一粥麵 (麗港城商場)

营业中

休息中

🔥一粥麵 (藍田)藍田茶果嶺道88號麗港城商場1樓85-88號舖～～～上次吃完他們的福建炒飯配冬瓜盅 覺得性價比很高很驚艷 今天媽媽沒煮飯 又要自己吃 就再次買了冬瓜盅 不過這次配的是海鮮煎蛋餅 原本抱著嘗新東西的心情吃 結果確是令人失望的 冬瓜盅依然美味清甜 喝著很舒服 可是海鮮煎蛋卻烹調得非常一般 海鮮全是冰鮮的海鮮 毫無鮮味 而且冰鮮海鮮的份量還非常少 雞蛋炒得乾乾的 不嫩不滑 這個套餐還比上次的冬瓜盅配福建炒飯貴上幾元 真的沒有下次了！～～～推薦度：🔥（5🔥最高）

🔥一粥麵 (藍田)藍田茶果嶺道88號麗港城商場1樓85-88號舖～～～冬瓜盅 -比想象中大超多的 中間餡料也很多 有蠔乾 素翅 海蝦 清清甜甜的 一人獨霸一個非常爽 不過如果再多兩個人也完全夠吃的 天氣熱了吃這個好舒服啊～福建炒飯 裡面有海蝦 冬菇 紅蘿蔔 肉粒等等 炒飯汁濃淡適中 但略嫌汁份量有點多 導致飯太濕 不過也有值得稱讚的地方 就是吃完沒有口渴的感覺 應該沒什麼味精啊～紅豆沙 比酒樓的紅豆沙沒那麼甜 質感很沙 是個不錯的飯後甜點～～～推薦度：🔥🔥🔥🔥（5🔥最高）

Alipay HK呢一排做咗好多推廣的優惠活動， 大部分的快餐連鎖店都有掃一掃QR code優惠。進了一粥麵，見到有2部自助點餐機。用支付寶apps掃了一掃優惠QR code,跟住選了 五香碎腩粒河粉配蔥花炸腸,我加8元要椰汁喳咋。 因為用了自助點餐機，送咗一杯熱鴛鴦。五香碎腩粒河粉， 牛腩粒好入味， 幾好食， 河粉一般。 蔥花炸腸不過不失。 至於喳咋食落有口感同埋都唔係太甜，算是ok.熱鴛鴦算係好飲， 通常一般就會在香港茶餐可以飲到， 還是香港其中一種特產飲品。下次再來食吓中菜套餐。

突然想起這裡,早前與友人來過一次這日又想吃粥,於是再來.柴魚豬骨粥及香茜魚粥早已吃過了,這天要了南瓜粥粥底是保持一貫的清甜。碗粥既顏色就好橙啦。但係唔覺有南瓜味道？豬骨斬得細細件的。以便顧客容易進食。豬骨帶點鹹鹹的。炒麵是非常的幼細，每條都是十分的柔軟。麵的鹹淡度適中,配料不算多。印象中只吃到蔥花，洋蔥及少量火腿絲等...要讚油份不會多但佢炒完後那味道依舊是溫柔無比。令我吃罷也不會有膩滯的感覺。友人點的餐蛋麵及咖啡一望落去碗麵感覺其貌不揚。一見隻蛋熟到過火。友人說不好吃！！！總結食物普通，每人要三十元落樓....感覺一粥麵而家真係愈黎愈貴....排隊購票等五分鐘，再等顯示又十分鐘。服務效率真慢，趕快食完立即上班！

這兩天胃口欠佳，想食一啲清清地嘅午餐，可讓腸胃休息一下， 行到麗港城商場，記得自己有儲起優惠券，就望下有咩啱食， 揀雲吞麵餐(有麵有菜$38元)。用埋優惠券，再用電子付款，最後只付$25元，果然係精明消费者😎。鮮蝦雲吞麵，有五粒鮮蝦雲吞，細細粒一口一粒，味道清清地，就算冇優惠都食得過，有就更加理想啦🤗!生菜配蠔油， 菜可以幫助消化，有助腸胃蠕動， 食多些菜對身體健康喔！

