三希樓 (已結業)

今日終於試左三希樓，之前聽朋友講佢個水煮魚好好食，所以就試下係咪真係咁好食😂本身諗住7點walk in 點知full左要等到8點3，可能係公眾假期特別多人。下次會早少少訂枱。 我地差唔多8點就有得入坐，一入到去已經聞到好香既邊爐味。應該有一半人打邊爐，一半人叫小菜食。我地得2個人，所以就叫左一個細既水煮魚同一份麻辣豆干食，我地都係麻辣愛好者首先，個前菜竟然有麻辣雞腎，好正！個辣好香好香又夠哂辣仲有我最愛既木耳！等左冇幾耐，個水煮魚就到左，叫左細size都好大碗夠哂兩個人食！遠處就已經聞到麻辣既香味，比起平時我地食開既水煮魚仲香d食落去好夠麻好夠辣！個魚仲要冇骨又好滑，岩哂我地口味呀！個麻辣豆干都好正，夠麻辣！鍾意食水煮魚既你一定要試三希樓既水煮魚!!!

三希樓係我同屋企人最近時常去嘅餐廳。因為第一，地點方便。三希樓喺時代廣場11樓，泊車方便。第二，餐廳環境闊落，裝修幾優雅。D枱唔會擺到密一密，一家大細可以傾吓計，唔會太嘈。第三，食物質素新鮮，大廚手藝出色！有D川菜餐廳只會一味死辣。三希樓會辣得嚟仲保留到食物嘅鮮味。食物選擇多，唔辣嘅菜式都有唔少。第四，服務質素唔錯。仕應有笑容，勤收嘢同加熱水。希望佢一路都保持住高質素，咁我哋食飯就唔使周圍搵地方。

冬天又係邊爐天😳🤭早幾日先食完川菜 🤤今日又有朋友話想食川菜同打邊爐🤔☝🏻☝🏻☝🏻佢算係出題目比我小小為食豬😌🧐我緊係立即送佢三個大字就話「why not both 」咁就再嚟三希樓啦🧐☝🏻想試好耐😊坐低就決定水煮魚同鴨仔雞食咗先(由於太肚餓唔記得影就食曬了😭）食完先打邊爐😊因為太好食唔食唔得㗎真係 由於頭先食完👻其實飽咗一半打邊爐都唔係嗌咗好多嘢食☝🏻☺️但係整體質素唔差！不過主力好欣賞都你水煮魚🤗🤭心思思下次再嚟都係食番川菜開心啲😍😌☝🏻

一進三希樓就充滿辣椒香氣，愛吃辣的朋友可以試試，他們有小菜及火鍋，價格屬中上，我們當天吃小菜，沒點太多，平均$250一位。我們點了麻醬生菜，生菜夠新鮮，麻醬亦夠濃稠，能掛到菜上，作為開胃菜不錯。另外點了叉燒，他們家是用西班牙黑毛豬，我們點半肥瘦，夠稔有豬肉味，但不夠熱及汁太鹹，如果配飯應該是剛好。很愛吃鵝腸，點了椒爆鵝腸，很辣，鵝腸很好吃，夠爽口，份量足，炒得很入味。最後是招牌担担麵，幸好走了辣，麵質很好，湯夠濃郁，是有點過鹹。服務是很好，員工都整潔而且工作有效率。

冬天一到就好想食辣，川菜可以話係我冬季的至愛。🥘🥗🍜三希樓其實都係我經常幫襯的開餐之地，但我一向都係食開麥當勞道分店🙈🙈🙈 今次第一次去TimeSquare分店， 結果係.......一樣咁出色!!!!😆😆😆👏👏重點推介 -- 水煮魚 🐟🐟🐟OMG佢係全香港最好最好食嘅水煮魚!😲😲😲好香好滑，同埋 冇 骨 !!!!! (超重要!!)辣子雞 -- 夠入味!! 食到停唔到口😂😂😂期間限定 -- 三椒豬腳如果你唔介意佢得皮無肉嘅話，佢都係好食嘅! 咁當然我地介意啦🤣🤣🤣🤣 如果肉的比例高返d就好啦😝

