三和火鍋雞煲

营业中

休息中

在上水都有好幾間火煱店，要數比較出色嘅可能就係三和。原來三和都算名店喎，聽講有人專登別處過嚟食😮，講真又真係好旺場，秋冬邊爐季節，唔訂位應該無得食。但今晚我地無訂位，但5點半未開鋪就去食頭圍😅，去到都有兩三枱有人等食喇，坐底等一陣夠鐘先落得單。我地叫咗半隻胡椒豬肚雞煲：之前已經食過，非常多料！除雞，豬肚，仲有豬手，豬骨，雞腳。湯係奶白色，應該係腐竹已經煲溶咗，夠好濃味，胡椒味都好出，有少少辣，豬肚乾淨無怪味，雞都有鮮味，點埋提供嘅辣椒豉油真係👍👍。另外再叫咗一隻奇味雞煲，其實即係麻辣雞煲，我地叫小辣嘅，好多洋蔥芫茜，爆得好香，雞肉嫩滑，辣度剛好，惹味非常👍，我地無叫配料，一隻半雞，5個人都食到好飽了😂😂

唔知係咪我唔識野啦，d 侍應居然話呢度食得煙（？）侍應態度馬虎，只係叫我地換位就算？仲要唔止一個人食煙已經同控煙辦投訴架啦環境方面，風扇好大吹到頭痛，回音大，d人講野大聲少少都好大聲仲有墊枱張膠紙不斷吹起好煩，問侍應？話冇辦法係咁架啦衛生都唔好啦，d座位好污漕，成張都係油，要抹過先坐得唯一可以讚既就係洋蔥好入味，青椒紅椒夠多，但我係食緊雞煲唔係食配菜食物方面，好一般，雞煲唔夠咸，邊爐料質素一般d雞好鞋，小小辣都好辣...

男友又帶我係我地頭搵食😂今次黎到上水街市打邊爐其實之前自己同朋友有兩次都想試下，但上到黎都滿座，難得同男友黎到竟然有好多位，可能係因為平日同埋我地都比較早。坐低我地就叫左個椰子雞湯底先，但男友秒速發現有個蕃茄蝴蝶腩煲，為左我呢個蕃茄怪，我地秒速轉左呢個。我地再加左墨汁墨丸同埋手切肥牛！湯底黎到味道唔太特別但就真係勁足料！其實正常黎講應該要4個人先食得哂！而全晚最值得推介既就一定係墨汁墨魚丸雖然叫既時候都覺得貴貴地真係粒粒都鮮味滿滿又有咬口我同男友都覺得如果下次再黎都係試返佢既招牌推介雞會好啲

人在九龍，入新界食個飯真係有d艱難，但係呢個煲真係唯一可以吸引到人入上水。第二次黎，兩次都係秋冬時間，第一次飲個胡椒豬肚湯真係驚為天人，第二次相隔大半年再黎，水準依然湯底香濃，胡椒味唔會太過，雞肉係煲依然嫰滑，油份睇上去好多，但食落唔會好膩，食完雞肉再打邊爐，淨係烚菜同響鈴，索曬d湯汁真係一流！由九龍專登出黎淨係食個雞煲唔打邊爐都願，真係多謝曬上水朋友介紹返，呢個都係入上水嘅理由，夏天就到，但都依然咁掛住，又要約齊人去食了

傳說中的上水最好吃的雞煲，昨晚試了一下，結果大失所望，雞肉不新鮮且太大塊，辣椒也特大，感覺就是粗線條，關鍵是味道不咋樣啊，環境也很差，價格不便宜。兩個人吃的奇味雞煲花了近五百，和之前吃的一品、八妹比起來相差太遠，以後再也不會去了。不明白為什麼會那麼多人去吃，可能是上水粉嶺一帶真的無美食了吧，如果讓我選擇，寧可去太和吃八妹。什麼上水入冬必吃雞煲，太扯了。建議以後搞新鮮的雞肉做，不要提前燉好雞肉，臨時做雞煲

