三姐松記糖水 (已結業)

打完波，經過這店舖見到個甜品好吸引，同朋友二人坐底食潤一潤喉。選了清甜椰皇凍椰皇size 小巧的骰，好 cute, 打開個蓋有淡淡椰香散出， 面層加了花奶， 椰凍呈透明色，入口爽滑清香， 甜度適中， 非常可口，食完感覺好滋潤另一個薑汁燉奶口感和外觀就不及椰皇凍了， 蒸得時間過久，面層皺皮龜裂，有薄薄結晶體，雖然薑汁味濃，但好甜，唔合格！

為左幫老公BB買野，黎到深水步，呢區平時少黎，好在叫埋個好姊妹一齊黎，否則會悶死。路經呢間甜品店，好姊妹話想食甜品，女仔當然係甜品控，未去試下，順便入去坐下。有人話呢間唔係咁好食，計我話就要試過先知。姊妹都幾傳統，幾鍾意中式甜品，要左個凍芝麻糊，我就要個紫米露加雪糕，而且仲要係綠茶味。芝麻糊當然好快就有得食，姊妹話唔算太甜，芝麻味好香，好芝麻喎。我既紫米露加雪糕，好快都有得食，紫米都幾有咬口，又唔係好硬，雪糕都算甜，綠茶味唔及好有既，不過都算唔錯。好姊妹話想要多過湯丸，但又怕食唔晒，話同我開心share，其實佢怕肥者，點知佢話要個紫薯湯丸，聽落又幾吸引。咬落又幾香紫薯味，中間都係紫薯，又香又甜，真係幾唔錯喎。食落又幾唔好味，下次定要帶埋老公BB一齊黎。

人情味濃的甜品深水埗多糖水店就眾所皆知，但特別在不是連鎖式，是小店經營獨一無二，三姐就是個例子。清甜椰皇凍原個椰皇的甜品，保證原汁原味，椰皇凍不會太死甜，相信甜味是源自椰皇本身居多，沒後加太多糖水，份外清甜，果凍的口感很好，不太林身也夠企身，最後當然不放過椰皇邊的果肉喇！芒果腸粉沒看錯，和真腸粉有九成相似，餡料原個芒果厚切，新鮮果甜的衝擊！腸粉皮是椰子味的啫喱，椰子撞芒果相信沒人會懷疑當中的配合度吧哈哈。薑茶芋圓豆花薑茶薑味超濃，餘韻非常夠，芋圓甜甜的有咬口，豆花清淡的甜，兩者互相配搭，最後還有雪糕球，整個甜點非常有層次，一層一層層遞上去。

今晚於深水埗與朋友吃完晚飯，朋友說想吃甜品，我們就選了這間三姐松記糖水。雖然店鋪不選太大，但外觀感覺舒服，吃甜品都是想開開心心，舒舒服服地吃。我與朋友共點了三款甜品：榴蓮處處($58)，芒果班戟（$30） ,椰王蛋白燉奶（$38）。榴蓮處處：有三款美食，有榴連班戟、榴連雪糕、榴連紫米路。鍾意食榴槤的你，真的不要錯過，榴槤雪糕特別好吃，很有榴槤味，榴槤班cake內有很多榴槤。芒果班戟：一切開，差不多三份二都是芒果，忌廉份量不多，而芒果尚算新鮮，凍凍的，配合很好👍🏻。椰王蛋白燉奶：鮮奶燉得很滑，又有椰王肉在裡面，來的時候很熱，如果冬天很凍時吃一口，一定很溫暖啊！

芋圓丸($38)非常足料 有薏米 大粒西米 芝麻湯圓 三色芋圓 紫薯蕃薯芋頭味 芋圓超級in en 芋頭味的裡面還有小粒芋頭 不過除了甜味 吃不出有三種材料的味道還有就是芋頭泥 不會太甜 芝麻湯圓就是普通超市賣那種我自己就挺喜歡 已經去吃了幾次 因為份量大 不建議吃得很飽後才去吃

行過見到有心太軟，所以口痕痕入去試下。有兩款心太軟，一款是普通的朱古加味，另一款是Baileys朱古力，平時食得多朱古力，今次試下呢個Baileys有咩分別，落左單後都等左幾耐，差不多十五分鐘，因為是即叫即焗，夠哂新鮮。味道方面，比普通朱古力苦，不算太甜，但唔係我仲意食個種味道，不過有流心，下次都係叫返普通朱古力味好過。