朋友想食辣，所以決定食川菜。timesquare的食肆，環境舒適幾乎係必然，擺枱距隔很遠，非常有私隱，一班朋友嘻嘻哈哈講是講非都唔怕嘈親隔離口水雞，因為每個人食辣的程度唔同，待應建議汁分開上，再自行撈埋，細心雞肉很滑，份量也足點可以唔食招牌水煮魚，食落味道也很好，魚也很滑，份量也多 還有川椒皮蛋, 溏心，很好吃燒味拼盤，不錯呢總括來說，服務不錯, 不會過份熱情，但又會在你需要的時候出現，要做到其實唔係易。食物也頗有水準，川菜的味道有保持，不會為了遷就港人而改變太多嗜辣的朋友想找一個舒服的地方聚會，這是不錯的選擇。

聽朋友講原來銅鑼灣都開咗間水煮魚， 忍唔住佢同曬兩個朋友總共三人去食。記得以前喺中環店地方窄，又比較舊啲。 CWB 嘅環境真係舒服好多. 3 人份量食細size 水煮魚剛剛好。本人係鍾意小麻嘅感覺。 當然，水煮魚送上嚟嘅時候好快已經格走大部分辣椒， 咁食落去呢就適合本身唔係太食得辣嘅人士。除咗水煮魚，，如果食得辣嘅就可以嗌埋麻辣牛丸/ 牛柏葉.. 牛柏葉就好索啲麻辣汁所以個辣度真係辣過水煮魚好多， 如果怕辣又想食嘅朋友就可以選擇牛丸

昨天約了幾位老友在三希樓飲茶，我們要了蝦餃、菜肉餃、野菌素餃、腸粉蒸排骨、XO醬炒蘿蔔糕、煎墨魚餅、荷葉飯及清燉雞。雖則此酒樓是主打川菜，但點心完全是傳統廣東口味，水準以上之作，荷葉飯味道稍為重了一點，但炒起來不太油而且還有荷香又不太亁，最精彩就是那隻清燉雞，據說是走地雞項加上藥材清燉，原汁原味冇加味精，肉質鮮嫩有雞味，難得重有雞肝、雞肫，那個燉雞汁配白飯非常補身！甜品為桂花糖荳腐花，非常滑溜！這裡環境清幽，坐位寛濶，不失為同朋友傾談好地方！

小編今日約左舊同事午聚，本來打算去ragout打邊爐可惜佢地最近裝修所以我地唯有轉場，睇到三希樓ｏ係Times Square開左、就一於去試啦o係openrice訂檯有95折、小編一個禮拜前已經訂左檯、今日12點準時到達、都未見滿場、始終掛著四川水煮魚名號比人感覺一定好辣，但其實小編一行四人食佢地既水煮魚、又接受到唔係話辣到痴線咁樣都真心唔錯，值得一試，好彩我地4位去、否則2個人點份細既水煮魚都應該試唔到好多其他菜式。我地除左水煮魚（細分368）、蝦醬生菜煲、小菜腐皮、菜肉餃、xo醬炒腸粉、叉燒包、木桶豆腐花，水煮魚好滑、🈶️紅薯粉和芽菜配料、好惹味。個豆腐花真心好正！濃豆味又滑，食得出堅係即做既。整體用餐感覺唔錯，檯與檯之間都唔係太逼，下次同屋企人黎試埋佢地既麻辣燙和擔擔麵先

前幾日就已經book 左8大2小，講左要有bb椅。到左後，佢哋就話冇bb椅，係先到先得，有人走多再俾你地！ 所以到底我book 位係為咩？book 個時又唔講！結果食左個幾鐘，都係一張都冇，食完要走先話有！啲服務員自己講野又細聲，兩個人咬完耳仔，然後又推走我地啲野食，要行去問佢咩事！然後佢先話要等埋先上🤷🏻‍♀️都俾你地激到唔洗食啦！又要輪流抱住啲bb 食野！真係好過份，話係高級野禁，train 過你地啲employee 先啦！

