三點三冰室

营业中

休息中

諗住係Airside行完，食下lunch。睇完open rice，發覺comment唔太差，就入左黎食。發覺一個午餐都80幾蚊都幾貴，但安全起見都要左個滑蛋雞扒飯，心諗雞扒應該點煮豆唔會難食！點知！雞扒超唔新鮮！超柴！一浸好濃嘅香料味！食左幾淡都食唔落去！真係太難食！難食到想嘔果隻！🤮！中伏！我個frd叫左個泰式船河都話超難食！頂唔順！勁伏！奉勸大家入黎食之前三思！估唔到茶餐廳都可以難食成咁！連雞扒都可以出事！🤮🤮🤮

同朋友行街，見到都幾多人幫襯，而且裝修好靚，望menu，價錢更加正！我同朋友各嗌一個餐，分別係香燒羊架餐同埋西冷牛扒餐，兩個都有包埋日式粟米湯，我哋仲選唔同配汁，黑椒汁同埋燒汁，好香好濃郁，搭配兩款肉真係好正🌟香燒羊架餐好香！份量好足！羊肉味濃不膻，味道爽口，回味👍👍全熟羊架，肉質好香滑，淋上燒汁/黑椒汁，味道更佳！🌟西冷牛扒餐肉質緊實，帶有小量脂肪，味道更加香口！七成熟真係好正！焦糖色外皮散發燒烤香味，肉質厚，肉味香濃，好滿足啊🌟芝心蝦多士非常推薦！作為小食角色，真係名利前茅！入面芝士濃郁，非常適合芝士控！香脆外殼，一啖咬落去，啖啖大滿足🌟哈哈哈炒飯好多料！份量好足！蝦大隻又鮮甜！加上肉鬆，炒飯真係好好味😋炒飯米粒粒粒分明，索曬配料同醬汁精華，好香！食完會想繼續食😋

去完啟德嘅新商場行完街就去搵嘢食，見到有間三點三冰室，價錢合理，亦都好多選擇。焗豬扒飯豬扒飯賣相一流，熱辣辣香噴噴，茄汁酸酸甜甜好開胃，豬扒煙煙韌韌，正！妙齡乳鴿乳鴿外皮金黃色好香脆，乳鴿醃得好入味，所以不用任何醬料就咁食已經好好味。芝心蝦多士（6件）蝦多士一碟有六件，入口香脆可口，蝦肉鮮甜爽口。三眼仔豬扒飯（煎熟蛋）豬扒有手掌般大，咬落多汁軟淋，加入甜豉油撈飯食，一啖一啖食唔停口。紅豆奶茶奶茶香濃幼滑，加入軟綿綿紅豆一齊飲，口感不錯。

去完啟德探BB，去新商場搵嘢食三點三都唔一定食下午茶食晚餐都可以好豐富瑞士雞翼煮得好入味啊，雞翼除咗好香瑞士汁味仲好Juicy鰻魚滑蛋炸熱狗二世祖撈丁（鮑魚，帶子，冬菇）呢個真係出色，唔想食撈丁咁單調，有名貴食材配搭南洋喇沙湯麵喇沙湯香濃，仲有大蝦🍤魚片同豆腐麵底份量都多，飲埋d湯好飽鐵板牛仔骨餐食牛仔骨，一定要配黑椒汁，牛仔骨肉質軟腍鐵板上仲有薯條做配菜咖喱安格斯牛肉飯呢個香辣味十足，好惹味安格斯牛肉份量多而且牛味香濃，有咬口而不韌妙齡乳鴿香燒羊架餐雪糕紅豆冰大大粒紅豆冰再配雪糕檸檬百香果茶鹹檸七

去Airside睇完戲食晚飯，簡簡單單去咗三點三冰室食，經濟實惠。西冷牛扒餐 $134扒餐跟左個日式粟米湯，味道ok。牛扒大大份，肉質ok，一般茶餐廳應有水平，配上嘅蒜蓉汁好惹味。仲有跟碟嘅粗身薯條好香，外脆內軟，我哋好快食晒😆菠菜吞拿魚焗通粉$68白汁夠多，多得嚟又唔會膩，加上少少焗香咗嘅芝士，好易入口的。滑滑嘅菠菜碎同埋甘香吞拿魚碎，撈勻通粉大大啖咁食，幾好食。妙齡乳鴿 $62我哋仲叫咗隻炸乳鴿過口癮，本來我哋冇咩期望茶餐廳嘅乳鴿，點知又幾好食喎。乳鴿皮脆肉嫩，仲幾有肉汁添，估唔到唔喺酒樓都有靚乳鴿食。

黎到Airside 下午茶揀左呢間三點三裝修優雅舒服，卡位都好多價錢唔算貴，下午茶選擇都幾多先叫左份超邪惡西多勁厚身，即叫即做熱辣辣，中間夾著花生醬 再鋪上邪惡牛油同煉奶外皮做至微脆，食落超鬆軟絕對要開心分享，邪惡得來勁滿足紅豆冰平時飲得多估唔到紅豆奶茶都幾特別，有口感，唔會太甜膩妙齢乳鴿雖然唔係太大隻，但燒得皮脆肉嫩，juicy有肉汁生炸雞脾沙律 肉質嫩滑 充滿醃汁嘅味道外皮仲要卜卜脆，雜果沙律份量都唔少

