一芳台灣水果茶 (已結業)

同为食友人出街一定会饮台式饮品，今次行到攰就去饮一芳水果茶。成十点几十一点都有堆人喺度排队，果然系有名气嘅台式饮品店。叫左杯大嘅一芳水果茶半糖少冰，盛惠$33。系几好饮嘅，饮到淡淡嘅茶味加埋水果嘅甜味，好新鲜嘅味道。差唔多饮完就开盖食水果，哗超级甜，怀疑加左成匙糖桨落啲水果度，真系食到打冷震。如果下次再饮要叫微糖。前几日北上饮过水果茶，感觉整体上比一芳好味，平啲茶味又浓啲，起码水果唔会痴住成啖糖桨。