七喜粥麵小廚

营业中

休息中

小時候，老爸老媽常常帶我去七喜粥麵食小炒晚飯當年一點也不欣賞，不懂什麼是鑊氣只愛麥當勞及肯德基😅😅今天人大了，竟然愛上什麼鑊氣了🤣🤣久違多年，今晚帶老媽子想當年，回味下😅☺️老店環境簡陋，不太舒適，老店員說話大大聲但絕對誠懇有禮，熱情招待，食客也嘈嘈吵吵，喝下啤酒吹下水，熱鬧極了街坊生意😅 小菜勁多選擇，還有粥粉麵價錢便宜，小菜大大碟，好味又抵食👍🏻👍🏻招牌炸子雞 $90 半隻雞肉勁滑多汁，雞皮香脆嘢味，超like 艇家魚湯雜菜煲 $65 分量十足魚湯香濃 薑蔥醬爆蝦球目測都明白咩叫鑊氣囉🤣🤣

家人話買今晚有糉食，所以同碗粥一齊食就剛剛好。於是近1900行到去北帝街，點知平時光顧開嘅粥店關咗門，可能做節提早放工... 再行去馬頭角道睇下，點知睇到間粥店門口好暗，又好似唔啱食... 好啦，再行去落山道嗰間粥店，點知無開門... 喺土瓜灣行咗1大個圈，最後去咗七喜，太好，有開門又有質素保證！阿姐見我望望下就已經好快手咁攞咗餐牌俾好睇~ 好快已經準備好攞得走~ 啱啱好企喺廚房附近，見到師傅們好快手，d嘢食就新鮮滾熱辣出到嚟！見到已經想食！我碗佛山及第粥d料好大件又多，好飽呀！要咗兩碗皮蛋瘦肉粥~ 皮蛋量多真材實料，瘦肉係一絲絲嘅，咸咸地，唔講唔知，好似食緊乾元貝咁呀！最後嚟碗京都炸醬麵~ 要湯加少少錢，湯好清~ 炸醬好惹味，少少辣，好多肉，如果鍾意食邪惡肥豬肉嘅人就會好開心喇！所以呢，七喜有咁耐歷史都真係有原因架！食物好味，服務又親切，最緊要係假期晚黑都開，咁我地先搵到粥食咋！

小時老爸老媽總愛帶我去七喜食飯小時不懂事的我，真不懂欣賞什麼小炒，什麼鑊氣🙈 只愛食M記及🐔記今天長大了，常常回想起此回憶，明白鑊氣的好味道，今晚同老公決定去懷舊一下招牌脆皮雞😋 兒時見到此餸，馬上夾的是蝦片😅 今天夾的當然是雞先啦🤣🤣招牌餸，無得輸，滑滑的雞，脆脆的皮，肉滑多汁XO醬帶子西蘭花🥦👉🏻 勁野味，夠鑊氣👍🏻👍🏻👍🏻

約咗幾個食家食飯好耐，卒之都約到啦本身明明話諗住食日本野慶祝一個食家farewell突然間佢哋話要啤啤佢，跟住四個食家都一致贊成去呢間野，因為超好食又抵食🤨我一見到個門口就覺得好奇怪其實呢四個食家對環境都有D要求，所以我完全估唔到咁嘅環境，佢哋四個要等都仲要食😱其實對我來講我覺得冇野嘅，只係比較擠迫，同埋坐得唔係咁舒服，只係冇估到佢哋四個都可以接受到啫🤣🤣咁即係話佢哋啲嘢食真係好好味Anyway我食完呢餐之後都打算長期黎食🤣首先嚟咗第一碟嘅唔知乜嘢魚皮本身係我淨係食炸魚皮，見到佢哋食得咁滋味忍唔住試咗一舊，嘩，魚皮爽口有口感，配埋佢哋啲豉油汁蔥芫荽，一流吖椒鹽鮮魷，外面皮唔硬，炸得啱啱好魷魚又唔銀😱蟹粥啲蟹多到呢，仲要加蟹子，味道鮮甜到呢😱啲蟹膏又好味😱另外個燉湯又夠火候啲雞腳一咬就難雖然個湯啲油係多咗少少，不過感覺真係燉左好耐，燉到啲精華出晒嚟佢個螺頭仲好鮮甜添從來未試過，食咁多碟，都推介咁多的碟唔怪之得要排隊等更加唔怪之得呢四位食家話要過嚟食而且佢哋啲份量真係好大同我父親節果餐份量爭天共地