雖然9月都到尾聲，但天氣仍然係咁熱🙄今日陪個朋友出深水埗買燈籠，由深水埗向長沙灣行，行左一個鐘已經熱到想涼冷氣坐下🙈，咁岩見呢間面積比較大、坐位比較寬闊，門面感覺又幾親民既糖水舖，決定入去一試。選擇正確😎，冷氣非常充足，即使後尾黎左幾班客都重有位坐唔洗食完即刻要走由傳統好普通既糖水、到精緻甜品都有叫左個熱既椰皇蛋白燉奶口感比賣相來得滑、蛋白同椰味平衡得唔錯意大利伯爵奶凍配曲奇雪糕$35奶凍好滑口，配上脆餅碎口感更豐富朱古力心太軟配香芋雪糕$48朱古力好濃味、夠流心、心太軟入口唔會感覺好粉有水準之作

是日去深水埗買做手作的材料，lunch後又去三姐松記食糖水。三姐款式又多又新穎，而且很合我口味。正值夏天，當然要點當造的D24榴蓮班戟。再來一個解暑椰皇凍同一個芋圓丸！榴蓮班戟入面塞滿榴蓮、pancake皮又薄又滑，配上適量cream，榴蓮粉絲必點榴蓮味超濃夏天動不動30度，椰皇凍亦是必食。裡面啫喱口感似大菜糕，用上新鮮椰皇水做，加上花奶又香又清甜！男友的芋圓丸都非常不錯，𥚃面十分足料，除芋圓丸，更有番薯丸、薏米、明珠，湯丸等。芋圓丸又大粒又煙靭，配上香芋泥，很有台灣夜市感覺三姐多年來質素依然，價錢又街坊，抵讚👍🏻👍🏻

住在深水埗多年，附近的甜品舖越開越多，但質素參差不齊，唯獨是三姐松記多年不變，味道依舊。芒果出奇蛋芒果班戟內有很多芒果肉，芒果香甜不酸，外層的蛋皮很薄，帶點煙韌，甜而不膩。楊枝甘露酸酸甜甜，是夏天最喜歡吃的甜品，非常開胃。芒果雪糕味道濃郁，是三款中較普通。特盛宇治芋圓仙草凍分別有紫薯、蕃薯及芋頭味的芋圓，三者都非常煙韌彈牙，裏面還有一點肉粒，而蕃薯味芋圓帶有比較多甜味，紫薯味較香，非常qq。椰汁紅豆底比較甜，建議可以有減甜版，紅豆煮得很腍，涼粉又爽又凍。雜果三色涼粉生果有西瓜、奇異果及芒果等，全部新鮮有天然甜。下面是黑色涼粉、白色椰汁糕及透明水晶涼粉，全部都又爽又彈，加上椰汁甜品，夏天吃絕對消暑。總結：甜品款式很多，雖萬變不離其中，但那份堅持同執著不是每間甜品店能吃到的。

中學時在SSP讀書，大部份同學都是在附近住，記得第一次食三姐時，是跟同學們做完project 後，大家一起去食個甜品開心下，傾下計，當時甜品款式並不多，但隨著時代變遷，甜品的款式令人眼花撩亂，今日經過，三姐都跟隨著時代步伐，甜品中加入了不少新元素去迎合年青人口味。芝麻糊一上枱已經很香，質感濃稠，芝麻味濃郁且幼滑，不會太甜，做得不錯。Baileys朱古力心太軟配綠茶雪糕下單後等了十五分鐘，即叫即焗，所以心太軟上枱時依然帶暖，綠茶雪糕是我最愛，綠茶味香且滑，應是A字頭品牌的出品。心太軟一切開還很流心，朱古力味濃郁，苦澀味很重，但甜味較少，適合不喜甜食的我，外層心太軟香脆且鬆化，值得推介的甜品之一。榴槤處處由三款甜品組成，適合喜歡食榴槤又有選擇困難症的朋友，一次過可以試到三款口味。D24榴槤班戟，裏面啖啖榴槤肉，餡料十足，榴槤味濃郁，雖壓了蓉，但仍然咬到一點榴槤肉粒，整個口腔都是榴槤味，是三款榴槤中最好味的。D24榴槤紫米露，只有一pat 榴槤放在面，紫米露煙煙韌韌，味道不錯。D24榴槤雪糕榴槤味比較淡，奶味較重，是三款中比較無咁特別的。總括而言，懷舊式的甜品依然好味，潮式新品以榴槤最突出，

都等咗好耐先到，幾細隻，用料簡單，但幾好味之前亦都有試過呢度既芋圓，較一般既芋圓大粒，但勝在有咬口，而且香芋味的芋圓包住香甜軟熟的芋頭，熱熱地既芋圓再配埋凍凍地既忌廉奶真係very good!!用忌廉奶做底好味過用花奶好多！！！

