一鮨創作壽司

营业中

休息中

一個愉快的星期五 興致勃勃地嚟到一鮨都等左一陣位不店員好好人 即時幫我地開張枱仔 坐係出面有小小熱 張點單紙上無小食 要睇返店入面既牆身上鐘意嗌小食既我係牆上見到一口芝士同炸芋波 於是就嗌左味道就係熟悉既味道❣️上枱脆卜卜 一磅三文魚刺身 無雪味唯一覺得係唔夠凍壽司 帶子好大粒好鮮甜 火灸三文魚都好好味其有個鵝肝既壽司 呢個勁推介 好好食 舊鵝肝都好大片 入口溶 勁香 掛住食唔記得影相 其他就正正常常無特別食50蚊有一個印花 6個印花當$40用 呢到400幾啲印花仲可以即時減埋 淨既印花下次可以用

由於我同朋友都住馬鞍山佢推介我呢一間小店，地方 small如果住喺附近嘅可以外賣,店主聽講係喺酒店出嚟，所以我都有少少期待於是乎就去咗一次之後再去多一次，現在先得閒寫食評，亦都介紹咗屋企人去、佢$9嗰啲壽司呢有個叫做珍珠蛋白係由雞蛋做嘅、同埋沙律醬啲味道好新奇幾好食！見到隔離細路仔都嗌左三件嚟食、同埋都好多熟嘅就算唔食生野我見到隔離枱個細路仔又係嗌晒熟嘅嘢食！佢出嗰啲款係我未食過嘅壽司我覺得好特別細細啖一啖啱晒我食！又平喎！咁嘅質素真係平到冇嘢講！其實都唔係好想介紹、唔想介紹完之後好多人去食😅但係見到店主咁熱心，同埋好服務咁好啦，我唔明點解有人寫 唔好食？我帶幾個人去食都話好食😅而且次次去都排隊，所以我都揀啲時間係冇乜人食飯嘅時間去囉。店主好有愛、感受得到。就係好想去下呢啲小店搵返當年嘅香港😍溫馨的感覺！有嗰種係隔離借豉油的感覺🥳warm ~值得讚嘅係個鵝肝煎得好脆！$30喳！值哂！收得咁嘅價錢真係超水準⋯我相信遲啲佢就會開大啲！指日可代！

決定買壽司返屋企做晏，但始終附近冇咩好選擇，之前有留意過呢間小店，印象中話老闆曾經有做酒店壽司經驗，所以決定一試。店舖離屋企唔算好遠，十分鐘內已經返到屋企而且一返到都即刻食，所以質素應該唔會同堂食對比好大。分別買咗幾款壽司🍣（炙燒吞拿魚腩、海膽、三文魚子、左口魚裙邊同鵝肝）首先壽司飯，醋味冇乜，但冇好軟/好實，室溫，質感正常。🍣炙燒吞拿魚腩 - 如果唔係自己點都唔覺係吞拿魚腩。偏薄，加上炙燒過所以入口比較鞋，同埋冇魚油香，魚味亦唔突出。海膽 - $19一件比巿面嚟講算平啲，所以冇好大期望。唔難食，但唔鮮甜，有少許海膽味，但有一件餘韻有好微澀味，海膽亦唔算好完整，同最面嘅飯沾埋一齊咁。紫菜完全淋晒，少少企身都冇。三文魚子 - 圓身包滿。甜，但唔係鮮甜嘅甜，唔知係咪有可能醃製過，感覺上有種加工過嘅甜味。左口魚裙邊 - 每件有兩少條裙邊，本人比較鐘意食有啲啲爽口嘅左口魚裙邊，而呢到嘅係比較質地軟林個種，冇乜油脂。鵝肝 - 正常。唔難食，配有照燒汁掃面，質地同味道方面唔係好香口濃郁，但大小合理，尚算有鵝肝本身嘅油脂香，亦冇臭騷味。整體嚟講不過不失，唔難食，亦唔係好食，仍有好大嘅改善空間，但店內

食物有水準，魚生、壽司生鮮，炸物惹味。魚生款式頗多，油甘魚腩最impressive，平時唔食油甘魚嘅我，都要encore。壽司的式，但面頭嘅魚生都有睇頭，最後食嘅鵝肝壽司大件又好味，總括而言，食物有水準、非常有驚喜鋪面雖小，老闆招呼周道、熱情有禮值得推介！

一直都聽住依頭既朋友講，如果想平平地又有水準既壽司，食依間一鮨。咁我沿途經過，出面同埋入面大商場都好多人排哂隊，但再走入d，入小商場再去依到既鋪頭，出奇地又唔係好多人，我覺得係冇乜人發現到依間小店。咁依間小店唔係好多位坐 得4-5檯，想試就建議大家早D黎。原版加拿大海膽 ($238)依個係老闆娘推介我食，坦白講，海膽我就唔係有食開，所以我唔知點樣分好唔好食，但我都講下我食到既感覺出黎，我覺得首先食唔出佢個海水味，食落係鮮甜既，我覺得唔包紫菜會好d，紫菜令到海膽個味冇咁突出。我就分別叫左三文魚，玻璃蝦，甘蝦，吞拿魚，鮮帶子，牛油果軟殼蟹，芥辣八爪魚，辣脂toro，蟹子沙律，左口魚裙邊，鰻魚，北寄貝，玉子同埋黑鑽三文魚腩，價錢我都唔講，因為都叫左好多，價錢真係比出面既平。有d都係冇乜特別，食材都係新鮮既，但我都想講好食個d，帶子係好食，黑鑽三文魚腩係佢地創作料理，我好鍾意，因為食落好爽口，好食。南瓜薯餅 ($28)，芝麻雞翼4隻 ($60)menu係冇得填炸物，係要自己叫，牆身個到都貼左有咩炸物。咁我就叫左依兩樣，炸物係好出色，尤其是個南瓜薯餅，炸我好香，炸完個南瓜味更加香口，依個真係推薦