還記得我舅父在世回港時指名要食嘅七喜開左好多年 真係食足二十年格離街又開多間新舖 不過都係老舖好味D大排擋式口味最正係個椒鹽鮮魷！炸鯪魚球都好食好鬼多菜式選擇話明大排擋式 咁地方當然吾會坐得好舒服晚市經常排隊等位 好多人成班fds來啤啤佢今日叫左 黑拍葉老麵、是椒魚雲等介蘭記住要楠汁上😋😋不過呢到都有伏野 就係雲吞湯麵有D梘水味三個人食約$250土瓜灣地鐵🚇快通車 快又變天希望第時舊七喜仲會係到回憶總是美麗的～

今個晚上，又回到了我們的七喜... 滿是那天的回憶呢!兩口子又叫了很多食物，有我們例牌點的牛腩麵和雲吞麵... 牛腩麵的湯好香濃... 親愛的將牛腩JELLY分給我吃... 太好味了! 雲吞都好正.. 好夠味.. 還有我指定要吃的椒鹽鮮魷好香口!!又大碟!! 有驚喜的是炸水餃 外邊的皮炸得多酥脆~~ oh my god!!! 裡面仲有好多餡, 大大粒.. 下次要試下炸雲吞至得!! 有點失色是花枝炒時菜，雖然大份, 但無乜特別, 下次可以唔叫呢度, 除左食美味, 仲有食兒時和我倆的回憶!  

這是我第一次來七喜和第一次吃生魚皮。朋友說要帶我吃生魚皮，我就帶著戰兢的心情跟他來。我除了日本魚生外，什麼魚都不吃，卻喜歡上生魚皮了。一坐下都未看餐牌，朋友先點了一客生魚皮，說真的，對於不怎吃魚的人來說，看見這樣一格格的外皮，是覺得有點恐怖，但我都狠下心嘗了一口，沒有討厭的魚腥味道，口感爽脆。如果不點醬汁會覺得魚皮有點單調，所以附上的辣椒鼓油就非常配合！另外再點了花膠牛肉粥、椒鹽墨魚咀和酥炸雲吞。花膠牛肉粥很大碗，而且花膠和牛肉的份量都超多🤤！（認真嗒粥的味道時，總覺得粥裡有一點點酒味，有沒有人有同感或是解答到我這是不是真是酒味?）椒鹽墨魚咀和酥炸雲吞同樣是份量十足，椒鹽墨魚咀非常惹味😋，酥炸雲吞每一粒都很飽滿，內裡的蝦非常足夠，口感爽口！後記：由於每碟的份量都很多，我跟朋友吃不完，所以選擇了帶走半碟生魚皮。在第二天從雪櫃拿出生魚皮，待20分鐘多後再吃，魚皮變薄了亦硬了，不知道食店是怎樣將魚皮保鮮呢🤔?

小小一間店，你完全想像唔到佢可以咁厲害。 這個在土瓜灣的小天地，出了名多少年，佢叫七喜。 幾個區都有幾間叫七喜，但呢間係正宗中嘅正宗，情況如甄子丹做葉問。 你以為係只係食雲呑麵地方，但其實，小小一間店，可以煎炒煮炸炆燩蒸，你講得出，那小小的廚房可以好快手起俾你。 唔係剩係蝦球麵出名，佢嘅小菜都係遠近馳名。 記得今年情人節前後食飯，我推薦人去呢度，平平地食到好好味嘅菜式。 生魚皮是這裡的名物，做得同澳門有過之而無不及。 蒜蓉開邊蒸蝦，點會唔好，蒸的手法，時間，蒸蓉，蔥，油份，蝦肉，全部是最好，還有那些粉絲加上豉油和蒸魚的味，送飯一流。 豆豉蒸象拔蚌，又是另一證明呢度強勁蒸煮的手法的菜式。 還有那個滿特別的蝦醬雞件，雞件的滑溜和濃郁的蝦醬原來可以咁配合，我可以告訴你，愛飯的起碼可以送兩碗。 油菜的美，加點豉油在嫩綠的芥蘭上，清減下今晚海鮮的滿足，也顯示出這裡麵檔最強勁當然是做油菜的特點。 吃到這裡，快靚正平，怪不得的士佬最愛食肆之一。 就算吃不到飯，都要來個蝦球麵，絕對不會錯。 如果你經過土瓜灣，一定要試試，小菜好，一個雲呑麵好，甄子丹葉問嘅正宗，你想一個打幾多個? 七喜粥

