一起食堂 (域多利皇后街)

营业中

休息中

中午臨時起意步入在中環的這間台式小店。點了排在餐牌第一個的花雕麻油雞湯麵。片刻，上菜，不是一碗，是一套。跟著麵碗乘上的，有一杯花雕黃酒，這另上的意思是要你吃前自己將其淋入麵碗中雞肉（無骨扎肉）上，頗具DIY操作快感，同時也體貼配合著麻油加花雕酒香的嗅覺享受。不過，對我來說，這碗熱麵，需要熱騰騰的溫度。我現場吃到的麵，湯汁有兩種味道和溫度。或者這麽説，你能想像喝鴛鴦時，口中一邊凍奶茶一邊熱咖啡嗎？所以我以經驗加想像比較了一下，如果事先花雕、雞肉（扎肉也是凍食）與湯底混合同煮一下，只消那麼一下，這碗麵吃下去的感受應該更加圓融。值得一提的是，一套的還有用心配上三款風格迥異小配菜，顔色分別爲紅綠黃，很是奪目熱鬧。尤其迷你版地瓜，是我中意的優質碳水，配合一碗有分量有嚼勁的湯麵，令人吃得非常飽足。中環的一碗麵，100蚊倒，差不多啦。

牛肉面鳗鱼饭好食，肉有好多，味道不错，豆乳面麻麻地～现在只能cash or八达通了，apple pay信用卡都不行了，中午有时要排队，二楼空间还蛮大，可以中午小聚的餐厅，

女待應態度好悪劣，無禮貌😡😡😡😡😡問佢有無午餐話張紙咪話至到三點，之後佢睇唔清楚落單的號碼，又好無禮貌問我寫咩！我都唔明點解唔立即走！我之前去過好多次都未試過有呢種待遇😡😡😡😡如果老闆見到呢篇文章，希望你檢視下呢位同事的態度，你的食物有幾好味，我都唔會再來（因為我來消費不是來受氣）呢個女同事會完全影響你的生意！希望你留意！食物方面：芋圓好味，有煙韌烏龍麵質素唔錯紅燒牛肉麵：牛肉有D硬

今日約咗friend嚟食，驚要等位所以12:10就到，不過佢要人齊先至可以入，好彩佢有兩層，上面嗰層都坐到廿幾30人。今日叫咗個特濃豆乳雞烏龍麵，佢嘅雞唔係雞件，而係雞卷，平時食雞卷最怕好實淨，但呢度唔會，食落好腍同埋幾滑，有啲似食雞髀嘅感覺。烏龍麵夠滑夠彈牙，份量亦都算好多，配佢嘅豆乳湯底好夾、好掛湯。另外佢有中華沙律做前菜，仲有小紫薯同埋蕨餅做甜品，小紫薯超有驚喜，細細粒但食落好甜，如果有得單點應該會再叫嚟食 🤣

今日跟家人去食晚市，一共點了三個套餐，但等了20多分鐘還未有，而且比我們遲入座的客人都已經開始吃了。好聲好氣問問侍應，無奈一名梳髻的女侍應非常晦氣的說：啲飯未得喎。再等了一會，食物到了，再向該女侍應想要一套刀叉，換來一句無尾音、非常的晦氣回應：呢度冇刀叉。光顧了這家餐廳多過五次，但如此服務態度卻是第一次。一個員工足以趕客。餐廳食物質素尚可，不過以後也不會再幫襯這間餐廳，在中環區很多選擇，無謂受氣。

4月中陪家人去中環睇醫生，睇完都下午2點了，係附近食午餐醫肚。附近啲小店好多逼啲，唔太坐得舒服，呢一間算係比較鬆動，可能已經過左2點，客人小啲。我哋2個人可以坐4人枱，我叫咗個紅燒牛肉麵，份量我就好夠，有三舊大牛肉，麵係比較粗的，所以飽肚，食唔曬。仲有拌菜中華沙津同甜薯仔，個餐中環位置嚟講，叫做比較平。家人叫咗個豆乳雞麵，佢話湯底夠豆香，雞肉卷都好味，夠滑。之後我哋都有再去食，貪方便。

同同事一齊叫左外賣 lunch 差唔多10個order 所以可能汁錯左個豬軟骨拌麵做牛展 我唔食牛展 所以打去換餐 但店員超有心話整過一個送番黎 超級好🙇🏻‍♀️試過大集團汁漏野 佢地都唔肯送番黎仲要好食😝😝 圖下已經係食左半隻蛋同2舊豬軟骨 份量夠2個女仔食

