三希樓 (已結業)

復活節梗係四圍去玩㗎啦，今晚朋友想去睇時代廣場嘅小飛象，咁我哋順便喺食通天度搵嘢食。行過三希樓見到啲川菜好似好正，睇過Menu見到有酸菜魚同埋桗椒魚頭好想試吓。一入到黎會比兩個小菜我哋食，小菜都唔錯。由於本身嘅目標係魚頭，所以即刻落單叫咗個魚頭。佢有分$458同埋$258。問咗侍應佢哋話$458嘅魚頭係會多左一邊魚頭， 同埋魚頭嘅大細會大啲，同埋佢哋所用嘅辣椒會係野山嘅。由於個魚頭嘅份量都幾大我哋就唔叫酸菜魚呀，轉左叫泡椒田雞，成餐我最滿意係呢個田雞，田雞嫩滑，又入味，好少係香港食到嘅田雞咁好食。另外係侍應嘅大大推介之下我哋都叫咗個流沙包，一搣開佢勁多汁流出嚟，不過不得不說佢哋嘅流沙包真係整得幾好食。個紅油抄手都幾好食最後我哋都叫咗一個杏汁燉白肺湯$88，呢個我就唔太推介啦，川菜館都係食返啲辣嘅嘢好食啲。

時代廣場16樓有個特賣場，有幾間大牌子的消閒時裝、運動裝賣，逛了半句鐘便掃了唔少心頭好。之後，便落去食通天搵嘢食。去了11樓的三希樓，閒日都坐到九成幾滿，非常旺場。食客可以選擇吃火鍋又或選擇吃小菜。這裡主打四川口味，對本人來講，比較少吃。今晚來到，一於吃番幾個必吃菜式。有兩款小食提供，麻辣鴨腎辣得嚟好惹味。叫咗一個【麻婆豆腐】。豆腐好滑，裡面有少少肉碎，味道唔算辣，但係就非常香。用來撈白飯一流。再叫咗一個【家鄉燒白】，即係廣東人食開嗰種梅菜扣肉。扣肉肥中帶瘦，入口即溶，食落唔覺肥膩。而甜梅菜用來撈飯又係一流。最後來多個四川擔擔麵。相對剛才的麻婆豆腐、扣肉來講，擔擔麵就麻辣了許多，亦吃得出這就是四川的特色口味，真心好吃。

要食到正宗四川擔擔麵唔太容易，今日機緣巧合，遇著黃雨，索性上去食通天食嘢，順便避雨。嘩! 人山人海，好彩一支公唔難攞位。坐低就有兩款前菜，麻辣竹筍鴨腎都幾夠辣，個胃當堂醒晒。呢輪工作壓力大，成日頭赤赤，可能頭風多，所以特別叫咗個 “川芎天麻燉野生大魚頭湯”。個湯足料味道好，川芎天麻等藥材味強烈，魚頭燉到骨都可以食埋，好正!再叫咗個 “椒鹽排骨架” 同埋 “正宗四川擔擔麵”。排骨架上邊係細排骨條，味道惹味，連啲軟骨都可以食埋。另外伴碟的紅油刀拍青瓜，爽口得來又有點麻辣。食完細骨次後，就可以處理埋個骨架，有好多肉食的。擔擔麵的麵質好幼滑，湯底非常正宗非常麻辣，唔似得詠藜園嗰種太多花生醬。因為碗麵都幾麻辣，所以要飲番杯冰凍啤酒，爽呀!

第一次幫襯三希樓的水煮魚驚為天人短期內第二次再度幫襯點了以下菜式：1.夫妻肺片：夠辣夠惹味2.川滷豬手：香辣而彈牙的豬皮 非常入味3.水煮魚（大）：滿心歡喜再食一次 結果廚師唔知搞乜 底下的配菜和魚好似倒咗一包鹽落去咁 鹹到口都痺埋4.口水手撕雞：水準之作5.川味滑牛肉滑豆腦：豆腐香滑無比 充滿豆味 和牛肉很夾6.炒萵笋：正常水平總括而言 我們今次係為水煮魚而來 卻因此菜式令我們失望而回今次食完未必會再回頭了 坊間差不多水準嘅性價比更高

