三點三冰室

营业中

休息中

放工去左airside 平平地去冰室三點三茶記價錢但環境極佳好乾淨又舒服三點三雜扒餐跟粟米湯司華力腸，雞扒，豬扒，煙肉，薯條好豐富，司華力腸勁巨型，雞扒同豬扒都好軟滑，仲有薯條，勁飽肚，超值檸檬百香果茶妙齡乳鴿皮脆肉嫩，吾會好咸好柴，吾錯海南雞飯檸檬茶海南雞無骨，雞肉夠滑，油飯又香又夠味再跟多個湯哈哈哈炒飯（蝦羔，蝦米及蝦球）蝦羔咸香加彈牙蝦玗球十分香口惹味炒飯粒粒分明迷你炸饅頭（6件）饅頭炸得好脆，裏面好軟熟又吾會好油

冰室其實是茶餐廳的前身，很久之前，冰室因為只賣冷飲和小食而得名，隨著香港社會的變遷，後來逐漸加入了常餐和粉面之類的但現今既冰室種類已經非常繁多，仲俾茶餐廳更好，好似這間三點三冰室咁，不是主食、菠蘿油、奶油多等等咁簡單有鐵板、喇沙、芝心蝦多士、避風塘炒麵等等我今日就叫咗秘製咖喱豬扒飯、鐵板羊架、叉燒滑蛋飯及乳鴿，樣樣都好高性價比，鐵板香燒羊架都係$128 ，非常超值，三大件羊架都係厚切🤩而且呢度座位非常舒適，卡位非常闊落，而且服務友善，值得encore

移英舊同學與家人回港探親，他最懷念香港茶餐廳，於是今日相約到Airside一遊，逛完大商場，便到最底層的茶餐廳食飯。.全部套餐都包飲品，小朋友想改飲特飲，半價便飲到，非常抵啊。.食物質素不錯，最吸引的是比普通茶餐廳有更多新產品，例如炒腸粉和炸熱狗，有新意又好味。.炒腸粉的叉燒大大塊，加了不少芽菜，XO醬惹味。炸熱狗外脆內軟，滑蛋中有芝士和洋蔥粒，特別滋味。小朋友選的黑牛真是童年回憶，好正。我下次都要扮小朋友叫一杯！.其它都正常發揮，不錯。.XO醬叉燒炒腸粉（$58）洋蔥芝士滑蛋炸熱狗（$42）美極乾炒牛河（$55）焗黑松露蘑菇汁雞扒飯（$72）妙齡乳鴿（$62）老火湯（+$3）熱奶茶（$0）黑牛（+$19）雪糕紅豆冰（+$21）

有事要經過 Airside，在OpenRice search邊間食店對辦，見這間冰室評價好。在門口可以按飛排隊，不用等很耐就有位。叫了常餐選沙嗲牛麵，加錢upgrade雪糕紅豆冰。火腿奄烈份量不多，蛋炒得嫩滑，濃濃蛋香，丹麥多士塗有牛油，味道不錯。沙嗲汁正常可以，牛肉是滑牛，都算合格，麵煮得淋了，整體可以。雪糕紅豆冰花奶夠多，紅豆不淋不硬，可以。

點了喇沙同海南雞飯，全部難吃到暴。喇沙燙無味，海南雞全部散散啲，好似人啲食完再扎返做一碟啤我啲。果飯係凍既，醬汁都唔安，連奶茶都係唔合格。完全不知點會摞到100幾個好評

呢日嚟咗呢間冰室食飯🤣$82「鮑魚蛋白素翅炒飯」：見到有鮑魚炒飯，想食，咁就叫咗🤣，蛋白炒飯炒得幾香，仲加咗啲菜頭幾爽口，鮑魚有少少咬頭得嚟又幾軟熟喎，整體幾好食😋跟餐加 $21 「雪糕紅豆冰」：大大杯，凍冰冰，雪糕甜甜哋，幾好飲幾好食🤣$102「二世祖撈丁」：見到又有鮑魚，咁又叫🤣；出前一丁就必然係好食啦😆，仲好似係撈咗瑞士汁所以甜甜哋🤣，加埋鮑魚帶子西蘭花，幾豪華又幾好食😆😋$72「芝心蝦多士」：一共有6件，蝦多士啱啱炸好夠晒熱，外邊脆脆哋，勁香口，蝦肉喺多士上邊，中間就有啲熱溶咗嘅流心芝士🤩