📍 一起食堂 (域多利皇后街) (中環)中環域多利皇后街2號地舖🤤開心四寶飯 $82食物一上檯已經比個份量嚇親，真係好大碗啊兩個女仔食都啱啱好。配菜有滷蛋、滷豬耳、滷雞翼同滷肉飯。所有配菜都煮到非常入味，而且顏色都好靚好均勻。滷水蛋大大隻，豬耳有大概10條左右，每一條都好長，好有咬口。滷水雞翼有兩隻大大隻，入面都上晒色，可見到掹咗一段時間。滷肉飯份量都唔少，每片滷肉都見到肥瘦均勻，唔會過瘦。🤤黑糖豬軟骨飯 $82對於黑糖豬軟骨好感興趣，所以嗌咗返嚟試吓。雖然有啲少失望，因為黑糖味好唔明顯，甚至都冇食到任何甜味。但係豬軟骨炆得好腍，份量都唔少有兩大嚿。拌飯食係非常之足夠嘅，而且鹹味或者滷肉味都好夠。配菜仲有一隻滷水蛋，所以兩個人食一碗其實都好夠㗎啦！🤤鹽酥雞 $48雖然係小食，但係份量好多一碟有超過10舊，每舊都好多肉大大嚿。外皮炸得都幾酥脆，入面嘅雞肉唔會過老或者太乾太柴，都仲有少少肉汁！今次嚟到中環分店，覺得呢間台灣菜好啱放工之後一班人過嚟食。幾個人share其實價錢都好實惠，且味道好唔錯，推薦比放工又想搵嘅地方一大班朋友吹吓水嘅朋友！好食指數💗💗💗💗性價比指數💗💗💗💗回頭指數💗💗💗

推介指數 Recommendation Level : 🔥🔥🔥🔥很多時候喜歡幫襯小店的原因，是他們能夠提供比較獨特的烹調味道，以及溫暖的人情味，這間小店可說是兩者俱備。提供多款具有質素的台灣小食，飯及麵，還有台式飲料，味道及服務質素都非常好，價錢還十分相宜。而且還有季節限定的菜式，以保持客人的新鮮感。This cozy little spot stands out for its unique culinary flavors and heartwarming ambiance. Offering a variety of high-quality Taiwanese snacks, rice dishes, noodles, and Taiwanese beverages, the taste and service quality are exceptional, all at very reasonable prices. Additionally, they offer seasonal limited-time dishes to ensure a fresh and exc

這間餐廳位於正中環街市隔壁，在觀塘以外的另一家分店，是性價比高的食堂‼️ ❇️蔥油士雞肉飯🐔🍚🍚 雞肉質地嫩滑，有嚼勁，飯量非常充足，自製的油酥，放在飯上更增添了台式風味🤩每次來都必點滷水蛋，因為它有濃郁的滷水味，外層略帶硬的口感，讓人印象深刻套餐還附有一碗湯、中華沙律、小番薯和蕨餅，雖然配菜不太正統，但整體來說非常划算😋😋 ❇️鹽酥雞🐔🍗 也是份量十足，大大的碟子裡裝滿了鹽酥雞，兩個人可能都吃不完。雞肉外皮酥脆，如果再加上九層塔，台式風味會更濃郁呢😗 ❇️城府蝦卷🍤🍤 份量相對較少，只有四小條，感覺有點貴。不過吃起來非常不錯🤤🤤外皮是很薄的腐皮，內餡細滑，還有些馬蹄增加爽脆的口感。這道菜結合了爽和滑的口感，讓人驚喜，值得一試‼️ 總體來說，這間中環食堂無論是質量、份量，都對得起它的價格，是在中環尋找性價比高餐點的好選擇👍👍

星期日去開中環，諗住試吓啲唔同嘅嘢，所以特登行到過嚟呢度食台灣嘢。到達嘅時候餐廳只係得幾台人，一位女侍應示意我哋坐旁邊嘅二人枱，過到去嘅時候發覺對風口位，所以我哋就自己坐咗後邊嗰張。見到枱面有個乾淨類似托盤嘅嘢，拎起放咗喺另一張冇人嘅枱。呢個時候旁邊有位高高大大嘅女侍應，好大聲，用啲好難聽嘅語氣咁話 ‘枱面有嘢都照坐落去…’聽到呢句已經知道侍應根本唔想招呼我哋，即刻走人。如此服務態度，令人咋舌。

