三多麵食

营业中

休息中

來到中環三多麵食，必定要試試佢哋嘅招牌菜肉雲吞。我試咗佢哋嘅菜肉雲吞水餃米粉，雲吞皮薄餡肉入口即化，裡面嘅菜肉味道香濃，勁大粒，真係好好味。我個朋友就試咗鮮蝦雲吞水餃米粉，鮮蝦雲吞我覺得普通，水餃反而更加出色，餃子皮薄餡多，有d雲耳，蝦係裡面 口感脆脆地，味道同樣好好。米粉清淡爽口，怕太飽嘅人可能叫淨水餃好d。餐廳環境係舊式茶餐廳咁，要搭台，比較急，但係服務員好好態度，唔似某中環牛腩麵數字檔咁臭串。餐廳價格實惠，中環黎講50蚊食飯都好抵架啦。

自從公司搬去石板街附近，真是多了很多餐廳可以選擇，今次光顧了一間有歷史的麵店。📍位置：近香港站C出口，在公司附近步行五分鐘。🏠環境：室內呈長方形，面積較細，裝潢如同八十、九十年代的麵店，左右兩邊皆是圓桌，客人多時需拼枱，不過看起來是乾淨整齊。🤵🏻服務：人手點單，不收加一。下午茶：雲吞麵+熱檸茶 $50擺法不正宗，三顆雲吞在麵旁，而不是底，不過每粒雲吞都很大隻，不能一口吞下，而餡則亦不標準，一隻吃到七分蝦三分豬肉，但另一隻又吃到三分蝦七分豬肉，所以每隻餡的比例挺飄忽，而麵夠爽和彈牙，湯底清而鮮味，沒有鹼水味，整體質素中上，畢竟在中環區有如此的價錢和大雲吞，己經不多了。

每次放lunch嘅時候都會經過，見到呢間餐廳大排長龍😍難得今日早左放飯，又見到人流唔多 就試下！今次就叫左個雲吞麵👍🏻上菜速度都相當快，大約5-6分鐘到就已經上左菜。雲吞麵啲雲吞都幾足料，又大粒，而且入面仲有好原隻蝦，入口相當之彈牙😍😍湯底方面覺得味道都幾濃郁，配搭埋嗰爽口嘅麪底，令人會回味一番🥹整體今餐覺得喺中環食到個相對親民嘅價錢嘅雲吞麵$44 ，而且味道仲幾吸引到人，性價比真係高！難怪成日都見到大排長龍🤣🤣

最愛水餃，雖然水餃麵得三隻水餃，但暫時喺全香港未搵到一間水餃係大得過呢度嘅水餃，每次食幾啖先食得完隻水餃，非常足料同好食。成日都好想食雙拼（加冬菇），但變咗雙拼嘅話少一粒水餃我又唔想🤣，所以通常都只係叫一個餸。炸魚皮（唔記得影相）好鬆脆，唔會好似有啲店嘅炸魚皮硬到會界損牙肉。炸鯪魚球都係好食，一般來講我唔食鯪魚球因為好腥，但呢度嘅鯪魚球加咗陳皮劈咗浸腥味。都係大大粒啖啖肉如果想買半打生餃就最好自己帶個盒，因為佢只係用膠袋裝俾你，如果買一打就有盒比嘅。通常食粉麵嘅地方唔會太衛生，但我覺得呢度乾淨企理。小店係迫啲嘅，有時要同人搭枱啦。

很難揾到咁好食又抵食嘅麵家，老闆又好好笑容，餃子和雲吞大粒到您驚訝！我咁大個囗都要分2口才能 KO一粒雲吞，而且真係有幾隻假起入面。初時落order意為會唔夠食，點知送上檯面才知道大鑊🤭，凍奶茶好有茶味，真心值得推介，下次要揾多啲朋友一齊再去幫襯。