很久都冇見朋友，她知道我喜歡北上吃酸菜魚，今日带我去時代廣場吃好野。三希楼，朋友book左位所以下用等，店內装修高貴而不濁氣，每枱坐位都有寛敞空間。前莱冷盤貢菜，好嫩绿和爽脆，麻辣笋牛展，醒胃之餘令我非常期待。餐牌食物種類都令我花多眼亂，樣樣都想試，但只得我和朋友兩人，所以都揸定初心目標酸菜魚，廚師推介三椒豬手和非常邪恶的梅菜扣肉。唔係講笑這盤酸菜魚湯厎—流，夠酸夠辣，桂花魚大大件而且厚肉，魚肉肉質细滑和啖啖肉完全冇骨，㕑子非常细心。朋友和我連湯全清。三椒豬手，顏色奪目未食已非常吸晴起骨砌丁咬落好Q彈，好豐富骨膠原。雖然對我来講有的辣，但都好過隱。梅莱扣肉也不錯，梅菜带甜味而且爽囗，五花腩肥廋分明入口即溶，配白飯是最佳配搭。服務都不錯，落單待應细心介绍特色招牌莱。

下就打去book夜晚8點食小菜，話無位，問佢地大概幾點倒有位，佢哋話唔知，咁算！唯有walk in 等位，點知7點幾一去到就即刻入得去😢😢由開始食到食完我地周圍都係勁多吉枱之前都食過好幾次，水煮黑珍珠同乳鴿，都係必點嘅野食之一。點知，侍應話黑珍珠同乳鴿唔會再有😭😭咁就叫左細水煮桂花魚，桂花膀同美極雞軟骨，仲有一杯青檸樹。野食無以前好食有啲失望水煮魚一上有待應哥哥黎問要唔要整走啲辣椒，整完佢應該唔記得拎走碗辣椒🌶️🤣🤣食過黑珍珠後都係覺得桂花魚無咩特別。剩係覺得比出面嘅辣。2個人食左700幾蚊，有300蚊coupon 俾我地，要like三希樓Facebook ，下一次食野當現金用。

四月是三希樓成立的第11周年，每次消費都有一半作現金回贈。家人跟朋友嘗試過後便帶了我來再次品嚐這裏的麻辣火鍋。他的配料自選區令我印象深刻，食材非常新鮮，絕對可以帶朋友再來吃。

想食川菜又想打邊爐？why not both!!因為有朋友唔食辣，所以我地order左鴛鴦鍋，一邊係麻辣湯底一邊係清湯湯底。雖然麻辣湯底鋪滿好多辣椒，但其實個辣係入到口的辣唔使擔心。牛頸脊 肉質幾嫩滑，放係麻辣湯果面更加惹味。牛胸油切到薄薄一片，碌幾秒就食得架啦，口感幾特別，爽口得黎帶點牛的油味。手打四寶丸🍡爽快彈牙，每款都幾好食炸響鈴，油炸鬼2款都係好吸湯好吸味的食物，建議唔好放落麻辣湯底太耐，否則會吸左好多辣油。個人建議放落清湯湯底，之後再沾少少麻辣湯就味道剛剛好。鵝腸記住碌一碌就可以架啦，好爽口！碌得太耐會變硬唔好食。膳片肉質嫩滑，膳味好香，無咩骨👍🏻

水煮魚 (小) $398 🌶🐟辣度適中，桂花魚好滑寛粉最索味🌶配料都好多青瓜丶芽菜丶豬紅細細份已經夠3-4人食😝.宮保雞丁 $138辣度唔會太勁食落酸酸辣辣好開胃餸飯一流😉🍚川北涼粉川北涼粉食落滑嫩但辣度辣咗dd，想食完又會有食嘅感覺，因為真係太太太好味🥳.蜂蜜火龍果沙冰 $65食咗咁多辣嘢當然要叫返杯沙冰止辣！朋友叫咗杯甜甜蜂蜜火龍果沙冰🍯，而且大讚好飲，下次一定要試試😛仲有我最愛既尖椒土豆絲，土豆絲好爽唔會太淋，好好食!