食過新蒲崗間七喜，再食下土記。豉椒炒鵝腸，份量蠻大份的，鵝腸爽滑彈牙，可惜個豉椒炒差D，個汁唔夠結身，炒得亦唔香口。苦瓜炒田雞唔錯，苦瓜有甘甜味，田雞肉嫩都爆得好味。豉汁蒸鱔係無敵好味，大白鱔多肉少骨，豆豉很香蒸魚一流。

睇完所有相大家就會知道點解個題目叫做「膽固醇萬歲」!😂😂😂有一次同朋友講開佢哋話土瓜灣七喜嘅小菜好好食, 今日終於有機會喇! 當然要食返佢呢度嘅招牌菜啦! 今次都幾多人食所以叫左幾多野食, 不過我哋叫嘅好多都係炸嘢食🙈椒鹽鮮魷-好香口, 鮮魷彈牙有咬口, 的確幾好食炸子雞-唔會炸得好乾, 雞肉嘅肉質仲可以保持水份, 而且味道適中炸雞翼-我哋又係咁叫炸野食啦, 唔算太有驚喜味道一般般炸大腸-其實炸大腸真係一個好好食嘅餸菜!千祈唔好以為炸大腸會好肥呀! 其實炸既時候反而會迫埋本身既油份出黎, 所以食落去脆身得黎唔會好肥膩, 真係美食既恩物😍😍😍😍👍🏻鵝腸-又係一個膽固醇萬歲嘅食物不過真係幾好食, 鵝腸唔會好多油脂, 食落爽脆, 而且配埋其他食材一齊炒味道真係一流! 個菜煲都真係好大煲, 不過味道相對炸嘢食當然冇咁好味道🙈味道的確唔錯, 不過店子細細幫襯嘅人都幾多所以都要D時間排隊架!

今日真的不知為何，想往土瓜灣走一轉。小時侯就居於此，儘管現居紅磡並不太遠，但已甚少專登行過來，但今次是為了一碗麵，兒時回憶的炸醬麵！當然七喜有許多許多美食，粥品小炒也是上品，但自少想吃宵夜時就嚷著要家人帶我來吃一碗甜甜的炸醬麵。可能是甜味的關係總令小朋友食過返尋味，初時吃以為是辣㖭，後來一吃愛上。說回此店，店內無論裝修和感覺同十幾廿年前仿以一模一樣，一坐下就來碗配以麵食的蝦子湯，出乎意料之外熱騰騰也聞到蝦子味，麵條十分咬口相當爽口，而炸醬豬肉味鮮香甜，也份量十足，現在其他店也造不到這般水準，真的小時候的感覺湧現回來，水準冇變，老式小店溫情常在，看來我要在港鐵未通車之前，去多幾次，到時可能老店或境像有否變遷，就不得而知？

七喜為老牌大牌檔式小店，經營多年，由一舖變多舖。今次同好友到土瓜灣老店開餐，呢度外面有地方放車，好多開車搵食師傅都係度停一停食既飯補充體力。爽滑海哲﹕一般都係當小食，細細碟，但上枱係大大碟，好似碟餸咁！海哲爽口，調味得宜，係大路既麻香味，唔錯！蒸三色蛋﹕菜牌無既餸，係我地有人要食水蛋叫。伙記話無，老闆話有，哈…小店就係咁好，唔難即做比你。不過佢就做得麻麻地，水蛋老，起晒豆皮…兼且咸蛋皮蛋小得制…招牌炸子雞﹕叫得做招牌，一定要有水準啦…不過今次又唔係，炸子雞唔皮脆就唔好食…佢就係唔皮脆，原則上係失敗，不過佢肉質唔老，有肉汁，算係不過不失！仲叫左個薑汁芥蘭，青嫩爽口，薑汁唔會太搶，好快手清左！整體係失望既，七喜應該有更高水準呢……希望短時間會再幫襯啦，佢d 鯪水球、蒸白鱔都仲未食…