三和係我住喺上水二十幾年裡食過最好吃嘅餐廳，超感動，終於有間有水準嘅餐廳出現！平時同幾個朋友出嚟食飯多數唔係去大埔食就係出旺角食，今次因為有啲事，我哋選擇咗喺上水食，仲要我上OpenRice 是旦揀咗幾間多好評嘅比佢哋揀，竟然揀咗間雞煲😂幾個女仔去街市食雞煲，成場真係得我哩一枱😂😂😂三和雞煲嘅位置就喺平日朝早興記嗰個位，一入嚟右手邊行到最入就係，最初唔知真係搵到我死死下。雞煲有好多味揀，我見好多人話椰子味同豬肚味好食，朋友唔食豬肚，我哋就叫咗椰子雞喇。店員會話俾我哋知要煲幾多分鐘先可以打開食，好細心。夠鐘一打開個蓋，哇啲椰子味飄晒出嚟，食落唔止表面有味，係連埋入面都有椰子味，每一啖都係😋佢個芝士丸都值得一讚，唔係平時食開白色方形上面一點點橙色嗰隻，係表面好似燒過嘅嗰隻，芝士味特別香濃，而且佢唔似得外面啲人雪到啲芝士硬晒又出水，佢咬開真係流心香滑芝士嚟😍真係冇得彈話三和係全上水最好食嘅餐廳，絕對冇誇張！

這天和男友來到了上水, 找到了幾個朋友一起吃晚飯.朋友一直說上水有一間雞煲好正好正, 一定要試的, 那麼便試試吧. 我們book了7:00, 我們很準時就到了.叫了一個椰子雞煲. 打算吃完雞後再叫配料. 等了10分鐘左右雞煲就上場了,老闆教我們雞要先煮8分鐘, 再焗3分鐘, 這樣才好吃.椰子跟湯底都好甜, 好多雞肉, 雞肉很嫩口.另外都有好多配料可以選擇, 不過牛肉份量偏少埋單約$150一人, 大家都吃得很飽啊, 雖然現場有冷氣, 不過我還是覺得很熱.

話說上星期四同朋友去試下呢間好評的雞煲，叫左個胡椒豬肚雞煲，老實講味道都可以，料係多既，可能係食飯時間既關係，又或者唔係熟客的關係，由夜晚7:30等到差唔多9:00,當中有幾枱都係比我地遲坐，都已經食緊，有個男人係度行黎行去，開頭以為係小二，但原來係個老細。就係因為我地唔識人拍膊頭，今次真係見識到唔少，溫馨提示要訂枱，仲要有心理準備要等一個鐘左右。真係比想像中失望叫左一個雞煲，一碟牛，一份炸魚皮，我地五個人都已經食到好飽，所以唔洗叫咁多。因為等緊時飲左汽水頂住左，所以食唔到咁多。

隔離嘅大排檔我就食得多啦，身處喺後面嘅呢間火鍋真係第一次食，比我想像中好食好多，好香嘅椰子味，打邊爐我都係第一次飲兩碗湯底，，另外叫咗三樣嘢，肥牛比想像中少，但所有野加埋兩個人食已經夠晒飽，可惜就來夏天啦，我諗如果冬天會黎食好多次😄。

胡椒豬肚鷄熟客仔老板加料，黎得多係有著數✌10分滿分椒鹽脆骨腩野味，唔油膩，送啤酒必選炸魚皮記得揀硬果種，潮式粉麵檔你食得多，呢檔既非一般貨式，較厚身平日都會爆場，週六日就早啲到

好耐冇食過雞煲喇！見天氣凍凍地就去食下啦😋2人叫左個中辣雞煲、花甲、南瓜片同埋茴荀～個花甲好鮮甜、好肥美、好好肉..正👍🏼👍🏼雞煲叫左中辣～ 估唔到真係咁辣，下次都係叫番小辣好d,,,😂

20161225--近日收到Openrice的飲食資訊，(熟食中心尋寶)有特色兼抵食 石湖墟街市熟食中心篇幅內 ，細看之下，沒有把三和雞煲加到介紹之列。二話不說，要為三和寫篇食評，上水熟食中心，到訪應有十次以上，一是喜歡到此買海鮮加工，另一喜歡的店就是三和雞煲。本身是愛吃雞又愛吃火鍋之人，三和雞煲味道出色，所以一再到訪。選擇到熟食中心開飯，通常為食物而來，相信環境已經唔會在選擇原因之內，人多嘈雜，餐具未必乾淨，地下不潔，應該是標準環境吧。但石湖墟街市尚算乾淨，地面沒有濕滑，夏天不會熱，有充足的空調，合格以上。我最愛點:一隻醉雞煲$228--全隻雞，全副雞雜也放上雞件上桌，店員每次不怕厭煩地告訴食客，先滾湯底，把全部雞件放入，大滾後，熄火，焗15分鐘，每次也跟走這種方法，雞真的特別幼嫩鮮滑，醉味濃。雞份量很足，不是歪歪瘦瘦的，粗略估計約有2斤半重。新鮮魚鰾$42--在家中買魚，最多也只有一個魚鰾，小朋友愛吃，魚鰾不腥，有爽口、又有滑的部份，吸了醉雞湯味道，便宜又好味。墨汁墨魚丸$48--別被顏色嚇壞，入口非常好味，爽口彈牙，推介。白飯$10+鳥冬$15--小朋友每次也要叫白飯，把醉雞湯混