辣辣辣 🌶🌶🌶 就是愛吃辣！很不錯的川菜館 坐落於Times Sq! 有小菜及火鍋 不過我就未試過火鍋 都是來點小菜的！有訂位 所以等候時間 = 0 🤣🤣🤣餐前小食 各類菜式都以辣爲主 也有不辣的如娃娃菜之類 愛辣的我必推酸菜魚 四川擔擔麵！ 酸菜魚 夠酸又夠辣 非常惹味！YuMMM 魚好滑 正！酸菜都好味道 湯底也一流 🌶🌶🌶 擔擔麵好味道 花生醬味剛好 重點是夠辣 店員還會奉上辣粉呢！ 紅油抄手就普普通通 口味ok 不過每「粒」很細小 口感一般 😅😅😅 甜品也不錯 小倉紅豆椰汁糕 吃完🌶🌶 菜式後來點清涼的甜點 😋😋😋Oh yes 店員的服務也不錯 會主動來整理桌上的東西及幫我們「換碟」👍🏻👍🏻👍🏻Will be back again ... 值得回頭的餐廳！

食辣野雖然唔係強項但三希樓嘅所有辣野都係10分吸引時代廣場泊車都方便嘅，所以今日就去咗食水煮魚！叫咗份水煮魚同埋干煱田雞全部都辣到好過份，但仍然有好想食落去嘅意欲水煮魚果然名不虛傳！除咗魚本身嘅肉地十分之滑，仲有啖啖肉食物份量來講，兩個人剛好適中！仲叫咗其他小食，喺晚膳嘅最後尾段，因為已經差唔多11點，喺度諗緊邊度食甜品好見到佢餐牌最尾有，叫咗個紅棗糕同埋千層糕都係水準之上唔會好甜。環境來講，二個人都坐得舒適，地方大，完全唔會有人來人去覺得逼夾嘅感覺裝修同普通中式高級酒樓一樣。招呼朋友都不錯👍🏻

本人係不能夠吃辣的，今日都膽粗粗嚟試下。因為之前喺廣州食過酸菜魚，覺得好好味！ 於是今日光顧三希樓，入到去大約七點唔需要等位，星期六又唔多人，心諗唔通好難食？於是開始點菜！先嚟嘅冷盤 好爽口我初頭以為係萵筍 ，原來係貢菜，唔知香港邊度有得買呢？然後就到酸菜魚出埸，味道不錯真係幾辣，但係魚真係超級滑！冇辦法唯有用清水洗下佢先食啦...之後我哋貪得意叫咗個毛血旺，其實就係一盤好辣的食物， 裏面什麼都有魷魚+牛肉+好多芽菜+牛柏葉等等，毛血旺真係超級辣，我用了好多清水去洗先食得落。。。跟住有我最鍾意食的尖椒土豆絲都炒得好好食呀!係唔辣嘅最後唔記得影相渝州涼麵，我哋兩個食完都話好味！就係呢個味道！ 下一次再去一定會再叫呢個涼麵

雖然係一間主打川菜嘅食肆，但我通常都係食佢嘅廣東點心，义燒飽饀料豐富，义燒粒連酱料充滿整個飽點，味道鹹甜適當。香茜牛肉腸更是必吃選擇，牛肉新鮮细嫩，腸粉滑溜味美，點上甜味豉油，味道真係一流。XO醬炒腸粉亦相當出色，腸粉煎得香脆，夠晒鑊氣。點心款式多，環境又舒適，係品茗的好地方。

跟家人午善，點了個青辣椒魚，酸辣適中，湯不油不咸，味道剛好，湯面條彈牙。另點了個麻婆豆腐，也是很美味，麻辣感覺很好，我要了個米飯，真心吃到沒法停。再加上幾個點心，麻辣猪手，口感彈牙而不會咬不開，非一般手拉腸粉，食返童年食嘅感覺，而且有分紅米同白米兩種，兩種都好美味，今日點了牛肉白米腸粉同紅米猪肝腸粉。另外甜品也很好吃，藍棗千層糕好香好好味，那種又有藍棗又有薑汁香味，一個字“正“，另外酒釀丸子，湯內有杞子茉莉花，好香好味，食完暖氣， 絕對係女性恩物， 一個午飯很舒泰。值得再去，而且係香港人都能接受嘅辣

食物水準非常高，很適合喜歡辣的朋友。而且服務態度很好，很友善 I particularly like 青香青椒魚 it’s super affordable and delicious, I always order this one dish during afternoon tea time, and simply share it with my mother. The drinks are really good too, especially the plum juice which is pretty rare in HK.