一芳台灣水果茶 (已結業)

今日食完飯走左黎試下一芳既野飲，見最近都開左愈黎愈多分店，今次試左佢既招牌水果茶，覺得甜左小小，見到佢既黑糖粉圓鮮奶好似仲吸引d每日限量100杯架～下次可以試下☕️

喺台灣有飲過一芳，番深圳亦都有飲過；雖然香港嘅一芳評價都幾兩極，但我個人其實幾喜歡…可能我每次都係點金鑽鳳梨綠，味道一直好穩定，無咩技巧，點三分糖、正常冰最啱我口味。今次仲係我第一次喺旺角分店試，假日下午茶時間，都有少量人排隊，等候時間並唔耐。餐牌分原茶、果茶、鮮奶茶、黑糖粉圓系列等，定價$17-33。 糖度、冰度自選，分中/大杯，大部份飲料提供熱飲選擇。仙草凍奶茶 $29/正常糖/正常冰點左期間限定嘅仙草凍奶茶，比較清爽，味道唔錯，半糖應該更合適添。一芳嘅奶茶類用鮮奶製作，無奶粉奶精，價格同香港大部分茶店差不多。用上日月潭紅茶，奶茶有茶味，奶淡不膩口，仙草份量唔多，口感滑捋捋，有甘草香氣，味道自然，而且消暑一芳水果茶 $30/熱/半糖水果茶一向係招牌，除左例牌百香果，仲有切片嘅蘋果、橙，點左熱飲，唔會熱到辣咀，啱啱入到口，呢個天氣飲都唔難受～

一芳粉圓鮮奶茶, 茶香奶滑, 奶茶味香濃, 都幾好味, 都幾多人買。包裝得幾靚, 好FRESH 咁! 中杯SIZE 已經很足夠, 飲哂已經好飽。最值得推介的係他家的粉圓, 粉圓好可愛, 超細粒, 但又不失咬感 , 粒粒柔軟, 好滑。每一粒都係透明的, 細粒的優點就係確保每一粒都係熟的。 珍珠SIZE 大的, 中間會不熟 , 影響口感。而呢個唔會, 非常中意。每啖奶荼都可以吸到10粒珍珠已上, 好滿足, 珍珠對成杯奶茶影響什大, 好珍珠就會為奶茶加分!

成$30蚊一杯嘅奶茶，奶味茶味都咁淡～，成杯野得個珍珠比較有正常水平👎🏻唔會再幫襯，飲過真心伏。PS. 買兩杯茶問佢想外帶拎走，個staff 仲黑面🌚話膠袋要收$1蚊建議飲過第二間～

金鑽鳳梨和綠茶，有濃香的綠茶味，. 杯飲下有鳳梨果肉，系古早味鳳梨既感覺，酸酸甜甜好清新，一芳既水果茶一向好評，新鮮得黎同唔同茶葉都好夾。前排天氣悶熱，飲返杯好醒神！

行行下口渴，諗起呢度有一芳，就過黎睇下有咩可以解解渴。好鍾意一芳嘅設計，全木製嘅鋪面有種客棧嘅感覺😆最新款？牆上有木牌製嘅menu，同水果箱，一睇就知熱賣水果茶，但我早前試過，感覺不太好，太甜了！今次要再俾次機會一芳，試試其他！一睇望去就俾金鑽鳳梨綠吸引住後面有人排隊，趕住落單，menu影得太朦很貼心地有甜度表及溫度表及建議，一目了然，為何早前沒留意到叫咗金鑽鳳梨綠，吸取上次經驗，今次要少冰半糖飲落清新，甜度適中，唔係死甜，底部有好多新鮮菠蘿碎🍍，每一啖都飲到，菠蘿味過後有淡淡嘅綠茶香，我會比較鍾意飲呢個多啲

食完飯專登來買野飲，排左好耐隊，結果... order左杯楊桃汁，來左一杯極似梅汁的東西。之後行出朗豪坊，邊行邊飲，都ok消暑，不過真係酸左d，口味亦不似預期，最終未飲哂就掉左。記得以前有間野叫茶軒，有一排堂食時有成壺的熱飲楊桃茶，相當好味。不過，間野好像已經冇左... RIP.

今天來沙田逛街，走著走著就想找個飲料喝，honey 查了查，發現沙田新城市廣場裡面竟然有一芳😍 上次在尖沙咀路過時因吃太飽而渴不下，今次可以嘗嘗了☺️一到店隨即看見一條偏長的人龍，大概十多近二十人在排隊，honey 本想放棄，而我則二話不說排隊去了🤭 排了15分鐘左右才買到，我們選了大杯的「一芳水果茶」少冰。然後多等7分鐘再拿飲料。這杯水果茶果味非常濃郁，杯裡面有不少水果，橙、蘋果、百香果、菠蘿等，水果都很新鮮，沒有看到有爛的，對於超喜歡水果香味的我，當然很喜歡啦💕💕 可能因有百香果的關係，honey 第一口渴的時候說很酸，但之後再多渴幾口後，好像也沒甚麼投訴了，哈哈～