入嚟坐低,發現個風口吹到正,同一位帶眼鏡男仔職員講: 唔該,我個位風口吹到正,可唔可以轉另一個位?佢話等等。我見有幾張二人檯執梗檯,諗住可以轉過去,結果,佢冇同其他職位高啲嘅職員講,而出面叫號嘅職員不停入客。我見仲有兩張二人檯,就再問多次帶眼鏡職員,佢冇理我。我問另一位女職員,佢態度好差話:攪細咗啦。但我發現啲風都係好大,我就話:唔好意思,都係好大風,我未叫野食架,有冇另一張檯?女職員話:冇位喇,已經攪細咗。我同行朋友話,算啦,快快食飽走啦。我點餐後,食物好快上檯,首先上咗我嗰碗蕃茄豬扒通,唔熱嘅,之後上咗蔥花炒蛋丹麥酥,唔熱嘅。我朋友叫嘅焗飯,呢個熱嘅。到最後,兩杯熱即磨咖啡到咗,兩杯都唔熱,暖嘅,而且冇乜味,7-11同M記仲好飲好多!我朋友同一位職員講: 呀小姐,杯咖啡岩岩上檯,唔熱嘅?你摸吓個杯。個職員好晦氣拎走咗,但轉頭再嚟嗰杯,似係加咗啲熱水落去咁,比之前更加冇味!呢間野,一次都嫌多!喺呢個場嚟講,可能因為算係平,而多人等位幫襯,但係,咁嘅態度同出品,只會攪死自己,連工都冇得做!希望佢公司可以睇到個評語,重新培訓吓內外嘅員工。

今日去朋友位於啟德嘅新屋housewarming, 順便幫佢執屋~ 朋友話左答謝我 話要帶我去佢新屋附近嘅一間港式創新茶餐廳 請我食晚飯🍽️ 我都係第一次試 就係位於啟德話上蓋AIRSIDE入面嘅三點三冰室啦🩵侍應好友善地帶咗我哋去一個四人卡位度坐🤩個座位勁寬敞 坐得超舒服😎餐牌有超多超多野食揀!! 朋友話為左答謝我 叫我盡叫😝 咁我就唔客氣啦😏😏薄荷青檸梳打（左）呢杯薄荷青檸梳打真係清新到爆！🍋🍃 每一啖都帶有青檸嘅酸爽 再配埋薄荷嘅清涼感覺 飲落去即刻feel到透心涼😗呢杯嘢飲特別啱喺炎熱嘅天氣飲 絕對係解渴嘅好選擇 飲完之後 口感係咁清新 令人精神一振 做咩都即刻醒神晒！👍狂牛（七喜，士多啤梨雪糕）（右）呢杯「狂牛」真係好玩又好飲🍓🥤 用七喜配上士多啤梨雪糕 呢個組合聽落有啲奇怪 但飲落去你就會發現佢哋係完美嘅拍檔🫶🏻七喜嘅氣泡感配埋士多啤梨雪糕嘅甜滑 入口有種冰涼嘅衝擊感 仲帶住陣陣果香💕雪糕慢慢融化喺氣水入面 變成一杯香甜又刺激嘅飲品🍧🎉 飲完真係令人回味 鹽酥花枝丸（6粒)呢個鹽酥花枝丸外脆內彈 真係好食🐙 每一粒都炸到金黃香脆 咬落去可以感受到花枝丸嘅鮮味同彈牙口感 🤓

啟德AIRSIDE呢間3點3餐廳真唔錯，菜式夠創新之餘仲好好味，而且地方夠大夠舒適，坐得舒服👍🏻入去見到檯檯都叫左鐵板餐，滋滋聲好吸引，賣相又好，決定嗌個三點三雜扒餐，呢個又雞扒又豬扒又司華力腸，仲有煙肉添，真係好滿足!!!特別鍾意佢個雞扒，煎得好香脆但又好JUICY，加分加分!個餐仲配埋日式粟米湯，甜甜又多粟米粒，暖胃又開胃呀~😋再黎叫左個推介既香煎牛仔骨伴飯!OMG!好好味，牛仔骨唔係全瘦，帶有少少肥膏，煎得又靚，惹味到不得了。加上又多塊，一D都唔孤寒，唔使就住就住黎送飯，食得豪氣呀! 同埋佢有個獨有既醬汁，甜甜咸咸好特別，同牛仔骨好夾🥰最後整多個秘制辣雞翼，辣得超爆爽，鍾意食辣既朋友唔好錯過呀!!😝

