三禾中日料理 (已結業)

呢晚同朋友嚟食放題，呢度既放題好特別，既有火鍋，又有爐端燒同日式放題！我地揀左爐端燒同火鍋放題，因為眼闊肚窄！自助既飲品林林總總！任食既刺身質素唔錯，尤其鍾意鮮嫩既帶子。自助蔬菜區！爐端燒既野食有唔少選擇，當中最愛系魷魚同和牛！魷魚燒到酥脆既感覺，好似炸完咁好惹味！和牛就juicy有肉味，唔錯！足料既芫茜皮蛋湯底。食食下燒野又打下邊邊先！呢度既丸類選擇好多，除左一般既牛丸，仲有爆漿既芝士丸！蝦餃同韭菜餃都唔錯呢！肉類方面，豬牛羊雞都有齊！牛肉薄薄一片，比較淡口，唔太夠脂香同肉香。最後點少得甜品，除左雪糕，仲有奶凍同木槺布丁，竟然仲有即焗既心太軟！估唔到質素仲唔錯，流心之餘好香濃既朱古力味，正！

雖然已經過咗成十日 不過前排喺三禾度食嗰個任食真係好難令人忘記 火鍋+刺身 他地方都有試過 但係佢係火鍋+刺身+鐵板燒？？ 一個價錢滿足我三個願望真係好 啱晒我呢啲人 雖然上到去都要等位，不過時間唔算耐 而且佢有位比我坐住等，唔駛好似其他地方咁要你企 講返嘢食 佢好搞鬼~ 啲菜呀丸呀同埋一啲前菜都放左喺出面 啲醬油同啲提味菜料都係放喺出面自己拎 有好有唔好啦~ 因為咁要出黎走多幾轉嘛 啲肉同丸都好好食，食得出唔係平價嘢 我地食嗰個蜆煲~ 啲蛽又肥又甜 可以幾盤幾盤咁叫~ 真係爽 刺身唔係是但比啲你就算 有甜蝦，有三文魚，有帶子..唔係鮮仙喺個SIZE喎..真係成個五蚊銀咁大喎~ 至於個鐵板燒 其實都算係咁，不過枱面太細 同埋選擇太多，我地係咁易食左啲咋 合格以上~ 可以再好啲~ 

以前試過三禾中日料理食過幾好食，咁聽到佢地新嘅推介就返嚟試下 之前呢度除咗打邊爐之外，仲有刺身供應嘅，咁今次特別推介呢就係佢哋有埋鐵板燒供應除此之外佢哋拎菜出嚟嘅方式都唔同咗，以前我哋係逐碟逐碟叫嘅 宜家佢哋就放咗喺出面，同汽水一樣咁樣我哋就自己出去拎 咁樣仲方便啦我哋想食咩就自己出去拎 今次嚟到我哋就叫咗一個卜卜蜆煲好惹味 咁佢啲肉類呢質素嘅都仲係維持返以前咁好食 刺身方面呢度依然好肥美 咁佢哋推介嗰個鐵板燒呢其實都幾好食嘅 不過呢因為我哋又打邊爐又食刺身咁我哋淨番好少時間呢去食嗰個鐵板燒 咁最主要原因呢係因為檯面嘅地方由下啦咁我哋唔可以一次過做曬所有嘢咁需要需要分階段咁樣做囉 最後當然唔可以唔記得個心太軟啦~唯一要注意嘅係個鐵板燒始終太太近我哋呀咁所以呢有機會係會畀啲油彈親囉咁中佢嚟講都幾好食㗎我會返轉頭再食過㗎

前排同朋友行完k11之後 就走去搵嘢食 去到加拿芬道見到有間叫做三禾中日料理 膽粗粗走上去試下 上到去雖然要等位 不過我見菜單好吸引咁我哋都照等啦 等咗大約廿分鐘左右我哋就有位坐啦佢最特別嘅係佢好似台式嗰啲火鍋咁 啲菜呀丸呀前菜呀嗰啲呢就自己去拎 然後嗰啲肉類呢就逐樣逐樣柯打 咁佢仲有埋啲刺身呀同埋啲甜品咁樣樣 最特別嘅係今次佢哋仲有埋呢個鐵板燒 總括嚟講都幾好食價錢又唔算貴都係二百幾蚊 喺尖沙咀二百幾蚊任飲任食算係咁啦咁 食物質素有幾好 下次嚟嘅話我會試埋佢哋個日式放題 我睇隔離枱order啲壽司個樣都幾好食 

