一芳台灣水果茶 (已結業)

上次黎朗豪坊已經好想飲，不過實在太多人，所以無飲到，今次行街行到出哂汗，勁口乾，決定黎試一次。今次前面都係排咗7、8個人左右，好快排到，嗌咗大杯嘅$33水果茶，一飲即刻覺得好解渴，𥚃面有好多橙同蘋果片，微酸感覺好清新，佢同其他果茶最唔同嘅就係加咗鳳梨醬，仲有啲菠蘿粒，同埋百香果籽，令到成杯嘢飲嘅味道更加豐富

同為食友人出街一定會飲台式飲品，今次行到攰就去飲一芳水果茶。成十點幾十一點都有堆人喺度排隊，果然係有名氣嘅台式飲品店。叫左杯大嘅一芳水果茶半糖少冰，盛惠$33。係幾好飲嘅，飲到淡淡嘅茶味加埋水果嘅甜味，好新鮮嘅味道。差唔多飲完就開蓋食水果，嘩超級甜，懷疑加左成匙糖槳落啲水果度，真係食到打冷震。如果下次再飲要叫微糖。前幾日北上飲過水果茶，感覺整體上比一芳好味，平啲茶味又濃啲，起碼水果唔會痴住成啖糖槳。

唔知係咪今日負責收銀櫃嘅女店員係咪有啲事？黑口黑面，講嘢冇尾音，眼神傲慢，搞到好似我哋係嚟乞嘢飲咁，希望貴公司員工可以改善吓啲服務態度，掛著台灣過江龍招牌但實則自毀招牌。

今期好Hit既一芳水果茶，聽講係台灣黎既當然要過黎試一試佢啦 hahahaha呢間野價錢唔算太貴，都算多選擇吓~~一人嗌左一枝 開心share 黎飲。。Um..我地叫左杯店員大力推薦既水果茶，好彩我地嗌左半糖， 如果唔係一定會好甜！！可能自己本分都唔太鍾意飲好甜嘅嘢，叫半糖就岩岩好啦而且佢又落咗好多水果係入邊，感覺上健康好多另一杯都係推介既黑糖粉員鮮奶茶！因為自己本身好鍾意黑糖所以試下呢個！不過杯嘢飲無乜奶味， 黑糖味就唔錯既都

今日去旺角經過朗豪坊於是去了一芳台灣水果茶買杯飲品，諗左一陣飲珍珠奶茶好定水果茶好，下晝時段不是太多人排隊，這裡有等候區買完可以坐下來等叫號碼，十五十六的我最後買了一杯粉圓鮮奶茶三分甜加走冰。等了不夠十分鐘杯外賣就有了，拎上手的時候睇落去色澤比較淺奶白色，第一啖飲落去口感茶味不夠濃而且奶味好淡，即時感到好失望，珍珠份量都有一大半細細粒都幾有哨口，不過整體這杯珍珠奶茶水準比預期偏差。唔知道水果茶會唔會好啲，可能下次再會比機會試下。

過江龍嘅台灣水果茶果然明不虛存好味我叫左招牌嘅水果茶記得要3分糖 唔係甜到漏下次可以試吓佢嗰個黑糖珍珠奶茶但因為佢每日限量至100杯我冇去飲度但係水果茶入面d水果又食唔到可以改善下

同朋友喺旺角行街，行咗一陣就覺得有啲口渴，咁喺旺角就一定要飲珍珠奶茶啦。早排已經聽過一芳呢個大名，難得喺台灣過到嚟香港，就一定要去試下。排隊嗰陣時就問咗個店員，邊一杯嘢飲最賣得同埋最好飲，我哋就聽佢建議，買咗珍珠奶茶，佢仲建議我哋半糖 ，我哋照樣跟住買呢個甜度，點知就中左伏！杯野變得淡而無味，奶味又唔重，得一啲苦澀嘅茶味，而珍珠方面都冇甜味，但係煙韌程度都可以接受嘅，如果下一次去，一定要嗌正常甜度。

食飽飯行朗豪坊咁啱行經一芳，想飲杯茶消滯特意選金峰洛神花，諗住酸酸地易入口d加上朋友想飲粉圓奶茶，就決定一齊買我地點既2杯都有點失望洛神檸檬因無得選甜度，太甜粉圓奶茶，粉圓太淋

打完邊爐成日都好口渴咁岩阿妹原來未試過好hit既一芳 就決定帶佢試下我地梗係揀番招牌一芳水果茶 有左之前既經驗揀少冰就岩岩好但少糖都仲係太甜 無糖就完全唔甜水果一樣係咁多 叫大杯裝抵飲啲一芳而家仲新出左黑糖粉圓系列 可惜只限量100杯 夜晚去就買唔到