三點三雜扒餐🥩$108個人嚟講最推介佢哋嘅鐵板扒餐，我今次就揀咗雜扒餐，真係超級豐富，一個餐有齊豬扒🐷、雞扒🐔、司華力腸🍖、煙肉🥓 同埋薯條🍟，每塊扒都唔細，食晒真係超級飽啊！同埋茶餐廳薯條點黑椒汁真係冇得輸😽😽套餐，已經包埋日式粟米湯🌽，飲品嘅話加幾蚊就有交易～ 晚餐食個鐵板餐真係幸福感滿滿啊🥰🥰咖哩安格斯牛肉飯 🐮$88咖喱汁嘅份量好多，估唔到牛肉份量仲多，用咖喱撈飯真係好正，唔覺唔覺成碗飯就食晒啦🙈🙈飲品方面，我就揀咗間$19轉特飲，揀咗黑牛（可樂+朱古力雪糕🍫），非常邪惡，但係好好味🤤🤤焗咖喱雞扒飯🐔$73焗咖喱雞髀飯係即叫即焗嘅，上枱熱辣辣，仲有拉絲芝士嘅加持，真係令人垂涎三尺😋😋飲品方面，一樣係加$19轉左特飲，揀咗好耐，最後決定要忌廉美祿暴龍！鮑魚蛋白素翅炒飯 🍲$82佢哋都仲有好多唔同嘅炒粉麵飯選擇，屋企人就揀咗個睇落比較清淡啲嘅，估唔到炒飯一樣好有誠意，充滿蛋香味！

3點3 冰室見都多人排隊，見到有蝦多士食， 有鰻魚飯食， 但原來常餐同下午茶都無， 於是叫左下午茶， 叫左香茅雞翼飯$60 左右現熱奶茶，奶茶上得好快， 一秒就到。 另一個係沙嗲牛肉麵$65 左右有麵包同炒蛋， 叫左茶走。 環境都幾大， 可以有好多卡位， 坐都舒服的。下午茶黎講唔算特別便宜， 但佢係商場入邊都無辦法， 如果佢夜晚仲貴， 我見有鐵板餐可能係百幾蚊， 蝦多士就$78 ， 鰻魚熱狗$100 左右， 價錢比較進取， 大家可能下午茶去食會抵啲！

陪閨蜜同毛孩去Airside散步 又到晚飯時間 我哋去咗茶記 食經濟晚餐-🥪芝心蝦多士🍖秘製辣雞翼喺茶記 最正路係叫套餐 望見附近枱客人點嘅小食 賣相幾得 於是我哋又試吓 蝦多士係超水準之作🥰 雞翼辣勁🌶️越食越有 淨食太辣 最好伴飯🍚-🥩雜扒餐食雜扒當然係貪佢大堆頭 有豬牛雞扒 煙肉🥓巨型司華力腸 再跟薯菜 淋啲黑椒汁慢慢食 鋸完一件又一件 食極都有 好鬼滿足-🦖美祿暴龍🫘紅豆杏霜叫主菜升呢轉特飲 只需半價🥹-🐂香煎牛仔骨伴飯牛仔骨三合一 有肉有骨有脂肪 啖啖牛仔肉 近骨位置牛味更濃 油脂甘香油潤 加埋燒汁泡菜好惹味 撈飯話咁快就食晒

三點三冰室放假去咗啟德Airside 行吓行到攰梗係要嘆返個三點三下午茶。坐返個舒服卡位先睇吓餐牌食咩先芝心蝦多士熱辣辣新鮮炸起蝦多士就食得多，但有芝心就第一次食，食落蝦多爽彈配上芝心真係好味道。鰻魚滑蛋炸熱狗呢個組合好特別，將鰻魚滑蛋同熱狗夾埋一齊。食落好有驚喜。估唔到呢幾款食物可以咁夾。下午茶餐生炸雞脾沙律雞脾好大隻外皮香脆雞肉好滑溜咬落好多肉汁。配埋呢個懷舊款沙律。啲童年回憶返哂嚟。下午茶餐生炸雞脾薯條配上呢款舊時快餐廳食既格紋薯條。點埋茄汁就最好食。下午茶餐超邪惡西多係雙層花生醬＋煉奶真係邪惡又好味。

𓈒𓏸 ⛅🍹 𓂂𓈒𓏸享受這份這‬放慢時間的愜意 *ೄ今日放工懶得煮飯，同男朋友去餐廳醫肚🥰🔅 芝心蝦多士必食推介！一層香脆麵包，一層蝦，一層芝士，再黎一層蝦，再黎一層麵包，好足料，一口咬落去，即刻爆芝士，好邪惡！🔅 香燒羊架餐男朋友係食肉獸，有三塊羊架配薯條，啖啖肉❤️下次想試吓配菜配焗薯，好少餐廳可以配焗薯，好期待。🔅 頭抽乾炒牛河炒出來河粉條條分明，唔會黏在一起，牛肉銀芽份量好足！香港炒麵經典菜式，食極都唔厭！😜仲嗌咗瑞士雞翼、乳鴿等小食，味道都唔錯，菜式豐富😝

