一鼎茶

营业中

休息中

尋日我同我男朋友去新港城中心睇戲👫。睇完之後我就拉佢去飲杯嘢。我哋搵到咗一間飲品店叫一鼎茶。💕睇住琳琅滿目嘅餐單令我即刻唔知點揀好🤩。結果我哋就揀咗兩杯睇落好吸引嘅飲品。😋第一杯係鋪頭超人氣嘅一鼎西柚🧡。呢杯飲品嘅人氣真係唔係講笑，我一啖飲落去，整體味道非常清新，再配埋鮮甜嘅西柚果肉，真係令人回味無窮。😘而我男朋友點嘅係茉莉青提爆檸🟢🍋。係一杯茶底同青檸檬嘅組合，仲可以食到少少青提嘅果肉，味道清涼解渴🧊。唔係我阻止咗我男朋友，佢仲想再嚟一杯。☝🏼🙋🏻‍♂️我哋兩個都鍾意呢間飲品店嘅嘢飲，兩杯都真材實料。下次睇完戲再拉佢去飲。🥳

今日同同事一齊食飯，經過呢間飲品店，咁鍾意手搖飲品嘅我肯定要入去試吓啦^^ menu有好多選擇～好多都好吸引。最後我同我同事揀咗～霸王爆檸 🥤係超級大杯嘅手打檸檬茶！檸檬嘅酸加埋茶嘅清香，味道非常清新解渴^^ 最緊要係1000ml 只需要$39，真係好抵啊！芝士可可牛乳 🥤叫呢杯嘅我有少少罪惡感～醇香嘅芝士奶蓋配搭濃郁嘅巧克力牛乳，口感非常順滑👍🏻👍🏻 偶爾飲下無問題啦，邊個叫佢咁好飲呢^o^👍👍

最近天氣真係熱到爆🥵 真係好需要啲涼爽嘅飲品嚟解渴。啱啱好同媽咪係新港城中心行下，見到呢間台式飲品店就俾佢吸引咗，入去買咗兩杯試吓。我叫嘅呢杯係西柚果茶，可以見到店家用料十分實在，放咗幾片西柚果肉入去👍🏻 西柚嘅香同茶葉嘅澀融合埋一齊，非常順口，呢杯飲落去真係解渴又解暑🥰媽咪叫嘅係鮮芒芒甘露，新鮮嘅芒果同西柚，再混合西米露，口感十分豐富👍🏻 飲落去好滿足😌 呢杯經典飲品點叫都唔會出錯㗎🥰

馬鞍山鍾意台式飲品嘅朋友仔有福啦！新港城中心開咗間top pot tea 一鼎茶，係一間好正宗嘅台式茶飲店，佢哋嘅飲品個人覺得都好啱返香港本地人口味。今次同女朋友叫咗呢間舖嘅【茉莉青提爆檸】同【焦糖珍珠奶茶】。佢哋嘅【焦糖珍珠奶茶】簡直無得頂，同我之前去台灣旅行飲嘅一模一樣。焦糖嘅甜度適中，配埋奶茶嘅香味，濃郁嘅香氣充滿晒成個口腔，再配埋珍珠嘅口感，將成個體驗推上咗另一個層次。珍珠唔會太韌，恰到好處，仲好煙韌。飲咗啖好似即刻去咗台灣咁。佢哋嘅【茉莉青提爆檸】都一樣咁正，檸檬嘅酸爽，完美咁帶出茉莉淡淡嘅清香，仲有青提嘅酸甜，非常清涼，又好開胃。真心推介鍾意台式茶飲嘅朋友仔嚟呢度試吓佢哋嘅正宗台灣風味。

今日同男朋友逛街經過見到呢間飲料店，選擇多到我眼花繚亂😵‍💫 就同男朋友各自揀咗唔同味道share下🥤一鼎橙橙 💜我叫呢杯飲品嘅名叫一鼎橙橙🍊我同男朋友都講呢間店真係好實在，俾足真橙肉，橙嘅酸甜口味再加幾片青檸，酸酸甜甜嘅好滋味，真係正呀！百香果三重奏 💜男朋友叫咗呢杯百香果三重奏，果汁都係鮮榨出嚟，酸甜味嘅百香果果肉仲可以食到啲籽，加上茶葉嘅少少苦澀味，整體口感非常清新，果真係真材實料👍🏻