放工諗唔到食咩，近近地又方便快捷，就揀咗飯堂😂三點三！！焗牛脷芝士炒飯 $78超正！已經食第二次啦😂牛脷厚切，仲要好大塊😗蕃茄芝士唔會好酸！上次係食意粉，今日飯桶上身😂嗌咗炒飯底！！食落啲飯唔算好乾身，我都係比較鍾意意粉多啲！！但個汁同牛脷係無懈可擊😝薄荷朱古力 +$14特飲加半價就有啦😍今次試咗！朱古力味重，放得耐咗啲冰開始用咗味道就偏淡😂南洋喇沙湯麵 $75朋友嘅至愛！😎喇沙湯底好濃，唔算辣！！仲要好多魚蛋片，蛋，蝦，好多配菜！！麵底係油麵底🤭👍🏼正呀！！三點三雜扒餐 $108絕對係抵食之選😳里個價錢有齊，司華力腸，豬扒，雞扒，煙肉，配埋蒜蓉汁😎勁多！！套餐包咗日式粟米湯，同埋薯條添！！食完好滿足！！（凍)檸檬百香果茶 +$19想飲啲消肥膩感嘅凍飲，所以嗌杯特飲😂百香果味比檸檬味更重！芝心蝦多士 $72蝦多士入面竟然有芝士😗好重口味呀！！

睇完戲去搵嘢食，見到茶記坐低食lunch ，勝瓜海鮮飯。勝瓜皮厚煮得好生，湯多過飯，碎濕濕八爪魚海鮮，完全太驚喜（水準完全唔得❌），如果要留到客，個廚真係要改改烹調方法，屋企煮都好味過佢！好少寫食評，因為想茶記能改善食物質素，或可參考坊間茶記蠔仔粥做法，用魚湯底，改善改善先可以令生意更多！

諗住係Airside行完，食下lunch。睇完open rice，發覺comment唔太差，就入左黎食。發覺一個午餐都80幾蚊都幾貴，但安全起見都要左個滑蛋雞扒飯，心諗雞扒應該點煮豆唔會難食！點知！雞扒超唔新鮮！超柴！一浸好濃嘅香料味！食左幾淡都食唔落去！真係太難食！難食到想嘔果隻！🤮！中伏！我個frd叫左個泰式船河都話超難食！頂唔順！勁伏！奉勸大家入黎食之前三思！估唔到茶餐廳都可以難食成咁！連雞扒都可以出事！🤮🤮🤮

同朋友行街，見到都幾多人幫襯，而且裝修好靚，望menu，價錢更加正！我同朋友各嗌一個餐，分別係香燒羊架餐同埋西冷牛扒餐，兩個都有包埋日式粟米湯，我哋仲選唔同配汁，黑椒汁同埋燒汁，好香好濃郁，搭配兩款肉真係好正🌟香燒羊架餐好香！份量好足！羊肉味濃不膻，味道爽口，回味👍👍全熟羊架，肉質好香滑，淋上燒汁/黑椒汁，味道更佳！🌟西冷牛扒餐肉質緊實，帶有小量脂肪，味道更加香口！七成熟真係好正！焦糖色外皮散發燒烤香味，肉質厚，肉味香濃，好滿足啊🌟芝心蝦多士非常推薦！作為小食角色，真係名利前茅！入面芝士濃郁，非常適合芝士控！香脆外殼，一啖咬落去，啖啖大滿足🌟哈哈哈炒飯好多料！份量好足！蝦大隻又鮮甜！加上肉鬆，炒飯真係好好味😋炒飯米粒粒粒分明，索曬配料同醬汁精華，好香！食完會想繼續食😋

去完啟德嘅新商場行完街就去搵嘢食，見到有間三點三冰室，價錢合理，亦都好多選擇。焗豬扒飯豬扒飯賣相一流，熱辣辣香噴噴，茄汁酸酸甜甜好開胃，豬扒煙煙韌韌，正！妙齡乳鴿乳鴿外皮金黃色好香脆，乳鴿醃得好入味，所以不用任何醬料就咁食已經好好味。芝心蝦多士（6件）蝦多士一碟有六件，入口香脆可口，蝦肉鮮甜爽口。三眼仔豬扒飯（煎熟蛋）豬扒有手掌般大，咬落多汁軟淋，加入甜豉油撈飯食，一啖一啖食唔停口。紅豆奶茶奶茶香濃幼滑，加入軟綿綿紅豆一齊飲，口感不錯。

去完啟德探BB，去新商場搵嘢食三點三都唔一定食下午茶食晚餐都可以好豐富瑞士雞翼煮得好入味啊，雞翼除咗好香瑞士汁味仲好Juicy鰻魚滑蛋炸熱狗二世祖撈丁（鮑魚，帶子，冬菇）呢個真係出色，唔想食撈丁咁單調，有名貴食材配搭南洋喇沙湯麵喇沙湯香濃，仲有大蝦🍤魚片同豆腐麵底份量都多，飲埋d湯好飽鐵板牛仔骨餐食牛仔骨，一定要配黑椒汁，牛仔骨肉質軟腍鐵板上仲有薯條做配菜咖喱安格斯牛肉飯呢個香辣味十足，好惹味安格斯牛肉份量多而且牛味香濃，有咬口而不韌妙齡乳鴿香燒羊架餐雪糕紅豆冰大大粒紅豆冰再配雪糕檸檬百香果茶鹹檸七