做完按摩有點小肚餓又不能吃什麼，經過朗豪坊想想上樓去找點東西見填肚，因都晚上9:30後所以其實能挑的很少。見一芳還有人排隊，便想起久久沒喝的中華愛玉檸檬，立即叫杯重溫～這款有點好是可走糖走冰，因此茶的味道會更突出，且對怕胖的女性而言是不錯的選擇哈哈～大杯是$29，中華檸檬愛玉底下的愛玉不少，而且酸酸微甜，口感Q彈Q彈的，既能解渴又能有少少飽肚感。茶味適中不會太淡不過也不會很濃，算是中庸適合大部分人的口味。

茶底可以，下次會再試其他飲品在街道之中，售賣水果茶，台式飲品，涼茶，有汽飲品等等的店舖有好多。「≧≦」今次我隨心周圍走，走到一芳這間飲品店。叫了一杯仙草奶茶回公司飲。≈|+.+|≈仙草份量正常，跟其他的台式飲品店份量差不多。而口感跟其他的台式飲品店也差不多。口感有點兒像啫喱或者蒟蒻，而味道就有點兒像涼粉。至於奶茶的甜度適中。飲下去有茶香 。所以我估他的茶底也算可以。下次再試其他飲品。~<@.@>~.

在朗豪坊吃完炸鸡好口渴，就念叨来买一芳，作为今日的前100抢到了黑糖粉圆鲜奶茶🎉没有想象中的甜算是大幸，粉圆很好吃很Q在口渴的时候这样一杯真的久旱逢甘霖，但老实讲其实味道不过不失，算是很typical的台湾奶茶啦~

之前去台灣嘅時候，路過一芳，但無入去買黎試，一芳黎到香港喇，偶然嘅機會俾我係朗豪坊見到佢⋯又無咩人排隊買喎，咁就試下佢喇到我買嘅時候，職員話啲粉圓要等20分鐘，問我仲要唔要，都諗住試⋯所以都照買喇。唔怪得無咩人排隊喇，原來係錯覺黎買完就驚覺原來好多人未有得飲，拎住飛仔等等等⋯終於等到喇，粉圓係小珍珠，細細粒易入口，茶色望落係奶比較多嘅，一試入口，粉圓係幾夠煙韌，但無咩甜味。奶茶就係好淡味，茶味唔濃，普通⋯⋯唯有下次返台灣再試下正宗味道喇。

台灣旅行的時候喝掉了無數杯黑糖珍珠鮮奶，剛回到香港熱潮還未開始，未有過江龍開店，抱著試試的心態買了杯一芳黑糖粉圓鮮奶，結果還不錯，今天經過又買了杯一芳黑糖粉圓鮮奶 ($30)黑糖系列的飲品的甜度、冰度都是固定的。杯底的黑糖珍珠是溫暖的，口感彈牙煙韌，黑糖味頗濃。對比較嗜甜的我來說，鮮奶只是微甜，奶味頗濃醇。整體感覺很不錯～就實話，三十多元一杯鮮奶，再比起台灣一杯的確不便宜。但偶然過過口癮也是不錯的。我覺得比起一芳的招牌水果茶，這杯黑糖粉圓鮮奶反而做得更好。

颱風山竹影響下，個個打工仔都要返工， 見到一芳台灣水果茶， 為上班一族打氣， 是日全線分店提供第二杯半價優惠， 所以都去試下， 我叫咗杯仙草凍奶茶， 老婆叫咗杯水果茶， 我嗰杯仙草凍奶茶奶味不足， 略嫌茶味唔夠濃， 但啲仙草都算好味 ，如果正價真係略嫌貴咗啲， 老婆嗰杯水果茶略嫌帶酸， 但好彩色彩繽紛搭夠。 至於店舖嘅裝修都算特別。 個杯身有啲軟， 唔太好揸手， 好容易整曬啲茶出嚟， 呢方面真係有待改善。一芳水果茶店鋪裝修落單處製作地方仙草凍奶茶

一芳水果茶平時嗌飲品都會叫少甜不過曾經試過叫咗少甜之後杯嘢會無味所以第一次試嘅飲品都會試番舖頭調嘅原味先水果茶嘅味道唔錯，但有啲甜如果嗌少甜的話應該啱啱好佢主要嘅味道係熱情果，茶味都有但唔係好重唔係好飲到其他水果嘅味而佢呢個杯嘅設計密封嘅當你飲晒啲茶之後就要夾硬扯開佢嘅密封包裝先至可以食到入面啲水果另外因為有熱情果嘅關係所以有好多熱情果籽一芳都唔例外，冇設計出其他方法可以隔走熱情果籽我呢啲唔想吞核嘅人就只好避開啲熱情果籽唔食都幾麻煩最後呢個價錢有啲貴，所以我未必會試多次