我係由半山三希樓開始食麻辣火鍋既，但佢開左更方便既時代廣場店後都未試過，一路都係食半山店。今次就來左時代廣場店，裝修係新好多，環境就舒適啲，最緊要係方便好多。三希樓既麻辣火鍋如果無特別要求的話，就唔係幾辣，但你只要特別order話要辣的話，佢會擺更多炒過既花椒落去，又香又辣。麻辣火鍋咁多鋪做，點解我都係鍾意去三希樓？係因為兩樣嘢 - 牛+豆腐花。前者係半山店雖然選擇不多，但佢既本地手切牛柳肉質好好，牛味又濃，時代店則有明確講到係用騸牯牛，肉味當然了得，肉質亦非常好。後者豆腐花兩店都係必點之選，因為夠滑，帶微微豆香，更提供菊花糖，增添味道層次。綜合來講，三希樓絕對係麻辣火鍋既推薦店。

今晚約了中學同學聚會，其中一位同學先前到過三希樓吃過晚飯，於是推薦給大家一致通過啦！我們點了鹵水拼盆、三希吊燒雞半隻、干煸四季豆、啫啫蝦醤生菜煲、三希樓招牌炒飯，甜品則點了酒糟桂花小湯圓，及杏仁蛋白茶。整頓飯都好吃非常，最喜歡三希吊燒雞，皮脆肉滑。而大家亦掙著吃三希樓炒飯，餸多飯又炒得香，正！下次會再來啊！

同好姊妹一齊去食dinner,我地兩個本身都鍾意食辣野,所以就走黎呢間度食所有食物都好好食又夠辣!水煮豬肉真係超級大份大份到我同好姊妹都嚇到呆左..重點係..我地已經係叫細份黎食lol!所有食物都整得好食,尤其四季豆令我另眼相看!本來好討厭食四季豆既我一試難忘!炒得非常香如果我個胃再大啲既,我願意再食多碟手撕雞既雞都好滑水煮豬肉既豬肉都非常爽口粉絲都非常滑最後,環境非常舒適寧靜,枱與枱之間都有足夠既空間,坐得非常舒適,完全無擠埋一堆既感覺店內廁所非常乾淨企理而冊有芳香,店員都非常有禮物,而且會主動問我地有無匯豐卡,因為有優惠

自從上次係半山分店食過後，今次帶埋屋企人再去食近近地所以揀左時代上面食裝修環境都唔錯，感覺比較高級、更現代化店員帶左我地坐sofa位好鬆動好舒服，抬頭仲有個雀籠燈同埋牆畫先點返個前菜-蜂蜜番茄，有五件，每人都可以試一件，甜甜地仲好香菊花味好味再黎一個沙拉筍，媽媽同我一樣都中意食筍成碟基本上我地食哂好爽好甜，感覺好健康之後再上三椒豬手呢個全家都叫好呀！份量雖然唔多，但每人都食到十粒八粒豬手夠辣 連青椒都一齊食正呀！豬手炒得好入味 好香送飯一流當晚重點來了-水煮魚一上枱就好香啦，佢地初時以為好辣，但其實食落去唔會超辣，夾埋飯食好好味仲有好多配菜：筍、芽菜、豬紅、薯粉大大盤五個食剛剛好讚最後叫左萵筍絲近期至愛，切成絲炒更香更好口感，好爽甜品有椰汁紅棗糕，中意食紅棗既媽媽讚不絕口，至於我對紅棗麻麻地，見人見智整體來就家人都好滿意我介紹得唔錯

今晚同事攪聚餐，選址時代廣場三希樓，食高級川菜為主，大家喜歡那兒地方夠大，環境幽雅，裝修擺設有中國傳統氣派，座位寬敞舒適，聚會食晚餐都好適合。麻辣口水豬手，豬手爽口入味，醬汁麻中帶辣。熗炒藕丁爽口帶少辣，清香的一道菜。三希吊燒雞，燒雞入味，皮薄香脆，雞肉剛剛熟保持嫩滑，跟上有用芝麻特製的醬油，甜甜地，味道很香。青椒清香魚，首先試了湯底，加入大量芫荽、蔥花和辣椒，味道鮮味不會好辣，有少許酸味，清香魚已起肉，大大片鮮甜嫩滑。烏冬又滑又有口感。棗茸千層糕，口感煙靭有紅棗甜味。