一粥麵 (MOSTown新港城中心(4期))

营业中

休息中

門口部自助叫餐機封咗，唯有排隊叫。 收銀員又話冇曬糖水， 畀錢都冇得買，但係去到攞餐嗰度， 聽到有個男人 叫佢哋畀糖水，又有得畀佢㗎喎！試下佢個雞髀紅豆冰HK$25， 我張飛833號，見到 出餐嗰度有份雞髀紅豆冰，又冇飛 唔知幾多號 ，我係咁問職員幾多號，又冇人理我 。。再等多陣，佢又話嗰份係832，我833嗰份唔係我嘅！我繼續企喺度等。。 等多陣，嗰份依然未有人攞，我就問佢 ，佢再諗諗下，話應該擺錯飛，嗰份係我嘅！ 我企喺度都企咗好耐，雞髀都凍咗喇， 又有幾個客人冇戴口罩咁 喺前面嗰個嘢食 ，所以就唔要，等佢再炸過。。等咗都大約再多十幾分鐘， 睇得出係新鮮炸出嚟嘅 ，平心而論質素幾好，夠脆夠juicy 紅豆冰就正正常常啦。。我眼見啲人等餐都要等好耐，但係其實又唔算太多人啫。。

第一，疫情下食市要分隔板同封枱，位唔夠又冇姐姐執嘢，叫姐姐幫手就叫我自己出面揾另一個姐姐執！第二，一碗雲吞麵梘水味超重又杰撻撻，個湯又鹹又唔香，雲吞得三小粒，仲要唔好食，皮又多又厚🤬夠膽賣$30一碗🤬🤬🤬垃圾！

大年初三一家大細去新港城食午餐，知道開咗新餐廳一粥麵，決定食餐清淡試吓。真係食到一肚氣呀！😡:「自助點餐器」：見到門口有自助點餐機，諗住唔使排隊可以快啲，撳入去😨太多太多特別選項，走蔥、走芫荽、走甜、走奶、少冰、少糖⋯⋯下一步N次。由於小孩想食通粉，魚蛋河有顯示可以轉通粉，點知去到櫃面取餐眼見依然係魚蛋河，店員竟然話點餐器不能更改，下午是沒有通粉供應的！😑呢個係咩玩法？！😡:「魚蛋河粉」：一碗有四粒白魚蛋和兩粒炸魚蛋，竟然⋯⋯竟有頭髮藏入魚蛋中，太離譜、太嘔心！一句講晒，冇下次！小孩見到都怕怕怕，以後唔敢食魚蛋。😡:「＋＄8紅豆沙」：點餐時已經點了紅豆沙，取餐時店員完全沒有理會食物是否齊全便收單，直至食完套餐，我哋記得應該有嘅紅豆沙未有出，幸好有影低張單！唉！出餐十分混亂所有食物都平平無奇，質素差，服務更加應該要改善！唯一收餐店員是勤快，有禮貌的。😑