今日同朋友嚟到呢間有得打邊爐，鐵板燒同放題嘅餐廳狂食！朋友仔熱愛肥牛所以揀左美國SRF和牛餐($328)👅火鍋湯底揀左番茄湯🍅🍅比較清淡不過都幾多番茄😻 肥牛好新鮮，肉味濃，食落肥瘋適中！另外羊肉片亦好正，唔會太肥，小小騷👾 蝦都鮮甜嘅，又幾大隻！刺身控當然唔小得揀三文魚，帶子等等！大部分都好肥美，帶子大大粒，夠鮮甜！🤤🤤 燒肉都幾多野揀，最正係一口牛！好軟身又惹味❤️菠蘿亦好甜好好食！甜品有心太軟任食真係好邪惡💁🏻💁🏻即點即整所以好流心😌 誠意之作呀✌🏻

呢間餐廳有得打邊爐，又有得食日本燒肉，岩晒一班人聚會食，想食邊樣就邊樣👍🏼 每位三百幾任食，係尖沙咀黎講個價錢合理。打邊爐有大概十個湯底揀，我揀左胡椒豬肚湯。味道吾夠濃郁，可能揀番辣或者其他重口味d既湯底會更好☺️燒肉當中，我最中意食一口牛粒，肉氣幾好，好Juicy.刺身款式算多，亦都幾大件、肥美，夠新鮮👍🏼火鍋方面，選擇吾少，當中，我最中意手打墨魚丸，好彈牙！仲幾新鮮。肥牛都吾錯，我食左一碟😂 蔬菜就係自助bar自取，都好多選擇。打邊爐除左食肥牛同丸，都要食番多d菜，如果吾係會好熱氣🙈一邊同朋友傾計，一邊吾停口咁食，飽晒lu.

又到每個月一次同事聚餐, 有人想食打邊爐, 有人想食刺身壽司, 又有人想食鐵板燒, 終於比我係網上搵到間可以滿足哂呢三個願望, 而且仲係一個價錢任飲任食。於是預先BOOK檯放工後我地一行四人前去食餐勁既!平日晚7點左右, 人流唔算多, 餐廳內設部分卡位, 每張檯上都有一個火鍋同埋鐵板燒。放題價錢分為四個配搭, 而我地就揀左B餐, 可以一試松葉蟹。火鍋湯底一共有十款, 我地就揀左 "卜卜蜆鍋"。湯底中有大量既蜆同埋洋蔥、莞茜等配料, 每隻蜆都幾大隻, d蜆稍為滾一下就可以即食, 湯底莞茜味幾重, 幾清甜。混醬、蔬菜類、丸類, 同埋飲品都設有自助區, 飲品都以罐裝為主, 款式都幾多, 但酒類飲品就要額外加錢。不得不說呢間放題款式真係應有盡有, 基本上沒可能一次過食齊咁多款野食, 我地同一時間click左好幾張order, 野食黎得幾快。先講日式刺身、壽司、天婦羅同埋炸物。每次order既刺身都有冰墊底keep溫, 刺身都算新鮮, 至少沒有腥臭味而呢度既炸物亦值得一讚, 表面炸得幾香脆而不帶點點油膩, 特別推介一試芝麻雞翼, 香脆之餘, 內裡很juicy松葉蟹很鮮甜, 一剪一拉, 完整蟹腳已

友人生日飯局，壽星三心兩意既想吃放題，又想火鍋，上網找到這間能一次過滿足幾個願望的餐廳：火鍋、鐵板燒、放題，面對選擇困難症的人來說，簡直是喜訊。平日的夜晚也只是三百多元，十分划算！鐵板燒：主打：美國SRF和牛餐、M7和牛任燒、美國安格斯牛小排。。。薄片的牛肉油脂分佈均勻，香濃的牛味在口中滲出來，很juicy、滋味，不會『鞋』口！牛肉薄薄的不知不覺就吃完整盤。另外，還可以每位加$1享受磯燒海鮮拼盤及磯燒放題，不過真的太飽了，所以最後沒有點這個。刺身：任食松葉蟹：長腳蟹大隻，算是多肉，帶鮮味。另外，大赤蝦、帆立貝都是最喜歡的刺身之一～火鍋：光是湯底，已經叫人花多眼亂，有10個選擇，迎合不同食客的口味，有麻辣、濃味、滋補、清淡的選擇，我們最後挑選了豆腐鯇魚鍋，大大塊的鯇魚塊，清清的湯底。火鍋配料除了在紙上的多款選擇外，出面還有各種丸類、瓜菜類、豆品類及冷盤，挺新鮮！甜品方面：除了木糠布甸、北海道牛乳奶凍、香芋慕絲，值得推介的必定是：即叫即焗的心太軟配雲呢嗱雪糕，切開後入面熱熱的流心朱古力都溢出來，香濃的朱古力味道，毫不馬虎，有驚喜！

