三姐松記糖水 (已結業)

哩間絕對稱得上老字號，以前幫襯比較多d，依依家真係好少返黎食，難得經過入去食返碗summer，有雪糕和雜果，生果仍然同以前一樣保持新鮮，雪糕就普通大路貨，冇乜特別

看似湯丸般煙靭的芋圓，已很想試很久了，但這款甜品易飽，所以飯後甜品都不會選它，適逢晚餐後不飽，終於一試。這甜品店也是第一次光顧，去這邊通常都入松記或貴族。這次就試試這店的宇治芋圓仙草凍。首先，綠茶雪糕球不細，味道沒什麼可評。其紅豆不是爛爛的，但卻不感硬，我認為非常好。芋圓很煙靭，內裏甜甜的。整體不錯。

記得中學嘅時候成日嚟食係一放學就走過來食相隔七年重回久地今次又同返中學同學別有風味啊叫咗一個D24榴槤班cake🤤正呀 一打開已經陣陣嘅榴槤香味好多榴槤肉再夾左啲白色嘅忌廉口感豐富 榴槤係非常之濃烈好味我就揀咗個薑汁燉奶杏仁皇熱辣辣新鮮 記得要攤凍一陣呢個糖水分為兩層上面係杏仁茶下面係燉奶燉奶好滑好香杏仁茶係好入味夏天咁鬼熱嘅食番個凍野朋友叫咗個甘露配雪糕 雪糕口味可以自己揀而佢揀咗個曲奇味呢個糖水好都配料一邊有芒果西米露 雪糕 䄂子 涼粉🤤 啱晒一眾高要求嘅食客

今天參加兩棲及爬行動物保育節在綠在深水埗舉行的工作坊。活動完了時間尚早，吃過下午茶餐後在深水埗一帶逛街，之後行經元洲街一間糖水店被店外多幅甜品相吸引著，看到價錢又抵食，於是決定來個正餐😝我一如往常地一人吃了兩份甜品。南北杏木瓜燉雪耳 $29木瓜很清甜, 雪耳的腍度適中, 口感潤滑, 前幾天開始有點秋燥的感覺, 吃了之後頓時覺得滋潤無比.法式焦糖燉蛋 $42作為主角的燉蛋很香滑又不會太甜, 面層的焦糖脆身惹味而作為配角的青檸雪芭也不輸蝕, 有意想不到的清新感覺朋友則點了楊枝甘露 $28很足料，我試了一啖，芒果鮮甜，西米有咬口這間甜品的款式很多元化, 有中式有西式, 有熱亦有凍, 還有小食如雞翼以這價錢可以享受這高質素又用心製作的甜品，很滿足，以後行完嘉頓山可以有個開餐的地方了。😋

和朋友吃完晚餐，到了這家港式甜品店，有不同款式的糖水。店內環境舒服，有一些簡單的佈置，很活潑的感覺，令人放鬆心情。點了三個甜品：🍨榴槤處處 $58包括三款甜品：D24榴槤雪糕+班戟+紫米露，店主自家製的，榴槤味濃郁，班戟皮夠薄，多重口感。愛榴槤的人，一定要試。🍠芋圓丸$38芋泥+芋圓地瓜圓+紫薯圓+芝麻湯圓+西米+薏米，好多材料，煙煙韌韌的口感，而且有芋泥做底，幾特別！🥛椰皇蛋白燉奶$38熱熱的燉奶好濃厚，奶味充滿，椰皇肉亦可以刮出來吃，好豐富啊！這個價錢好抵食！

作為一個芋圓控, 每見邊度有新芋圓我就去試, 家陣芋圓周圍都有, 喺舊松記食過覺得難食, 就試吓三姐松記如何......試咗兩次, 一冷一熱。宇治芋圓仙草特盛 ($35) 好大一碗用料很豐富, 宇治係指個綠茶雪糕球, 都係外來貨沒什麼好comment, 仙草都係正常質地味道, 紅豆甜度適中, 至於芋圓, 沒menu中咁多粒, 好似只係三隻色每款一粒, 但就係平日出面食的size既double甚至更多~咬開裡面會有芋頭/蕃薯肉, 幾特別, 但就略嫌過un, 不過我就未食過咁大粒, 芋圓控朋友都可以一試~薑汁芋圓第二次食回基本的版本, 比上次細但都係好大粒, 睇圖都見到有芋頭/蕃薯肉, 幾特別, 而且可能因為係熱食, 咬口無凍食咁硬實, 但薯粉比例應該可再調較改善會更有QQ口感~ 薑汁都係唔夠濃, 不過呢個價錢算還可以吧~