喺深水埗食完晚飯，本身已經諗住搭車返屋企，行行吓見到有糖水舖，男人又扭計食糖水，好啦，捨命陪君子，一於就大無畏增加卡路里陪佢食一食啦。餐廳店面裝修簡潔明亮，以白色為主題，感覺乾淨清新，牆身掛左好多唔同地方嘅風景照，有希臘亦都有日本嘅櫻花，睇住真係覺得好舒服令人心境平靜放鬆。而且在鋪頭不斷咁播住一啲舊歌（例如陳曉東）即刻覺得回到以前嘅學生時代放學去食糖水咁可能時間尚早，未見到有好多客人，但係一路食已經有人不斷入嚟買外賣，生意好似都唔錯。而餐牌選擇都唔少。木糠布甸木糠布甸超級creamy, 忌廉味重，瑪麗餅亦都冇過淋。層層分明，份量都算多，都幾抵食法式焦糖燉蛋配青檸雪葩焦糖表面燒得脆口，燉蛋入面嘅雲呢拿味道好濃郁，青檸雪葩令人覺得好新鮮，食燉蛋感覺太甜膩時正好用雪葩壓一壓，相得益彰。意大利伯爵奶凍配益力多雪糕奶凍奶味濃郁，亦透出絲絲嘅伯爵茶香味，益力多雪糕好特別， 酸酸甜甜，口感過癮。

今晚同朋友仔食完飯未夠喉，再去食糖水。朋友叫咗個益力多綿綿冰，賣相唔錯，不過個綿綿冰只是有很淡的益力多味...有些失望。我就叫咗特濃朱古力心太軟加益力多雪糕,心太軟的外層比較硬，一刀切下，朱古力醬流得太利害，明顯內𥚃的朱古力太稀了，如果濃番啲會比較好。益力多雪糕就真的令人失望完全是淡而無味，好像是一個淡淡的益力多冰球，完全不似雪糕，無奶味又不幼滑，早知換其他雪榚。朋友另外叫了些甜品賣相也不錯，味道不過不失。

三姐松記糖水 since 1994 有註冊商標唔好去錯呀。以前讀city 嘅fd子想當年成曰幫襯三姐松記糖水架。而家甜品嘅選擇多左好多，三姐真係與時並進。芋圓丸 $38見到有芋泥即刻心心眼，成碗都係芋泥起晒沙，芋圓真係有粒芋頭喺裡面，仲有紫薯圓，幾QQ。凍芝麻湯圓其實有少少暖，流心芝麻，皮都算薄，不錯。第一次食明珠，口感幾特別。聽講食薏米去水腫又美白，幾夠稔。成碗糖水除左粒湯丸之外都好清淡，好似幾健康。Baileys 朱古力心太軟配益力多雪糕 $58香濃朱古力加上Baileys好特別，真係食到baileys味，唔係求其落啲咖啡扮baileys。益力多雪糕有雪皅感覺好清新，配濃味嘅心太軟有中和作用。芒果出奇蛋 $48芒果班戟cream好滑，內有大粒芒果，好甜。楊支甘露底層有西米露，自行攪拌，比平時楊支甘露冇咁杰，甜度適中。鮮芒果雪糕應該係自家制，特別creamy同芒果味好真。特別一提，男店員態度非常好，笑容親切，仲主動問我地d 甜品啱唔啱食，今時今日好少咁好服務。

最近茶餘飯後最多人討論的，莫過於丸龜製麵以天價十億收購譚仔，當網民笑著將來土匪雞翼可能會改名做泥棒手羽先，譚仔die hard fans以後可能只可在三哥處才能尋回譚仔的味道。無獨有偶，分家後的松記叫三姐松記，又是排第三。坦白說，我一直只知道有松記，而不知道有三姐，但自從近年松記水準開始低落，我已多年沒有光顧，唯最近在深水埗食完晚飯，求其找一間糖水店坐低食個糖水，竟然啱啱遇著剛剛，讓我巧遇三姐。＊＊＊＊＊＊＊＊＊＊＊＊＊＊＊＊＊是晚八點多已經食完晚飯，亦未到糖水店黃金時段，所以店內只有幾枱食客。有別於印象中的松記只有涼粉、刨冰和中式糖水，三姐還有窩夫、芋圓、榴槤甜品和小食提供。芒果出奇蛋($48)愛吃榴槤的我們原本想點榴槤處處，但可惜售罄唯有轉點芒果。左至右分別是芒果雪糕、芒果班戟和楊枝金露。芒果雪糕雪糕雖然不是甚麼貴價貨，但雪得都夠凍，芒果味都香。芒果班戟班戟皮夠薄，入面甚果肉和忌廉各佔一半，忌廉幼滑，與微酸的芒果非常相配。楊枝金露楊枝金露雖然細細杯，但除了西米外，都幾多碌柚和芒果肉，入口沒有澀味，味道不錯。紫薯牛奶冰($33)紫薯牛奶冰呈香芋紫色，入口都幾重紫薯味，飲得出有紫薯肉，