最近涼涼哋呀,最好去滾下滾下, 但係個friend又話想食刺身同燒下嘢, 點樣可以一次過滿足曬三個願望,行左去食 磯燒放題。刺身就點咗甜蝦,帶子,鮑片, 食落都幾新鮮。火鍋湯底推介咗花甲湯底, 飲咗幾啖湯底味道較鮮味, 火鍋料點美國黑極和牛, 鮮蝦雲吞, 鮮蝦水餃,墨魚滑, 鮮蝦滑,算保持應有水平。 磯燒加一蚊送一個海鮮拼盤有大虎蝦，帆立貝同鮑魚,點推介m7和牛,一口牛, 白鱔片( 一口牛只需加少許鹽同黑椒燒兩面 鎖住肉汁 ,食落去牛味較濃)。甜品方面推介心太軟。飲品款式較多選擇,咗啤酒,汽水之外仲有韓或飲品。

星期一要食下好野調劑下心情三禾有火鍋，鐵板，刺身，日式放題任飲任食一於試下！揀左美國SRF和牛餐，一人$328任食2個鐘，加多$50仲可以無限時任食添！另外每位加$1就可享磯燒海鮮拼盤，有開邊龍蝦珍寶海鮮拼盤同磯燒放題！仲可以任食松葉蟹 、M7和牛任燒、火鍋+刺身+鐵板燒！湯底揀左卜卜蜆，好香，蜆肉粒粒飽滿！刺身選擇唔多，但足夠的，三文魚肥美新鮮鐵板燒都幾惹味，調味料自己落，但整體偏油最後甜品揀左心太軟！流心架！好滿足的一晚！

一大班fd諗緊去邊到？有人想食放題、有人想食火鍋，仲有人想食鐵板燒，點搞好😫？如果草根同你地講其實可以一take過又點諗先💭？呢一晚草根一家4口又一齊出動去覓食，今次搵左間可以打邊爐、放題同鐵板燒三合一嘅餐廳。三禾中日料理，其實都見有Yotuber同blogger介紹過，地點係尖沙咀都幾方便，今次到草根親身嚟試下🔺美國SRF和牛餐（$328）-（火鍋+刺身+鐵板燒）🔺日式放題- 加$70🔺磯燒海鮮拼盤 - 加$1- (開邊龍蝦珍寶海鮮拼盤)飲品有好多款，自己任揀!先揀湯底，今次草根揀左冬瓜意米排骨鍋由$198到$428嘅餐都有，草根👧🏻👩🏻試左個美國SRF和牛餐。個餐可以任叫和牛、牛小排、肥牛、雞件、羊肉同豬梅肉片😍肉切得好薄下，好彩肉味幾香。另外仲可以叫刺身 🐟，特色火鍋配料🍲同甜品。打緊邊爐嘅同時唔好唔記得搵d人燒住個鐵板燒先🔥今次真係口又唔停手又唔停，忙到呢😆🤣🍖肉類可以燒可以淥，仲可以+$1叫個磯燒海鮮拼盤 ，咁就可以食埋開邊龍蝦、鮑魚同珍珠蚌🐚真係無咩理由唔叫埋🤷🏻‍♀️🍲火鍋配料都幾有特色，芝心牛丸、皮蛋薑汁貢丸、流心芋蓉水晶包，仲有手打墨魚滑、蝦滑、手工餃......都未計