一家人去食飯，最好就係冰室，多款選擇大人細路都啱食，一人一個粉麵飯又得，一家人share咁多款又得，再叫多個小食甜品share更滿足頭抽乾炒牛河好有鑊氣！用老抽炒色水夠晒，但唔會太鹹，牛肉片份量好多，同芽菜一齊炒好香口感好豐富老虎蟹避風塘炒麵係豪華之選，有軟殼蟹同虎蝦，炒麵炒得乾身，避風塘風味比起海鮮酒家當然冇咁突出，但以冰室來講已經好唔話得老港洋蔥豬扒飯個洋蔥汁雖然好多但唔會太重口味，有洋蔥鮮甜，撈白飯一流，豬扒都煮到好林份量仲好多菠菜吞拿魚焗通粉入面每粒通粉都藏住熱辣辣香滑白汁，面頭仲有焗芝士，𢳂起充滿吞拿魚蓉同菠菜絲迷你炸饅頭配有紅糖同煉奶各有風味，饅頭炸得外脆內軟做甜品一流飲品方面，特別推薦薄荷朱古力特飲，跟餐有半價，只需$14 ，朱古力好濃香，薄荷清新甜甜地，係童年回憶嘅味道

今日一早要去啟德辦事，所以為咗就腳揀咗Airside入面唯一一間茶餐廳。環境正常，水要自己行出去斟，QR code自己落單，都係而家最興嗰種全自助嘅方式。平日嘅人唔多，隔離M仔更旺~茶餐廳早餐都係嗰d，第一次嚟就叫最安全嘅沙牛麵話咁快個早餐就上枱啦~杯鴦澀味比較重，唔建議少奶。丹麥多士同火腿正常。隻炒滑蛋就落奶炒嘅，食落個面都好似濕濕哋，但其實個心已經熟曬。更重要嘅係隻蛋薄到... 感覺師傅倒蛋漿落爐個殼應該同一人邊爐嗰個殼差唔多到咗全餐最緊要嘅主角，沙牛麵都正正常常嘅。個麵可以加錢轉一丁/辛辣麵。唔轉嘅話個麵食落唔似公仔/大光。食咗兩啖幫d牛肉轉身，發現最大嗰塊係咁嘅可能係我咁啱唔好彩，佢畀咗煲底痴底嘅肉我啦... 其他牛肉係正常嘅，沙嗲味有d淡，亦當然係冇肉味😆 各位去食嘅時候就祝你哋好運啦~今次有事做就喺Airside呢邊食早餐，如果有時間嘅話，過一街之隔嘅新蒲崗會有好多更架正嘅茶記囉~

三點三下午茶同屋企人行完街見過呢間餐廳，裝潢新穎，座位舒適寬闊，仲有好多選擇妙齡乳鴿，熱辣辣，皮脆肉嫩，好多肉汁，估唔到呢度都有乳鴿食瑞士雞翼鰻魚滑蛋炸熱狗，本來想叫鰻魚滑蛋飯，見到炸熱狗之後好想試吓，個炸熱狗鬆脆又軟熟，配埋鰻魚同滑蛋大大啖咬落去，好夾好好味二世祖撈丁（鮑魚，帶子，冬菇）香燒羊架餐，鐵板餐一上枱已經聽到渣渣聲，氣勢十足，羊架夠腍，又唔會過熟，配菜仲有好多薯條南洋喇沙湯麵鐵板牛仔骨餐咖喱安格斯牛肉飯雪糕紅豆冰檸檬百香果茶，檸檬茶加埋百香果酸甜味，好豐富鹹檸七，解渴之選

香港必嘗既美食就一定係港式冰室/茶餐廳，位於啟德Airside既「三點三冰室✨」絕對係必食既茶餐廳，餐廳環境舒適，食品有傳統美食，亦有新派菜式，非常美味。首先要推介佢哋嘅「避風堂海鮮炒麵」🍝，麵條彈牙，配上各式海鮮如蝦肉、魷魚粒等，仲有香濃避風塘炸蒜粒，超級好味。另一道「XO醬豬扒炒烏冬」🍜值得推介，豬扒嫩滑多汁，與Q彈嘅烏冬完美配搭，XO醬汁更是百搭。而「菠菜吞拿魚焗通粉」🍝，通粉煙韌爽口，吞拿魚鮮甜美味，再加埋香濃芝士實在太好味。如果想來碗湯麵，推介佢哋嘅「南洋喇沙湯麵」🍜，湯底濃郁鮮甜，配上彈牙魚片等配料，必點之選。最後再來一份「鹽酥花枝丸」🍡作為小食，外皮酥脆，花枝丸夠彈牙。總括而言,「三點三冰室✨」絕對係一間不能錯過嘅正宗港式茶餐廳。