三多麵食

营业中

休息中

今日經過三多麵食，見到都好多人排隊等外賣，諗住唔會差得去邊，就試下買個外賣食。買左個雙丸米粉，番到去準備食，點知一打開個兜，見到幾隻蟲仔（蚊滋菜蟲之類掛）諗住挑走就算，有1-2 隻都好正常。但係愈挑愈多加加埋埋超過二十隻。自問都唔係d 奄尖挑剔既人，但係見到加加埋埋咁多蟲，真係有d 汗顏😓😓真係唔知個衛生情況會點自問唔會再幫襯。另外講番食物味道，一般般，唔濃偏淡d 牛丸食落仲有陣講唔出既味，有d 怪米粉都偏碎呢個價錢真係唔值

/好似未食過鵝腸麵🤔🤔本身都幾鍾意食鵝腸所以今日就走左入去試😆/睇openrice見到最多人推薦鵝腸同埋菜肉雲吞咁梗係跟啦！💲48鵝腸有跟啲蔥一齊仲會有一碗類似辣椒豉油比你點黎食食落口感好好☺️鵝腸洗得又乾淨 食得好放心菜肉雲吞餡料好新鮮👍唔係周圍可以食到😳加埋佢地嘅醋一齊食好夾😋不過如果怕芫茜個陣味 可能就唔係好岩叫呢個雲吞喇🙅‍♀️啲麵好爽口 辣椒油我都好愛❤️但會偏辣 大家落嘅時候輕手啲/另外仲叫左個細嘅蜆介鯪魚球同朋友share💲40細嘅有四粒 大嘅係五粒價錢除番開都幾貴😣😣不過好似係即叫即炸 上枱係非常之熱！外面炸得乾爽 入面魚肉香口彈牙😋👍但食完之後都係唔多飽嘅😂😂可能一個人食晒四粒就會飽喇呢間野岩我想輕食一下嘅時候黎🤓/中環 - 三多麵食#Hanako_中環🌻#hanako_港式味道🌸

三多位於中環，地貴人西(西化)，個個都搵好野食，但佢都能夠保持客源而健在左咁耐，應該有啲原因既舖頭中size，光猛正常，麵檔黎講唔算好迫，餐牌都係正常粉麵，最特別應該已經算係菜肉雲呑當然要試下佢出名既菜肉雲呑，當有鮮蝦雲吞唔叫而人人都係食菜肉雲呑時，就試試佢雲呑大粒到一個點，半個拳頭咁大，超足料，好似係白菜菜同肉比例好好，味道都正大大粒都有四粒，同個湯都好夾既，清得黎夠味幼麵就無咩特別，硬身少少另一碗食左另一個大賣點，鵝腸麵，試下佢既粗麵，正腍身夠薄，掛湯好味鵝腸配左碟豉油，好似係有少少辣椒既，超少但好味鵝腸夠肥好味又唔腥，份量好多配大量薑葱係另一個個好正既點配腸配麵都正，成碗麵同湯底都好夾熱奶茶就......算啦貴定平？價位係高既，但份量多質素好服務快正坐落中環，我就覺得算幾扺啦大家可以試下先講！#我唔明點解我叫左個麵一分鐘後有得食而個個都係咁#水餃冬菇鮻魚球都好多人叫到底三多係邊三多

中環搵野食話難唔難話易唔易,因為一係就食到好豪,一係就食到好差。無中間既。呢間三多麵食都算係中間既(不過都係有D偏貴) 佢最出名應該係鵝腸麵，所以我就叫左一個鵝腸米(米粉罪惡感好似無咁大)，41蚊，仲要無野飲。算啦，中環地貴，當幫佢交租。個米粉好快就黎，鵝腸份量都唔少既，都幾多油同肥膏。唔錯唔錯，佢會配埋一個辣椒鼓油俾我。因為就咁食就有少少淡口，加埋個辣椒鼓油就岩岩好，夾埋蔥絲就更加香口啦。總結: OK既, 幾好食,係有D貴, 同埋D位有D迫, 所以最好就係下午茶時間黎,人唔多, 又唔係非常肚餓，否則又迫人又唔夠飽。