跟友人先過球賽，結果是滿意的，心情大好之下便跨區來土瓜灣的七喜吃宵夜。其實土瓜灣也不只一間七喜，幾間也吃過自己心裡有數，知道吃小炒當然要來江蘇街的店。豉椒炒蜆是友人的心頭好，蜆肉來說是瘦了點，像多年前的自己.....，但這裡的鑊氣夠，豉椒味又炒得出來 也吃得過。炸鯪魚球是這裡的名物，鯪魚肉打得起膠，炸好後入口彈牙，魚球外層又薄又香脆，連對鯪魚沒甚好感的老友也覺得不錯。為了健康沒吃菜的話還是不行，就叫了蒜蓉炒介蘭，這裡的介蘭質素好，入口無渣又清甜，加上蒜蓉便更惹味。最後友人興致未盡，追加了一客豆豉蒸元貝，殼內的元貝肉份量不少，豆豉也下得剛好，沒有蓋過元貝的鮮味，見友人吃得津津有味，五隻元貝便讓他吃了三隻。離開店子已差不多十二點，吃得肚滿腸肥，立刻回家沖涼便睡的話肯定睡得好，不過磅數也會上升吧。

諗左好耐都唔知今晚食嘜好，媽咪就提議去LEE度食囉！又方便泊車喎去到都係6點幾，點知竟然要等位呀！咁早都要等位，真係好生意呀不過等左一陣就有位喇！一坐低拿拿聲就叫野食喇！好肚餓呀！蝦球撈麵~~~蝦球真係爽口又鮮味呀！個麵底都相當彈身呀！最正就係個湯呀！一個好香蝦味但好清的湯底呀！:chopstick及弟粥~~~好軟綿的粥底，配料又十足喎！正呀！簡直有兒時的味道呀酥炸鯪魚球拼炸雲吞~~~鯪魚球整得好彈牙，雲吞亦炸得好香脆喎薑汁炒芥蘭~~~雖然炒得好有鑊氣但覺得油左D囉豉汁蒸鱔~~~我唔食鱔的，但佢地就蒸得剛好，但鱔就瘦左D喎豉椒炒鵝腸~~~炒得好有鑊氣呀！好味椒鹽田雞~~~炸得好乾身，但冇嘜肉食喎涼瓜炆魚雲~~~我剩係食涼瓜，炆得好香，個汁味道又剛好喎剩水餃~~~水餃餡枓好豐富呀，個湯底真係VERY GOOD呀一頓簡單而美味的晚餐呀

那一晚收工後約了兩位同事食宵夜，其後隨同他們去了七喜食東西，其實都是由他們介紹我食東西所以最後都是他們揸fit點餐，先後點了三杯凍檸檬茶，之後隨便點了幾味餸。粥、炒兩味.....打開個menu的選擇真是不少，粥、小菜、湯麵都應有盡有，真是宵夜的好選擇。上菜的時間都好快，先來了碟爽滑鮮魚皮及凍檸檬茶，凍檸檬茶都好清甜，茶都好夠味不會好混淆，檸檬都好新鮮，爽滑鮮魚皮入口時真是非常滑溜，而且又爽口不會腥，用料都好新鮮，蘸上豉油真是好好食，加上了脆口鹹鹹地的花生及芝麻真是非常香口。其後我們點了的幾個小菜都上枱了，先來了碟薑蔥炒蟶子都好爽口彈牙又入味，個芡汁是用薑蔥炒的都好香濃又夠濃稠，炒得好夠火喉，殼比蟶子肉多更是好夠份量。其後上枱的豉椒炒鵝腸炒得夠惹味帶點微辣，豉汁香又濃，鵝腸爽口入味，鵝腸的份量都幾多。最後來了一大碗的帶子花膠粥粥底都好綿又夠熱，粥底都幾清甜，花膠都爽口又大片，帶子粒都好多，實在好吃而且味都帶點微鮮。總括黎講服務都好友善而且食物水準都不錯，而且價錢不貴，地方就不是好大，但都好光猛又不會坐得好迫，可是轉眼間我們都把食物掃清，時候都不早，談天了不少時間，是時候都是各自回家了。今