美國SRF和牛餐+日式放題（$328+70）*磯燒海鮮拼盤及磯燒放題 (不包括無限時)加$50 可享無限時優惠*🔎 美國SRF和牛餐🐮和牛油脂分佈平均，入口嫩滑😋 🔎大家一定要記得+$1磯燒海鮮拼盤!!🌊海鮮拼盤鮑魚、蚌、龍蝦等等，草根揀咗用鐵板燒嘅方法去燒海鮮。💦鮑魚同龍蝦肉質鮮嫩彈牙，仲有只需1蚊，真係抵到爆!👀🔎 磯燒放題，燒下海鮮（大蝦同青囗）同牛肉都唔錯👍仲燒咗金菇肥牛卷添😍大家記得點下旁邊個燒汁醬，點完個肥牛味道更惹味😎燒菠蘿🍍夠哂甜😘🔎刺身🐟壽司🍣同放題有好多種類，👍最欣賞極大赤蝦刺身、帶子同三文魚，顏色鮮艷，肉質肥美💋真係估佢唔到海膽司好新鮮，完全唔腥🎉炸物個炸醬脆薄，火喉掌控得唔錯，唔會油油的🙌提議大家試下炸榴蓮👅10個Likes😄🔎湯底有10個選擇，中意食辣🔥🔥🔥嘅朋友可以揀胡椒豬肚雞鍋、香濃沙爹鍋、四川麻辣雞鍋，想清清地又好健康嘅朋友可以揀卜卜蜆鍋、皮蛋芫茜鍋、豆腐鯇魚鍋、香濃蕃茄牛腩鍋、冬瓜意米排骨鍋、沖繩鰹魚昆布鍋、酸奶豬骨鍋🔎火鍋🍜材料有好多選擇：丸類、肉類、麵食同蔬菜🌿🔎甜品一定要點mini心太軟配雲呢嗱雪糕🍦！！！！即叫即焗流心🌋心太軟😍太出色了吧！！！

A姐總係貪心，每次問佢食乜都話無所謂，但之後又有好多主意，我明好多港女都係咁！好似今日就話想食鐵板燒，又想打邊爐，又話想食日式放題，原來想一次過滿足晒3個願望都唔難，梗係啦，有我呢個絕頂聰明嘅M佬呀！今日就去到尖沙咀食三禾中日料理。呢度嘅食物紙有成19張，真係睇到人花多眼亂！但款式真係好多，多到未食已令人覺得好興奮喇。磯燒海鮮由廚師發板，今日嘅海鮮有龍蝦、蚌同鮑魚，款款都好新鮮。龍蝦非常鮮甜香口，肉質好彈牙！鮑魚燒到金黃色又脆邊，好有咬口呀！鐵板燒鐵板燒嘅配料好多，厚切上等M7和牛雖然未至於入口即熔，但牛味香濃，真係encore再encore！而另一推介就係薄切牛舌，好有咬口，唔錯！火鍋今日嘅火鍋湯底選擇都好多，我哋今日就揀咗楜椒豬肚雞，湯底配料十足，但味道就唔濃。打邊爐又點可以唔食牛呢，呢度主打SRF極黑和牛，脂肪比例分佈平均，雖然唔係入口即熔，但好味在於香濃嘅牛肉味！火鍋配料除咗牛肉，火鍋配料都有好多選擇，除咗點菜紙，仲可以到出面嘅雪櫃攞菜同丸，啲菜好新鮮架！刺身刺身選擇都好多，仲有冰墊住保鮮，我哋就最鍾意甜蝦同油脂方佈好平均嘅三文魚。長腳蟹估唔到連長腳蟹都有，好大隻又多肉，但唔敢

因為家人想食和牛，所以今晚就同佢地去試三禾既和牛放題！我地選擇$428個和牛餐，貪佢冇限時。而且可以火鍋+鐵板燒一齊試之前睇介紹都知佢既和牛係薄既，但味道係咩味都冇，一啲牛味都冇（可能我唔識食），真係可謂又淡又薄。係個牛柳粒叫有啲味咋我覺得出邊200幾蚊㑼啲燒肉放題都好食過佢🤷🏻‍♀️不過佢加$1個海鮮拼盤叫最最吸引，有龍蝦件，鮑魚等！可惜冇得encore😩至於火鍋配料都有唔少既選擇，但好多都唔啱我地食，😖係得個啲瀨尿牛丸叫好食😅如果想食炸物，壽司等，好似要另加$70位🤦🏻‍♀️但如果咁既價錢，我諗出去食酒店buffet會抵好多。甜品方面，心太軟真係必食既木糠布甸都好味總括黎講： $428和牛餐係好在'不限時'同個'海鮮拼盤'到。但基本上唔食$428和牛餐都可以有海鮮拼盤加既，而不限時個到，我地其實都係坐左2個鐘左右，因為都冇咩食，所以食飽都走了

又冇招呼、又態度差，連碟都要自己收拾，冇人理，食物質素一般，跟之前三木差很遠！話就係吃两個鐘，我十一個大人(其中四個老人)另两個四及六歲小童比足錢，但係等多個食，個半鐘就嚟摧埋單，点咗的食物冇又唔出聲，問嚟收錢果位亞姐，就答係呀，冇啦！態度極差。