#三多麵食 (中環)中環砵典乍街30號地下(石板街)-----鵝腸麵（$39）會黎試三多 因為香港真係好少地方有鵝腸麵 呢度ge鵝腸洗得非常非常乾淨 一d異味同肥膏都無 非常爽口 配埋自家製ge豉油 味道唔錯😊鵝腸份量都唔少 倒是麵ge份量少左少少😂所以有d唔夠飽 同埋可能因為完全無肥膏ge關係 B仔略嫌有少少唔夠惹味 太清淡左少少 哈哈哈 可能係我比較重口味😂-----B仔整體評價：8/個👍🏻B仔抵食程度：8/10個👍🏻B仔環境評分：7/10個👍🏻B仔味道評分：8/10個👍🏻B仔回頭機會：8/10個👍🏻-----跟住我一齊吞食香港啦！#swallowcentral

食清D....午膳時間中環人山人海是常識吧！今日想食清d又唔想太飽，就選擇左食碗淨雲吞+油菜走油。一點多，三多門外已有十幾人排隊等位，外賣就只有兩三個，同收銀阿姐下單，先說明油菜走油，淨雲吞。承惠$63。（嘩，好貴呀，食碗拉麵都係$78咋）返到公司一打開個盒油菜無走油，無言，唯有用碗雲吞洗吓d油。菜浸到好淋，近乎就爛咁款，基本上唔多需要咬就可以吞咁滯。唯一可讚的是份量充足，足足一盒！淨雲吞有六粒，每粒比例較大，蝦肉爽口肥豬肉適中，但湯頭麻麻，較混濁。

《中環超足料雲呑麵》公司附近有間雲吞麵，成日都排晒長龍，真係唔知點解佢會咁受歡迎🤔今日終於可以試吓啦係雲吞麵來講$37至$47算係偏貴我叫咗一個雲吞拼墨魚丸米粉$47雙拼$47 ，單餸$37有三大粒雲呑！一上菜見到超大粒雲吞，食第一啖又真係足料，平均每個雲吞有兩隻鮮蝦左右👍🏻墨魚丸都有三大粒，幾有咬口！其實碗麵本身冇乜湯底，因為個麵同餸嘅份量已經塞爆左成個碗題外話:我見好多人叫鵝腸同菜肉雲吞，相信係招牌菜，下次嘗試下先

粒粒雲吞都大到好似乒乓波咁 食完真系會覺得好滿足😋👉🏻雲吞麵($35)唔好講好唔好食先 要系中環揾到咁平又好食嘅店舖 真系少之有少！！👀.一碗雲吞麵入面有4粒雲吞 粒粒都好足料😌入面至少有兩隻🦐同埋滿滿嘅豬肉😳.皮都好薄 去食一定要叫雲吞 試過菜肉雲吞 但個味道自己覺得無甘出眾 都系推介鮮🦐雲吞.麵底唔夠爽 但個湯底就好清甜 冇咩落味精去煮🤤.Btw記得要食就早少少去排隊 通常要lunch個陣都要排5-10分鐘啊～

同媽咪撐枱腳開大餐😋雲吞牛肉粗麵🍜水餃麵 - 雲吞OK👌不過牛肉略嫌太多梳打粉..🥟🍜水餃脹卜卜餡料豐富🍜🥟🍲🥟🍲🥟🍜🥟 炸鯪魚球🐟 超水準之作👏🏼滾動彈牙.. 硯芥超鮮甜好味😋🐟🐠🐟🐠🐟🐠🐟🐠 腩汁芥蘭 - 柱候醬汁濃郁..相信牛腩牛筋都一定好食🤔下次要試吓先🥬🥬🥬🥬🥬🥬 炸魚皮 - 鬆脆.. 🐠🐠🐟🐠🐟🐠🐟🦈 #van_snoopy_香港的味道#雲吞麵 #炸鯪魚球 #蜆芥#三多麵食#為食滑嘟嘟 #腌尖的Van仔 #雲葉哈思#van_snoopy