-港式風味餐廳買少見少行過見到梗係要幫襯下舖頭主打麵食咁多年都keep到水準就知道老闆嘅堅持/鮮柏葉牛肉撈麵麵質彈牙，分量又夠多牛柏葉選用黑柏葉，冇漂白更加天然平時出去打邊爐都知黑柏葉係需要預訂亦都唔係間間都有貨呢度食到更加覺得珍貴👍🏻值得大家繼續支持嘅老字號小店

朋友推介呢間，專程去試過豬潤麵。平日lunch time, 自己1人，就試吓。無需等位。豬潤嚟到見賣相，心諗應該好鞋，食落口每一舊都有筋，好鞋放棄，無謂浪費自己膽固醇Quota，麵就普通。暫時應該唔會再試其他。

好中意呢種紅黃配搭既懷舊麵食招牌見親麵會好想入去食返配雲吞麵係中環咁貴舖租既一區，仲可以屹立不倒一定有過人之處5:30坐低，仲係下午茶時間成碟麵份量好夠，唔似平時麵食店咁食幾啖就無軟硬剛好，加一大埋蔥同蠔油，口感非常好雲吞好滿意，好大粒，啲蝦都新鮮 而且唔多肥肉鵝腸彈牙，係略嫌無咩味，可能係咁，佢另上左碗豉油平時食碗都唔會覺得飽，今次一碗已經飽肚，下午茶抵食！！

📍中環老字號粉麵店‼️• 乒乓波咁大粒嘅雲吞😻 -- 三多麵食🍜🥟•Follow @pigfoodiexhk for more food!🐷💛#pigfoodiexhk_中環#pigfoodiexhk_港式========================Bookmark咗呢間粉麵店好耐，一直都好想試下佢哋嘅菜肉雲吞～但成日luchtime經過都見到好多上班族排隊🤣前排早收工就去食咗個early dinner😆------------------------------⭐️菜肉雲吞+水餃米粉 $52菜肉水餃成個乒乓波咁，好大粒！😻皮夠薄，餡料滿滿，菜肉比例平均，咬落好juicy，鹹香十足👍🏼😋水餃同樣好大粒，入面有豬肉、蝦仁、雲耳、竹荀，不過小編個人就唔係太中意竹荀陣味🫣相比之下中意菜肉雲吞多啲😆$52以粉麵嚟講都唔平，不過勝在真係足料，食完都好飽下🙈------------------------------賣相：3.5/5味道：4.3/5性價比：3/5推介度：3.8/5------------------------------店舖資料名稱：三多麵食地址：中環砵典乍街30號地下前往方法：

以前係中環返工，經過三多唔少次。今次喺星期六Lunch Hour唔洗排隊終於試啦！以雲吞粉麵店嚟講呢個價錢都幾貴下，單拼都要$42，不過呢間鋪位於中環嘅電車路附近，呢個價錢都係食租金。不過以中環區嚟計已經係好平嘅餐廳！🌟鯪魚球 菜肉雲吞麵一場嚟到緊係要試多啲款式，菜肉雲吞、鯪魚球、豬潤都係最多人叫嘅餸，都抱有好高期望。鯪魚球嘅size仲大過一粒乒乓波，而且一碗麵仲有三粒都幾抵食！鯪魚球肉似係自己手打，顏色比出面食嘅更加深色；混入少量髮菜同埋陳皮碎。可惜嘅係陳皮嘅份量過多而且帶有頗重苦澀味，搶咗鯪魚球嘅風味，等於平時幾鍾意食陳皮味小食嘅👧🏻嚟講都覺得食得有啲痛苦😭。至於雲吞就有兩大粒，菜同豬肉嘅比例非常平均，調味溫和，真係皮薄餡靚。至於湯底就飲得出用咗蝦殼熬製，麵底爽口彈牙不過鹼水味亦不輕。麵嘅份量亦唔算太多，建議大食人士最好加底或者轉做撈麵底。有唔少食客都買生雲呑/水餃🥟，如果要買返屋企煮麵/打邊爐一流👍🏻　

