三ステーキ (已結業)

接老婆收工，忽然好想食牛扒！平時普普通通一個西餐廳，一個牛扒都要$300蚊。咁岩接老婆收工，經過中環就入左去試。之前係荃灣都食過類似牛扒店，今次第二次食。老婆揀200g 西冷我揀200g 牛柳 加可樂。加埋兩個$250 蚊。其實我覺得好抵👍🏻 因為西餐都係個句⋯$300蚊一塊啦。地方係好闊落，有水供應。出面有沙律菜 （配3種醬，麻醬，柚子，千島）仲有薯蓉，通粉，湯同白飯 任裝！西冷牛扒有D肥膏，老婆唔太中意。我覺得好食！因為好香牛味。（醬汁有燒汁，酸汁）牛味重，肉質唔差（唔會梳打「那」到冇晒肉味）牛柳，估唔到好重牛味！！好正！完全驚喜！好好送飯！ 肉汁多、肉味濃！難得老婆都滿意，應該會重食

店入面全部都係面壁嘅位，同幾個朋友一齊排排坐面壁。入到舖頭要買飛先再搵位，叫到你no.就去攞自己舊牛。今次嗌咗最基本嘅三拍子牛，店員表示係牛肩肉。舊牛整到一成熟再由客人自行決定整到幾熟，面前亦有提示叫唔好咁快切哂啲肉，如果唔係就會太熟唔好食。整體嚟講，牛味正常，又未至於冇，75蚊180g算幾抵食，但食完都仲有少少唔滿足。飯同沙律菜係任食，都可以靠食飯食飽嘅。

日日食麵食飯食到dry dry地，呢日想据扒，上環据扒又抵食既地方真係冇咩，好似得呢間triple steak. 就入左去食。呢間買野食方式有d似日本買拉麵，要係部機度買食咩扒，有4種肉揀，每種肉又有唔同份量。我就揀左最平既三拍子牛扒。等肉送到時，可以去攞d通粉/沙律/飯/湯食住先。通粉同沙律都係冇咩味，要自己落醬調味。湯係牛肉碎湯，有小小辣。三拍子牛扒送來時係1成熟，係個細細煎板上面俾你自己控制煮幾熟。食落幾好食，幾濃牛味。朋友叫個牛柳就冇咁重牛味，不過都好食。個人比較鐘意三拍子牛扒。

之前經過這間餐廳都經常大排長龍，難得今天比較早吃晚飯，不用排隊就可以入座。點了最基本的Triple Steak餐，牛扒質素很高，肉質鮮嫩，生熟度可隨自己的喜好調教，想熟一點的話只是在熱力石頭上多煎幾下便可。另外值得一讚的是飯、牛肉湯及沙律是免費任添，沙律菜新鮮，牛肉湯鮮味可口，而白飯則用上日本珍珠米，十分有口感而且充滿飯香。這間日式牛扒餐廳不論牛扒及其他食材質素都很高，而且價錢大眾化，想吃好一點的牛亦有價錢較高的牛扒餐選擇，豐儉由人，絕對值得再去！

午飯時間，同事心血來潮說想食扒，所以慫恿我一齊去据扒。這個熱石牛扒店，開到成街都係，但都未試過，趁這個機會一試也無妨。這家店比我想像中大，而且樓底夠高，好光猛闊落，入去都無油煙味。點餐是自助形式的，不過店十分耐性講解。我們點了最平的三拍子牛扒和牛柳小試牛刀。點餐機上已是套餐價，所以點完餐就等提示取牛扒，過程大概7~8分鐘。這期間可以去自助區拎食物。有椰菜沙律，牛骨湯，白飯等都係任食，品質都好新鮮。還有熱水任裝。不得不讚碗碟十分乾淨，挑剔的同事都滿意清潔度。牛扒熱辣辣上枱，滋滋成響。兩者黎講，三拍子牛扒比牛柳出好多，唔韌肉味也濃，簡單點牛扒醬食，己經好好味。相反牛柳好韌，又帶點乾，令人好失望，同事唔食俾個成大件我，然而我都唔太想食。不得不讚個牛骨湯十分重牛味，很有日本的味道，而且夠熱，用湯撈飯食，好好食，我食左2碗。整體來說，70多的價錢包飯，湯，沙律來說好抵，三拍子質素也好，值得再去。

在中環工作每天經過天橋下就是這間扒房了。這一次忍不住和朋友進去試一試。它還是採用了在日本餐廳的販賣機自己選擇餐點，當然也有職員在旁邊協助。其實服務是不錯的，但是牛扒要有心裡準備都是一成熟上桌。然後自己翻來翻去讓他再熟點。不喜歡太生的朋友就建議提前跟服務生說好。然後它的沙拉自助吧，其實只有湯水，沙拉和飯是無限供應。並不是想象中很多東西。算是一次嘗試，牛肉鮮嫩有口感，尤其是自己加醬料，適合一個人扒房的感覺。

中環食餐lunch 超碼都過一百，今日就去左呢間新開自助牛扒餐廳，首先要買票先，有三款牛可選，我地揀左hkd 75 180g的steak, 安排座位後，可自己去salad bar夾野食，有salad,飯和湯任添，salad味道一般，不過呢個價錢都算係差唔多等左一陣，牛扒終於到，口感幾好，幾juicy,以 HKD75來講，性價比都高

