前就同友人去左食呢個炸魚柳炒滑蛋厚多士餐配熱奶茶～小妹要大讚個炸魚柳炸到岩岩好卜卜脆，而且外脆內軟，切開入面係一節節既魚柳肉，再加上大量既沙律醬，食落咸中帶開胃既酸酸甜甜，好有口感 個滑蛋係半生熟，面層係香滑軟綿既蛋漿，底層係剛剛好熟既，層次感十足～只係略嫌塊厚多士真係厚到有D硬，要好有牙力先咬得落如果中意飲奶茶既朋友就要小心啦～一粥面對於奶茶既質量好有要求，一定要有奶既香滑同茶既甘甜，又唔會太多茶有苦澀味，同埋只有熱奶茶飲，想飲凍既話要加錢飲冰鎮奶茶，務求唔會比水沖淡左味道～推介呢間餐廳比大家，食早餐食到悶就落樓叫個餐歎下啦