三多 (華明商場) (已結業)

今日同朋友喺附近打完波🏀已經11點，知道華明三多去得好夜所以可以同朋友👯一齊買宵夜返屋企食🏠每次嚟我都一定會點招牌生炸炸肶🍗 最正係一定要加佢啲辣粉🌶 今次做咗中辣，拎到返屋企個炸髀仲熱辣辣🤤 炸到外脆內軟，一切開裏便係勁多肉汁🤭 好邪惡第二款必點嘅仲有佢嘅招牌鐵板醬油肉碎炒腸粉🧆 入邊有芽菜椰菜醃好嘅肉碎，不過今日好油😮‍💨肉碎份量都好少得幾粒😵‍💫啲腸粉有啲濕，好彩個味就都仲OK,係成個口感唔係咁好🫣鐵板燒司華力腸🌭就好惹味，朋友鍾意食蒜🧄呢個司華力腸用咗勁多蒜蓉去煎😂 一打開勁香，食落去都好濃味，仲有少少孜然粉味😋另外在嗌咗個蒜蓉包🥖一共有6塊，蒜蓉包嘅發包焗得幾好，🧈蒜蓉牛油醬亦好香👍🏻

青口焗薯蓉：一打開就好大陣青口嘅腥味，好難聞薯蓉同青口上面果層芝士都好淡味，食完都唔知食左d乜。作為芝士都冇芝士應有嘅惹味上次試過炸髀，覺得正，先再幫襯試下其他野，但似乎唔少伏。上次芝士撈公都麻麻地，太乾身，芝士味都係好淡

好耐之前食過三多炸脾！終於有機會食！本來係抱住期望心態去簡野食，我地T001佢第一單外賣自取！職員態度真係非常一般，禮貌問左一次有未 ?冇反應！ 再問 ！ 比對方串番轉頭 話問一次就得， 咁其實你吾比反應 冇人知你係聽吾聽到所以先問！番到屋企打開！ 個三文魚碎蛋牛角包冇左三文魚 係咩心情？亦都冇餐具！ 其實作為食客 真係會好失望！ 仲有個撈丁 真係好乾！知道外賣係會有影響 但建議外賣改良下！值得一讚既係碎蛋同炸脾係幾好食！不過應該吾會有下次！

1. 外賣送黎嘅腸仔，竟然就咁放係面，膠袋又包唔實，盒又無蓋，感覺好唔衛生2. 之前嗌餸+薯角都會有沙津醬同茄汁送，宜家完全好似無咗回事，希望唔好因為外賣單無人追究就唔比醬，好影響食品味道希望店家改善

喺元朗三多食過炸雞髀先明白一隻炸雞髀究竟有幾好食😋喺foodpanda諗緊午餐食乜嘢竟然比我見到粉嶺開咗三多即刻揸車過去喺foodpanda落單仲平啲添原價雞髀$30原價芝士撈丁$25叫咗套餐有折$43.2雞髀仲係冇令我失望拎咗返屋企之後冇咁Juicy但係調味仲係做得啱啱好好入味皮脆肉滑唔知係咪因為有時差嘅關係冇喺元朗即場食咁好味講埋個配角撈丁先一打開個蓋見到芝士醬有少少一定唔夠撈晒成個面加上外賣拎返屋企已經乾乾地身我叮翻暖少少希望個芝士可以融啲但係都真係好難食🥶🥶🥶🥶肯定唔係出前一丁唯一好處係好大兜

晚上幫襯三多出名嘅招牌炸雞髀 （HK$30)雞皮好脆口，好食過連鎖快餐店！價錢平民化，可以揀套餐，另外XO醬炒腸粉都好好食，有豬肉粒，吵得好惹味！下次一定再幫襯！

三多由大埔總店開左6間分店~招牌當然係炸雞脾啦🤓今次除左炸雞脾試仲試左3款小食 睇下除左炸脾仲有d咩好推介🤩🤤黑松露芝士薯角🤤 ($25)一開成個面都係黑松露！！冇諗過咁嘅價錢會咁豪爽😍食落真係幾香 不過唔好except係d貴價野啦😉依個價錢冇得輸😋👖褲評: 8.5/10🤤香芋地瓜丸🤤($18)有滿滿嘅芋頭蓉餡唔會係食空氣 甜甜地幾啱口味😍個size係平時燒賣大dd👀平均3蚊一粒幾抵食~👖褲評: 8/10💩炸雙皮奶💩($18)一開始俾名吸引左😔叫出黎落差好大 白色一pat又唔係好食倒奶味 食食下仲有紅豆餡嚇死😰勁9唔搭8依個不了😶👖褲評: 4.9/10🤤炸雞脾🤤 ($30)招牌野個炸粉好食過雞脾本身！炸粉係擺左陣都好脆😍雞脾食得出有醃過少少鹹 不過接受倒嘅👀不過大埔總店真係好食d🤔以上依幾款推薦嘅，除左雙皮奶😅得閒經過口痕想食小食都可以試下嘅🙆‍♀️🔔小tips: 1️⃣打電話過去大概15分鐘後有(話5分鐘有我太興奮即衝落去都等多左陣😗)2️⃣黑松露薯角密封住 建議一返到去開住佢抖氣先 避免d水蒸氣焗淋左

今日剪完髮已經4點30分，今朝又只食左早餐，而上次經過三多時又太飽食唔到！今次一定係食佢去到時人唔多，叫左等十分鐘到就有得食！因為即炸，所以耐小小叫左個$30 炸雞髀小辣以前係大埔成日食，隔左太耐冇食，食返係有回憶既味道！皮脆肉嫩夠Juicy 但始終都係大埔炸得好味d

附近開左間三多，大鄉里未食過三多炸雞脾，係...你無睇錯！我真係未食過。今晚仲要無人排隊，所以叫咗個二人套餐 $148 有兩隻炸脾、一個黑松露雜菌雞肉炒意粉、一個$25以下嘅小食、兩罐飲品。唐揚雞塊，我覺得都幾好味，份量都幾多，個炸粉本身已落咗味，所以好惹味，但雞塊就有點乾。招牌炸雞脾，都幾大隻！個炸粉都係已經有味，肉質都幾嫩，生炸雞脾我最怕肉質好鞋，一係就中間唔熟。但係佢隻雞脾係熟嘅，肉質亦好嫩口，但$30一隻又貴左少少。間中食下無甘肉赤。😆黑松露雜菌雞肉炒意粉 - 呢個我覺得反而有驚喜，一打開盒就已經聞到好香黑松露味，佢個味道都唔錯，而佢個份量一啲都唔少嘅，單賣$58 我覺得都夠飽，連男士都覺得呢個份量夠飽。👍以前真係以為三多得炸雞脾或者快餐類食品，點知佢個炒意粉都幾出色，我已經諗定下次試邊樣😅😅 不過今餐都真係好油膩，要抖一抖再食。間中試一下都無妨！值得食下🥰🥰