有時想平平地，清清地，我都會去一粥麵。每隔一段時間都會更新餐牌～之前試咗黑醋豬軟骨烏冬，結論係食返廣東麵穩陣，日式唔好試！紫菜魚皮餃麵併雞翼唔記得$31/$32，有麵、雞翼同飲品，好豐富啦！抵食～勁多紫菜，完美覆蓋！食七分飽既份量，整體不俗，魚皮餃都ok~食飽仲可以坐下hea下打下機都無人趕～

今天又要上堂。由於觀塘比較難找到有座位坐的食店，所以行遠一點到藍田附近。原本想吃特色菜色的餐廳早已滿座，而且還有很多人在門外等位。見「一粥麵」有位坐，於是入內點餐。服務員的待客的態度友善和有禮貌。我點了粟米魚塊飯及熱好立克。粟米魚塊飯有魚塊，粟米粒及白飯。賣相可以。份量也多。魚塊有六大件。軟腍腍的，好明顯不是新鮮炸起。估計是放在雪櫃一段時間，再取出來加熱。魚肉塊比較肥厚，仔細看內𥚃紋理分明。肉質嫩滑。不過，味道就淡了少少。白飯的有少許粗糙。不過，撈粟米玻璃獻汁就易入囗得多。熱好立克，好立克及淡奶味兩者都重，香濃嫩滑。味道又甜甜地，好好味。總括而言，粟米魚塊飯的口感及味道稍為遜色。這個價錢享受以上質素的食物是勉強可以的。

黃氏力牆其實我想係呢一度打邊爐好耐啦，今日終於有機會！我叫左兩個一模一樣嘅火鍋餐，真係估佢唔到，我覺得＄78有咁嘅質素唔錯架！如果大家有去開連鎖快餐店打邊爐的話，相比之下我會寧願選擇去呢一度打邊爐！點解咁講？大家一睇圖就知啦，佢有兩塊都幾厚嘅石斑再加一隻蝦俾你係啲粥底上邊蒸，啲魚同埋啲蝦都算係新鮮！爽口彈牙，沒有霉爛的感覺！牛肉就有五片，另外同出邊打邊爐唔同嘅，除咗佢係用粥底做火鍋湯底，佢仲有兩塊豬潤及油炸鬼，都幾過癮！另外我想講佢果兩粒雲吞都幾好食，其他配料都非常之新鮮！最重要嘅係佢所有嘅材料我都可以食晒，沒有浪費！其他某啲出面嘅火鍋餐有部份嘅配料係我覺得好難食要放棄唔食，但係呢度呢係冇嘅！不過佢個餐係唔包飲品，但我覺得我會再度來打邊爐！份量啱啱好又夠新鮮！用粥底嚟打邊爐，煮出來的烏冬特別滑，正！

Lunch如果想食得冇咁heavy同平d, 我通常都會去麗港城lee間一粥麵，一黎人唔太多，二黎就真係好平！好似今次既雲吞麵餐咁都只係$35，平到喊講返佢個雲吞麵，有大約4粒雲吞，幾驚訝麵好彈牙，但我就覺得雲吞就偏咸左小小，但都仲接受。仲有碟蠔油生菜，唔會好老，lee個價錢黎講好超值，唔可以要求太多，其實佢d粥都好好食，有時想清下腸胃，減下肥都係個好好既選擇🤣🤣🤣🤣下次再介紹埋佢d粥比大家，

今日近近地係屋企附近食，依間快餐店啲嘢凊清地，都係近排嘅最愛，今日試吓食依個餐！以為自己食得晒,結果都係食剩一大半，唔會浪費食物嘅，打包，外賣盒不另收費！讚！砂鍋雲吞花膠雞湯加個上海豬扒再一碗白飯，一杯茶雲吞我冇數喎但係最少有四粒，一隻燒春雞size 嘅雞, 有4，5片花膠，個湯唔錯！我食晒其實食完都好飽啊！所以呢嗰個豬扒我就食咗一塊，冇喳，好味老老實實＄70想點啊！我覺得兩個人食就飽啦！我朋友就order 咗粥一個腸粉一疊油炸鬼我朋友話個油炸鬼好好味！下次要試吓啦

