三寶勝上海美食

营业中

休息中

又係老公帶我搵食黎到三寶勝食傳統上海菜，選擇超級多，多到唔知點揀最後好花心咁叫咗勁多嘢本身叫咗排骨擔擔麵，點知又見到改良擔擔麵，就順手問咗句係咩，侍應答加咗肉碎我以為係排骨麵加咗肉碎（因為比排骨麵都貴差唔多$10），所以就轉咗做改良擔擔麵點知一上枱，我塊豬扒呢？😧侍應話呢個就係改良擔擔麵，於是我就唯有再加排骨，$8貴成$20 先得到我嘅肉碎+排骨擔擔麵，真係有點失望🥲講返個麵，麵好煙韌，好有口感，可惜花生醬味唔夠香、濃點撈都好，都要食到有花生醬嗰啖先有花生味，完全掛唔到喺啲麵度，呢一part 有啲遜色排骨炸得酥脆，但係入口有少少苦，唔知係咪油嘅問題？🤔🤔🤔唔計呢一點，個排骨係唔錯嘅但下次黎，我只係會叫排骨擔擔麵，唔會加佢個肉碎🥲小籠包師傅就喺我哋旁邊搓，見到都覺得好食個皮夠薄夠煙韌可惜做唔到可以喺中間吸啲湯汁出黎同埋湯汁都冇乜，勉強合格酸辣湯雲吞上枱好夠熱，睇張相就知道，連蒸氣都影埋出嚟個雲吞皮夠煙韌、厚薄均勻，餡料都算充足，size 正常可惜個湯偏酸唔夠辣，對於我咁鍾意飲酸辣湯，呢碗差咗少少🥲湯料好足，好夠飽👍🏻豆沙窩餅去食上海菜必點餡料充足，外皮煙韌可惜太油同唔算好脆但餡夠多都叫做

這是一家位於大埔舊墟的舊式上海店，味道不錯，所以間中都會專登去幫襯，因為衣家真係好少見呢一種舊式的上海小餐館。一坐低即刻叫咗個小籠包先，因為佢地即叫即蒸，所以如果想食就叫咗先，然後先至慢慢揀其他野食。另外叫咗個上海粗炒麵，都幾好食，唔太油，係舊式上海舖的味道，佢個汁、菜絲、肉絲再加埋個粗麵都真係無得頂呀。最後叫了一杯豆漿，唔會好甜，真係幾好。

就係鍾意舊式上海舖嘅懷舊味道所以呢間店啱晒口味同心水，加上衣家呢種舊店真係買少見少，所以見到有就真係要幫襯一下。兩個人唔係食到好多野，叫咗以下三樣野食：上海粗炒麵甜鹹適中，唔會太油，啲肉絲同埋菜都算新鮮，都幾多菜，肉絲的肉質幾好。小籠包一籠五隻，即叫即蒸，好大個口嘅我可以一啖一個，女士們可能要兩啖，啲餡都幾好食幾新鮮，入面D湯唔算多，不過食嘅時候都要小心。雪菜肉絲炒年糕啲年糕比較淋，有啲黐牙，雪菜絲肉絲同埋筍絲都唔錯，幾好食。

一班朋友大埔相聚當然要試下大埔名物啦講緊嘅唔係劣食/偽名物而係呢間Hidden gem嘅上海菜館家庭式嘅上海菜館近年買少見少區內呢間真係非常高質強烈推薦大家入開嚟可以試下- 酸辣湯- 鮮肉小籠包- 生煎包- 棒棒雞- 回鍋肉 (客飯)- 糖醋班腩 (客飯)- 菜飯 (客飯)- 豆沙鍋餅- 擂沙湯圓

今天試了一家家庭式上海菜，價錢超值，味道也不錯。小籠包一籠有5粒，入面嘅湯唔算多，皮算係薄嘅。什錦炒年糕的什錦包括有雞、雞腎、黃牙白、肉絲及火腿等，年糕好食，係覺得太多汁。酸辣湯好足料，入面有豬紅、肉絲、菇絲、筍絲等，是舊式上海店的味道，用嚟點銀絲卷食好正。菜肉雲吞是厚皮的北方雲吞，好食。排骨擔擔麵的麵很彈牙，個湯的花生很香，排骨(即炸豬扒)沒有油益味。甜味叫了豆沙鍋餅及擂沙湯丸，兩款都好食。另外想講嘅就係杯豆漿都好好味。

是日光臨大埔墟，經友人推介下光顧了一家在地上海老店，物超所值。上海菜中特別喜歡上海粗炒麵和小籠包，是必點項目，然後再加了酸辣湯與及上海菜肉雲吞，很是豐富。這店的上海粗炒麵有很多菜，很喜歡，其汁也很好，不會太甜。小籠包的味道則只屬於一般水平，一籠有五個，皮很薄，屬於大粒的小籠包。酸辣湯很好，顏色是啡色的舊式上海風味，酸和辣達恰到好處，湯料十足，有肉絲豬紅絲及豬肚絲等，如配蒸銀絲卷理應更美味。菜肉雲吞也不錯，餡料新鮮，沒有雪藏的味道，很好。