很久沒光顧三多了, 很懷念其鵝腸和栢葉, 今天來到中環, 決定要再次回味三多的味道。鵝腸栢葉麵 $48份量依舊很有氣勢, 滿滿一碗, 葱是超級多, 不喜歡葱的朋友, 落單時可要求走葱, 以免浪費。麵質爽口, 沒有鹼水味。鵝腸洗得乾乾淨淨, 沒有異味, 也沒有肥膏, 質感跟栢葉一樣, 十分爽口, 沾上特別調製的豉油同吃, 非常滋味。除了鵝腸和栢葉, 三多的雲吞和水餃也是不錯的選擇。食物依然保持水準, 三多能夠屹立中環多年, 不是沒原因的。

平時Lunch唔想食咁飽~就會去三多食~其實之前食咁多次,都係叫鮮蝦雲吞,墨丸~貪佢啲雲吞大大粒~仲有墨丸同外面嗰啲味道唔同~好味啲架~點知某一次我喺Lunch黃金時間時去食~(我平時Lunch係食11:30)人超多~要排隊,不過都幾快~聽到好多人唔係叫鵝腸,就叫菜肉雲吞~所以我今次就叫鵝腸,菜肉雲吞米~鵝腸好多,好靚仔~叫鵝腸係會特別比一碗醬汁~點咗個醬汁嘅鵝腸味道更加提升~正喎~仲有三大粒雲吞啊~平時雙拼我估都係兩粒~而佢都只係比平時單拼小一粒~仲要大大粒~個人覺得菜肉雲吞比鮮蝦雲吞好味~大家可以去試吓~

其實，如果常到中環，應該無人不認識三多。從前到來，都是貪它平，靚，正，總之有個感覺就是，在中環，很難得的小店，可以維持價廉物美，水準保持。就算拿回六年前拍下的相片，跟今天比較，相差也不遠。麵仍然有嚼感，大大隻水餃仍然多料，內有木耳絲，蝦仁，等等，雖然只差分毫的大小，但一碗三大隻已好夠飽，我嗜辣，加入三多的辣椒油一少勺都已經好夠刺激味蕾了。今次無食蜆蚧鯪魚球，這也是三多的必食美點。真是多得這時代還有這麼平宜，又有地道風味的廣東麪！

黎親 三多麵食 多數都會叫個雲吞米加個菜又或者鵝腸，今日就試吓新嘢 - 炸鯪魚球。$40 四粒鯪魚球，圍到$10粒都唔平，但佢收得呢個價一定有佢嘅原因， 即叫即炸嘅鯪魚球，配上蜆芥汁，切碎咗嘅香料混入彈牙嘅魚，好好味呀😋 唔怪得咁枱都叫啦！

中環lunch time 真係好多人, 由於趕時間，所以就試樓下呢間三個麵食 叫咗一碗普通的鮮蝦雲吞麵$35值得讚揚👍🏻雲吞有四粒，而且每粒超大粒，淡淡蝦肉,每粒至少2隻蝦！雲呑的分量已經佔據左碗麵的一半！後來發現，最受歡迎係菜肉雲呑🤔需要改善的地方不過個麵就要改善下，好硬，絕對不是爽口，而是太硬😂需要煮耐少少。不過我食緊的時候，發現好多人叫鵝腸，雖然要$90碗，但我唸係佢地的招牌菜，下次我又去試下先👍🏻餐牌⤵️

一如概往多人排隊嘅三多太熱嘅話真係不妨叫外賣，快啲閃人好過。過左兩點條隊就快好多，等左五分鐘就有位坐喇我每次嚟都叫豬潤撈麵，揀腩汁撈會淡啲所以我叫蠔油多。非常中意食豬潤的我覺得三多嘅豬潤的確係香港數一數二嘅，唔會老亦唔會腥。次次都保持到呢個水準仲好快手，肚餓都唔洗等好耐豬潤可以做到外脆內軟，啱啱好粉紅色到熟透之間 點佢嘅辣椒豉油好好味，份量都幾多，每次四至五大塊。啲麵質彈牙，配上自家辣椒油 perfect