一粥麵 (銀禧薈)

营业中

休息中

福建炒飯的飯底只是用上普通白飯加上少許炒蛋碎假裝成炒飯，以為用多點芡汁可以蓋住白飯不被發覺。可惜的是廚房在慳完炒飯工序後又再想慳福建炒飯的芡汁令不符合商品的白飯穿崩了，這做法完全是欺騙食客這食店要不得！

雖說而家爆緊第四波疫情，但街上依然係人山人海，想搵個安靜地方食個下午茶都唔係易事。但係喺我地靈機一觸之下，俾我地發掘到喺東鐵沿線，相對比較少人嘅火炭區！於是我地就啟程出發，搭咗一個站嚟到火炭。仲俾我地搵到間除大＿＿以外嘅經濟實惠型連鎖快餐店喇！平時我喺屋企食得較清淡，一同男友出街就放肆一下，點咗一份炸無骨雞脾加碗仔翅加紅豆冰！男友點咗一份黑芝麻刈包夾雞扒配炒麵熱飲。碗仔翅足料又熱辣辣！雞脾都幾大塊又有肉汁，好正！紅豆冰啲紅豆又甜又大粒，好飲！餐廳食物價格相宜，環境清靜，不失為週六日約會嘅好去處呢！

午餐時間唔使等位，座位幾闊落全部客人都會有送餐服務，而且跟餐仲會俾杯暖水你落完單就有部機，坐定定等員工送餐帶子福建飯，先$35，仲連埋野飲，好抵食！碟飯份量夠多，有好多粒帶子！不過碟飯唔夠熱！杯熱情果茶一般般鮮蝦雲吞麵好好食，有5粒雲吞，麵質彈牙！蘿蔔糕無咩料，而且同個飯一樣，唔熱既陳皮紅豆沙好大碗，好重陳皮味，甜度適中！

返工放食飯，就去左公司附近一粥麵食個下午茶，我叫左油雞髀撈粗麵加紅豆冰，大約$39，之後，經收錢姐姐介紹話有一隻狀元雞，只提供外賣，而家好抵食，好快會賣晒，所以我就諗都唔諗就買左留返係夜晚食。但唯一唔好既，就係等得太耐，而且食物唔夠熱，整體都ok👍🏻油雞髀撈粗麵油雞髀夠入味，唔會太淋，撈麵夠彈牙，係我最愛既下午茶。狀元雞佢成隻春雞，唔切，有金針雲耳、冬瓜、炸菜包荷葉整成，味道ok，雞肉好嫩👍🏻👍🏻，唔洗$40，仲想點呀！

諗住食個簡簡單單嘅晚餐，就去咗一粥麵，應該啱啱開始有得食煲仔飯，咁就叫咗個最經典嘅鳳爪排骨煲仔飯和蝦仁炒蛋配赤小豆粉葛湯，點知🤯 都唔知係食緊排骨飯定係排骨粥，入邊啲米完全唔乾身，一坺嘢，仲有啲排骨唔夠新鮮，肉身有啲「梅」，入邊兩條菜心尾部黑蚊蚊，鳳爪冇話好唔好話唔好，求其飽肚就算😭😖 蝦仁炒蛋不過不失，起碼雞蛋都算滑，因為我只係試咗一粒蝦仁冇評價，但係唔知點解有一灘水係個碟，都明白嘅，連鎖快餐店也不能期待什麼，赤小豆湯不過不失，不過完全唔熱，希望下次佢會好啲😂

到火炭入境處申請證件，碰巧未食晏，又到了下午茶優惠時段，便到一粥麵看看有什麼輕盈餐，諗任吃少少頂住先！看到有個迷你乾炒牛河配冰鎮奶茶，便隨即點了，雖則有點油膩，但勝在熱辣辣，又有送餐服務，配埋杯味道完美的奶茶，真絕配

在火炭沒有很多吃早餐的選擇，如果每天吃美心早餐，可試試一粥麵早餐，他們做的碎牛旦即食麵早餐不錯，由其是碎牛，有小小辣，麵雖然不是出前一丁，但也不錯，感覺不會太肥，哈哈😄

呢排新年食咗太多肥膩野，真係要清下個腸胃。出沙田食早餐又好多旅客、又多人等位，不如安安靜靜喺火炭食個靚早餐算囉！呢間一粥麵喺火炭都開咗好耐啦！裝修簡單重點係唔使排長龍！呢度唔止有粥食，仲有各式各樣的西式早餐！ 可能因為時間尚早，所以仲未見好多人。話時話我見有好多客人都點選西式早餐，證明佢啲西式早餐一啲都唔輸蝕！想食清清地所以點左個香茜魚粒粥，個粥底煮得唔錯，鍾意佢唔會落太多味精。配豉油王炒麵，炒麵稍為林左少少，如果可以炒得乾身啲就更加好啦！再加杯奶茶。掂呀！