話說有一日下午，本小姐一月一次女人痛，好想坐低食d熱野同甜野，於是走左入三姐，叫左碗番薯糖水加芋圓。這味道就是幸福的感覺，夠薑！芋圓夠Q！一次過滿足我的願意。 當日是下午 3,4點，舖頭無咩人，坐幾耐都得。其實呢間店傳統糖水好出色。芝麻糊都好多人讚。 如果要去綠林，真松記，不如比個機會試下呢間啦❤️❤️

誤打誤撞黎左呢間甜品店, 由於仲係晚飯時段, 所以店內客人仲未有客人, 入到去基本上可以任坐  牆上寫住左熱評如潮嘅 Openrice 必食甜品: 綿綿冰類 & 榴槤類｡ 由於呢兩款甜品都唔係好啱我食, 所以我就直接睇 Menu 翻開 Menu 第 1 頁, 有個甜品店嘅簡單介紹, 原來佢嘅甜品全部都係現場製作, 唔係工場交黎, 搞到我開始有 D 期待 芋圓控嘅我, 當然唔會錯過食芋圓甜品嘅每一個機會啦 芋圓丸 $38 $38 黎講, 雖然喺深水埗唔算好超值, 但對於我黎講, 呢碗甜品真係夠晒抵食, 因為佢非常足料  有芋泥、芋圓、地瓜圓、紫薯圓、芝麻湯圓、明珠 & 薏米, 簡直就係大集薈 成個甜品由於有芋泥嘅關係, 所以食落去嘅口感會比較 “傑” 身｡ 佢 D 芋圓 Size 比平時出面食嗰 D 大粒好多, 差不多同粒湯圓一樣大, 果然唔係工場交黎嘅貨色, 而且芋頭、地瓜 & 紫薯味道非常濃厚, 我相信芋圓迷一定會超鐘意呢個甜品

要數好食又平的甜品非三姐松記糖水。雖然它位於深水埗，但一d都唔輸一般的甜品店。座位多，未到晚飯時候，所以好多位。餐牌上的甜品種類好多，有熱有凍，任君選擇。因為甜品唔貴，所以我一個人都決定要食兩個。清甜椰皇凍$38如果是夏天的話，Jane一定是凍食。以清甜無比的椰汁加上如白玉般柔滑清爽的椰肉。果凍如jelly,但有好濃郁的椰汁香，加上花奶，簡直一流。南北杏木瓜燉雪耳$29『南北杏銀耳燉木瓜』可說是廣東料理中經典的甜湯。整個甜品非常滋潤，木瓜的份量好多，甜度適中。

紫薯西米拼芋圓 $32材料: 新鮮紫薯+蕃薯圓+芋圓+紫薯圓+紫薯西米露。紫薯煮得剛好，夠腍又唔會散。蕃薯圓+芋圓+紫薯圓全部大大粒，全部都好夠味、好Q彈。成碗糖水甜度剛剛好。芋圓丸 $38材料: 芋泥+蕃薯圓+芋圓+紫薯圓+凍芝麻湯圓+明珠+薏米薏米有咬口，配埋濃郁芋泥、蕃薯圓、芋圓、紫薯圓、芝麻湯圓、明珠一齊食，味道好夾。甜度剛剛好。糖不甩 $14即叫即煮，熱辣辣。椰絲、花生碎，份量好多。好好食。今次係咁啱路過嚟食。但其實值得專程嚟食。

食完晚飯，總係想食糖水。今晚就係深水埗食左糖水至返屋企。糖水鋪中西式糖水都有，我就要左消暑解渴嘅西瓜涼粉，西瓜多汁又涼浸浸，涼粉切粒，好爽。食甜品總唔可以錯過食心太軟，朱古力心太軟流曬朱古力醬出來，濃濃嘅朱古力外表脆脆地，內裏軟綿綿，濃郁得來又唔會太甜。熱辣辣嘅心太軟配凍冰冰嘅，人總是中意食甜野，再order 多一份焦糖燉蛋先、焦糖香脆，蛋又滑滑再加上冷冷的雪葩，令我今晚十分滿足，下次食糖水，再試下其他先