放工返屋企，行行馬鞍山嘅時候，偶然發現咗【一鼎茶】。啱啱好嘴饞，就決定去試吓，結果意外發現呢間飲品店嘅飲品真係好好飲！深得我心嘅【霸王水果茶】，係西瓜同百香果嘅組成，帶住甜甜嘅水果味同淡淡嘅茶香，仿佛自己就係果園度食緊水果🤤🍉放工後飲上一杯，真係太清爽啦！仲有一款，睇相已經好誘人嘅【草莓爆檸】，草莓同檸檬搭配得啱啱好，唔會太酸或者太甜，第一啖飲落去就好鍾意，比例搭配得非常好，令你同時享受到兩種水果嘅味道同口感。

天氣咁熱，嚟到MOSTown新港城中心避暑，咁啱見到呢度有間台式飲品店叫一鼎茶。望落間舖嘅裝潢，真係有啲台灣飲品店嗰種味道。睇咗吓餐牌，有幾樣飲品都幾吸引。因為我自己本身好鍾意食生果，所以對生果飲品嘅吸引力係冇得抗拒。叫咗兩樣飲品，一共係$81，分別係【鮮芒芒甘露】同【草莓爆檸】。【鮮芒芒甘露】個人非常推薦，係佢哋嘅芒果楊枝甘露。好鮮甜嘅芒果味，跟住仲有少少芒果嘅甘香，對我呢啲芒果控嚟講簡直係欲罷不能。再配埋佢哋嘅楊枝甘露，唔單止喺口感上有享受，回味無窮，飲咗啖仲想再飲。【草莓爆檸】主打就係一個清爽。士多啤梨同檸檬入口帶少少酸，飲落肚仲帶少少回甘，飲完真係感覺成個人涼浸浸，好爽。炎炎夏日必飲嘅消暑飲品。就係咁一間台式飲品店，top pot tea一鼎茶，夏天唔知飲咩嚟消暑嘅朋友都可以嚟試吓。

平時嘅我已經好鍾意飲手搖飲料🥤今日經過朋友介紹嚟到呢間鋪頭，入面嘅裝潢都幾好睇，menu仲更加吸引🤩我哋揀咗三杯飲品：🍓 鍾意食草莓嘅我當然首選呢杯莓芝莓芝啦🤩 真材實料嘅草莓果肉加上鹹甜鹹甜嘅芝士奶蓋，超級好飲！！尤其係兩者融合埋一齊之後，好正啊！如果唔係食飽咗，我真係忍唔住想再叫多一杯嚟飲！🥭 朋友揀咗呢杯芒芝芒芝，同樣都有芝士奶蓋蓋頂，入面放咗新鮮嘅芒果果肉，濃郁嘅芒果香加上鹹甜嘅芝士奶蓋，真係好驚艷下！🥤 另外一位朋友叫咗百香果三重奏，可以見到成杯都係滿滿嘅百香果種子，十分真材實料！

今日同朋友食完晏就行街，去到下午茶時間想搵啲嘢飲，經過呢間top pot tea一鼎茶，見佢哋有賣台式飲品，就諗住同朋友試吓。🍵 價錢算係咁，我叫咗個【一鼎橙橙】係$35，跟住我個朋友叫咗個【莓芝莓芝】係$49，總共消費係$84。我自己飲咗個【一鼎橙橙】覺得啲橙好新鮮，酸酸甜甜好似初戀咁，回味無窮。好好飲又好冰涼，仲食到橙粒添。個人好推薦。朋友叫咗個【莓芝莓芝】好特別，士多啤梨飲品加芝士好酸爽，又帶啲回甘。我朋友係一個好鍾意士多啤梨嘅人，見佢大啖大啖咁飲，就覺得佢好鍾意呢杯嘢飲。呢間舖畀我嘅第一印象好好，下次嚟梗係會再叫多次【一鼎橙橙】同【莓芝莓芝】。

都話女仔有兩個胃，一個係用嚟裝甜品嘅😂 每次食完飯都想嚟杯飲品，又唔想飲咖啡，就喺網上search咗呢間一鼎茶，仲算近我Office，就點咗兩杯飲品～香水爆檸🍋 顧名思義就係用咗香水檸檬嚟製作嘅飲品～呢杯飲品飲落去真係超級酸爽！唔同於普通檸檬，香水檸檬嘅香氣同酸味加埋少少糖漿融合一齊✨唔會太過酸，清爽得嚟又可以解渴👍🏻冬瓜牛乳茶🥛 呢杯係我同事叫嘅，我本身唔係好鍾意飲冬瓜茶😂 但係呢杯真係令我驚艷到⭐️⭐️ 非常濃醇嘅牛乳配埋冬瓜嘅清香，成個味道同口感都十分豐富👍🏻