影片
开饭介绍
「三不館車仔麵」以香港情懷作主打，帶你尋回香港經典味道，三不館創辦人屢獲多項廚藝獎項的「金牌麻辣汁」及堅持每天鮮製的配餸更是三不館的靈魂之處，證明港式街頭小食也能登大雅之堂。開業以來深獲各位食客支持，「三不館」更火速成為一眾本地遊愛好者的「荃灣區」及「大埔區」必到人氣打卡店。 兩個識於微時的好朋友，一個本業做科技及設計，一個做廚師，曾經很喜歡一起去吃車仔麵，長大後他們將這份共同回憶，變成一間講求味道、不惜費功亦樣樣細節都要照顧到的車仔麵店—「三不館車仔麵」。全店復古設計，全由專用設計團隊一手一腳精心設計，老香港味道濃厚，店面同樣以極具香港特色的佈置突圍。
继续阅读
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
以上资料只供参考，请与餐厅确认详情
早2日放假熱到飛起喎想離開大埔，就去左呢間平時勁多人排隊既車仔都試下🤪🤪（10分為滿分：🌕）味道：🌕🌕🌕🌕🌕🌕🌕🌖🌑🌑三餸車仔麵-手打魚肉，蠔油冬菇，咖哩魷魚，河粉($46)手打魚肉勁彈牙又有魚味，魷魚咖哩味好出而且勁爽口，蠔油冬菇炆得勁淋勁入面，呢碗叫左金牌辣汁湯底，不過小小辣都幾辣，食唔到辣要注意🤣🤣🤣三餸車仔麵-清甜蘿蔔，金牌麻辣豬手，醬燒豬頸肉，油麵($46)蘿蔔係每次食車仔麵必叫，呢到啲蘿蔔清甜多汁又無汁，重要夠曬大舊，豬頸肉肉質爽口，不過得3舊有啲唔夠喉，麻辣豬咁就有啲啲辣，食到出曬汗好過癮🤣🤣🤣🤣樽裝港式茶記奶茶($22)醉愛飲港式奶茶，所以一定要試下，雪到凍冰冰，夏天飲就岩曬，同埋鍾意佢唔甜又好有茶香味，如果再大樽啲會抵飲啲🤪🤪涼粉爽($10)初頭以為係一杯杯，點知原來係一罐罐，以為唔會太好飲，但點知佢勁多涼粉粒粒，又唔會好甜，夠曬清涼😍😍價錢：🌕🌕🌕🌕🌕🌕🌕🌑🌑🌑佢個價錢係計你叫左幾多個餸，而唔係根據你叫咩送去定，我地係到諗咁叫全部有肉既餸未抵啲，平時啲車仔麵啲有肉既一定貴啲😂😂我地叫左每人一個3餸，都食得飽肚，但男仔想好飽應該叫4餸安全啲😛😛😛交通：🌕🌕🌕🌕🌕🌕🌕🌑🌑🌑係廣福道大街，住大埔既一定知道佢個位係邊到，搭入大埔既巴士一定會經過見到，不過如果係大埔墟火車站行過去卡遠少少，但我覺得佢都係做街坊生意多，好多都係放假踢住拖落街食個lunch🤣🤣🤣🤣環境：🌕🌕🌕🌕🌕🌕🌕🌗🌑🌑裝修非常有特色，全部牆身都係懷舊裝備，裝筷子都係用一個古老既筷子盒掛係牆上面，令人都懷念起以前好有人情味既香港，夏天去食要注意坐近門口會好熱，但好好人既店員姐姐留意到我地食到出曬汗，特登夾個芭蕉扇係我地張枱上面比我地吹住，勁細心又好有人情味，感動感動🥰🥰🥰性價比：🌕🌕🌕🌕🌕🌕🌕🌑🌑🌑車仔麵係香港既特色，以前食多數麵係覺得平又快靚正，不過而家就變左行特色路線多，三不管餸菜選擇多同埋都有特別，懷舊主題又特別，路過既不紡一試😍😍
继续阅读
今次我試咗一碗豬頸肉車仔麵，真係好驚喜！首先，啲麵條非常彈牙，咬落去有種爽口感，配上濃郁嘅湯底，味道絕對夠味。湯底用咗豬骨熬製，味道醇厚，仲有少少香料嘅味道，飲落去暖心又暖胃。至於豬頸肉，佢切得唔算太厚，但肉質非常嫩滑，脂肪位置適中，食落去唔油膩，反而係一種享受。每一口都可以感受到肉嘅鮮味，搭配啲青菜，口感更加豐富。我仲特意加咗啲辣椒油，令整碗麵多咗一層香辣味，真係好開胃！再加埋啲花生碎同蔥花，成碗麵就更加有層次。食完之後，仲想再來一碗，實在係滿足！總之，呢碗豬頸肉車仔麵，無論係味道定係口感，都係一個好選擇，強烈推薦大家試下！
继续阅读
自從我樓下間食開的車仔麵執左，我就四處想搵各區好食的車仔麵，今次黎到大埔區！🥰環境都幾得意，有d復古既牌仔～但座位就唔係好多。一上菜個腩汁底都好香濃！ 餸方面我揀左3款，包括：牛腩、陳皮魚蛋以及瑞士雞翼，每種都幾惹味！ 而我自己本人就最鐘意食個牛腩，都好香口下，而且服務態度幾好～聽聞平時好多人排隊，今日可能因為落雨加上平日，揀左5點幾入去少人d，所以可以直入！但位置就稍微窄左1d，如果寬敞點就更好～下次有機會再黎😛
继续阅读
呢間車仔麵店出名咗好耐，之前一直未有機會時，今日經過大埔，特登去試吓。店面裝修得好靚，有種懷舊嘅感覺，枱凳都好乾淨，而且餐牌嘅材料呢都好特別，我就叫咗豬手同埋鳳爪，同埋特別一試佢個油面食落感覺雖然唔差，但係亦都冇一啲好出名嘅車仔麵咁好食同埋咁特別，我覺得真係名果其實，大部份應該都只係marketing同廣告😓而最讓我失望嘅係我食完之後全日都覺得好口渴，嗰種味精嘅感覺係個口一直唔散，無論食嘢定係飲茶，都驅散唔到嗰種味精，呢個令我好失望。
继续阅读
🔆四餸車仔面牛丸蘿蔔蘿蔔永遠都係咁甜嘅好味 😋 完全冇揸牛丸都算喺有油份有牛筋口感滷水肥腸都算好入味 醬燒豬頸肉 有啲失望 豬頸肉有啲乾 牛腩炆得好腍好入味春卷我就覺得好普通老公就話份量有啲少 女仔食我就覺得都好飽 Lunch 時間一向多人 不論堂食定外賣📍 三不館車仔麵 (廣福道) (大埔)大埔廣福道88號地舖
继续阅读
您可能会有兴趣的...