地道小店風味加人情味等如好好味。聽講此店已經開了很久很久，支持者亦非常多，時常要排隊等位，今天幸運地等了才五分鐘就有位，真開心。到上海食店特別喜歡點上海粗炒和小籠包，因為總覺得如果這兩款地道食物如果都做得不好，便不應該做上海菜館。這家的很好吃，不過上海粗炒似乎偏甜了一點，不過亦好味道。至於小籠包有點大顆，它的皮很薄，而湯汁亦美味非常，配上凍豆漿就完美展現一餐很好吃的上海午餐，如果下次再去，想試一試它的酸辣湯和炒年糕。

很久沒有吃上海菜，因往時去的上海飯店已經沒有經營及因區內比較少，現在找到一間不錯的。午後時間，來到了這店，因疫情關係，人不會很多，很快就進去了，一行二人點了：—小籠包—時菜獅子頭 —炒鱔糊 一來店員給了兩碗湯，湯份量不少，湯頭濃但不是味精水，不錯的。小籠包皮有一點厚，但又不會影響口感，湯汁夠味，可吃！時菜獅子頭（客飯）有兩碗飯的，菜量和肉量很多，肉可以一大口吃，吃得過癮，炒鱔糊性價比很高，鱔多芽菜爽口，醬汁很好下飯，兩大碗白飯也吃光，值得一吃。這個價格有這樣質素真的很不錯！推介！ 

每人平均消費50元以下是不對的，但食物水準是可以，種類也多選擇，不過四隻鍋貼已收37，抄麵一碟接近70，客飯價錢也差不多，格局只是親民且偏向殘舊，整體價格是偏高。

肥沈我住大埔十多年，竟然依家先來幫襯這間上海小店，一試之下，覺得美味可口，可以再來！但大前提是，肥沈我建議大家為了健康著想，請於落單同時要求廚師少油少鹽啊！因為肥沈一族第一次來吃午飯時，就是覺得『很有上海小菜風味』，即是重鹽多油啊！但第二次再來吃午飯時，因要求少油少鹽，結果不失其美味之外又更加吃得健康啊！肥沈我個人好喜歡吃上海小菜，尤其是小籠湯包、紅油抄手、炒鱔糊等等等等⋯⋯，再加一杯不太甜又不太凍的美味豆漿，就是一餐超正的午飯了！最後，希望疫症早日消除，香港回復原狀！

夜晚係大埔覓食。本身想試附近一家有名的菜館，可惜人太多無緣。命運既安排下，我地走入呢家上海菜館~外表平凡，味道非凡！ 小籠包5只 ($39)。即叫即蒸，皮薄餡靚。一啖咬落去，肉汁已經流出。絕對不失望，令人一試再試！ 韭黃炒鱔糊 ($78)。師傅火候控制得十分好！剛落單就聽到廚房傳來丈火爆炒既鍋氣聲，真係令人滿心期待。上碟既韭黃爽脆無渣，鱔肉亦完全無腥味！食左第一啖，即刻叫左個白飯。真係回味無窮！ 醉雞 ($78)。上海另一名菜醉雞，食落有少少失望。雖然雞肉嫩口，但酒味偏淡。比較廚房熱炒的鱔糊有點被比下去。 豆沙鍋餅 ($43)。豆沙餡香甜不膩。雖然餅皮有點兒厚，但整體而言都是值得推薦的！

例牌黎三寶勝，例牌嗌小籠包，例牌好多肉汁😂😂這個不多說了今次試試個鱔糊撈粗，鱔糊份量好多，每夾一啖都有一條鱔糊係入面，個粗炒好夠鑊氣，加埋好多芽菜食落好爽總括三寶勝有好多東西都挺好吃的

三寶勝啲小籠包 真係冇得輸爆汁 皮夠薄 肉餡鮮味炸銀絲卷 點煉奶酸辣雲吞 呢個又係好好味啊 勁足料 木耳豆腐 加埋啲雲吞 有成四五粒咁多 一個人係食唔哂成碗的！！！總括呢間雖然小店 平時經過完全唔覺眼 但係入面啲食物都有水準的

💏之前放假去香港鐵路博物館影相📸✨影相之前梗係要食野先🐷一路等位一路見到師傅包小籠包😯好吸引😍😍😍😍（師傅好忙🙈包蒸出菜都係佢）-小籠包 (5隻) $37即叫即包😍皮薄多汁肉汁無出貓加粒湯粒去包🐱真材實料🥟窩貼都係即包架-炒鱔糊 $58Lunch超抵‼️連兩個飯🍚🍚加豆漿係兩個飯呀👫兩個人都夠食黃鱔仲好彈牙好多舊-豆沙鍋餅 $41紅豆餡爆哂出來💢🙊唔會好油但唔夠脆紅豆好綿，唔會太甜-‼️做街坊生意要搭枱

一間位於大埔舊墟的老式上海飯店。 呢度嘅客飯套餐其實幾抵食，不過我哋人多，就散叫咗好多唔同嘅餸。炸銀絲卷，個面炸得燶咗少少。點煉奶食，小朋友至愛。砂鍋雲吞雞，失望之作。湯好淡，跟清水差不多，雞油浮晒上面。松樹黃魚已是比較好的菜，汁酸咗少少。小籠包同鍋貼，無肉汁。三鮮炒年糕，啲年糕唔知咩品種？質地好粉，一啲都唔煙韌，同出面差好遠。擔擔麵，麻醬開水做湯底。豆沙鍋餅，個皮一啲都唔脆，外皮太厚，林晒。總括嚟講，呢度嘅食物同真正上海菜的味道差很遠。