打工飯堂新選擇從前無論上學或是之後在社會工作，午餐總是會去大家樂、大快活，甚至美心這些快餐店，原因無他，就是因為價廉，至於物是否美，就在乎你對於快餐的要求，我本人從前對食物没甚渴求，所以對於這些快餐店的質素還算滿意的；但人的慾望伴隨著歲月增長了，快餐已不能再讓你感到滿足，即使只是一頓午飯。但這天，在一個偶然機會下，我跟一位朋友走進這家名叫一粥麵的餐廳，他的裝修和佈置，給我的感覺就是大家樂大快活，所以抱著拾回青春的心態，我決定試試。最後我點了上海排骨菜飯，中學時的最愛，排骨入口香脆肉嫩，果然没有令我失望，我細意咀嚼，滿嘴油脂，醜態百出，但心中充斥的卻是在學時珍貴的回憶。

呢間連鎖店算係一直能夠保持水準，食材合格，又常常在免費報紙刊登優惠券，持有優惠劵惠顧滿$26元可減$3元，早餐來說能夠平$3算係非常化算！在繁忙的早市時段收銀員熟練且效率高，而店員們亦都勤快有禮，令人感覺舒適。火腿通粉既通粉大大粒而彈口，火腿不鹹。另外炒蛋嫩滑，午餐肉切得不算薄，所以頗有咬口，而多士亦都係厚切及焗得剛好是金黃色，外脆內軟。牛肉通粉既湯底帶有濃郁薑汁味，提升牛肉既味道， 惟鴛鴦的奶茶味蓋過咖啡味，略嫌遜色。整體而言，呢度既早餐相對同類快餐店可稱得上係抵食及有誠之作。

行行下餓餓地就去左一粥麵食個下午茶。之前食過其他分店都覺得ok就入左去食。個餐都幾豐富有炒麵、雞全翼、碗仔翅加錢轉埋個「冰震奶茶」。盛惠三十幾蚊。好耐都未飲過「冰震奶茶」於是乎就點左啦，飲落真係中曬伏，得個甜字，無奶茶嘅茶香。真係極失望。個碗仔翅都幾足料架，味道亦唔錯。炒麵就麻麻地啦，好乾身又硬。仲痴埋一舊咁，食左兩啖就放棄左。個雞翼就不過不失啦，不過就係大家樂嘅好食。其實之前食過其他分店都唔錯，但火炭呢間水準真係麻麻，應該唔會再黎呢間食。

平時係其他地區都有食既，今日想食碗粥就去呢道，一買完飛返埋位就有送餐服務！加錢仲可以有喳咋👍🏼個粥底係唔錯既，但啲豬潤真係真係好難食，好似用水泡左好耐，仲有陣唔知點形容既怪味🙄

相間幾個月時間，再臨火炭銀禧薈，發覺三層商場竟然只得兩間食肆，一間百樂門酒樓和一間一粥麵，個人午餐，已無他選。中午1:00是午飯時間，粥麵店座無虛席，不過，一個位始終較容易揾到位。睇水牌楝啱$36牛坑腩麵，排隊畀了錢，侍應協助我揾到坐位，由於我沒有加錢買飲品，要清水就得自助，我到小枱子取得是熱水，吃完麵熱水變暖水真是啱啱好！牛坑腩麵很快就送到我跟前，切得大中小長度各一件，合共三件牛坑腩都很厚身，沒想到牛坑腩夠腍之餘仲好有鮮味，麵身爽滑，合時白蘿蔔又清甜，唯一缺點是大家都見到浮在碗裏的厚厚油膩，如果是清湯，那就攞足100分了！

因要到這裡取証，順道在這裡午餐。其實這裡環境都算不錯，整潔及光猛，可能已過午飯高峰期，所以感覺不算擠迫。因沒有雞粥，所以選了及第粥。來的時候，這粥原來加送半條熱辣辣及脆的油條。粥裡的豬閠、豬肚，豬肉丸都是兩件的。豬心及豬腰欠奉。而粥底卻是不錯的。

又係星期六，好多地方都冇午餐套餐，所以幫襯返快餐店。冬天有煲仔飯選擇，好吸引，又唔算貴，所以就試吓。如果去有地道風味嘅小店食煲仔飯，應該唔只呢個價錢。喺收銀點菜後，會有機俾客人放喺枱面，廚房出菜後，店員就會識得送餐過嚟，唔使自己出去拎餐，good!個煲仔飯有三樣餸，仲搭多條菜，健康加分雞肉、冬菇、菜同臘腸，味道都好正常，性價比高自選。