中環午餐系列-熱石牛扒。最近流行食熱石牛扒，中環也開了一間，所以就去試一試。餐廳是自助點餐的，十分方便。牛扒價格視孚重量和部位收費，價錢由$75-$229不等,還可另加$20沙津吧。我選了200g的牛扒，一個普通女仔夠食了。熱石牛扒固定是一成熟，所以如果你平時食開7成熟就由牛扒在熱石上烹調久一些便可以。提一提大家，差不多時就最好把牛扒搬離熱石，否則熱否餘溫會把牛扒熱到全熟。雖然牛扒$85，意想不到佢咁鮮嫩同juicy。餐廳有不同醬汁，我還是覺得配鹽同黑胡椒簡單測是最好。沙津吧選擇有好多，還有沙和飯，絕對不用怕不夠飽。

今日同朋友想食肉但又想平平地一餐，醒起上環開咗間新日式牛扒店，就入咗去試。餐廳主打客人自己煮熟塊扒，我哋首先喺部食品機買咗飛，之後職員比咗個bibi機我哋，再坐低，然後拎沙律、飯同湯。因為我唔肚餓，所以就咁食咗牛柳同試咗飯。覺得牛柳200g ($85)物超所值，唔使好fancy，簡簡單單的日本滋味。會再食。

是次晚餐在中環三拍子, 其實早些時候在深水埗亦看見這間店舖外大排長龍. 終於到到這日,平日的晚上必.便到這間店舖試一試. 雖然是平日的晚上但這間店舖內的是座無虛席.記得食評上有寫到購買的詳情在此並不再重覆.不需要 對所謂的自助沙律吧有什麼期望 因為根本上只有椰菜.坐下等了一會兒之後, 見佢自己拿那一份燒牛扒. 其實總括而言三拍子牛扒的肉質比較特別, 有一點像王品的牛扒. 肉質不俗. 這間店舖最適合一些正在進行 原始人飲食的人小士

今日同學提議這間牛扒餐廳試吓喎，排咗5分鐘左右就入得去啦。首先係在自動買飛機度揀餐，俾錢，仲會自動找錢添。然後職員會帶我哋去位度坐，我哋坐咗一陣傾左陣計，先至意識到其實可以去自動自助沙律吧度攞嘢食。沙律吧有椰菜、湯、白飯任裝，啱晒啲大胃口嘅朋友！等左一陣終於可以食牛扒啦！自己去換牛處度攞，牛扒係有一片紙巾蓋喺上面，令到佢嘅汁唔會彈到我哋。試吓點樣先，牛扒係稍微只有一成熟，自己再用熱辣辣嘅石板整熟佢，幾好玩呀！只係$75嘅價錢，就又飽又好味啦！下次都會再嚟食過，同埋帶其他朋友嚟試吓。

難得中環有咁抵食既牛排，當然要試一試啦今曰特登十二點前就來拜訪以避開人潮。 一入門口即有職員幫手買飛及帶位，我揀左西冷牛，埋單只係$85咋！！雖然係全自助，但有多位職員在旁幫手，食物好快就有得拎， 而且會紙巾蓋住，唔怕彈到，唔錯唔錯。任食既有飯，通粉沙律、椰菜沙律，而醬汁方面都算齊全，有曰式醬油，千島醬同芝麻醬。湯係牛肉薑湯，比較油膩，而且唔鍾意薑味既就唔太岩食喇。牛肉質素ok,大大件而且多調味料選擇。即使我慢慢食哂沙律先開始食牛，食到最後舊石仍然夠熱煮到十成熟，強列建議如果唔想食咁熟就真係唔好切住，如果唔係食到最後變十成熟就浪費了個扖喇。食到十二點多，明顯多左人流到店，相信到lunch hour應該會排長龍，想食既就要預留時間等位喇。整體唔錯，值得再去喔！中環返工既人又有多個選擇喇！

終於有機會可以一嚐這間有名的自助平價牛扒餐廳。客人要先從自助販賣機購買牛扒券，在旁亦有職員協助，因此不用擔心這種新穎的自助形式餐廳。這裡的牛扒十分便宜，女孩子購買最少的180g已經足夠，因為該牛扒券已包括白飯、沙律及湯。牛排質素比得起價錢，肉味不算濃厚但總比連鎖快餐店的鐵板餐好。惟沙律非常一般，可以不用點。

從性價比來說，這個牛排是100 分。今天下班後，本來想吃個麥當勞，剛剛經過這家新開的牛排店，就進去看看，他們是日式的快餐牛排。我點了一個75元的牛肩,等了5分鐘，他們就上了一個熱石和牛排，牛排是自己在熱石上燒的，感覺牛排的品質不錯，白飯，湯和沙龍是無限提供，所以大吃鬼也應該可以滿足。總結，經過一定要來吃。

星期五既lunch緊係要食好d，見到呢間牛排+飯/湯/沙拉放題，就入去試一試！首先要係自助售賣機揀餐，有唔同類型既牛，仲可以根據自己既食量揀唔同份量既牛排，岩曬一班要求多多既同事佢都有教成個流程，清楚列曬出黎等緊牛扒既時候，梗係要拎飯+沙拉+湯啦，食到盡嘛！仲有即棄圍裙拎，費事d汁彈到件衫，對於成日會著白色衫既OL，真係好貼心呀終於有野食啦，一拎個餐番黎真係熱辣辣架，一開始塊牛扒係一成熟，可以按自己喜好放耐d先食，或者生d咁食覺得塊板唔夠熱，仲可以叫佢換呢第一次食我見仲有好多血水咁，就等塊牛扒煎左好耐先食，結果太熟唔夠好食如果鍾意食生d既話，記住唔好比佢煎咁耐，可以早d睇下佢食得未！