晚飯後，當然係時候啟動另一個胃啦！店內環境不錯，枱與枱之間濶落，坐得舒適，店員亦非常有禮貌，加分。三姐松記的甜品選擇非常多，有凍食的，有熱食的，有傳統的紅豆沙芝麻糊等，亦有新派的班戟，心太軟等，還有雞翼等鹹點，啱晒不同人的口味。而我就叫了一個令人喜惡分明的甜品 – 榴槤處處。榴槤處處好似出奇蛋咁，一次過滿足三個願望，因為一個甜品，有三款不同口味，正。D24榴槤班戟，忌廉與榴槤肉比例一流，榴槤肉又香又甜又美味，而且份量亦多；D24榴槤紫米露，榴槤肉同樣又甜又美味，紫米露的質感不杰身亦不過甜，我鐘意；榴槤雪糕，啖啖榴槤味，將榴槤整成雪葩，感覺好清新。整個甜品的配搭一流，絶對推介比鐘意食榴槤的人。然後叫了一個清甜椰皇凍，原個的椰皇配上新鮮椰皇水整成的椰皇啫喱，令人賞心悅目。以椰皇水整成的椰皇啫喱，清潤得來又美味。我們還叫了一個比利時朱古力心太軟配益力多雪糕。心太軟賣相美麗，朱古力香濃，心太軟亦有流心，配上清新的益力多雪糕，非常配合。

今日同朋友嚟深水埗買電子零件，行行吓見到一間人多嘅甜品鋪，就一於入去食個下午茶。南北杏木瓜燉雪耳 ($29)中式糖水往往係食甜品嘅時候比較健康嘅選擇。木瓜雪耳呢個配搭我好鍾意，好潤喉。好多木瓜料好足，而且唔會太甜，正！特盛宇治芋圓仙草凍 ($35)有煙癮嘅芋圓同埋滑嘟嘟嘅仙草凍，啱曬我胃口。芋圓雖然得幾粒但係好有嚼勁。紅豆嘅量好多，同綠茶雪糕簡直係絕配。巨峰提子綿綿冰 ($45)綿綿冰份量比較大，適合幾個人分享。巨峰提子味幾特別。開頭聽見只係得朱古力或者士多啤梨味醬汁揀覺得好似會唔夾，點知又唔錯，好似雜莓咁！配料種類多，有芒果、水晶涼粉、qq同埋紅豆。甘露配雪糕 ($34)所謂甘露就係平時食嘅楊枝甘露，有芒果同西米嘅甜品一向有保證雪糕口味方面，益力多雪糕果然無揀錯，yakult味超濃！

朋友話深水埗嘅野特別平，所以趁着假期我哋幾個女仔就去咗行下，睇下尋到咩寶。原來呢度物價真係比其他地區低！晚飯過後隨意入咗間甜品鋪望見餐牌大部份選擇都只係$30以下好驚訝。奇異果水晶涼粉 - $26呢款甜品唔係好甜感覺比較健康唔太heavy。水晶涼粉外表似變咗透明嘅涼粉，但係口感似啫哩多啲，雖然無咁爽但係咬落幾得意，有少少椰水嘅味道。奇異果唔會太酸，估唔到同椰汁都幾夾喎！南北杏木瓜燉雪耳 - $29呢個係養生之選，想潤一潤就要揀呢個啦！平時食開熱，但係因為天氣熱所以揀咗凍嘅，係另一番滋味。瓜肉甜美，糖水食落都好清甜！法式焦糖燉蛋配檸檬青檸雪芭 - $42我哋幾個都好鍾意食creme brûlée，所以食完先經過唔記得影相，淨係得返完好無缺嘅雪芭⋯⋯青檸味酸酸媚媚好開胃。creme brulee面嘅焦糖幾脆身，custard蛋味香濃。總括來講呢個價錢食到呢個質素嘅甜品好滿意！

食完個晚餐，我同老公都唔係太飽所以我哋走咗去食糖水榴槤處處，啱晒我呢個榴槤迷，第一啖食咗紫米露上面嘅榴槤蓉，好重榴槤味，超正，食完個口腔完全充滿榴槤嘅香味旁邊嘅榴槤pancake都好食，混合忌廉再加榴槤蓉，完全係食咗榴槤嘅精華旁邊嘅雪糕佢俾咗椰子雪糕我，不過唔緊要啦，椰子味好重，好香特盛仙草凍，老公想食啲煙煙un un嘅糖水,所以點左芋圓、我都試左一粒，都好大粒，佢嘅雪糕可以轉口味㗎擂沙三拼湯圓，有晒芝麻，花生同埋奶黃味各兩粒，我最鍾意花生味，沾上上面嘅花生一齊食，好有口感