確實好少一個地方去左几次都覺得好正~!尤其喺上水呢個地方…自去過呢到之後,就成為左我同一班寶貝做邊青的熱點~!呢到環境唔係好吸引,一般的大排檔格局,而且冇得預先訂枱,最好早早自己去搵位,.想喺呢到食得開心,最重要搵個自己心儀的坐位,基本上新來的客人,服務員(老闆除外)會求其地安一D唔係咁好坐的位置,例如路口位及場地中央位置,到時4方都坐滿了客人,感覺好嘈,我個人就很不喜歡,所以來這裡想開心地開飯,必定要自己揀位啊~!!我們喜歡揀好了位置,留一位朋友留守,其他再到街市買海鮮~最初頭係D湯底吸引我先~有香辣鷄煲,暖身的胡椒豬肚煲,仲有清清地的椰子鷄煲,傳統的豬骨煲…每款個樣好似好普通,但係充滿內涵!! 香辣鷄煲 – 當初最為吸引我的賣點之一 ~ 佢的辣同外面的辣有點不同,唔會得個咸字,又唔會太過搶晒鷄的味道,舖頭所用的鷄唔似係雪藏鷄,至少食落仲有鷄味,唯是我有愛辣如命的朋友未覺得痛快,所以嘗試叫老闆加辣,老闆好樂意地盡最大的努力滿足我的好朋友~不論色香味都上左几層樓~正~!暖身的胡椒豬肚鷄煲 – 入冬日子真係唔試唔得 ~ 香濃的胡椒味食落又唔會覺得太刺激,暖湲的感覺,點點地在食道中來回,豬

通常去街市都會係一大班人食大排檔但冬天臨近，食返個椰子雞煲補一補又好似幾好 雖然叫做雞煲，但可算是打邊爐因為湯底同雞係分開上就咁睇下湯底，都見到佢好足料唔止得椰子、仲有紅棗、杞子、雪耳味道清甜，而且充滿椰子香味感覺好潤，就好似屋企自家製湯水聽店員講，呢到好似係用新鮮雞新鮮定冰鮮，我就唔係好分得出拉因為有D靚既冰鮮雞都好重雞味我只係知佢就係一隻靚雞，又滑又嫩又有雞味 只係食雞又點會夠飽我地仲叫左其他配料有獅子狗、同芝心丸丸類都幾彈牙，唔係劣貨火鍋配料選擇都幾多，不過我地人少，得2個就無試咁多拉

又去打邊爐, 今次去到新界區, 上水石湖墟, 因朋友在此, 介紹我們去到這三和火鍋餐廳雞煲，今次真係邊爐, 再唔係蒸汽, 要一齊滾下滾下, 大家一齊交流交流火鍋有幾個選擇, 我們揀了鮮甜椰子雞煲, 湯清甜又濃香, 材料豐富, 椰香甜美, 簡直感覺極滋潤濃濃椰香滲透出來, 加上紅棗嘅甜香, 令到湯底很香味芬芳.叫了海鮮幾隻靓靓蟹, 好新鮮, 個蟹鉗都好大隻好多肉, 啖啖鮮啖啖肉好細心已經事先整碎隻殼, 等客人食都食得方便啊蟹肉鮮甜, 加上湯底咁正, 更加係鮮到鮮鮮甜甜, 好味到口唔停湯蟹溶聚一起, 仲有個鮮魚標, 好新鮮又乾淨整齊, 唔細碟, 不錯, 好鮮, 打邊爐一絕,個煲已有鮮甜嘅蟹味, 放埋魚標, 簡直鮮甜好味. 魚標唔係好多地方有得食, 真係好開心, 好好食啊 !!! 記得要飲個湯, 因為好甜, 超滿足的火鍋