一貫壽司刺身專門店

营业中

休息中

自從食過一貫後，真係返唔到轉頭。食物新鮮，好味，足料，已變成我哋嘅飯堂之一。啲厚切三文魚刺身真係冇得輸，仲有個芒果蟹籽沙律，芒果勁鮮甜，一啲都唔酸。仲有個牛肉湯烏冬，真心係會食咗返唔到轉頭，因為個湯底係私人熬製。總之一句講晒唔食你會後悔。

喺佐敦幾間食店作比較 ，佢既品質高而不算太貴 三文魚望落去係油花比較好既 ，吞拿魚係用日本既赤身，即係幾年前一壽司既吞拿魚質素 ，油甘魚因為我經常食到剛從飛機運到，非常新鮮仲有啲咬口 ，隨左刺身類 佢地烏冬，飯類，串燒 都有唔怕食到悶 較為欣賞佢係鵝肝 鵝肝上面加啲紅椒絲味道更好 用黎送酒就正啦 ，飯類滑蛋雞都好味 我已經食左佢地幾年架啦 所以好多樣都試過 有時仲可以幫客人訂想食既飛機貨 例如令和蠔 ，秋刀魚 價錢公道，最近就叫左幾次秋刀魚 非常鮮味

初頭幫襯，以$100換一個印花作招來，儲滿10個印花之後就可以免費品賞一客手卷。經過多次光顧印滿11個印花之後，諗住再去幫襯，怎料這次幫襯的時候，竟然說印花已過期😤，但印花卡上根本沒有標明有效日期，而店舖內亦沒有聲明字句，最難解釋是每次光顧後店員雖然有在印花卡上蓋印，但從來就沒有提醒顧客印花有到期日，而且當日店內仍貼著幫襯可用印花換相應食物的海報，覺得這家店舖好唔老實，講真一客手卷值什麼錢？但這樣的生意手法，實在令人氣憤😠，以後都唔會再光顧😠。亦會提醒朋友小心這間不老實的店舖😤

今次點左雞扒飯，雞扒係炸既╴飯內有菜有肉和沙律醬，成個餐都幾豐富，雞扒脆口又香好食。今次係係佢APP點餐，但點餐係唔可以比錢有點怪，12點鐘先可以點，點完餐去到12:10未有，12:20先有，我記得上次打電話點餐會快D有餐，唔洗等甘耐，不過就有位比人坐下，亦有電視。可以用WECHAYPAY付款係幾方便。價錢40幾蚊合理。

慶祝父親節, 當然要食好D同食豪D, 而老豆又鐘意食刺身, 所以點左呢個外賣自取。價錢合理, 3份油甘魚刺物都只係130蚊左右, 再加一磅三文魚刺身同阿仔鐘意既炸蝦SUSHI 同芥辣八爪魚, 宧係4舊水左右。油甘魚非常鮮甜, 值得推介, 三文魚就正正常常。師傅非常有禮貌, 雖然只係外賣自取, 未有係裡面用餐, 但環境還可以, 當然小店只可坐4-5人ONLY, 不過都好值得推介。

性價比高到不得了的刺身店。無論刺身定壽司，都非常新鮮好味，價格亦相當合理，店員亦好有禮貌。最喜愛食花之戀，啖啖魚生，沙律醬同蟹子！每次叫外賣都會encore ！！每次叫其他款式既野食，都不會令人失望。很值得支持既小店💪🏽

佐敦開咗間外賣壽司店，眼見多人等外賣即管試吓，原來可以堂食，可坐六人左右，同朋友shopping完即興堂食！剌身包括三文魚、帶子同甜蝦，三文魚超級肥美，口感一流！帶子同甜暇好鮮甜，食出鮮味😋壽司有深海池魚同左口魚，肉質細緻鮮甜帶出魚的鮮味😍值得一讚海膽壽司，老細話新鮮運到，好耐無食過海膽的鮮甜味，依家仲回味緊🥳鵝肝壽司入口即溶！即時再encore🤩服務質素高，老細主動問我哋意思，有傾有講，食完仲即時叫埋外賣比屋企人食😎