第一次的嘗試由於限定款已賣完，所以只好退而求其次，選珍珠奶茶。落單時已叫少甜，但味道仍然重甜味及奶味，沒有茶香，，破壞左成杯珍珠奶茶的味道，可能因為是專賣水果茶的源故，奶茶的質素真的比「天xx茶」及「kxx 」較遜色。珍珠的感覺和平時飲的珍珠奶茶沒有太大分別，但敗筆仍然落於奶茶的味道，可能我期望太高，而且我又好中意飲。平時奶茶鋪多人排隊真係總有理由，儘管鋪面幾優雅同幾靚都好，奶茶唔好味都幾影響到對呢間鋪既印象。

見難得唔多人排，買咗幾杯試下！好多選擇，真係唔知叫咩好。上網睇下人推介一芳水果茶同金鑽鳳梨綠！我叫咗無糖金鑽鳳梨綠。本來都怕無糖好難飲，但係意想不到咁好飲，無糖帶出咗茶嘅甘香，加上菠蘿帶有天然嘅甜味同酸味，好match！正！正！正！我朋友叫咗杯全糖一芳水果茶。杯茶甜到好似飲糖水咁，啲甜過重，搞到蓋哂啲茶味。佢話佢好後悔冇叫少糖，佢飲咗半杯就飲唔落。不過水果真係好多，大半杯都係水果。另一杯唔記得咗個名，因為個名好難記😂都係個句杯茶真係太甜！可能半糖、微糖或冇糖會好飲少少。

試左個佢地推介既金鑽鳳梨綠飲，茶味唔太濃，無茶澀味，飲到有鳳梨肉，唔會太甜，但又唔算話真係好飲到要一定再飲，而且輪候時間好耐，雖然佢都有放d櫈比人坐係度等或飲，但係真係等得有d耐，如果撞正人唔多，可以一試。

台灣手搖飲品店係香港開到成行成市，經常行過都會買唔同牌子既珍珠奶茶飲。今次就試下呢排好Hit既一芳台灣水果茶見到佢寫住黑糖粉圓鮮奶茶係每日限量發售，當然要試下啦！一入口已經飲到黑糖既味道，奶茶味道適中，整體感覺唔會太甜或太膩而佢既黑糖粉圓份量超多，飲曬成杯都仲有好多粉圓。而粉圓當然地充滿黑糖味道，十分煙韌，好有咬口，唔會太軟或太硬！整體黎講，呢杯鮮奶茶都值得一試。如果飲厭左普通珍珠奶茶既味，可以試下黑糖粉圓鮮奶茶。不過佢既價格比一般珍珠奶茶貴，中杯都要$30我諗我都唔會成日飲。*黑糖粉圓鮮奶茶 $30*

係隔離鋪頭食緊飯糰嗰陣，見好多人都飲緊一芳，就行過嚟睇下有冇嘢啱飲啦選擇唔算話好多，都係啲台灣大路既飲品有個期間限定既黑糖粉圓系列，每日限量100杯，可惜我地依個時間(夜晚7點幾)已經賣晒嚕唔知揀咩好既情況下，都係揀左最正路既一芳水果茶😂😂買既時候，店員話好甜，建議我地揀半糖，咁就試下半糖啦細細既店面，分左排隊區同等候區到你嗰陣會嗌number，但好似太多人忙忙地，店員既態度有啲惡等左15分鐘左右就有，都算快目測水果多過茶，實際上都係，兩個人share一杯，好快就飲完入面既生果得橙同蘋果，正常味道啦，無乜特別我都算係嗜甜既人，平時飲開其他台式飲品店我都唔會話要少甜，但依杯水果茶半糖完都好甜無乜可取之選，一次就夠

好耐之前已經有留意呢間台式飲品店，所以知道佢黎香港開分店真係好開心，仲要開係勁就腳既旺角，簡直係九龍人既福氣！ 不過因為開店個時太多人排隊，所以就未有一試。 今次夜晚9點食完飯去到見佢唔多人排隊，又有啲口乾就諗住試下佢。 諗左好耐試咩好，因為佢有太多選擇，最後放棄左金鑽鳳梨綠試左水果茶。 嘩！冇諗過飲落去水果既果甜同茶個種澀係咁夾。 先飲到茶既苦澀再到水果既甜，慢慢係口腔散發出黎，真係不得了！ 仲要有啲百香果果籽可以咬下，勁有口感。 果然係招牌，雖然要30蚊一杯令唔少人卻步但絕對可以一試，試過真係會上癮。 不過個area有啲細唔算好多位可以比人坐，但勝在環境設計到令人諗起日本既風情又有台灣個種既休閑，下次應該會試下其他。