位於馬鞍山算係比較偏遠既商場位置，我地都係唔覺意行過先知遠來有間壽司鋪。琴晚特登過黎點知帶唔夠cash冇得食，今日晏晝返噱唔駛等。壽司款式算多但始終會係大路嘢，因為細店一般入貨唔大，偏門嘢難keep。壽司水準唔錯，但飯既黏性略不足，有少少散既情況，反而魚生質素幾好，呑拿 劍魚腩 海膽 左口 都值得推介。總括黎講，食物質素尚好，唔會有大驚喜，價錢合理。係哩個大財團横行無道，高官政府冇能力去保護弱勢既日子，我地可以做既就係俾多啲支持用良心去做事既人同鋪頭，多啲街坊互相幫助。起碼我食得舒適，對得住良心，老闆待人親切，咁點會唔大大力支持呢？！

又到午飯時間 朋友問我想食咩 我都諗都唔諗就話食壽司 佢就帶左我黎呢間地道小店食 店鋪唔大 大概係一對孖妹經營 店面一個睇鋪 另一個就係廚房同其他師傅整壽司 隨便就點左幾款自己鐘意食既壽司 必點既三文魚啦 帶子呀 海膽呀 味道上都算唔差既 而且食完職員仲會比張卡 每食夠一定價錢 可以蓋一個印 儲夠特定數目既印可以當錢用

馬鞍山冇啖好食，又貴就出咗名！連街坊商場嘅小店價錢都同大商場嘅連鎖壽司店睇齊！見到呢間壽司店長期多人，又標榜師傅喺酒店做過，都幾有期望！叫咗一碟六件芝士吞拿魚蓉卷+4 件壽司，竟然食咗$85！味道一般，d 飯好散，仲係暖暖地！到咗4pm我已經好肚餓，要再食下午茶！咁食法，我一個下午食咗百幾食元氣壽司lunch 都係$9X！（雖然同樣唔飽）不過同事叫咗個半磅三文魚刺身係抵食嘅，好厚好大塊！食呢間，建議嗌多d cheap cheap 壽司頂肚，否則三個鐘後又餓！

阿仔測驗完畢，即刻約埋同學仔去慶祝下。朋友建議呢間，雖然鋪頭較細，剛巧下午茶時間顧客不多，我哋三大三細亦吾覺得迫。壽司整體水準吾錯，三文魚刺身和其他壽司感覺新鮮，反而玉子豆腐感覺一般不及連鎖店。下次會再幫襯！

連放四日假，唔想日日都出去行街，所以就左屋企附近搵野食！刺身都算新鮮，但係三文魚賣相真係mama活赤貝好正，不過得兩塊同少少邊位，完全唔夠喉壽司大大件，飯量都好多，所以好快飽肚。脆脆蠔卷幾特別，不過炸完既蠔好似得粉禁食落真係唔會知係炸蠔黎軍艦有個蟹膏蟹棒壽司，起初會唸住有一pat蟹膏再加蟹棒，點知佢係Lo左先，所以有少少失望。我個人覺得都係連鎖壽司店好食d，仲有佢呢到得三張枱，但有好多人排隊等位，而且價錢真係唔平嫁

下午5:00度去左堂食，叫左14件，軍艦瘦身型（條狀）不過紙菜糸脆，新鮮的，3文魚又瘦又薄身（吾底）再食左創新壽司（麻麻），地方細，坐得又吾舒服，不過真系好多人叫外賣（可能嗰區真糸無乜好東西吃）。同樣食1百幾蚊，真系食元氣好過。因為壽司堅細，因為吾夠指定金頟，所以馬谷無折。仲叫我儲印花仲底😂😂。下次我食元氣下午茶仲飽過佢，建議大家要食就點少少壽司先，適合再叫多D，我就糸見到谷力推，所以叫左10幾件。可一，但不可再。

d 壽司好細粒，好似細過元氣，以佢呢個價，不如食返元氣，any肥，佢個鵝肝好好味，可能係即煎既關係，其他野真係好一般，又貴又細件，個鰻魚飯係好難食，坐得好迫，因為成間鋪其實得2~3張檯，窄到痴線，但都好多人叫外賣，證明左一樣野，馬鞍山呢個劣食之都只要係唔係太難食d人都會去幫襯，好食少少都排哂長龍，佢呢個質素好似好過爭鮮少少，但又差過元氣，但價錢又同元氣差唔多，up話係馬鞍山facebook某谷谷友可獲9折，完

以小店既水準黎講已經超越左連鎖店既水準去過太多連鎖店 係連服務態度都差已經係第二次幫襯✌🏻每次落單既時候老闆娘會推介下你都係即叫即整佢會因應你叫既野幫你砌好上碟🙌🏻🍣明顯係有心機既擺位😘食物方面佢啲創作壽司幾特別😋其他壽司都好味既尤其係元貝 （但今次無叫到）座位方面 一句*麻雀雖小 五臟俱全啦*希望呢間小店可以繼續做到呢個水準👍👍

係人都知馬鞍山係美食沙漠不過終於比我搵到一間值得一試嘅小店佢就係一鮨la!個到嘅老闆s非常nice食物價錢亦非常實惠其在太開心係mos有間咁正嘅舖頭仔Very good!!!!

馬鞍山美味而不是連鎖店相當地少，而這店舖算係其中一間，每件壽司都相當美味，可惜比出面壽司店較為細件，本人去到都首選鵝肝壽司同特色壽司，味道比想像美味，價錢都較貴，但可以有些折扣，會再去幫襯