一個人趕住食個晚餐又上路... 諗住食個頹飯算...點知見呢間快餐店有位，價位又低，就快快落單，食個麵算叫咗魚腐麵，加$7有碟油菜，咁抵梗係加啦！可能本來就無咩期望，拎餐時真係幾驚喜... 食物: $30碗麵，有咁多餸，抵啦! 有成6件魚腐! 食落都爽口彈牙，不錯的。但奇在...與我認知的魚腐有出入... 外型似炸過的魚片，食落唔係軟淋淋，係彈牙既... 係咪俾錯魚片我呀? 不過我都幾鍾意食，唔理lu仲有個生菜，嘩...多到俾咗半個我咁... 啱晒我菜菜子!! 食落唔係普通水碌，係真係上湯浸菜喎! 有湯味又唔油膩，健康之選，讚! 環境:唔算好大，平日7pm幾食飯時間，都7成滿，也不難找位置。環境幾乾淨。服務:整體服務都友善，出菜收碟也是正常速度，個抹枱就未夠細心，枱邊有些食物醬汁...我不小心弄髒了

懶得煮飯，就同媽咪落樓下搵啲嘢食。見到一粥麵有一個晚市套餐好似好抵食，就叫左一個share啦呢度咁多嘢食都係＄69咋，有一鍋花膠雲吞雞湯、冰梅骨、白飯同一杯熱茶。雞湯好大碗，有全隻雞，都幾多肉，有兩三個花膠，仲有四粒雲吞，足料。雞湯幾香，味道唔錯。冰梅骨炸得幾酥脆，而且仲有啲蜜桃醬，酸酸甜甜幾開胃。我同媽咪兩個人食份量岩岩好，抵食!

放咗學夜晚自己一個食飯，就求其入咗一粥麵食，個人好鍾意食牛腩，所以就叫咗個牛腩撈麵。份量都幾大，牛腩幾濃味，不過肉質太韌，好難咬得開。撈麵撈左d牛腩汁，唔會話好濃，清清地唔錯，仲有啲白蘿蔔食下，幾清甜，收貨啦

今日去麗港城探老豆, 老豆約我一齊去食一粥麵,咁咪去下囉...呢間分店都幾乾淨,排隊嘅人亦都唔多，所以坐得算係好舒服。兩父子一人一碗麵偈下計都幾舒服， 上次我食過呢度嘅乾炒牛河, 價錢比茶餐廳低，炒得唔係好多油， 河粉亦都冇炒到散曬，屬於水準之上。 不過最後我哋都係決定叫外賣,因為老豆要返屋企睇馬仔...今日我就叫咗個墨魚片頭加崩沙腩撈麵， 頭抽撈麵都夠味所以ok ！同埋以往的連鎖快餐店好難叫到呢啲撈麵，呢個算係我喜歡的款式之一！！至於老豆叫咗個豬潤米粉， 都唔差不過豬潤粥好食啲。 我哋叫埋碟油菜簡簡單單又一餐兩父子傾下計冇所謂啦……

今日無咩胃口，就諗住食粥暖下個肚！去到見到個Menu有莞茜魚粒粥，就想試下，由於本人非常鍾意莞茜做調味料嘅味道😍但因為我唔食蔥，落單時就無叫走菁，怕走埋莞茜，所以就淨係叫走蔥！唔知係咪因為中午時段較忙，易出錯，cashier寫手單俾我，要攞飛去櫃面等叫號亦因為我係手寫單，電腦無顯示，所以櫃面要叫飛做單，我聽到佢叫“莞茜魚粒、走蔥”但做單嗰個就話，即係淨魚？我即刻上前話唔係，淨係走蔥、要莞茜⋯⋯點知佢竟然話“無嘅喎，係溝埋一齊嘅！”😨即迫我要蔥，我真係覺得咁點解menu要有個莞茜魚粒粥？不如係莞茜蔥魚粒粥啦⋯⋯😒跟住我照要淨魚粥，再問佢攞莞茜蔥，諗住自己分返開啲莞茜蔥，點知⋯⋯俾得下圖個大兜裝住嗰少少😤強烈要求分店將莞茜同蔥分返開放，因真係有人唔食莞茜食蔥、食蔥唔食莞茜嘅⋯⋯另外魚粒粥入面係成舊魚，生滾粥亦無味