一粥麵 (新翠商場)

营业中

休息中

今日想食一個中式早餐諗咗好耐都唔知去邊度食好突然間行過，終於留意到個餐牌見到都唔錯、價錢又唔太貴就去食下啦皮蛋瘦肉粥（細）粥底夠綿滑，皮蛋肉碎都唔小，足料好味！可再選配2款點心 香滑齋腸粉（半份）米漿味都不錯，腸粉都夠滑香煎蘿蔔糕（1件）煎得都夠香口，味道可以最後仲可加錢配個奶茶

今日冇胃口想食粉麵！而家度度食飯平均也要50蚊！揾到呢間38蚊午餐！(連飲品)牛肚雲吞河份量也不少！雲吞鮮美！河粉滑，也不錯!凍檸茶(加三蚊)茶香！有檸檬香！令人透心涼快！

賣晒唔岀聲，照比人落單，等左九個字都未有煲仔飯，岀去問先話啱啱賣晒，而家整緊，大家以後咪幫襯，對唔住大晒？賣晒一早同人講咪得，條魚應該即嗌即劏。全港最「快」嘅「快」餐店，要等九個字先有飯。

升級版的大家樂 ⁉️眾所周知 一粥麵 係屬於大家樂集團的，但其實兩者嘅定位都幾大分别，前者主要以小菜及粥品為主打。雖然未去到每種款式都好驚艷，但總會有一兩道拿手小菜，今次我所介紹的喺 午 及 晚餐 都有供應 ......去骨海南雞 🐔 + 撈粗麵 + 熱飲。☕呢個真係無敵組合，只係 $60 (午，晚同價)，價廉物美當之無愧。味道方面，去骨海南雞味道濃郁，我不敢肯定是不是走地雞，但牠確實比到我實淨兼嫩滑嘅口感，半點肥膏也沒有，正。👍配搭 撈粗麵 亦 正合唔嗅米氣的我，當然如果你想跟飯亦可以。🍚粗麵爽口彈牙，少許豉油香味，簡直係畫龍點睛，令麵質更加昇華。大家得閒 絕對 絕對 要去試吓，包保你會喜出望外，Super Yummy 😋🤤

今日早上去完東區醫院覆診，搭小巴落柴灣地鐵站，諗住食吉野家，結果已結業。剛好見到支付寶3個印花可換2張5蚊券，就去一粥麵買外賣返公司食。叉燒腸粉走蔥，即叫即整肉碎手肉粥，好多肉碎，十分大碗43蚊用券後38蚊，好抵食女孩子們如果細食，呢個餐既份量可以分2餐食都夠食，十分推介。

冬天將至，不少中式食肆先後推出羊腩煲。見到一粥麵出左，一於入去試試!羊腩煲餐(跟唐生菜，白飯，中國茶)。以百元內的羊腩煲來說，羊腩份量適中，咬落算稔，羶味可接受。煲內其他配菜有枝竹，馬碲，冬菇。食量大的食客可選擇貴$10嘅餐，會額外有肥牛，而白飯可改要烏冬。另外，疫情關係，暫時沒有自取斟水處，想要水便要問員工了。當日有員工主動問顧客需要水與否，想起數月前連叫人執檯都難，甚至要受氣，服務質素實在進步不少。

今日個人唔舒服而且喉嚨好痛同乾，個人冇咩胃口所以求其去咗屋企附近嘅一粥麵買咗碗粟米瘦肉粥濕下喉嚨😖🔺粟米瘦肉粥🍴一粥麵有好多款粥選擇，但我唔鍾意食內臟又唔鍾意食牛肉就揀咗呢款清清地有正氣嘅！一打開個蓋見到個粥咩餸都冇就諗：「搞錯啊咩都冇嘅！」點知用匙羹搞下個粥底就見到好多瘦肉絲同粟米粒！啲瘦肉絲係多到一團團咁！可能我係重口味人士食唔慣粥就略嫌個粥味道唔太夠，要自己落返啲雞粉調味😖而且個粟米粒唔太甜😖不過生病食到咁足料嘅粥同埋而家係冬天食啖粥個人即刻暖哂☺️希望可以快啲好返啦！