今次係第二次過嚟呢間餐廳食lunch~!!第一次係誤打誤撞喺中環搵嘢食搵到呢間 食過一次之後簡直想再encore😆份量適中，甚至對於女仔來說算是比較大，滿足感🆙🆙🆙食物質素不錯，豆乳味濃郁，蜆冇沙，麻辣香味俱全，滷肉肥瘦均勻，仲有熱辣辣既地瓜條，同埋軟糯適中嘅芋圓😋服務態度良好，基本全部員工都好Nice好親切，會拎佢哋自製嘅辣椒醬俾我哋試，又會幫我地加花奶（因為我哋個碗花奶比較少）。整體上都會盡量配合顧客嘅需求🥰喺中環呢個比較物質昂貴嘅地段嚟講，一個lunch $7x $8x 可以食到份量咁足又好味嘅餐廳即係比較少有～～

有日放工之後就落咗灣仔食嘢😬試咗一間外觀乾淨企理嘅台灣料理☺️送餐時間超快😂食物質素都唔錯，快靚正～滷肉飯 $52價錢親民又好食。啲肉醬滑嫩鮮美，搭配上軟綿嘅米飯，味道真係一流😬黑糖豬軟骨飯 $82啲豬軟骨燉得好入味🥹🥹配上特製嘅黑糖醬汁，口感酥軟，入口即化🙌🏻❤️‍🔥特別鐘意佢嘅甜而不膩嘅風味！泠泡自桃鳥龍茶加仙草 $30消暑又清新🤔茶味濃郁，配合仙草清甜，好解渴～炸花枝丸 $42外脆內軟，特別適合當成開胃小食☺️

人均$80起｜湾仔｜台湾菜｜一起食堂今天来到位于湾仔的一起食堂，很是喜欢他们家的盐酥鸡，总是念念不忘的，这一次肯定要来吃个够！这次我们点了珍珠奶茶，外加仙草！都是二十多块，划算❤️盐酥鸡一如以往的酥脆，咸香对味极了。牛三宝面🍜实在是太丰盛了！里面包括牛筋、牛腩、充满咬口的牛丸、和吸满了满满牛肉汁的萝卜。面的部份也是非常不错！猪软骨糖心蛋饭份量毫不吝啬！快要把肚子撑爆了软腍腍的，软骨部份有的已经成为啫喱状，入口即溶，太邪恶了吧！糖心蛋也是份外的好吃。——————为食分界线——————📍 一起食堂湾仔轩尼诗道153号地铺人均消费： $80

歡迎follow IG @eatwifme2k23 睇更多❣️今日試一起食堂 ❣︎ 終於同個好耐冇見嘅朋友出去食飯❤️喺中環接佢收工後，周圍fing咗陣，決定去間朋友話過唔錯嘅餐廳💁🏻‍♀️以中環物價嚟講，非常錫住學生哥荷包！🥹同埋質素唔錯，幾值得去💃🏻💃🏻✂︎-----㋖㋷㋣㋷線-----✂︎1️⃣ 特濃豆乳雞烏龍麵 ($89)見到呢個item覺得幾趣致，決定嗌個試吓伏🫣唔伏很好！佢嘅湯底好香豆味，飲落雖然淡味咗啲，但唔會好奇怪：佢有小小嘅鹹味，唔甜（本身以為會係甜甜地）👍🏼雞肉睇落好似日式叉燒，好嫩滑，唔錯唔錯❣️2️⃣ 吉列海鮮冷烏冬拌柚子汁 ($89)朋友嗌的，睇落冇咩特別，但食落幾有驚喜！冷烏冬沾啲柚子汁，食落超～清新，一解夏夜暑熱🌬️吉列海鮮外皮脆卜卜，但唔會油膩，配埋清爽嘅冷烏冬實在好正！🍥✂︎-----㋖㋷㋣㋷線-----✂︎可能我哋臨近收工先去幫襯，店員有啲惡🥲但見佢呢個價位咁好食，都可以接受嘅～（就係我呢啲怕事人助長咗香港🍉侍應問題哈哈）下次都要自己食個柚子汁烏冬！🍜