一輝燒味小廚茶餐廳 (已結業)

我吃的是燒味飯，隻切雞比真係好肥美，又夠多肉，薑蓉亦比得好夠。可惜就係成四十蚊一碟，真係貴左d，不過以馬鞍山區既食物質素來講，呢度的確係超正!

其實一輝嘅食物水準大致上都唔錯，特別係小菜同燒味做得比較突出，不過，水準唔隱定兼且偶有失手！而我最鍾意就有金針雲耳蒸雞、豉汁蒸魚雲、菜心牛腩、滑蛋牛肉、蒸肉餅、燒鵝、燒腩仔、豉油雞、貴妃雞、叉燒等等，仲有例湯都好好飲又無味精！每個小菜(跟飯)唔超過五十蚊唔包飲品同例湯($8碗)，不過份量都夠兩個人食所以價錢都唔算太貴！另外，有一點值得讚一讚就係叫外賣佢哋會特快送到唔駛等好耐就有得食！

晚上回到 mos, 手機沒電要臨時送 $10 俾7仔之後. 商場己關門, 惟有找個地方坐下, 塞 d 野落口度. 行過去福安, 有甜品鋪, 但身心又唔係幾想甜. 結果, 過了對面馬路, 食一輝. 有時發覺, 宵夜時段, 不一定有平野食. 看一看 Menu, 都是晚餐之類的東東. 冇乜特別平野, 吸引一幫夜鬼去吃. 看了看, 始終都係 a la carte, 選了一份干燒伊麵. 簡單味濃又好食. 夜晚, 當然要多一杯港式奶茶, 點下精. 干燒伊麵, 用料都幾多, 這是說明以小菜小炒為主, 廚房既炒功一定有返咁上下. 炒野, 都要俾少少時間佢, 麵就看見金毛廚子在汀水櫃拿出來. 聽見炒聲, 再由姐仔, 熱辣奉上我坐的桌上.味道, 帶點蠔油味, 干炒/ 或是干燒 (貼切點), 汁不多而濃郁, 好多菇, 好多韭黃. 味濃而不咸, 沒有餘下的鹽粒, 就是有水準的干燒伊麵. 媽常說, 最簡單的, 就是最考功夫的. 好食的干燒伊麵, 不容易弄得好食啊.

The first time to introduce my family 飯堂 Recommendation:1. 例湯 @$5 <- I usually order 1 before meal and 1 after meal. Very very good. (PS: the size is larger before renovation, but current size is still fine.)2. 燒味一流, surely not always, but usually are good. so cheaper way is order 燒味飯, fast and good3. 蒸蛋, 腊味炒芥蘭 good, but not cheap.

一輝燒味~~正~!06年尾第一次幫襯，相隔年幾再食，依然Keep住水準。好少嚮香港食到咁有水準既燒味，雖然油雞同白切雞未算完美，但叉燒、燒肉、燒鴨同燒鵝都屬於A+！宜家每次想食燒味果陣都會忍一忍口，留番去一輝先食~！

因為住呢頭所以午市、下午茶同晚市我都有去食過坦白講呢度午市D碟頭飯就真係強差人意下午茶都只屬一般相反晚市既小菜就好好多金沙鱔片(唔記得係咪咁叫)、豬頸肉都唔錯個白飯魚煎蛋就有驚喜tim~其實主要都要試小炒、大排檔風味既食物會比較穩陣加上同區黎講只有呢度既食物比較好味...

上次同女朋友第一次到呢"樹"食飯,我叫個油雞飯,女朋友叫個楊州炒飯同凍檸茶,先講我個燒燒得未夠火爐,冇咩燒味,同食普通肉冇咩分別,油雞未熟仲有血呀~~(唔知有無禽流感ga),最慘係d飯仲有好多死"括"難"括"既飯焦ar,女朋友仔果個楊州炒飯炒到又d濃都算啦,杯凍檸茶最離譜係d茶濃到仲慘過隔夜ar~~,點擺入口喎,叫伙計換個抔,有個係老闆娘既話係咁ga la,個個都咁飲,會唔會係我地味覺有問題,咁既說話都可以講出口,發生咩事AR,我個人覺得為做生意連飯焦同茶渣都可以上係冇問題既...我以後都不敢恭維了>.<"

.

今天第一次在一輝吃午飯，叫了叉燒油雞飯和凍檸檬茶，叉燒和油雞很美味，值得一讚，凍檸茶OK，下次會再去。

沙爹牛通，有些牛肉有筋，但整體夠林，仲有牛肉味，沙爹亦夠濃。通粉都夠彈牙喎。炒蛋即係煎一隻攪左既蛋，好薄。煎火腿用貴火腿，但得半塊，好，都唔錯。凍鴦好，兩者都唔會太搶，夠濃滑，用冰杯又保溫，正。

熱都爆,叫外賣,諗住酸酸地開胃叫個西炒飯,點知...打電話,明明見到張外賣紙印住西炒飯係27蚊,打去聽到佢落單講西炒飯29蚊...咁咪問佢囉,我係外賣紙睇係27蚊,我都好好態度,點知佢話:西炒飯係29蚊喎,你睇清楚d...我而家就係對住張紙同你講,而家唔係2蚊既問題,係你地張野同收費唔夾既問題,間野開左無幾耐,唔會咁快轉menu卦,就算轉左都唔駛咁既態度卦小姐。講返個飯,全部平料,腸仔火腿雜豆番茄係咁多,收得貴過其他囉,見咁耐無試過呢間先試下,早知出去食好過。

最近去馬鞍山, 見這店新開, 便試試, 我叫了碗乳豬燒鵝賴, 超好味,乳豬熱辣辣脆卜卜, 細心留意, 原來佢地d燒味係即燒, 唔怪得啦, 下次不防試試^^, 而且價錢都幾抵, 仲有呀, 我發覺佢地原來真係有齊燒鵝同燒鴨, 唔似一般燒味店, 話就話燒鵝, 其實係燒鴨.

羌粒炒飯，即炒的，飯夠乾身又唔會太硬，算有水準。碟頭適中，料份量亦合理。但要等得耐。飲品用鐵杯上，感覺唔錯又可保溫。佢地係前耀天改建的，加多左卡位，令整體感覺迫左。