來到禁堂食前夕～～想食碗新鮮雲吞麵去左附近間一粥麵套餐有雲吞麵、蘿蔔高、凍奶茶～～～水準都ok，特別係雲吞麵意想不到的高質碗麵有久黃👍👍👍麵質爽口，走簡又做得好，湯底充滿大地魚味，都有燒香佢既味道👍👍👍👍👍雲吞大小適中，蝦肉爽口，抵讚🥰🥰🥰🥰🥰蘿蔔高正正常常咁，又唔會太粉，如果有xo醬就更好😂😂😂😂😂凍奶茶，用左沖繩黑糖wo, 都係kimmick野，正正常常咁總結： 可常食🤗

第一次試食刈包，見有紫薯味咁特別，所以試下。其實係無咩紫薯味，不過顏色幾好睇，而且個包夠熱同軟；但夾住個塊雞扒有點乾食，但都好食的。火腿銀針粉湯底較清，有少許雞湯味。銀針粉跟刈包在平常餐廳少見，未試過不妨一試

一開始見到碗麵都嚇親， 成碗面被紫菜覆蓋住，賣相減五十分！但紫菜幾爽口，唔會太淋。燒雞翼擦滿蜜糖，絕配，加分！打開紫菜見到3粒魚皮餃，覺得有點少，唔夠喉。湯底濃郁，應該同雲吞麵同一隻湯底。但魚皮餃亦太細粒，有點失望。

懶得煮飯，帶埋媽咪啊妹黎食一粥麵開餐開心又抵食👍🏻👍🏻👍🏻列牌照食粥 因為真係好鐘意呢度既粥同叉燒腸，啲粥一啲都唔鹹，清清地，加埋肉丸👍🏻👍🏻叉燒腸粉同樣都好好味道妹妹叫的撈麵 仲有糖水配送🤩🤩媽咪叫既燻魚好好好，啲汁夠入味👍🏻👍🏻

連續兩天在柴灣工作，所以早餐也在這裡吃，如果第一天就遇到那個粗野的店員，肯定不會再來第二次！第一天雞扒炒麵烚蛋奶茶$27雞件食味OK的，不過這樣小，怎麼能叫扒呢？炒麵也不錯，灑上芝麻幾香，烚蛋、奶茶不過不失，早上匆匆忙忙，地點方便，懶得再找另一家。第二天生滾魚腩粥粥底不夠綿，魚腩還可以，不過以主打粥麵來說，就有點失望。進食期間，突然旁邊傳來吵耳的聲音，原來有位店員在隔離枱用手機看影片，原本在看報紙與她同枱的客人，也因此收起報紙離去，情況持續，於是請她把音量調小或戴耳筒，該名店員即兇悍的表情高聲回應：『你話我呀? 我邊有呀！呢度係有音樂架！』其間，她一邊說，兩手一邊把手機音量調低！！！當指出她正調音時，她依然不認，並以兇狠眼神"掘"住，並說『你都黐黐哋！』擘大眼講大話，仲要惡意罵人，太可惡了。多得這位粗野無禮的店員，以後也不會再來。

服務態度差劣，碟叉燒腸簡直不知所謂，熔熔爛爛咁嘅賣相都可以俾客食，由第一次幫襯買杯奶茶要10分鐘，隔咗差不多一年嘅今日再去幫襯，一樣亳無改善，以後都不會再去，如果要選一間最衰嘅分店，柴灣新翠商場分店必定係首位！

今日19年1月10日係柴灣地鐵樓上叫咗個羊腩煲及上海排骨菜飯（都係套餐），個羊腩煲$86，但得5件細羊腩配菜又小，只係得水多，問咗廚房大廚佢話係咁份量，今次係第二次食呢個煲，跟上次完全不同，我唔會再去呢間舖食飯！

一粥麵中午有一款牛腩粒河粉+炸両的混合餐，河粉清湯底，外賣的話湯和河粉分開，安排貼心👍,河粉一條條的，没斷開,牛腩粒夠入味，五香味濃郁😋,炸両就冧冧地，有少少靱🙄,幸好腸粉皮不太厚😀,兩者比較，我個人喜歡牛腩粒河粉好食好多😋