🇭🇰唔洗再係中環挨貴午餐｜兩粒乒乓波咁大嘅雲吞🇭🇰前果排係中環番intern 發覺原來中環都有平食🔥大家有冇興趣睇中環平食系列？有就快啲留言比我知啦🫶🏻/今次推介🍜三多麵食🍜比大家🔥係正中環街市附近 位置夠曬就腳💦/🌟整體🌟✔️性價比極高 望落細細碗 但其實好夠飽🥳✔️食物上枱速度都相當快 落單唔洗1分鐘就到 岩曬趕時間嘅你😝🤔環境當然冇中環果啲高級餐廳咁好🍜雙拼麵（雲吞+魚皮）🍜 $52✔️雲吞係兩粒乒乓波咁大粒 足足有成3粒 充滿蝦肉 好足料😋✔️湯底清甜 河粉掛湯🤩❌魚皮小失望 硬掘掘 好似擺左好耐😢評分：4.5/5/一到大約12:30-12:45就會開始有人排隊😝如果你有興趣去試下 可以錯開lunch time/早少少去啊🥰回頭指數：4.7/5
食物質素：4.5/5
性價比：4.6/5環境：4.1/5人均消費：HKD50多謝您睇到呢道❤️⚬⚬店鋪資料⚬⚬地址：中環砵典乍街30號地下(石板街)電話：28016352

三多一試愛上同事講咗好耐叫我試下食三多，每次經過間餐廳見到門口餐牌差唔多要成$50一碗雲吞麵，我都會寧願食其他餐廳。今次因為買外賣終於一試，真係好後悔點解唔早啲食！ 試過佢嘅鯪魚球、菜肉雲吞、 鮮蝦雲吞，全部都好好食。雲吞特別出色，全部都好大粒，份量好足夠。菜肉雲吞的肉和菜的比例1:1剛剛好，食下去不會很硬或太多菜。湯麵、撈麵我都試過，各有千秋。個人比較鍾意撈麵，面底好彈牙。而湯麵不會有太濃鹼水味，而且食落好爽口。好少有麵店一個米粉或者麵個份量足夠一個男人午餐食，而三多嘅質素、味道、份量，絕對對得住佢嘅價錢！強烈推介！香港好食嘅雲吞麵舖，真的買少見少！

以前喺中西區做OL 嘅年代好鍾意嚟食佢個淨餸巨大菜肉雲吞之後再碌過隔離AST 做瑜珈，貪佢一碗有菜有肉大粒飽滿，食完係會夠飽（中式少carb 又唔貴）而且唔係得個大字，食落味道係正嘅（呢度個鳳城水餃都唔錯，反而蝦肉雲吞我自己就覺得無乜特別）雲吞水餃仲可以外賣生料返屋企慢慢嘆，次次堂食都一定有人嚟大手購入😂 究竟大家個雪櫃係有幾大但加埋激邪惡鮮鵝腸先係王道🤤 份量夠曬多而且超級爽口完全唔覺油，加埋個辣鼓油一絕。而家難得嚟一次，比個quota 自己叫埋（藉口，全部都係藉口）

三多係位於中環街市附近嘅港式粉麵老店但其實我第一次食👉🏻菜肉雲吞+水餃米粉$52菜肉雲吞（圓形）同水餃既大粒又非常足料！可能係全港最大粒👀 而且味道唔錯, 加醋會更加鮮味～當然食嘅仲有人情味啦✨ 另外, 友人話豬潤同埋鵝腸都好出色至於服務, 店內嘅姐姐同叔叔都好有禮貌, 好友善, 比起一般港式餐廳嘅服務態度好好多👍🏼

雲吞麵就周圍都有得食 但係喺中環嘅呢一間傳統雲吞店嘅雲吞 就真係好出色☺️每一粒雲吞都皮薄餡靚 好似乒乓波咁大粒 超多餡 嗌咗菜肉雲吞 食落仲好有肉汁 好鮮甜 再加埋下面碗麵 真係幾飽肚！